ملتقى طلاب وطالبات جامعة الملك فيصل,جامعة الدمام - حالة نصب في مكتبة جامعة الملك فيصل

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 1 (https://vb.ckfu.org/f310)

- - حالة نصب في مكتبة جامعة الملك فيصل (https://vb.ckfu.org/t138356.html)

الرادار

2011- 1- 21 11:48 PM

حالة نصب في مكتبة جامعة الملك فيصل

مساء الخير للجميع

حقيقة توي اطرح قصتي في المنتدى لزحمة الاختبارات إلي ما خلتنا نتنفس.....

قصتي قبل الاختبار بأربعة أيام كنت ناوي اشتري كتب بس أنا مدينتي بعيده من الشرقية ولا فيها الكتب قلت اتصل على مكتبة الجامعة الرسمية و اشتري منها الكتب وهما بيرسلونها لي بريد اتصلت ورد علي مصري وهو بيشيلني من الأرض بكلامه يا بيه إحنا خدامينك من ذال الكلام وأعطاني رقم جوال مصري ثاني المهم قال نفس الكلام بس هذا مديرهم يعني أثقل ...

ألزبده قال أرسلي 250 للكتب الخمسة و80 للبريد الممتاز قلت في نفسي والله رخيصة وحولت على حسابه الفلوس وفعلاً ماطو لت إلى والبريد يتصل علي......

أخذت الكتب اقلبها إلى و هيه نفس المقرر (الشرائح) إلي في البلاك بورد بس مصورينها كل ماده لحالها ...

عاد وقتها انفجرت من الغبنه مكتبة معترف فيها من الجامعة و أجانب وصلت بهم الجرئه أنهم يستغلونا والمشكلة إن سوقهم ماشي و الطلاب يشترون....

اتصلت على مديرهم وقلت هذي مصوره من البلاك بورد وأنا طلبت الكتب قالي بكل بساطه هذي مشكلتك!! احنا نتعامل مع آلاف الطلبه أول طالب يتصل ويعمل مشكله!!! يعني يا غافل لك الله...............

أكيد ماني أول واحد بس أتمنى أني أكون آخر واحد

طبعاً ما راح أخليها تعدي بالساهل هذي غلطتي وراح أصلحها إنشاء الله عندي دورة عمل في الشرقية راح أوصل للمسئولين في الجامعة وإذا استلزم الموضوع رحت الشرطة ما يهم رجعت الفلوس أو ما رجعت المهم إني أرد اعتبار أي (سعودي) استغلوه .........

حبية اعرض الموضوع.... للتنبيه....... وآسف على الإطالة..............

جاك سبارو

2011- 1- 21 11:52 PM

رد: حالة نصب في مكتبة جامعة الملك فيصل

والله مشكلة هذا وأنت قايل لهم الكتب يقومون يرسلون لك المحتوى ..لا تسكت عن حقك وبعدين الناس في هالوقت صارت مثل المنشار على قولة المصررين طالع ماكل نازل ماكل

الله يعينك وشكراً للتوضيح

ماجد32

2011- 1- 21 11:53 PM

رد: حالة نصب في مكتبة جامعة الملك فيصل

والله ماشريت ولا كتاب . الله يطول بعمر ابو موزة ماقصر:d5::d5::d5:

data_1

2011- 1- 22 12:04 AM

رد: حالة نصب في مكتبة جامعة الملك فيصل

اقتباس:

المشاركة الأصلية كتبت بواسطة ماجد32 (المشاركة 2522388)

والله ماشريت ولا كتاب . الله يطول بعمر ابو موزة ماقصر:d5::d5::d5:

طيب هيه هيه انا صورت ملخصات ابو موزه باكثر من 300 ريال

يعني سيم سيم

عزووف

2011- 1- 22 12:08 AM

رد: حالة نصب في مكتبة جامعة الملك فيصل

يؤؤؤؤؤؤؤؤؤؤؤؤ الله يعينك لا تسكت لهم ابدآ خذ حقك منهم حسبي الله ونعم الوكيل

بو الياس

2011- 1- 22 12:57 AM

رد: حالة نصب في مكتبة جامعة الملك فيصل

تبي النصيحة بلا شرطة بلا كلام

والله ماحد حولك لا شرطة ولا ادارة جامعة

المصري حيحلف انه انت قايل له ملازم أو محتوى

والشرطة ولا المحاكم حقولك هات مايثبت أنك طالب الكتب

أذا ماعندك تسجيل للمكالمة ريح نفسك .. محدش حينفعك

كبر المخدة :24_asmilies-com:

آية النور

2011- 1- 22 01:06 AM

رد: حالة نصب في مكتبة جامعة الملك فيصل

وين مكتبة الجامعة الرسمية ؟

انا شريت المحتوى بنفس سعرك! 250 ريال من مكتبة الاجيال بالدمام مو ذاكرة كم بالضبط

بس في حدود الـ 200 واعتقد وياهم 50

المبلغ غالي جداً .. , و رفع ضغطي :tongue:

,,

بس اللي صار لك انهم خدعوك صراحة

صمت أنسان

2011- 1- 22 01:14 AM

رد: حالة نصب في مكتبة جامعة الملك فيصل

تبي النصيحة أعتبرهـ درس وكلفك 330 ريال

يعني وش بتستفيد

صحيح أنها حركة بايخة لكن أشتكي في الجامعه وأن كنت أجزم ماراح أحد يفيدك

وسالفة الشرطة والله وأنا أخوك عندي موضوع مبلغ وقدرة وله 4 سنوات ولاحولك أحد

‏آبۉ غـــلآ/~

2011- 1- 22 08:16 AM

رد: حالة نصب في مكتبة جامعة الملك فيصل

الله يعينك ،،

هذا درس جديد ،،

وكويس انك طرحت هالموضوع علشان الطلاب الجدد ينتبهون ،،

لاهنت

Beba	2011- 1- 22 08:32 AM

رد: حالة نصب في مكتبة جامعة الملك فيصل

الله يكون في عونك

:icon9:

انت من

2011- 1- 22 10:17 AM

رد: حالة نصب في مكتبة جامعة الملك فيصل

معوض خير ان شاء الله

الثقل كله

2011- 1- 22 10:22 AM

رد: حالة نصب في مكتبة جامعة الملك فيصل

من جد شي يقهر والله يجزاك خير انك نبهتنا وهذا يخليك اذا اشتكيت للجامعه قلهم كذا معناته انكم تطالبون بدراسة المحتوى فقط !!!!!!! يعني ماعلينا من الكتب يعني الاخ بلغرسه لايتفلسف بموضوع الكتب وبالاخير ماوفرلك الكتاب

!!عزيز نفس!!

2011- 1- 22 11:21 AM

رد: حالة نصب في مكتبة جامعة الملك فيصل

بالنسبة لي مأخذ الملازم كلها بـ93 ريال من مكتبة ضياء الهندسة بالدمام

حي الفيصلية لا ووعدني بملازم المستوى الثاني وبسعر قريب بعد من هالسعر

عموما الأجانب من جد أستغلونا وحاطين في بالهم أن السعودي ينام على فلوس !!

وأنه جاي السعودية بيلعب على الكل ويترس جيبه ويمشي !!

طبعاً أنا ماأعمم لأنه في أجانب ينحطون على الجرح يبرى ,, بس الأغلبية نظرتهم للسعودي كذا

ولد حبيل

2011- 1- 22 11:25 AM

رد: حالة نصب في مكتبة جامعة الملك فيصل

الله يخلي الاخ فهد الشمري
وابو موزة توزيع مجاناً
بلا وجع راس
ولا مكتبة الجامعة

الطالبة المعذبة

2011- 1- 22 03:38 PM

رد: حالة نصب في مكتبة جامعة الملك فيصل

اقتباس:

المشاركة الأصلية كتبت بواسطة data_1 (المشاركة 2522432)

طيب هيه هيه انا صورت ملخصات ابو موزه باكثر من 300 ريال

يعني سيم سيم

أما عاد 300 ريال
حبر ثلاث علب بـــ 50 ريال و800 ورق ابيض بـ20 ريال وتسليك كل ملزمة بــ 4 ريال ماخليت حاجة الا طبعتها ماهو بس ملخصات بوموزة

الراســـي

2011- 1- 22 03:53 PM

رد: حالة نصب في مكتبة جامعة الملك فيصل

:41jg:عليك بجلدهم حتى يكونو عبره لغيرهم

أوفى الخلق

2011- 1- 22 04:15 PM

رد: حالة نصب في مكتبة جامعة الملك فيصل

لاتسكت عنهم
والله قهر وين عايشين :017:

bndr	2011- 1- 22 06:34 PM

رد: حالة نصب في مكتبة جامعة الملك فيصل

الله يعز الملخصات اللي نزلتها من المنتدي ... طبعتهم من الشركة ( من العمل بتاعي ) وبسسسس وذاكرت منهم والحمد لله اختباري كان ممتااز اوي اوي ....

بلا كتاب وبلا هم

إبتسامة

2011- 1- 22 07:30 PM

رد: حالة نصب في مكتبة جامعة الملك فيصل

والله المكتبه اللي حول بيتنــا طبعت لي كل الملخصات اقتصاد + قانون+ محاسبه أبو موزة

ادارة < فهد الشمري

وقال لي بس بـ 150

استغربت اشوف الكل يقول ان الطباعه تكلف 300

http://www.almlf.com/get-1-2011-almlf_com_dgxodbp9.jpg

لولوكاتي

2011- 1- 22 07:35 PM

رد: حالة نصب في مكتبة جامعة الملك فيصل

هههههههههههههههههههه يعني هو النصب بس في المكتبة الدنيا كلها من حولك نصب في نصب والشاطر ينصب معهم
:lllolll::lllolll:

علوووش

2011- 1- 22 08:47 PM

رد: حالة نصب في مكتبة جامعة الملك فيصل

فعلا انا ارسلت واحد لمكتبه الاجيال بالدمام وجابلي المحتوى ب220ريال نفس المحتوى الي بالبلاك بورد لا وناقص بعد ما استفد منهم كلهم راكنهم بجنب ورجعت انزل من المنتدى وارتحت وهذه اعتبرها درس لي

عبـــــادي

2011- 1- 23 01:25 AM

رد: حالة نصب في مكتبة جامعة الملك فيصل

اقتباس:

المشاركة الأصلية كتبت بواسطة الرادار (المشاركة 2522364)

طبعاً ما راح أخليها تعدي بالساهل ذي غلطتي وراح أصلحها إنشاء الله عندي دورة عمل في الشرقية راح أوصل للمسئولين في الجامعة وإذا استلزم الموضوع رحت الشرطة ما يهم رجعت الفلوس أو ما رجعت المهم إني أرد اعتبار أي (سعودي) استغلوه .........

حبية اعرض الموضوع.... للتنبيه....... وآسف على الإطالة..............

اتفق معك:d5: لاتخلي حقك
مايضيع حق وراه مطالب

فرنسا

2011- 1- 23 01:31 AM

رد: حالة نصب في مكتبة جامعة الملك فيصل

حتى انا صاارت معي كذا
قالي انو عندهم ملخصاات ومهمهـ مررررهـ وكل الاختبارات منها وكل الطلاب يجوون يااخذوون منهم

وانا ماصدقت خبر :biggrin: رحت واخذتهم
بالاخير طلعو نفس المحتوى واللي قهرني اكثر انو في مواد ناقصهـ المحاضرات مو كل المحتوى طابعينهـ
:mad:

كل اللي سويتهـ انو قلت مالت عليهـ وعلى اللي يصدق كلامهـ >>تعبت نفسي كثير :hahahahahah:

عقدألماس

2011- 1- 23 01:59 AM

رد: حالة نصب في مكتبة جامعة الملك فيصل

اقتباس:

المشاركة الأصلية كتبت بواسطة data_1 (المشاركة 2522432)

طيب هيه هيه انا صورت ملخصات ابو موزه باكثر من 300 ريال

يعني سيم سيم

وش دعوة لو رايح المكتبة وماخذها من عندهم ماوصلت هالقيمة انا شريتهم كلهم من مكتبة فجر تقريبا المحاسبة 40 والقانون 7ريال الأقتصاد 10ريال شايف الفرق اقل من ربع القيمة ,,,

عقدألماس

2011- 1- 23 02:02 AM

رد: حالة نصب في مكتبة جامعة الملك فيصل

انا عن نفسي بو موزة ماقصر معي وهو والشمري الله يجزاهم كل خير ,,,:(204):
مع ان كل الكتب عندي ,,,
ويالله شد حيلك ,,,:41jg: ولا تسكت عن حقك
وافينا بالأحداث بعدين :33_asmilies-com:

شـــرق

2011- 1- 23 02:49 AM

رد: حالة نصب في مكتبة جامعة الملك فيصل

انا أقول ترى الجرايد تدوّر هالسوالف

InSpIRe

2011- 1- 23 08:08 AM

رد: حالة نصب في مكتبة جامعة الملك فيصل

Too much
لاتسكـــت والله ماذبحنـــــــا الا طيبتنا مع الأشكــــال هذي :mad:

*hala*

2011- 1- 23 08:55 AM

رد: حالة نصب في مكتبة جامعة الملك فيصل

أرسل للجامعة ووثق خطاباتك واذا ماردو عليك سوي زي ماقال أخوي شرق

وإذا تعرف أحد بالجريدة يكون أحسن بعد

متكي ورا الشمس

2011- 1- 23 09:16 AM

رد: حالة نصب في مكتبة جامعة الملك فيصل

الله يعينـك لا تسكت عن حقك خش بعينه

مصري يدخلك البحر ويطلعك عطشـــان

نصابين الله يهديهم

فارس740

2011- 1- 26 04:10 AM

رد: حالة نصب في مكتبة جامعة الملك فيصل

لا حول ولا قوة الا بالله :41jg:

All times are GMT +3. الوقت الآن حسب توقيت السعودية: 08:21 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه