|
يـومـيـات طـالـب/ـة جـامـعـي/ــة !
السلام عليكم و رحمة الله و بركاته أخواني و أخواتي أعضاء الملتقى ... تحية طيبة لكم جميعاً سنخصص هذا الموضوع لعرض مذكرات و لحظات و مواقف تعرضنا لها ... سواء في المناسبات العامة أو المواقف الشخصية ! هذا الموضوع مفتوح للجميع ... و لا بد أن نراعي شروط و ضوابط المشاركة في تعقيباتنا ...http://www.asmilies.com/smiliespic/happy/119.gif بـــالــتــوفــيــق لــلــجــمــيــع تـحـيـاتــي بــو احــمــدhttp://www.cksu.com/vb/uploads/13075/1148084175.gif |
رد: يـومـيـات طـالـب/ـة جـامـعـي/ــة !
السلام عليكم و رحمة الله و بركاته
الأربعاء 13/10/1426هــ - 16/11/2005 م بدئنا دوامنا بأخذ المحاضرات التي اعتدنا عليها كل أسبوع ... في ذلك اليوم قرر الطلاب جميعهم تأجيل الإختبار النصفي المقرر يوم السبت ، و استبداله بمادة أخرى ... قام الطلاب بالتوقيع و كتابة أسمائهم و أرقامهم الأكاديمية في ورقة ، و قدموها لرئيس لجنة الإختبارات ( من أعاضاء هيئة التدريس) . إلا أنه لم يوافق على ذلك ... لأن جدول الإختبارات تمت الموافقة عليه في شهر رمضان الكريم ، و تم ترتيبه حسب ما يريده الطلاب ! إلا أن الطلاب لم ييأسوا ... و في نهاية دوام يوم الأربعاء ... ذهبوا إلى مكتب وكيل العميد ... و أخبروه بأنهم يريدون تأجيل أختبار يوم السبت لمدة أسبوع كامل ! ، و أستبداله بمادة أخرى ! أخذ وكيل العميد مصلحة الطلاب و رغبتهم فوق كل شئ ! و لهذا وافق على ذلك ... و أشترط على الطلاب أن يُبلغوا زملائهم قبل الساعة العاشرة مساءً ، و إلا لن يتم التأجيل ! فبدأ الطلاب من تلك اللحظة إعلام الجميع بتأجيل الإختبار و ذلك عن طريق الإتصالات المكثفة ... و إرسال المسجات للجميع و التأكيد على ذلك ! و بذلك تم تأجيل الإختبار ! |
رد: يـومـيـات طـالـب/ـة جـامـعـي/ــة !
الدكتور غايب يوم الإمتحان النهائي
في أحد الإمتحانات النهائية الدكتور ما جاء وما عمل أمتحان نهائي وتفاجأنا وقالوا ماراح يجي الدكتور وفي الأخير نجح كل الطلاب على الحفة بأي حق يعمل كذا ما أدري ؟؟ |
رد: يـومـيـات طـالـب/ـة جـامـعـي/ــة !
السلام عليكم مشكور اخوي بواحمد وان شاء الله لي عوده مع موقف محرج لي في محاضره حاسب عملي تحياتي |
رد: يـومـيـات طـالـب/ـة جـامـعـي/ــة !
اقتباس:
بأي حق يتم عمل ذلك ... و كيف تم تقييم الطلاب و ما هي المعايير في ذلك شكراً جزيلاً لك |
رد: يـومـيـات طـالـب/ـة جـامـعـي/ــة !
اقتباس:
و نترقب تعقيبكhttp://www.asmilies.com/smiliespic/happy/119.gif |
رد: يـومـيـات طـالـب/ـة جـامـعـي/ــة !
السلام عليكم اجمعين
اتحفنا بقارءة قصصكم لقد اثرت اوراق الماضي يااباحمد ^_^ لا تخلوا المرحلة الجامعيه من المواقف المخجله والبعض الآخر الطريف سوف اذكر حادثه كانت مؤلمه في وقتها بالنسبة لي لكن الآن كلما تذكرتها اضحك أنا كطالبه اخاف كثيرا و لا اتجرا أن أخالف أو اتخلف عن المحاضرات باي شكل من الأشكال صادف ذات يوم ان كانت لدينا مدة متطلب من 3 الى 5 وانا ذاك اليوم جدولي ممتلئ على الآخر فقالت لي زميلتي خلينا نمشي قلت لا أخاف من الدكتور لن ينادي ويسال قالت لي انتي انتهى دورك وسالك يعني لو مشيتي مابيسال عن اسمك وانا كنت رافضه لكنها بالحاح منها رضيت ومشيت للبيت وفي اللحظه اللي وصلت فيها دقت صديقتي قالت وين انتي فيه قلت في البيت قالت الدكتور ينادي باسمك أنا زين مامت من الخوف ذاك اليوم من الايام السود التي لا تنسى ارتفعت حرارتي من الخوف ومرضت وحلفت مية حلف مااهرب مرة ثانيه من محاضرة عساها مع عزرائيل اليوم الثاني شافتني البنت اللي دقت علي وقالت لي أجل ويش رايش في مقلب أمس طبعا انا ماتوقعت انها كانت تمزح معي وان الدكتور لا نادى و لا شي اتمنى استمتعتوا بقرائتها ومااحد ياكل نفس المقلب |
رد: يـومـيـات طـالـب/ـة جـامـعـي/ــة !
اقتباس:
ربي زدني علما هذا إن دل على شئ ... فإنه يدل على حرصك على حضور المحاضرات و عدم التغيّب ...http://www.asmilies.com/smiliespic/happy/119.gifhttp://smilies.sofrayt.com/^/aiw/good.gif بالنسبة للمقلب ... هههههههههههههhttp://smilies.sofrayt.com/%5E/c0/skullgrin.gif بس ما توصل انك تمرضين و ترتفع حراراتك http://www.asmilies.com/smiliespic/msn/017.gifhttp://www.asmilies.com/smiliespic/msn/018.gif يعني خير يا طير لو سجلك الدكتور غيابhttp://smilies.sofrayt.com/%5E/c0/haha.gif |
رد: يـومـيـات طـالـب/ـة جـامـعـي/ــة !
السلام عليكم
انا كان لي موقف محرج وكان الموقف يوم الاحد كانت عندي محاضره حاسب عملي من الساعه 8الى الساعه10 الصبح وبعدها محاضرة كيمياء من الساعه11الى12 جاء الدكتور المعمل وكان الدرس عن المايكروسوفت:confused: وقال الدكتور الي اشوفه فاتح النت بخصم عليه وبطرده المشكله انا مو مقتنع في المنهج يعني طلاب جامعه يعلمونهم على المايكروسوفت انا ولاهتميت في كلام الدكتور وفتحت النت وفتحت المسنجر بعد وعلى غفله وانا مادري صار الدكتور وراي وشافني فاتح صفحات الويب وفاتح المايكروشوفت ولاسويت اي عمل ولاشي ووقام واحرجني قدام الطلاب وطردني وخصم علي درجات بعد طردني تقريبا الساعه8ونص والمحاضره الثانيه لازم انتظر فتره طويله على ماتبدأ قلت في نفسي احسن لي اروح البيت وانام وافكر بعدين ارجع اولا:D :D رحت البيت ولارجعت خخخخخخخخخ مو مثل بعض الناس بس حطوهم غياب مرضوا وجاتهم حراره هذا الموقف وان شاء الله لو تذكرت موقف ثاني رايح اكتبه هنا تحياتي |
رد: يـومـيـات طـالـب/ـة جـامـعـي/ــة !
ههههههههههههههههههههههhttp://smilies.sofrayt.com/%5E/c0/haha.gif
تستاهل يا عبد الحميد ليش ما تسمع الكلامhttp://smilies.sofrayt.com/^/aiw/tease.gifhttp://smilies.sofrayt.com/^/aiw/search.gif |
رد: يـومـيـات طـالـب/ـة جـامـعـي/ــة !
سلام عليكم
مشور اخوي بواحمد على فتح الصفحة التي تضم المواقف الجميلة للجامعة والطلاب ربي زدني علما تراها حريصة جدا ولما تشوفني طالعة من محاضرة حتى لو بس بجيب لي كافي وبرجع تهيج علي ^_^ عبدالحميد اجل فاتح النت والمسنجر ذكرتني لما كنا ناخذ مقدمة بالحاسب الالي كنا نفس الشيء بالعملي طبعا المشرفة تجي تاخذ حضور وتتطلع عاد احنا نحوم بالمعمل الي قايمة والي قاعدة وكنت انا وصديقتي ( المرجوجة) الله يذكرها بالخير عاد هي جات وفتحت النت وقاعدة تقراء نكت وتضحك وكل اشوي مناديتني اشوف هالنكته انا عاد اسم يعني بسوي الواجب وبرسله وقاعدة بناقش الدكتور فيه اخر شيء خلتني اجلس جنبها اشوي الا المشرفة دخلت واحنا في خبر كان وطبت علينا قالت شو عندكم واجب او انترنت وبتتصفحوا بس ماوبختنا كثير ^_^ لانها تعرفني .. قلتت لها اني خلصت واجبي وكذا يعني لفقنها ,,,, بقول لكم موقف صار لنا السنة الماضية السمستر الاول كنا ندرس مادة (تحليل حقيقي1) وطبعا طلاب الرياضيات عقدتهم التحاليل الحقيقية لانها اصعب المقررات وكان يوم الاربعاء اختبارنا النصفي من 7.30الى9,30 وبعدها فاضين لين الساعة 1 عندنا محاضرة وكان هالشيء كل اسبوع بس كنا نقضي هالوقت الفاضي بالغالب نحل واجبات وكذا .. بهذا الاسبوع كان اختبار التحليل النصفي والاختبار كان بمستوى صعوبة جداً يعني طلعنا من الاختبار وعلى وجوههم الغمامة ولا وحدة طايقة تتكلم ولا تتناقش وكل وحدة دموعها بعينها ^_^ عاد جلسنا كالمعتاد انا وربعي بمقرنا قبال بث 7 طبعا احنا طلعنا من بث 7 ودخلو ورانا على طول طالبات ( تطبقية1) عندهم اختبار نصفي ايضا وضلينا ساكتين وكائيبين اشوي الا تجي صديقتي من بنات الاحياء الي هي (المرجوجة) تعرفونها^_^هي وبنت عمتها وجلسوا جنبنا اشوي مانشوف الا قلبنا ضحك واستهبال وقمنا ننكت تالي قاموا ينشدون ويغردون وطبعا الصوت بين القاعات بسرعة يوصل واحنا لاجتمعنا وروقنا الله بالخير في الضحك ^_^ مانشوف الا طالعة لنا استاذة حنان ( معيدة بقسمنا) كانت تراقب على اختبار تتطبقية وتقول بنات اشفيك زميلاتكم يختبرون عاد اسكتوا الربع وافشلوا وجات الصكة فيهم لان كلنا تعرفنا وانا كنت عاطية باب القاعة ظهري يعني لما طلعت ماعرفت من هذي البقية كلهم مقابلينها عرفتهم وقالوا اي انتي الي تغرددين والصكة تجي فينا خخخخخخ بس سلمت من هذي وماسلمت من البنات كل ماطلعت بنت من الاختبار جات تقولي ها مروقين ماخليتونا نختبر والي تقول ودي اطلع معاكم والي ماخليتوني اركز ^_^ >>> عاد لقطوا اوجيهنا لحظتها اختكم ولاية |
رد: يـومـيـات طـالـب/ـة جـامـعـي/ــة !
هلا ولايه
اتحفتينا بمواقفش صج تفشل بس لها طابع خاص أما بالالتزام طبعا مو متروك لش لأني استغرب انش رياضيات وكله اشوفش برة طبعا هذا لأنش مضبطه نفسش مع المشرفات مشكورة اختي ولايه ومشكور اخوي حميد على مواقفكم الحلوة وفقتم لكل خير |
رد: يـومـيـات طـالـب/ـة جـامـعـي/ــة !
ربي زدني علما
>>> عاد خليها مستورة لاتفضحين ترى لا تصدقونها احضر بس اتسيب احيانا ^_^ يعني اذا مادة تخصص وجالسة اكتب بس مافهم شحقه اقعد ماشغلتي الا اكتب ولا فاهمة شيء احس شيني مسبهه عاد في هذه الحالة اتسيب ^_* |
رد: يـومـيـات طـالـب/ـة جـامـعـي/ــة !
خخخخخخخخخخخخ
ولايه انا كنت ناويه بخليها مستورة بس انتي فضحتي على روحش أنا حضرت وياش كذا مرة ومسويتها سوالف انتي ومجموعتش لو الدكتور وياكم كان طردكم بس هذي وحده من اللطف الالهي عليكم تحياتي |
رد: يـومـيـات طـالـب/ـة جـامـعـي/ــة !
خخخخخخخخخخخ
هذي يوم جبناها معنا ابلة ربي زدني علما ولا استتطاعت تقعد معنا ماتحملت جو الاستهبال الي عندنا بالمحاضرات خخخخخخخ لكن اذا الدكتور يشرح ممتاز ونفهم نصيغي اليه عدل والله مواقف الجامعة كثرة عندنا مواقف الطريق الى الجامعة ذهاباً واياباً يوميا انا وربي زدني علما لان بنفس الباص تبون منها اتحفيهم يا ربي زدتي علما ^_^ |
رد: يـومـيـات طـالـب/ـة جـامـعـي/ــة !
اقتباس:
هههههههههههههههههههhttp://smilies.sofrayt.com/%5E/c0/haha.gif ايه .. بعد معاكم المرجوجة ... أكيد بتفلونها فـــلـــة ... و ضحك و نكت خخخخخخخخخhttp://smilies.sofrayt.com/%5E/r/cheese.gif |
رد: يـومـيـات طـالـب/ـة جـامـعـي/ــة !
اقتباس:
التسيب موجود عند الطلاب و الطالبات ...http://www.alhsa.com/forum/images/el...milies/1aa.gif خصوصاً لما يكون الدكتور طيّب ... يستغلونه الطلاب و يظهرون من القاعة قبل ما يحضر ... و ألي يزيد الطين بله لما الدكتور ما يسجل غياب ... حتى الطالبات عندهم تسيّب ... http://www.m5zn.com/uploads/a3b23fadc9.gif |
رد: يـومـيـات طـالـب/ـة جـامـعـي/ــة !
:)
مواااقف حلوه اصبروا علي كم اسبوع وادخل الجامعة واخبركم بمواقفي<<<بزر هههه ;) |
رد: يـومـيـات طـالـب/ـة جـامـعـي/ــة !
اقتباس:
ههههههههههههههhttp://smilies.sofrayt.com/%5E/c0/haha.gif بصراحة ... أحلى المواقف صارت لي لما كنت بسنة أولى جامعةhttp://www.m5zn.com/uploads/0dcdda7756.gif ... خخخخخخخخhttp://smilies.sofrayt.com/%5E/c0/evillol.gif ننتظرك يا عبد المجيدhttp://smilies.sofrayt.com/^/aiw/clapping.gif |
رد: يـومـيـات طـالـب/ـة جـامـعـي/ــة !
أهلا بالاعضاء مرة أخرى
رجعت هالمرة مع موقف جديد بما ان ولايه طلبت اذكر لكم مواقف الباص مع بداية موقفنا.......... كنا يوم رايحين الجامعه ندرس صيفي أنا وولايه وبنت من الجامعه و اختها اللي تدرس في المعهد المهم ذاك اليوم السواق كان معصب من بداية اليوم و لا يعلم السبب لماذا .........صايرة عربيه فصحى خخخخخ المهم وصلنا المعهد أول وانزلت بنت المعهد.... طبعا البنت مو أول مرة تجي المعهد !!! صار لها سنه تدرس فيه البنت نزلت وراحت مكان ثاني خخخخخخخ طبعا السواق عصب عليها قال ... ذي اللي يشوفها يقول أول مرة تجي المعهد ونزل وراها المكان المهم مشينا بنروح الجامعه ووقف السواق عند الاشارة خخخخخخ البنت اللي ويانا افتحت الباب بتنزل فكرت وصلنا الجامعه ^_^ خخخخخخخخ والسواق كان يحترق غضبا بس ماتكلم .... بس ماعدت:hhheeeart4: المهم وصلنا الجامعه وكنا كاتبين في الدفتر 12 ولما جينا بننزل كلنا قالت البنت بنمشي 12 ونص البنت احنا قلنا لها 12 ونص وماشفنا السواق :000: :000: :000: الله لا يوريكم أول مرة شفنها شذا طبعا البنت اكلتها اكثر لأنها هي تكلمت خخخخخخخخخ وولايه طبعا كانت مو ويانا كانت كالمعتاد سرحانه وتضحك خخخخخخخخخ وهذي شقلتها في الباص واحنا طبعا و لا نفس............. سكتنا .......... وكأنا على رؤوسنا الطير خخخخخخخخخخخخ بس نزلنا من السيارة وجلسنا نضحك على نفسنا بس بجد في وقتها كنا ميتين من الخوف لأن كانت أول مرة السواق يكلمنا شذا وطبعا ماتتكرر الموقف واعتذر لنا بطريقته السواق واذا ذكرنا الموقف الحين طبعا نضحك هذا اللي عندي حاليا وان شاء الله ارجع لكم بموقف جديد تحياتي |
رد: يـومـيـات طـالـب/ـة جـامـعـي/ــة !
ههههههههههههههههههههههhttp://smilies.sofrayt.com/%5E/c0/haha.gif
لا تستغربين يا ربي زدني علما الواحد بعض الأحيان تصير له ظرووف ما يقدر يكتم غضبه ,,, حتى حالته النفسية الواحد بسهولة يكتشفها ... و بعضهم بالعكس ... ما يظهر عليه شئ ... بس لما الواحد يرافقه ... يحس أنه فيه شئ ... مثلاً يسرح كثيييير ... و يسوي أعمال تدل على أنه متوتر ...http://www.asmilies.com/smiliespic/msn/004.gif |
رد: يـومـيـات طـالـب/ـة جـامـعـي/ــة !
اي صج موقف ماننساه
لان سوقنا مافي مثله والله طيب حيل بس تعرف ضغوط عليه يعني يجلس من الفجر لي المقرب رايح راد ماينزل من هالباص بس ذاك اليوم ربي زدني علما تسمرت بمكانها خخخخخخخخخ وصج كل ماذكرنا الموقف نضحك |
رد: يـومـيـات طـالـب/ـة جـامـعـي/ــة !
السلام عليكم
الله يعطيك العافيه بو احمد على الموضوع الحلو ويعافي كل اللي اتحفونا بمواقفهم الحلوه تحياتي |
رد: يـومـيـات طـالـب/ـة جـامـعـي/ــة !
يعطيك العافية اخوي بو أحمد على هالموضوع الروووووعة والكووووووول...
أنا بقول عن موقف صار عندنا بكلية الطب: كان يا مكان في قديم الزمان كان في طلاب في سنة ثالثة طب ههههههههه من بدايتها حماس ...... في يوم كنا طالعين من لاب الأناتومي( التشريح)) وكان يوم اربعاء وطبعا طلاب الطب من سنة ثانية ينتقلون الى مركز الابحاث اللي على طريق قطر والله يكون في عونا على هالمشوار كل يوم نمشيه المهم في هذا اليوم كانت فيه مباراة وكانت بتبدأ الساعة 3 العصر وجات الساعة 2 ونص والدكتور ماطلعنا واحنا نبي الفكة وجات الساعة 2 واربعين ودقيقة والحمدلله طلعنا وكل واحد ركب سيارته ويسرع في ذاك الطريق الخطير و أنا طلعت بعد عشر دقايق من انتهاء الوقت كنت انشغلت بشي ورحت ركبت سيارتي ومشيت وانا في الطريق شفت واحد من ربعي وقدمني هو لانه كان اسرع مني وبعد ديقتين شفت قدامي حادث وسيارة حالتها حالة وتضايقت من الموقف بس الفجيعة يوم ركزت وشفتها سيارة واحد معنا بالكلية وشفت الناس حوله مجتمعة وانا مو مصدق اللي صار توني شايفه والحين اشوفه قدامي مسدوح على الارض واذكر كان عظمة ساقه تبين:t1: ودقينا على الاسعاف عشان يجيون بسرعة والحمدلله انه في واحد من دكاترتنا وقف وساعدنا وسوى له اسعافات اوليه وبعد ماراح المستشفى اكشفوا عليه من كل شي والحمدلله ماطلع معه نزيف او شي خطير وربي ستر عليه والحمدلله على كل شي.. الحمدلله على سلامة خوينا والله يستر عليينا في هاذي الطرقات وإنشاء الله يخلص المبنى الجديد الخصص لكلية الطب ويريحنا من هالخط اللي نقطعه كل يوم انشاء الله السالفة اعجبتكم:sunglasses2: أخوكم Future Doctor |
رد: يـومـيـات طـالـب/ـة جـامـعـي/ــة !
اهلا اخي طبيب المستقبل
والله قصه محزنه والحمدالله على سلامته والحمدالله انها جات سلامات وان شاء الله انشوفك في مواقف ثانيه بس مفرحه هالمرة بالتوفيق تحياتي |
رد: يـومـيـات طـالـب/ـة جـامـعـي/ــة !
يعطيك العافية اختي ( ربي زدني علما ) على المرور والرد الجميل
تحياتي لك ِأخوك Future Doctor |
رد: يـومـيـات طـالـب/ـة جـامـعـي/ــة !
ولاية صحيح ... كلامك الله يكون بعون السواقين **baha** الله يعافيكِ أختي و إن شاء الله نشوف لك موقف في هذا الموضوع Future Doctor الحمد لله أنه الطالب قام بالسلامة و ما كانت فيه مضاعفات خطيرة ... و إن شاء الله تجهز المباني أبتداءً من السمستر القادم .. |
رد: يـومـيـات طـالـب/ـة جـامـعـي/ــة !
موضوع مره نايس يسلمو ابو أحمد بس مابعد ماعندي مواقف توني في بدايه مشواري الجامعي مأقول الا الله يستر :071: |
رد: يـومـيـات طـالـب/ـة جـامـعـي/ــة !
الله يسلمك أختي رحيق الجنه
و حياكِ الله في الملتقى الأكاديمي و إن شاء الله نشوف لك مواقف ...:119: |
رد: يـومـيـات طـالـب/ـة جـامـعـي/ــة !
دكتور المستقبل
موقف محزن والحمد لله على سلامة صاحبك رحيق الجنة & بهاء ننتظر مواقفكم اختكم ولاية |
رد: يـومـيـات طـالـب/ـة جـامـعـي/ــة !
الله يسلمك أختي ولاية والله يحمي كل المسلمين من كل شر
|
رد: يـومـيـات طـالـب/ـة جـامـعـي/ــة !
تحية لكم هذا الله يسلمكم تو بمحاضرة ( صيغ تفاضلية وتحليل متجهات) عاد المادة غلضه وبصراحة ماحنا فاهمين شيء .. ورمضان والناس صيام ومالها خلق تتعب روحها تفهم >> تالي تجوع وكنا ذاك اليوم مومشتهين المحاضرة عاد لما بقى تقريبا 5 دقايق على المحاضرة نقوم انا وصيبقتي (**baha**) وندق مشوار للمبنى الثالث بنقضي شغله >> هذا وقتها ومانرجع المبنى الثاني الا الدكتور بادي وعاد كلنا بهالمادة بحدود 15 طالبة والطالبات متطشرين بالقاعة الي قدام والي ورى عاد على طول طبعا اتجهنا يم اصبع الكتكات رقم 3 (القلب الحائر )>>> ملاحظة هذي انا والقلب الحائر وبهاء تسمينا نجم طوس اصابع الكت كات ^_^ ونقعد ورايقين وعلى اقل شيء نضحك والدكتور يهذر ومنفعل واحنا الله وكيلك مو شايفين شيء وشغلتنا نقل بس وتالي عاد قعدي فهمي روحك وكل شوي يادكتور الصبورة موواضحة وانا ذاك اليوم فيني شيء يسمونه بوضحاك خخخخخ>> يعني كلا اضحك شان بنت تقول يادكتور قرب الصبورة اقول لها شلون يعني يشيلها ويقربها خخخخخ قولي قرب الشاشة >> لاتخافون ماتزعل ربع ونمون على بعض عاد واهو مطنشنا الله وكيلكم شان ورانا هوامير الدفعة ( يعني الشطار) وحتى هم ذاك اليوم كلا يضحكون شان اقوم واخذ جوال الاخت بهاء وتحط تسجيل مقطع صوت واروح عند الشاشة ونسجل صوت الدكتور واهو يشرح ويشوفوني البنات اسوي كذا يمووتوا علي ضحك وتالي عصب علينا وقام يشرح لحاله >> اسم زعل واحنا بعد قمنا نسوالف ونضحك لما خلصت المحاضرة >>>> لاتلمونا بس والله مانفهم المادة طلاسم ^_^ |
رد: يـومـيـات طـالـب/ـة جـامـعـي/ــة !
اقتباس:
يعطيك العافية أختي ولاية على القصة المرجوجة مثل راعيتها:lllolll: :mh35: |
رد: يـومـيـات طـالـب/ـة جـامـعـي/ــة !
خخخخخخ
اي يالدكتور المستقبلي ترى يوم الي اغيب يقولون تصير المحاضرة كئيبة >>> وخر عني بس بعد يقلون تصير هادئة ويعرفون يفهمون ^_^ |
رد: يـومـيـات طـالـب/ـة جـامـعـي/ــة !
ياااااااااا الله ذكرتوني بالجامعة :110: مااظن في يوم من الأيام اني ممكن اشتاق لها والحين من سوالفكم ... احس اشتقت كثير ... :bawling: ايام كانت ممكن فيها الكثير من البهذله خاصه مع قسمنا :017: بس هم .. لها حلاوتها ... لما اروق .. برجع بسوالف وذكريات الماضي ..:bgs6: تحياتي للجميع * |
رد: يـومـيـات طـالـب/ـة جـامـعـي/ــة !
ننتظر سواليفك يازهوورة ومغامراتك
|
رد: يـومـيـات طـالـب/ـة جـامـعـي/ــة !
إنشاء الله تكون مغامرات عاقلةأختي زهرة الربيع مو مثل المرجوجة اختي ولاية:m07: ,,, امزح لا تعصبين:mh35:
|
رد: يـومـيـات طـالـب/ـة جـامـعـي/ــة !
السلام عليكم و رحمة الله و بركاته ولايــة هههههههههههه:003: بعض الأحيان تكون المحاضرات مملة ... و ممكن يكون أسلوب عضو هيئة التدريس هو السبب يعني فيه دكاترة يجذبون الطالب إلى شرحهم و يجبرونهم على الإنتباه و المشاركة و فيه أعضاء بالعكس ... حتى لو كانت المادة صعبة او مثل ما قلتي طلاسم غير مفهومة ... |
رد: يـومـيـات طـالـب/ـة جـامـعـي/ــة !
يــومٌ فــي جـامـعـتــي الأثنين 26 شوال 1426هـ - 28 نوفمبر 2005م في صباح ذلك اليوم ذهبت إلى مكتبة الجامعة لكي ألتقي بأحد الزملاء في الجامعة .. و الذي أتفقت معه مسبقاً للحضور ... لمساعدته في تحديث بياناته أستعداداً لتدشين نظام التسجيل الجديد .. لقد قرر أن يُوقف دراسته في ذلك السمستر لظروفه الخاصة .. و بعد الإنتهاء من تحديث بياناته ... شكرني و ذهب مع صديقه إلى خارج الجامعة و هذه ملاحظة أسجلها حيث يغلب على طلاب الجامعة مغادرتهم مباشرةً بعد الإنتهاء من محاضراتهم ...:s17: بعد ذلك فتحت بريدي الإلكتروني للإطلاع على الرسائل الواردة و قمت بالمشاركة في احد المنتديات .. جلست تقريباً ساعة على الإنترنت .. بعد ذلك غادرت مكتبة الجامعة و ذهبت للإلتقاء بأحد مسؤولي الجامعة .. و من سوء الحظ لم يكن موجوداً و بالمصادفة رأيت أبن خالتي الموظف في الجامعة :119: بعد السلام و الترحيب ذهبت معه إلى مكتبه و جلسنا نتحدث في أمور كثيرة لمدة نصف ساعة تقريباً ! بعد ذلك أستأذنت منه لحضور أحد الأنشطة التي تقدمها عمادة شؤون الطلاب و كانت محاضرة بعنوان ( الأضرار الإقتصادية و الإجتماعية للتدخين في المملكة ) و قد كانت هذ المحاضرة في كلية العلوم الإدارية و التخطيط ، و قام بإلقاها الدكتور حسن حزوري ( سوري الجنسية ) لقد أستفدت كثيراً من تلك المحاضرة ، و بعد إنتهاء المحاضرة رجعت إلى مكتبة الجامعة و ألتقيت بصديق عزيز لم أره من فترة طويلة ... و جلست معه لمدة ساعة تقريباً .. بعد ذلك أستأذن مني للمغادرة لحضور محاضرة سلمت عليه و بعد ذلك غادرت الجامعة بعد يوم حافل بالمواقف و الأنشطة :119: |
رد: يـومـيـات طـالـب/ـة جـامـعـي/ــة !
اختي ولايه
ماشاء الله تخرجت من الجامعه وانتي بتلحقيني وللحين ماعقلتي والحجيه بهاء بعد ماعقلت ..........زز قريبتي ماارضى عليها بس انا بس ماشاء الله من بداية الترم كسل ماعلمتكم انا..........الاخت شايفه نفسها ابواحمد تمر بعض الايام تكون ماشاء الله مليئه بالاحداث وتستحق التدوين في دفتر المذكرات وبعضها يكون قاتل وممل مشكورين على مواقفكم الطيبه وانتظروني في موقف جامعي ان شاء الله تحياتي للجميع |
رد: يـومـيـات طـالـب/ـة جـامـعـي/ــة !
تحية طيبة
دكتور المستقبل ... ابشر بالمواقف المرجوجة ربي زدني علما >>> افا عليك يالماما تربيتك احنا بواحمد بالفعل في محاضرات اسلوب الدكتور والطرح الرائع يخليك ماتحبذين انتهاء المحاضرة ... والبعض العكس >>> لاتتوقعون اني متسيبة وبايعتها لهدراجة بس هذا التدريس الجامعي وعيوبه وكم تواجهنا ايام هكذا مليئة بالنشاطات والاحداث فتصبح ايام لها ذاكرتها اختك ولاية |
رد: يـومـيـات طـالـب/ـة جـامـعـي/ــة !
اقتباس:
تحياتي |
رد: يـومـيـات طـالـب/ـة جـامـعـي/ــة !
يقل هوامير الدفعة :ركركر ضحكتني
كثر منها |
رد: يـومـيـات طـالـب/ـة جـامـعـي/ــة !
خلاص من دافورات الدفعة ههههههههه لووووول
|
رد: يـومـيـات طـالـب/ـة جـامـعـي/ــة !
ربي زدني علما
كلامك صحيح ... و ننتظر الموقف القادم لكِhttp://www.asmilies.com/smiliespic/psmilie/100.gif ولاية بالفعل أختي .. و أتفقِ معكِ في ذلك ... |
رد: يـومـيـات طـالـب/ـة جـامـعـي/ــة !
السلام عليكم و رحمة الله و بركاته يــومٌ قي جامعتي السبت 25 ذو القعدة 1426هـ في تلك الليلة ... أقيم اللقاء الثقافي على مستوى كلية الطب البشري بالأحساء و قد شارك فيه الجميع من مسؤولين و دكاترة و طلاب .... و كان ذلك في إستراحة من الإستراحات في الهفوف ... في تمام الساعة 8.30 مساءً بدأ اللقاء بكلمات من الذكر الحكيم تلاها أحد الطلاب ... بعد ذلك كلمة لسعادة عميد كلية الطب بالأحساء الدكتور علي السلطان ، ثم كلمة للدكتور عصام زيدان – المسؤول عن النشاط الثقافي و الإجتماعي في الكلية ... بعد ذلك كنا على موعد مع المسرحية الرائعة التي نظمها زمرة من طلاب كلية الطب البشري – سنة خامسة ... كانت تحكي عن طالب منحوس في حياته الجامعية و خارجها .. إلى أن تعامل مع دكتور آخر نصّاب ... وعده بأن يصبح محظوظاً في حياته ... و في نهاية المسرحية تم الإمساك بذلك الطالب و بيده الكيس الأبيض إشارةً إلى المخدرات ، و قد تم القبض عليه متلبساً بذلك بعد أن غدر به الدكتور النصّاب و مساعديه ... بعد إنتهاء المسرحية أستمتع الجميع بوجبة دسمة و بعدها تم إلتقاط الصور التذكارية مع الطلاب أمام النافورة الجميلة ....:119: |
رد: يـومـيـات طـالـب/ـة جـامـعـي/ــة !
ومسرحيات وحركات ونشاطات
لا وفوقهم اكل ^_^ هنيالكم ياابواحمد ومشكور على اليوميات الحلوة |
رد: يـومـيـات طـالـب/ـة جـامـعـي/ــة !
مرحبا
ماشاء الله باين انها مسرحيه حلوة استمتعتوا فيها اخي بواحمد مشكور اخي على مواقفك اللطيفه استمتعنا بقراءتها تحياتي |
رد: يـومـيـات طـالـب/ـة جـامـعـي/ــة !
والله مواقفكم حركـــــــــــــــــــــــــــــــاات
ننتظر جديدكم .. أنتظروني لما ادخل الجامعه وبقول لكم مواقفي .. ^_^ يسلمووووووووو تحياتي ^_^ بسمة حزن ^_^ |
رد: يـومـيـات طـالـب/ـة جـامـعـي/ــة !
ولاية أيه ... الحمد لله و كل هالنشاطات بالإمكان تقوم بها أي كلية ... بالتنسيق مع عمادة شؤون الطلاب ربي زدني علما بالفعل .. المسرحية حلوووة و استمتعنا بها :s17: بسمة حزن الله كريم يا اختي ... و المووضوع مفتوح ... و إن شا ءالله إذا دخلتي الجامعة .. نشوف لك موقف في هذا الموضوع:119: |
رد: يـومـيـات طـالـب/ـة جـامـعـي/ــة !
السلام عليك من جديد
تذكرت هالموقف وحبيت انقله لكم هذي كان عندنا ماده الدكتور حقها عصبي جدا ومسكين ماينلام جلسته الحاله وراء الكواليس جنن العاقل ^_^ المهم بنت قامت جاوب وتتكلم ببرود عصبت بالدكتور زياده ولأنها بعد ماعندها اجابه رفعت ضغطه المهم كانت ماسكه المايك وواقفه فوق راسي تتكلم قمت أنا مشكورة ونقلتها الاجابه وماادري شلون الدكتور سمع ^_^ المهم قال مين هذي البنت اللي مااحترمتني وقالت الاجابه خخخخخخخخخخخخ سواها قضيه قوميه لو انا موجود كان وريتها خخخخخخخخخ وانا فيني الضحك اذا هي لها الدرجه واثقه من حالها تقوم وتشرح بدالي أحسن من قعدتي اهنيه خخخخخخخخخ كسر خاطري اذا بغيتوا الصج ضيع المحاضرة وهو يقول عن شعورة وراء الكواليس بس في لحظه نشف دمي لأن الدكتور شكله كان يخوف وهو معصب تحياتي |
رد: يـومـيـات طـالـب/ـة جـامـعـي/ــة !
و عليكم السلام هههههههههههههه:lllolll: بعض الأحيان التهزئ من اعضاء هيئة التدريس يكون غير شكل ... الحمد لله أنها جات على كذا بس !!!:003: مشكورة اختي ربي زدني علما |
رد: يـومـيـات طـالـب/ـة جـامـعـي/ــة !
خخخخخخ
ربي زدني علما عاد انتي لتوهقتي بالضحك زيي مسكين الدكتور كان توهقتي بس الهم الي على قلبه خلاه يشكي وينساك مصائب قوم عند قوم فوائد ^_^ والله المواقف ماتحضرني الحين جاية لكم حبايب بموقف عن قريب اختكم ولاية |
رد: يـومـيـات طـالـب/ـة جـامـعـي/ــة !
خخخخخخخخخخخ
هلا ولايه اذا بغيتي الصج انا قبل الضحك كان وقف الدم في شرايني لأن قال لو انا موجود بالقاعه البنت اللي حكت كان طردتها برة خخخخخخخخخخخخخ يقول اللي تعرض شطارتها وانا غايب تسويها وانا موجود خخخخ وانا نص اضحك ونص خايفه بس والله عدت على خير يالله ننتظر مواقفك خيتوا تحياتي |
رد: يـومـيـات طـالـب/ـة جـامـعـي/ــة !
تراني اكره جامعة الملك فيصل
بس لما قريت مواقفكم احس اشتقت لها وانا مابعد اتخرج وتوني اليوم رايحه اختبر اقولكم الموقف اللي صار لي انا عطستي مثل كحتي وهذاك اليوم كنت مزكمة وكنت كل شوي اعطس في المحاضرة ماشفت الا الدكتور قال اللي تكح لاتكح كان انا انقهر واقول للبنات هذي عطسه مو كحه وبعدين حتى لو هي كحة يبني امسك كحتي يبني اموت وكرهت هذيك الدقيقة خخخخخخخخخخخخخ ولنا عودة مو مواقف اخرى بإذن الله |
رد: يـومـيـات طـالـب/ـة جـامـعـي/ــة !
رومانسية
ههههههههههههههههhttp://smilies.sofrayt.com/%5E/c0/haha.gif ما عليك من الدكتور .. لا تكظمي كحتك أقصد عطستك خخخ http://smilies.sofrayt.com/^/aiw/haha.gif |
رد: يـومـيـات طـالـب/ـة جـامـعـي/ــة !
خليه يقول لين يشبع
شيقدر يسوي وهو مايدر مين تعطس ولا يشوفكم يعصب على نفسه وانت طنشي ^_^ سلام |
رد: يـومـيـات طـالـب/ـة جـامـعـي/ــة !
خخخخخخخخ
مسكينة يارومانسية احسن ماافي المقرر تدرسي عند دكتور ماليه منش تهذري لما تقولي بس او تكحي وتعطسي براحتك خخخ |
رد: يـومـيـات طـالـب/ـة جـامـعـي/ــة !
سلام عليكم ورحمة الله
عاد انا مواقفي كلها تقهر ..اتذكر الصيف الماضي كان عندي مادتين وذاك اليوم كنت كثير متحمسة لحضور المحاضرات كان يوم ثلاثاء ومن صباح الله خير وانا بالقاعه .. عدت الـ 7.30 وانا حالسة لوحدي لا ومن زود الاجتهاد ماكلفت على نفسي افتح الانواار كنت جالسة بالظلمة شوي وجاتني وحده من الربع تقولي وش عندك جالسة لوحدك؟ قلت لها والمحاضرة.. قالت ياحظي الدكتور معتذر:s11: زين امرنا لله ننتظر المحاضرة الثانية وانتظر الى 10.30 شوي وتتصل علي رفيقتي .. انتي وين؟ انا بالجامعه. شتسوين.؟. العب يعني شسوي عندي محاضرة وينك؟ اي محاضرة والدكتور لاغي محاضرة يوم الثلاثاء من اسبوعين تخيلوا موقفي .....:000: :017: من 7 الى 12.30 بالجامعه بلا منفعه بعدها غبت اسبوعين .. عناد بس |
رد: يـومـيـات طـالـب/ـة جـامـعـي/ــة !
غربة
و عليكم السلام و رحمة الله و بركاته و الله حاس بهالموقف الي مريتي فيه بالنسبة لي .. أحاول بقدر الإمكان ما أجلس فاااضي في الجامعة .. أروح معامل النت أو المكتبة و أحل واجب أو أقرأ كتب و أستعير بس صراااحة .. أحنا نفرح أشوي لو أعتذروا الدكاترة أو خلصوا المحاضرة بدريhttp://smilies.sofrayt.com/%5E/c0/haha.gif |
رد: يـومـيـات طـالـب/ـة جـامـعـي/ــة !
السلام عليكم
مشكور يا بو احمد على هذا الموضوع الحلو.... توه يشوفه على الأقل الواحد اذا شاف مقالب غيره تهون عليه مقالبه انا والله ما احب اطري مواقفي المحرجة لكن اللية ما ادري شفيني ودي اضحك على اي شي وشفت هذا الموضوع قلت خلني اظحك على روحي وبالمره نخلي ربعنا في الجامعة يظحكون شوي ..... يالله كل واحد يدفع ثمن الفرفشه والضحك هذا موقف صار لي وانا في سنه اولى وانا متعود على ايام المدرسه والجرسات كل نهاية حصه يعني الواحد ما يحتاج يجيب معاه ساعة ومره في الجامعة وقفت ساعتي ولا اهتميت اصلحها ويوم خلصت محاضراتي الصباح وكان عندي معمل الساعة وحده فصليت وتغديت ورحت صالة الألعاب على ما يصير وقت المعمل المهم شفت هناك شباب عندهم معمل مثلي بس وقته متأخر وبديت العب معاهم وكل اشوي اسألهم كم بقى على المعمل يقول لي تو الناس باقي وقت كثير بعدين شكيت وسألتهم ما يصير للحين ما صارت الساعة وحده مر وقت كبير رد علي وقال انا اكلمك عن معمل ولا ادري عن معملك متى وقته انا في ذاكر الوقت تغيرت الواني شلون ابرر للدكتور سبب تأخيري ورحت طيران للمعمل عشان احصل لي محاضره طويلة عريضه وتهزيء قدام الطلاب من دكتور مصري ما يسوى بس زين انه سامحني في الأخير وحضرني وحتى انه شرح لي وساعدني في التجربه والله ما تسوى لو اني رايح بيتنا كان اصرف لي بس هي جات كذا بقول لكم موقف صار لي في سنه ثالثه مدامه جاء على بالي مره كانت عندي محاضرة حاسب وكان الدكتور متسامح معانا لدرجة انه يخلينا نفتح النت ونشيك ايميلنا ومره كان يشرح محاضره مهمه ويبينا نركز عشان نخلص بسرعة وفي وسط الشرح شافني فاتح صفحة مكتوب فيها كلام عن الحب ويروح يفضحني على طول ويقول< يا راجل متخلي عنك كلام الحب والغرام لما نخلص ممكن تنتبه للشرح معايا بعدين حب على كيفك> وانا في ذاك الوقت كن احد صب على راسي ماي بارد وجهي صار صغير واحترت وين اوديه بس زين المحاضره كان وقتها متأخر والطلاب تعبانين يبغون يروحون بيوتهم يتغدون وينامون يعني ما حصلت لي تعليقات زياده منهم وزن الي جات على كذا والله قويه ولازم اردها له يوم من الأيام هذا الدكتور الفضيحه بس رديتها له مره في الفصل الماضي كان عندنا عمل ميداني وكنا نطلع معاه في باص الجامعة مع الشباب فمره شفت على الجكت الي لابسه قلب حب فسألته < شلون الحب وياك يا دكتور > اهو تغير وجهه وبغى يدور له على تصريفه للموضوع على العموم هذا دكتورنا واكيد ما نبي نحرجه كثير ولا كان ما مشيناها له بس كفايه الحين عليكم ودي قبل ما اختم اسولف لكم عن دكتور درسني احياء في سنه اولى بس كان له ستايل خاص فيه ويمكن بعضكم يعرفه حتى لو ما ذكرت اسمه لانه كان ماسك على كلمة < الي بيكون فيه> على العموم اهو اسمه < عمرو شلبي> بس كان وقت ما يشرح ياخذ القاعة طول بعرض طبعا كان يستخدم البورجكتر واحنا نلاحق فيه ليما يدور راسنا حتى انه مره من الحماس في الشرح صعد الطاوله مالته عشان يشرح بعض الاشياء لكنه يوم صعد تغير وجهه< كنه يقول في نفسه انا شنو الي صعدني هنا شنو اعمل انا فوق الطلاب> المهم ما لكم بالطويله هذا صاحبنا اذا بدأ في شرحه ما يحب احد يقاطعه والطالب الي يسأل يقول له اصبر لما اخلص ولما يخلص يعيد الطالب سؤاله فالمفروض انا الدكتور يجاوب على السؤال بس لكن حبيبنا يعيد الشرح من طقطق لسلام عليكم تقول شريط مشغل ولا يجاوب على السؤال ويظل يعيد ويزيد ليما تنتهي المحاضره المشكله انه يقول ان شهادته ماخذها من السويد ولو تشوفونه ما تعطونه شهادة ثنوي تحياتي لكم the biggest heart |
رد: يـومـيـات طـالـب/ـة جـامـعـي/ــة !
اقتباس:
ذكرتني بالدكتور عمرو شلبي الله يذكره بالخير .. كانت عبارة ( ألي موقودة فيها ) عالقة على لسانهhttp://smilies.sofrayt.com/^/aiw/clever-man2.gif .. كنت أتمنى نعد كم مرة يقولها خلال المحاضرة .. ههههههههhttp://smilies.sofrayt.com/%5E/c0/haha.gif بس ما عليك .. الدكتور كااان حييييل طيّب و متعاون كنت أحس أنه عادي عنده يسوي المستحيل بس أهم شي يوصّل المعلومة لطلابه http://smilies.sofrayt.com/%5E/g0/claps.gif |
رد: يـومـيـات طـالـب/ـة جـامـعـي/ــة !
السلام عليكم
في الحقيقة مثل ما ذكرت يا بو احمد الدكتور عمرو شلبي من النوعية الي يحبونها الطلاب يعني يجي كل يوم يسمع المحاضرة تسميع ومخلينا على راحتنا نسولف وندردش بس طبعا بحدود لا تفكرون نقلبها مجلس حريم واهم شي مسألة الأختبارات ما نفكر فيها لأنه يجيب لنا اسئلة محلولة من الكتاب فما تحتاج الا في الصباح قبل ما تجي الجامعة او حتى قبل الأختبار الا انك تقرأ الأسئلة والأجوبة الي موجودة في الكتاب الله يرحمه كان دكتور ولا احلى تحياتي the biggest heart |
رد: يـومـيـات طـالـب/ـة جـامـعـي/ــة !
هههههههههههههههههههههههههههههههه
هههههههههههههههههههههههههههههههه ههههههههههههههههههههههههههههههه هههههههههههههههههههههههههههههههه ههههههههههههههههههههههههههههههههه الله يرجك يامرزوقووووه على مواقفك ..وربي مت بصاااحي اجل فاتح صفحه الحب والغرام هاااااااااااااا>>تبي تفشل الولد كااااااااااااااااااااااااااااااااااااك |
رد: يـومـيـات طـالـب/ـة جـامـعـي/ــة !
هههههههههه
مواقف حلوه يامرزوق ليه عاد فاتح على الحب:119: موووقته :000: بواحمــد ومرزوق ... واجتمع الأصدقاء مرزوق ... اقتباس:
اخاف عليك بس تجي جمانه وتقلب الكون الوسيع عليك نصيرة المرأه |
رد: يـومـيـات طـالـب/ـة جـامـعـي/ــة !
قبل اسبوعين رحنا للجبيل الصناعيه نغير جو , وقال اخوي اللي ساكن بالجبيل انا عازمكم على مطعم(دار الكرم) فو ق الفناتير مول الدور الثالث
ورحنا للمطعم ولمن دخلت المطعم ماكأني في السعوديه منظر ولا احلى .ودخلنا في غرفه فخمه قبال البحر وبين كل غرفه وغرفه حواجز متحركه ذيك اللي من خشب ,وانا ما باقي شي في المطعم الا وطلبته لي ,وحنا جالسين نستنى الطلب انا جلست العب بالكرسي يعني(اتمرجح) :g6: وانا كذااااااا ماشفت نفسي :confused0074:الا وانا في الغرفه الثانيه اثري طحت على الحاجز الخشبي على العائله اللي وراي شلون طحت عندهم انا ماادري وانا ظليت طايحه مده طويله ولا حد من اهلي قام ينقذني كلهم مو قادرين يرفعون راسهم من الضحك والعائله اللي طحت عندها كلهم قاموا يضحكون طبعا(الاب جلس تحت الطاوله من الضحك _وعيالهم الاولاد مو مصدقين خبر انهم يشوفون وحده طايحه قدامهم و فاتحه وجهها_ الام غصت في العصير من الضحك) وانا المسكينه محد حاس فيني وبعد 5 دقايق حسووا ابوي واخوي وقاموا شالوني ومابقى حد في المطعم الا وجااا يشوف شنهي السالفه يحسبون شاحنه صدمت بالمطعم الله وكيلكم ما قمت من الطيحه الا والخشب والكراسي كانهم قطع غيار ,وانا من فشيلتي ظليت ابكي (تهي تهي تهي تهااااااا) :088: وبعدين جابولي مويا وانا مو قادره اسكت من البكي ومنين بحصلها (من الفشله ولا من ضلوعي اللي تكسروا ولا من مخي اللي نفقع ولا من ضحك اهلي علي) ولا كلت ولاشي من الاكل اللي طلبته , ترى مو بس انا اللي ما اكلت حتى اهلي ماهم قادرين ياكلون شي من الضحك. والمصيبه يوم جينا بنطلع لحقنا مدير المطعم ويقول جيبوا فلوس اللي كسرتهم بنتكم حشا مو بنت هذي الا ناقه مضيعه طريقها وصدمت بالمطعم المهم والمبلغ ( 4500) الله الله الله الله ومن وين اجيب هالمبلغ سوو ديسكاونت قال راعي المطعم حنا سوينا لكم خصم بس انتوا ما تستاهلون لان بنتكم طاحت من قلب وكسرت مواعيننا:s3: وهذي المواعين من الصين والى اليوم اثار الرضوض والكدمات على جسمي كله |
رد: يـومـيـات طـالـب/ـة جـامـعـي/ــة !
عااااااااااااااااااااااشوا عاااااااااااااااااشوا
والله عااااااااااااااااشوا جماااااااااااانه وينك عن مرزوق اين انتي يانصيرة المرأه على قولة المسير خخخخ الحين بيبتدي حماااااااااااااااس صبروا لي الرأي والرأي الآخر اقدم لكم جمونه ومرزوق حياااااااكم تشابكوا خخخخخ |
رد: يـومـيـات طـالـب/ـة جـامـعـي/ــة !
هههههههههههههههههههههههههه
خخخخخخخخخخخخخخخخخخخخخخخخخخ كح كح هاذي من الضحك وشدته لحظه اكمل هع هع هع يااااااااااربي ماني قاااااااااادره احس مخي بينفجر بوسطه المخيخ من الضحك موصاحيه هاذ ان دل على شي فانه يدل على حلاوة المطعم اييي اكيد هاذا احد املاكي انافاتحته من زمان بس ماارحت سفت حلالنا يااااااااسيخه بس سوينا لس ديس كاون هههههههههههههههه حلو الموقف ويخوووف بعد وربي مابي اصيرمثلك وبالختام ماتشوفين شر>>>توالنااااااس |
رد: يـومـيـات طـالـب/ـة جـامـعـي/ــة !
يااااي يعني صحيح موقف
ناهيك عن الإحراج اسلوبك ضحكني هههه وكأنك تقولين موقف مفرح جدآ:119: الله يقطع شرك وسلامات يالغاليه:119: موفقين |
رد: يـومـيـات طـالـب/ـة جـامـعـي/ــة !
مرزوق ههههه
مواقف حلوه..ياليت يخلونا بالحاسب نشبك نت بس للأسف الشديد مافي ولاكان مواقف بتصير :119: ههههه مرزوق.. ذكرتني بثالث ثانوي كانت عندنا مدرسه الأدب دائمآ تكرر كلمة هي ((معاي)) لدرجة الإدمان عاد أنا ايام الشطانه:119: طلعت حاسبه وقعدت اضغط +1 على كل كلمه تقولها وموملحقه وبالاخير انصدمت الناتج 523كلمه ((معاي))كررتها بحصه ساعه إلاربع ههه راحت ايام الشطانه بعدين سألت عنها قالوا ترقت فرحت كثيرلها لأنها بجد طيبه يارب التقي بيها بالمستقبل:119: |
رد: يـومـيـات طـالـب/ـة جـامـعـي/ــة !
المواقف كثيره...لكني سأتبع مبدأ خالف تعرف...
اي أنني سأبدأمن آخر موقف لي في الجامعة وكان ذلك قبل أسبوع ....عند تقديم أوراقي للماجستير ...فمن الأوراق المطلوبه توصيات من دكاتره درسوني ...يوم اللي وصلت للجامعه وذلك بعد جهد جهيد لأن مديرتي تسلطت ذاك اليوم وما رضت تطلعني من المدرسه ...المهم وصلت للجامعة وما لقيت أحد يكتب لي توصيات لأني متخرجه من 9 سنوات ...واللي درسوني من الجنسية المصريه بح...والباقي أما طالعين مدارس أو أجازة أمومه أو عندها محاضرات إلى الظهر.... بعد القهر وفبل ما تنزل دمعتي شفت دكتوره الله يستر عليها وركض وراها ..ولما طلبت التوصيه قالت لي أنا ما أذكرك...تخيلو تبغى تذكرني وأنا متخرجه من 9 سنوات.... طبعا ما قدرت أحبس دمعتي ...إلى أن فرجها الرب الكريم... الحمد لله على كل حال |
رد: يـومـيـات طـالـب/ـة جـامـعـي/ــة !
السلام عليكم
الاخت يااااااااي والله مو مني انا مبتلي بالمجموعة البريدية الي ترسل رسايل حب وغرام ولاني عارف كيف اتخلص منها يالله مكتوب انه يفتضح امرنا ذاك اليوم وانتي بعد الله يرجك على سواالفك الي تموت من الظحك مادري شلون تسولفين وتنكتين يمكن فيك عرق من عادل امام خلاص بنسميك اسماعيل ياسين الملتقى <<< هههههههههههههه متشوفين شر واذا تبين تضميد تراني بالخدمه خخخخخخخخخخخخخخخخخخخ اختي المسير مو وقته من جد مو وقته حتى الوالده تقول تو الناس على الحب والغرام اصبر تخرج ويصير خير اجل صارت لكم نصيرة في الملتقى تدافع عنكم بس ابشرك خلاص نصرتكم عادت الى رشدها وتركت الشغله ولازم الحين كل وحده تدافع عن حقوقها بنفسها وترى مشكلة الكلامات الي تعلق باللسان منتشره بين الناس حتى انتي لو احد بيسجلك تتكلين لفتره طويله بتلاحظين انك ماسكه على كلمه بدون ما تدرين يعني مو بس المدرسين اختي ريفانا تبين جنازه تشبعين فيها لطم <<<< الزلمي صار يحكي امثال انا ابي اهدي البنت وانتي تزيدينها حطب يالله عاد خلك بنوته سنعه ولا عاد ترسلين لها رساله < تعالي يا جمانه عندنا لك هوشه جديده > تسوينها انتي مو غريبه عليك شكلك تتابعين قناة البحيرة المعاكس الأتجاه القاسـ فيصل مي بي على فكره ترى احنا نتابع كلام خواشن تحياتي باي باي |
رد: يـومـيـات طـالـب/ـة جـامـعـي/ــة !
السلام عليكم ورحمة الله وبركاته
أنا متواجده في الصفحه لكن خلوا للأخ مرزوق فرصه يتكلم بدون ماحد يعارضه أظن أني سببت له ازعاج كبييييير شكرا اختي المسير وريفانا على تذكري تحياتيـ: جمانة عشق |
رد: يـومـيـات طـالـب/ـة جـامـعـي/ــة !
بنت رجال
يالبى قلبك يامرررره..ليه تصيحين وتقهرين عمرررك عاد مابغيتي الا دكاترة الجامعه ..حتى لو ذكروك مرح يساعدونك اعرفهم نذليييين مووووووت والمفروض ماصحتي كان ناديتيني ياعومررري انتي لاتزعلين ولا تصيحين صحيح اننووه قهر |
رد: يـومـيـات طـالـب/ـة جـامـعـي/ــة !
مرزوقووووووه
اقتباس:
اسماعيل ياسين وعوووووووووه لاتسموني به مااحبه التكروووني<<لاعاد تكفين حبيه هع هع هع هاااااااااااااع يااخي كان قلت مريم الغضبان ولا انتصار الشراح اهووون علي من ذااا المخنبق خخخخخخخخخخخخخخخخخخخ ولا تدري خلاااص بعترفلك عادل امام الله يسلمك يصير ولد اخو جده عمه امي من الرضاعه يعني يقرب لي والمياه تواردت <<يالمرفله اذا ماعرفتي تتكلمين سكتي خخخخخخخخخخخخخخخخخخخخخخخ اقتباس:
اعرفكم يالرجاجيل دفشين حيييل بعدين تكسرها لي او تلوتها لا يبى مووووبي شئ خلااص طبت مافيني شئ<<انوااع التحطيم هع هع هااااااااااااااااع |
رد: يـومـيـات طـالـب/ـة جـامـعـي/ــة !
السلام عليكم ورحمة الله وبركاته
مرزوق الله يعين الله يوفقك وإذا الله كاتب شي بيكون حتى لوقبل التخرج:119: يااااي..الله يقطع شرك بس:t1: جمانه...على غيرالعاده عسى ماشر؟:011: بنت الرجال.. الله يعينك صحيح موقفـــــ بجد يقهر:011::011::011: هاي مشكلتنا بالجامعه قليل من يحس بمعانتنا اي سؤال استفسار..بالنادراحد يعطيك اجابه شافيه ماعندنا خبر مابعديقول الوكيل والأدهى والأمـــــــــر..كل وحده ترسل لك للثانيه وهكذا وبالأخير لانحصل على مبتغانا الله يعين موفقين |
رد: يـومـيـات طـالـب/ـة جـامـعـي/ــة !
اقتباس:
ولاحاجه شكرا على سؤالك تحياتيـ: جمانة عشق |
رد: يـومـيـات طـالـب/ـة جـامـعـي/ــة !
يا هلا يا اهل اليوميات
اختي جمانة اظن ان في شي وشي كبير بعد لا تغبين علينا ما نبي نخسرك كم جمانة عندنا |
رد: يـومـيـات طـالـب/ـة جـامـعـي/ــة !
اقتباس:
حياك الله مافي حاجه لاتشغل بالك مشكور ماتقصر بس قلت اخليك على راحتك تتكلم مشكور على سؤالك تحياتيـ: جمانة عشق |
رد: يـومـيـات طـالـب/ـة جـامـعـي/ــة !
عزيزتي جمانه
اقتباس:
الحوار ما يحلى الا معاك جربت غيرك في الملتقى وشفت قلت ادب تحياتي |
رد: يـومـيـات طـالـب/ـة جـامـعـي/ــة !
شباب .. بنات
حاولوا تكون المواقف ضمن إطار المواقف الجامعية و بالإمكان فتح موضوع جديد في أستراحة الملتقى مثلاً و تخصيصه للمواقف العامة اقتباس:
الله يكون بعون الجميع يا أختي و إن شاء الله تكونين من المقبولات اقتباس:
بس مو ممكن نعمم على الجميع اسمع كثييير عن مواقف تصير بين الطالبات و الدكتورات و الموظفات و كيف تكون المعاملة الله يكون بعون الجميع |
رد: يـومـيـات طـالـب/ـة جـامـعـي/ــة !
يمديني أذب مواقفي أنا بعد ؟!
<== مسويا فيها تستأذن:222g: واالله مواقف الجامعه شثييييره شتن شتن ( كثيره جدن جدن) خاصتن اذا كان الوضع مع وحده مفهية مثلي:c8: ....... آآآآآآآخر حلاااوه يامعلم آخر موقف طااااااااازه كان عندي اختبار الاسبوع الي فات ومسجله بمذكرتي انه يبدء الساعه 9 ونصف ودخلت الجامعه الساعه 9 و10 دقايز ورحت هناك جمب مبنى الدبلوم (( ماعرف وش اسمه المبنى )) بس هي ساحه مربعة الشكل تربط بين المبنى الثالث ومركز المعلومات ومبنى الدبلوم المهم تكيت فيها لمدة قدرها 20 دقيزا يابو زعم .. أراجع بعيد عن ربعي الهذراوات <== متعوب عليها هذراوات هقهق طنق طوووو <== تروه مو جرس بيتكم اجلسو خل اكفي حتوتي:grimace: جت الساعه 9 ونص حكم بكل برائه انتعلت حذائي <== كانت مطيرتوه عالنمل الي يمشي لمها:lllolll: واخذت جزداني <== ارحم يا مريوم بنت حمود بنت طوني:003: وجرررررررررري على قاعة النشاطات:074: والقي نظري يمنة ويسره مابوه حد لم البوابه حقت المسرح والبوابه مسكرااا:087: فتحت الباب واذا بي ارا الفاجعة :bgs18: وحده تقول ممكن أسلم ورقتي وانا الي عيوني يغورقن :mh3535: وبلاعيمي تطير بحلقي وتوقع وشعر راسي يوقف تقل مكنسه قالبينها فوق راسي:mh29: والدكتورا تطالع فيني انتي يابنت من هنااا وانا من زود الدلاخه اقول ( مادري ) <== معذوره من الصدمة قالت مريم وجاتها الضحكه فين كنتي قلتلها قسم على بالي الاختبار 9 ونص قالت لأ يابنتشي دا بائي نص ساعه وتنسحب الاورائ ماعلينا خودي الورئه ديت وابتيدي بسم الله يادوب يادوب انا مسكت الورقه والماده علميه حتى بالعلامه ندخل معنا الحاسبه يعني يبغالها وقت .... جتني حرقه في المعده وقرحه في الأ...ااط <== مخيسه:003: تعرفون لما من زود ماعيونكم مغرقه بالدموع ماتقدرون تناضرون ولااا الخشم بدا يهد بعد :003: الدكتورا لمحتني من بعيد وحسيتها تناظرن نضرات تخلي الواحد يتطمن بس توتر خاصه انو بنات بو مصير بدن يسلمن اوراقهن استهديت بالرحمن وتعوذت من الخناس الوسواس وبديت أحل:praying: يوم بقى 10 دقايز انا كنت بالسؤال الثاني وعاد وقتها يوم اني شف الساعه وتسان يضدز صدري مرتن بالحييل:s9: وتسان اتوكل على ربي وشوفو المعجزه <== لايكثر هرجتس وهاتي من الآخر تراتس أدوختينا:000: اعلنت الدكتورا عن تمديد مدة الاختبار لمدة نصف ساعه زيادة :mh001: <== فخاطر الدكتورا انها تقول كله عشان خاطر الكمخه المتأخرا حينها تنفست الصعداء :049: وبديت احل برواقااااااااااان:150: خلصت سلمت ورقتي الساعه 10 وربع بتوقيت الحسا وتسان تقول الدكتورا يلاااااااا يابنات خذتو اكتر من وئتكووو وتسان تسحب ورقاتهم :lllolll: وانا طالعه وانا مسويه تسذا :smile1: <== ماهيب نذله ابد:33_asmilies-com: نستفيد من هالموقف الأليم : انووووه تأكدو من مواعيد اختباراتكم لا تنكبون مثلي :no2: ترا مو كل الدكاترا (حونيين) وطيبو الهارت مثل دكتورتي لبى هارتها بس:77g1: ودي بستها على راسها بس خفت تديني الم ( قلم ولا دفتر ) <== يامصلتس:24_asmilies-com: بسسسسس نؤطه وصلى اللهم على سيدنا محمد وعلى آله وصحبه آجمعين |
رد: يـومـيـات طـالـب/ـة جـامـعـي/ــة !
maryam_m7md
هههههههههههههههههه:003: الله يكون بعونك .. طيب الحين ما عرفنا تغيير وقت الإختبار كان من الدكتورة أو أنتِ نقلتي التوقيت خطأ ؟! أهم شي راح الإختبار على خير و إن شاء الله تآخذين الدرجة الكاملة:s17: |
رد: يـومـيـات طـالـب/ـة جـامـعـي/ــة !
اهلن بيك يا بو أحمد
وياااااااربي آآمين آخذ الدرجة الكامله مع اني داريه اني غلطت :000: <== يمكن تصير معجزه ليه لا:mh19: وبارك الله فيك شايفن كاتبه ( مفهيييييييه) بالبنط العريض يعني أكيد الغلط مني:c8: دام انوه كل ذالبنات احظرن بالوقت المناصب بالمنطق هل كلهن خطأ وانا صح ؟؟:222g: هو تصير:sunglasses2: ( أححححححححم) <== بلاعيمتس ارحمينا بس هالمرا طلعت الكماخه مني الله مير يحفظن :003: شاكرين لكم تفاعلكم مع موقفي وجزاكم الله عنا وعن الاسلام والمسلمين خير الجزاء:119: |
رد: يـومـيـات طـالـب/ـة جـامـعـي/ــة !
اقتباس:
بعض الأحيان يكون واحد على صح و الباقي على خطأ .. مع أن الكثرة تغلب ^_^ |
رد: يـومـيـات طـالـب/ـة جـامـعـي/ــة !
اقتباس:
زين البنات يطيرون كل شي حتى شعورهن وأنا وحده منهن هههههه>>يعني حمااس المذاكره والله النهايه كانت مرره حلوه الحمدلله عدت على خير لاعدمنااااااك |
رد: يـومـيـات طـالـب/ـة جـامـعـي/ــة !
اقتباس:
هههههههههههههههههههههههههاااااي كركر من ججججد أهم شي الشعر أختي تقطع شعرها وهي تذاكر وأنا انفش شوشتي من جد اميمتي من تشوف خشتي وكشتي تسوي كذااا:mh19: تقولي عندك اختبار بكرا صح :000: يسعدددددددك يختشي من جد الله ستر وانتهت نهايه سعيده <== حست انها سوت فلم هندي وهي ماتدري :lllolll: الله يوفق الجميييييييييييع بو أحمد (((((( ايه يالحكم ياحركتات )))))):d5: بيني وبينك هو تصير كثير ان الي حولك غلط وانت صح (أححححم) وخاصه هاليومين مع انتشار الافكار الخربوطيه والفتن الجليه <== جليه متعوووب عليها :b6b66: الله يععنا وياك على طاااعتووه ويبعدنا عن معصيتووه:119: أختكم : مريوم أم النوم |
رد: يـومـيـات طـالـب/ـة جـامـعـي/ــة !
السلام عليكم ورحمة الله وبركاته
هلا .. اليوم اوووف >>> بس قاعده بروحي بالملتقى وانا اروح من قسم لقسم والحزن مخيم على المكان>>خاطره تذكرت موقف قلت وين موضوع يوميات طالب طالبه...الخ:b6b66: هذا الله يسلمكم ياطويلين العمر والسلامه... كان عندنا مقرر .. حليو..بس ترى في زحمه انجليزd:bgs18: المهم ياحلاتي ذاااكرت..وحضرت روحي يوم ثاني من محاضره وقعدت اراجع وإلى آخر لحظه.. واعتزل البنات>>>يعني تبقي درجه وتجيني وحده هلا مسير هلافيك ذاكرتي.. >>>فهمت تبيني اغششها:lllolll: وانتي لالا..ووو .. متزوجه خوش ومسؤليه وولدها مدري شفيه:t2: كسرت خاطري.. اقولها ولايهمك قعدي وراي..ولااقول جنبي>>من الحيره زييين وهي طايره من الفرح وانا احاتي.. رحنا جنب القاعه وعلقوا الاسمااااء... جان عقلي طااااير اقولها...كان ودي بس موبيدي ترى اسمك بقاعه وانابقاعه ثانيه ..>>ههههه وتجييييييي البنت طيران لاشلون وو تقول شفيك ؟؟ عسى ماشر؟؟ بيني وبينك بنتين ماتشوفين:lllolll: يااااااااربيه احاتي الاختبار ولاالغش عسى ماتجي لينا وحده شديده>>بشري بالخير >>اوووف من صجها خايفه جلست البنت جنبي وتجينا ذيك المراقبه اللي تنحط على الجرح ويبرى ياعيني عليها تجننننننننن:b6b66: اقول للبنت لاتكتبين اسمك..اوكي واسوي فيها عنترواعطيها ورقتي واسحب ورقتها واحل لها بالرصااااص:003: ونرجع مره ثانيه نتباادل >>وعادت الاوراق الى اصحابها الحقيقيون >>>انتهت المهمه وحلينا وقمنا اشوف البنيه تنطرني جنب الباب ماقصرتي قلت لها الانجلش مومضبوط اكيييد بننقص تقول اي ماعليه ولاالقله:003: ويجي الاسبوع الثاني .. وتآخذ البنيه ورقتها وانا رحت رزيت وجهي كم اخذتي ترد...28من 30 اوووه مبروك:bgs15: شقت الابتسامه وجهي هالله هالله عااااد:33_asmilies-com: وانا انتظر هالورقه وبس جاتني:bgs18: :bgs18: :bgs18: الله شذا ذا :lllolll: من الصدمه يعني درجتي 25من 30 :hhheeeart4: افاااااااااااااااليش؟؟ الحين شلون؟؟ والبنات هاااا والضحك قايم والشماته:41jg: يعني كله بينكتون عارفين السالفه:m23asmilies-com:قهررر وانا شووووي وبصيييييييييييييييييييييييييح من القهر يافاااااالحه :088:بس عسى العبره ماتخون راعيها وش كبري قدام البنات لالالامستحيييل :sdfgdsf: كل اللي اذكره وحده من البنات .. تقووول صيحي انفجري:017: والثانيه تقول عاد لومآخذه صفر ان جان قلنا من شيم الرجال وهااات ياتعليقات تبط القلب وانا ابتسم ابتساااااااامه فظييعه:lllolll: لاعاادي بالعكس:091: مومشكله كله واحد مافيها شي لو ماسكه ارضي وصايحه احسن لي والله:lllolll: شرايكم:m1asmilies-com: اعذرونا على الهذره >>طولنا عليكم إلى حين آخــــــــــر:150: |
رد: يـومـيـات طـالـب/ـة جـامـعـي/ــة !
ههههههههههههههههههههههههههههههههههههههههههه
عليك يالمسير ايثاااااااااار محصلش قبل كذا مخلصة حتى في التغشش يبغالي استعين فيك اذا عطونا خيار الأستعانة بصديق عطينا رقم تيلفونك بس<<<<< فاك بطنه يبغي تلفونها يالله تعيشين وتاكلين غيرها |
رد: يـومـيـات طـالـب/ـة جـامـعـي/ــة !
هههههههههههههههههههههههههههههههههههههههههههههههه
يادللللبيييييييييييييييييي والله ذكرتيني بالمهاجرين والانصار يسسسسسعدك على الأقل انتي بطوعك انا مرا وحده نفس الحاله متزوجه وكثيرة هذرا بس بحكم اني سكوتي ماعرفها مع انها تسألني أحيانا اسئله اطالع الارض واجاوبها <== لااا يالاستحاا وجلست لمي بالاختبار ومراقبتنا معطتنا ظهرها وذيك البنت تقولي وخري يدك أشوف وخرت يدي تروح تاخذ الورقه وانا الي طيرت عيوني ووجهي تقلب الوان وبلغت التراقي معي قامت رجعتلي الورقه وقالت لي يلا حلي الصح والخطأ كركركركر وناااصه حليت غلط وعطيتها كركركركركركركر <== نذذذذذذذذذذله يوم انها سلمة الورقه مسحت الحل الغلط وصلحته هـع هـع هـع |
رد: يـومـيـات طـالـب/ـة جـامـعـي/ــة !
اقتباس:
ايام الشطااانه يعني:003: اي ولايهمك ... ترى افكر توني اسوي عليك موضوع من سيربح المليون في استراحة الملتقى موضوع خطيير:lllolll: ولايهمك بس تبقي التليفون تفضل هذي النمره..رقمي مميز ومايضيع 999 هالله هالله عااااد:003: |
رد: يـومـيـات طـالـب/ـة جـامـعـي/ــة !
ههههههههههههههه
هلا مريوم والله انك اشطر مني واذكى عرفتي تتصرفين صح موأنا مجنونه بقت عيوني تطيح من الدموع اللي وراها ههه |
رد: يـومـيـات طـالـب/ـة جـامـعـي/ــة !
اقتباس:
ههههههههههههههههههه ولا احد يجرب يتصل على الرقم الي هنا ترى ما عندي استعداد اكفل احد ادري فيكم يالشباب ملاهيف على شي اسمه بنات وتسوونها تتصلون حتى على الشرطه |
رد: يـومـيـات طـالـب/ـة جـامـعـي/ــة !
:003: مرزووق رسلته لك برساله خاصه هاا:003:
مرزوووق مابيكفل احد:lllolll: الصراحه غبر الموضوع...:cheese: من زمان محد دخله توقيع ريم دخلني الموضوع من جديد.. ذكرتني بأول ايام الجامعه.. امممم... اول مادخلنا الجامعه كانت النتائج على التلفون>>>حمدالله والشكر كنت اول مره ادق 5800000:cheese: ومن خوفي من النتيجه... الكمبيوتر رد علي جامعه الملك فيصل بالهفوف السلام عليكم من الخرعه رديت السلام وعليكم السلام...:c8: ........................ وبأول السنه دخلت علينا السوريه السلام عليكم رزيت وجهي ... ونطيت وقفت وكاني مسويه جريمه ماتم احد ماتطنز علي خبركم متطورين مانوقف للدكاتره مثل مانوقف للمدرسات:lllolll: اول ماندخل الجامعه ضايعين:017: :bngo12: والله وماكنت ادل ولاشي بس الحمدلله :cheese: |
رد: يـومـيـات طـالـب/ـة جـامـعـي/ــة !
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه
وربي مت من الضحك .. أن شاء الله إن شفت رقعة وجه الجامعة جيت وسدحت لي موقف.. |
رد: يـومـيـات طـالـب/ـة جـامـعـي/ــة !
مير كان بودي أسدح موقف يضحّش بس فقدت الذاكرة <---------<<أصلاً من العقل والرزانة اللي فيني ماتحصل لي مواقف كذا :222g:
* أنا تأزمــت يوم الأربعاء اللي فات عندي محاضرة في بث 8 على الساعة 7 ونص <--------<<وطبعاً وصلت قبل وقت المحاضرة بدقايق فقــلت.. يلااااا حوحو ريلاااااااكس ودوري على القاعة بهدوء.. دونت بانك لأنك مارح تلقينها لو ارتبكتي :cheese: * قلت.. يلا بالأرقام احوس.. دخلت اول شي المبنى الأول.. الدور الأرضي.. وقعدت احوووووس واحووووس <--------<<طليت بس على بث 7 واللي بجنبه بعدين قلت خـلاص اللي ورا كلهم مخابر ومعامل <-------<<اكفش!!! * بعدها رحت الدور الثاني واحووووس فيه واتحوووس مالقيت هالبث! * صعــدت للدور الثااالث. وقمت احووووس.. قلت لا هذا مافيه بثوث.. تركته ونزلت * توجهـتُ للمبنى الثاني حق البثوث.. قلت اكييييييد بشوفه هنا لأن المبنى الثالث اذكر فيه بث 19 بس الموهيمـ,. رحت المبنى الثاني.. ودرت فيه.. مالقيت بث 8 يخرب بييييته! ×_× * طلعت قلت يلا امري لله اروح المبنى الثالث :000: وانجلع المبنى الثالث.. وادووور فيه.. من زود الحوسة حتى الحاسب رحت له قلت يمكن بالغلط يكونون غيروه :lllolll: * . مالقيييته ×_× رجعت للمبنى الأول وقعدت.. مروا بنات يسألوني.. (وين بث 8؟) قلت ماادري حتى انا عندي محاضرة فيه ولا ادله :cheese: <---------<<على بالها مستجدة خخخخخخخخخخخخخخخ * راحوا يبحثون عنه.. بس انا فقدت الأمل وتكيسلت وجلست على الكرسي.. بعدين تعوذت من ابليس وقلت يلا روحــي دوووري ثانية حوحيتا اجل ليه انتي جاية؟!!! * . رحت للمبنى الثاني احوووس.. والثالث.. طفشت رجعت للمبنى الأول.. وأخــيراً تجرأت وسألت بنت جالسة.. (امممممممم.. وين بث 8 لو سمحتي؟) قالت لي.. هنا روحـي الجهة الثانية وتشوفينه O_O اخس!!! وانا طوووول الوقت اتحوووس واروح واجي<-------<<بس عشان طنشت هالجهة قلت مافيها بثوث صار هو فيها!! * دخلت وشفت البنات جالسات والدختور يتكلم ويكتبون ×_× ياربي وش هالحالة! :011: عاااد مااخذنا محاضرة ولا شي قلت لو اني غايبة احسن لي :bngo12: * . تحسون انكم مليتوا؟ :003: ميخالف تكبرون وتنسون<--------<<يقالها تبي تحرّك الموضوع تهئ *"حوحو"* |
رد: يـومـيـات طـالـب/ـة جـامـعـي/ــة !
*"الحالمة"* اقتباس:
اقتباس:
زين جذيه .. زين:017: درتي و حستي و رقيتي و نزلتي لمن تعتبي .. و آخر شي يطلع بث 8 في ذيك الجهة ألي ما رحتيها هذا موقف تأديبي عشان مرة ثانية ما تنسين و لا جهة :cheese: |
رد: يـومـيـات طـالـب/ـة جـامـعـي/ــة !
هههههه
موقفك يضحك يالحالمة :cheese: |
رد: يـومـيـات طـالـب/ـة جـامـعـي/ــة !
هلا بقول لكم موقف صارلي بالصيفي
طلعت من أختبار النهائي لمادة نظام الأقتصادي وقعدت احوس وأحوس من الفرحه مخلصه أختبار رن جوالي رديت الو شوفي بعد ربع ساعه طلعي غفلت الخط وأنا حدي معصبه أبي أنام لأن اليوم الي قبله اختبار كان عندي وأنا أمشي وأتحنطب مع صديقتي وصلت لجنب المبنى الثاني طبعا مانتبهت للحصى الي كان موجود وأنا لابسه نعال على قيلت ربيعاتي ول عليك شلون تمشين ابه الا طراخ وأنقطع النعال وأنتوا بكرامه تخيلوا طلعت وعاد السيارة بعيده ول وش أسوي قاعده امشي بنعال مقطوع وأنتوا بكرامه تخيلوا..تخيلوا تصرون في يوم مكاني سلااااام |
رد: يـومـيـات طـالـب/ـة جـامـعـي/ــة !
حياه بلاحياه ههههههههه:cheese: طيب ليش ما خشيتي رجولك داخل الدفّه .. و مشيتي بس الشمس بتحرقك :003: ما عليه ... تكبرين و تنسينها و عقبال ما تحكي هالسالفة لبنتك لما تدخل الجامعة :222g: قولي الله كريم :praying: |
| All times are GMT +3. الوقت الآن حسب توقيت السعودية: 04:17 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام