ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 2 (https://vb.ckfu.org/forumdisplay.php?f=306)
-   -   ياجامعتنا احترمي طلابك .. !! (https://vb.ckfu.org/showthread.php?t=105844)

ابو جنى .. 2010- 10- 9 03:59 AM
ياجامعتنا احترمي طلابك .. !!
 
السلام عليكم ....

الدراسة الحين باقي اسبوع تقريبا ويكون كملنا شهر على التسجيل والبلاك بوورد الى الان مااشتغل وبعض الدكاترة الى الان شكله مارجع من اجازته السنوية ...

طيب ياجماعة الخير الناس هذه اللي في الجامعة مايقرون مقرراتهم مايتعلمون من المواد اللي يدرسونها لنا .. مثلا يتعلمون اسلوب الادارة الناجحة من مادة الادارة .. ؟؟؟

يعني عندك الفترة الصيفية ليه ماتكون كلها لاعمال الصيانة على النظام عشان يجي الطالب اللي هو في الاصل موظف او موظفه ويلاقي المواد موجودة في البلاك بوورد وكل شي مرتب عشان يدرس بتركيز ونفسيته مرتاحه .

اذا كان مثل ماقالت الجامعة في الجرايد بعد اختبارات المستوى الاول ان عدد طلاب الانتساب في الجامعة تقريبا 11000 طيب بحسبه بسيطه يكون دخل الجامعة من الانتساب بس اكثر من 25 مليون ..

المفروض مبلغ زي كذه يعمل لك نظام محترف كله رفع ملفات وشوية برمجة وصلى الله على محمد .. مافيها اختراع .. كيف لو انه نظام مثل نظام شركة اتصالات يدخل على الموقع اكثر من مليون عميل .. !!!!!!

في اول اسبوع اخطاء في تسجيل المواد مثل مادة العقيدة والحين اخطاء في المحاضرات وبعد شهر اخطاء في السداد وبعدها ندرس اسبوع وبعدها الاختبارات !!!

طيب اقل شي اخروا الاختبارات شهر مثل ماتأخرنا في الدراسة شهر .. وقتها اي مسئول في الجامعة يقولك نظام الجامعة مايسمح بالتأجيل بالاضافة الى نظام التعليم العالي ونظام مكتب العمل والعمال ونظام الاتحاد السعودي لكرة القدم ونظام ماادري مين .. طيب فين الانظمة هذه الحين ماتحل مشاكلنا .. !!!

وسؤال اخير موجه للجامعة ( على افتراض ان احد راح يهتم اصلا )
دكتور الانجليزي راح يجي ولا نحذف المادة ونرتاح ..
دكتور الانجليزي يعرف اصلا ان عنده مادة يدرسها ولا مااحد اعطاه خبر الى الان ؟؟ طيب واحد فيكم يرسله مسج يعطيه خبر .. يمكن ناسي .. يمكن راحت عليه نومه .. برضه معذور

اذا كانت المشكلة مثل ماسمعت ان الجامعة ماقدرت تستقدم دكتور انجليزي بسبب مشاكل في الاستقدام والجوازات طيب كلمونا انا اعرف جندي في الجوازات ممكن يخلص لنا الموضوع وندرس خلاص زي الناس .. !!!

الله المستعان ..

L U X U R Y 2010- 10- 9 04:15 AM
رد: ياجامعتنا احترمي طلابك .. !!
 
ومآتوفيقي إلا بالله ..


بالتوفيق

ميمو02 2010- 10- 9 04:16 AM
رد: ياجامعتنا احترمي طلابك .. !!
 
السلام عليكم ورحمه الله وبركاته

بصراحه :hhheeeart4::hhheeeart4::hhheeeart4:


:d1: :s13::s9::m1asmilies-com:


ماادري كيف الله يعيننا شي مو طبيعي :(154)::(177):


تصبرو الصبر مفتاح الجنه


تحياتي..ميمو

InSpIRe 2010- 10- 9 07:36 AM
رد: ياجامعتنا احترمي طلابك .. !!
 
معـــاك حق أخوي أبو جنى .... لكن تجربه الجامعه في نظام الانتساب ليه جديده ومتأكد أنهم مختبصين عشان الموضع هذا .
على كل حال مالنا الا الصبر .. موفق

miss w0lf 2010- 10- 9 09:00 AM
رد: ياجامعتنا احترمي طلابك .. !!
 
:hhheeeart4:

Mircale 2010- 10- 9 09:03 AM
رد: ياجامعتنا احترمي طلابك .. !!
 
لول بقوه

wzer 2010- 10- 9 09:47 AM
رد: ياجامعتنا احترمي طلابك .. !!
 
اتمنى الكلام هذ يوصل حق المسؤلين وهل طرحة في منتدى الجامعه بيجيب نتيجه
الله كريم

SomeOne Else 2010- 10- 9 09:51 AM
رد: ياجامعتنا احترمي طلابك .. !!
 
راشد الماجد يقول

الله كريم الله كريييييييييييييييييييم يهون الجرح الالييييييييم

حامد الحمد 2010- 10- 9 10:04 AM
رد: ياجامعتنا احترمي طلابك .. !!
 
هذا إن دل فإنما يدل على حرصك الشديد على الجامعة أولا وعلى المذاكرة والجد والاجتهاد منذ بداية الفصل الدراسي ثانياً.

أما فيما يخص تأخر نزول المحاضرات وبطء البلاك بووورد فإن أي عمل جديد لابد له من أخطاء فيقال لكل جواد كبوه.

فأنا هنا لا ابرأ الجامعة من الخطأ لكن أرجو أن يتم تداركه في السنوات القادمة (لايلدغ المرأ من جحر مرتين)

الجامعة خصصت برنامج الانتساب من اجلنا وهي عين ساهرة من اجلنا ولكن هناك في الإنسان خصلة وهي دائما ما يذكر السيئات ويترك الحسنات مع ان الحسنات كثيرة

أنا لست ضدك في ان تكتب ما يجول في خاطرك ولست مع الجامعة في وجود أخطاء في نظام البلاك بوورد

لكن احببت ان اكتب ايضا ما يجول في خاطري
وان نتخطى معاً جميع العقبات من اجل الوصول الى الدرجات العليا
وان لا نتعثر بهذه الأخطاء او وجود من يثبط عزيمتنا في مواصلة دراستنا
فنحن لدينا هدف وسنحققه مهما كلف الأمر

ابو جنى .. 2010- 10- 10 03:06 AM
رد: ياجامعتنا احترمي طلابك .. !!
 
شكرا للجميع ..

اخوي حامد اي حسنات ياغالي ... اكبر حسنه انك تدرس بفلوسك بعد ماكانت الناس تنتسب بلاش على حساب الدولة ..

وغير كذه اذا في الاوضاع هذه والبلد بخير والدولة غنية وتصرف المليارات على الجامعات السعودية وشوف كيف الحال يرثى لها ..

حتى التخصص هذه مغصوبين عليه لأن مافيه افضل منه .. هذا افضل الموجود بالنسبة للموظفين ..
والمشكلة ان البلد كلها خريجين انتساب ادارة اعمال ..
السوق كل يوم فيه شي جديد وجامعاتنا لسى على نفس التخصصات من عشرين سنه ..
تبغى شي جديد مافيه .. الجامعات اليمنية والسودانية فيها اكثر من عشرين تخصص انتساب وانت هنا على اداب وتربية وانجليزي وادارة اعمال .. هذا مع الفارق في الامكانيات بيننا وبينهم .. !!
بالله تربية واداب ولغة عربية ايش راح تفيدك في وظيفتك .. !!!!

ليه مافيه مثلا تسويق برمجة شبكات قانون محاسبة اعلام ..

انت هنا في تخصص ادارة اعمال تدرس كله على بعضه .. الشغلات اللي ندرسها في الجامعات اللي تحترم طلابها وتحترم العلم والتعليم تلاقي كل مادة ندرسها تخصص بنفسها ..
تخصص ادارة ومحاسبة وقانون واقتصاد الخ الخ ..

سجلت في جامعة قبل الملك فيصل وكان فيه مادة حاسب آلي والله العظيم يوم شفت المنهج غسلت يدي من الجامعة .. كان المنهج لسى يشرح ويندوز 2000 والفلوبي دسك والطابعات ..

فلوبي ايش وبطيخ ايش .. !!

الحين وبعد اجتماعات ودراسات ومؤتمرات عالمية ومناقشات لسنوات عديدة طلعوا بتخصص جديد في جامعة الملك عبدالعزيز انتساب ادارة مستشفيات .. !!!

واحنا هنا الى الان مااحنا عارفين الخطة الدراسية لادارة الاعمال .. ماتعرف ايش راح تدرس الترم الجاي ..

والله لو انت تدرس في الخارج وتواجه المشاكل هذه مع اي جامعة ترفع عليهم قضية وراح تكسبها ..
بس هنا لو ترفع قضية تتخرج من الجامعة ولسى عندك مواعيد جلسات في المحكمة على نفس القضية .. وفي النهاية يقولك شكوى كيدية .. !!
زي طلاب جامعة الملك سعود اللي رفعوا على الجامعة قضية وجلسوا تقريبا خمس سنين عشان يحكم لهم القضاء وبعد ماحكم رفضت الجامعة الحكم !!!

ام خالد 2010 2010- 10- 10 03:10 AM
رد: ياجامعتنا احترمي طلابك .. !!
 
ابو جنى .. :(156):

Homood 2010- 10- 10 08:24 PM
رد: ياجامعتنا احترمي طلابك .. !!
 
أبو جنى :(204)::(156):

أنور جنبي 2010- 10- 10 10:08 PM
رد: ياجامعتنا احترمي طلابك .. !!
 
اقتباس:
المشاركة الأصلية كتبت بواسطة ابو جنى .. (المشاركة 1738542)
شكرا للجميع ..

اخوي حامد اي حسنات ياغالي ... اكبر حسنه انك تدرس بفلوسك بعد ماكانت الناس تنتسب بلاش على حساب الدولة ..

وغير كذه اذا في الاوضاع هذه والبلد بخير والدولة غنية وتصرف المليارات على الجامعات السعودية وشوف كيف الحال يرثى لها ..

حتى التخصص هذه مغصوبين عليه لأن مافيه افضل منه .. هذا افضل الموجود بالنسبة للموظفين ..
والمشكلة ان البلد كلها خريجين انتساب ادارة اعمال ..
السوق كل يوم فيه شي جديد وجامعاتنا لسى على نفس التخصصات من عشرين سنه ..
تبغى شي جديد مافيه .. الجامعات اليمنية والسودانية فيها اكثر من عشرين تخصص انتساب وانت هنا على اداب وتربية وانجليزي وادارة اعمال .. هذا مع الفارق في الامكانيات بيننا وبينهم .. !!
بالله تربية واداب ولغة عربية ايش راح تفيدك في وظيفتك .. !!!!

ليه مافيه مثلا تسويق برمجة شبكات قانون محاسبة اعلام ..

انت هنا في تخصص ادارة اعمال تدرس كله على بعضه .. الشغلات اللي ندرسها في الجامعات اللي تحترم طلابها وتحترم العلم والتعليم تلاقي كل مادة ندرسها تخصص بنفسها ..
تخصص ادارة ومحاسبة وقانون واقتصاد الخ الخ ..

سجلت في جامعة قبل الملك فيصل وكان فيه مادة حاسب آلي والله العظيم يوم شفت المنهج غسلت يدي من الجامعة .. كان المنهج لسى يشرح ويندوز 2000 والفلوبي دسك والطابعات ..

فلوبي ايش وبطيخ ايش .. !!

الحين وبعد اجتماعات ودراسات ومؤتمرات عالمية ومناقشات لسنوات عديدة طلعوا بتخصص جديد في جامعة الملك عبدالعزيز انتساب ادارة مستشفيات .. !!!

واحنا هنا الى الان مااحنا عارفين الخطة الدراسية لادارة الاعمال .. ماتعرف ايش راح تدرس الترم الجاي ..

والله لو انت تدرس في الخارج وتواجه المشاكل هذه مع اي جامعة ترفع عليهم قضية وراح تكسبها ..
بس هنا لو ترفع قضية تتخرج من الجامعة ولسى عندك مواعيد جلسات في المحكمة على نفس القضية .. وفي النهاية يقولك شكوى كيدية .. !!
زي طلاب جامعة الملك سعود اللي رفعوا على الجامعة قضية وجلسوا تقريبا خمس سنين عشان يحكم لهم القضاء وبعد ماحكم رفضت الجامعة الحكم !!!

ابو جنا الله يحفظك جبت الي في القلب و الخاطر

محسوبكم درس في جامعة قبل الملك فيصل و طلعت أجري من النظام القديم و الدكاترة الديكتاتوريين، و ثم درست في كلية و تخرجت بدبلوم عالي ، و محتاج شهادة بكلريوس مثل ادارة أعمال حتى تنفتح ابواب حاليا مغلقة في وجهي.

في سنة 1979 كان الوالد الله يحفظة يدرس بالجامعة و معاه امرأة عمرها 85 سنة!!، تخيل ان التعليم متاح في ذلك الوقت لهذا العمر!!

انا لي اربع سنين كل ترم اجري ورى التسجيل و الشهادة ، مرة الجامعة المفتوحة و مرة الملك عبدالعزيز، طبعا جامعات كثيرة رفضتني أما لعمر او سنة التخرج!! ، يعني الي يبي يكمل يدبر اموره!!

طبعا جامعة الملك فيصل فتحتلي باب كنت أحلم فيه 4 سنين ، صحيح انصدمت لما شفت المنهج بالعربي ، و على النظام العربي البحت و هو الدش ثم الدش ثم الدش، المحاسبة الجزئية مادة غريبة و عجيبة ، و الرياضيات درستها في الثانوي و المتوسطة، فأما كانو يدرسونا في المدرسةمنهج متقدم لزوم الغثة ،او جامعتنا سارقة المنهج من المدارس!!

ليه ما يكون التعليم ممتع و مسهل و مفيد و بسيط مثل الخارج، الله يهني من سهل ربي عليه و كتبله ابتعاث ، ويسهل علينا امورنا و يقرب تخرجنا

سلامي لك يبو جنا

الهذلي 2010- 10- 10 10:20 PM
رد: ياجامعتنا احترمي طلابك .. !!
 
سلمت اناملك يابو جنى انت تتكلم عن فساد التعليم في بلدنا اللة يحفظة:mh318:
انت لو تشوف الي شفتة في اليوتيوب (طفل صغير سعودي ينتقد التعليم في السعودية )
تحقد على نفسك مثل ماحقدت على نفسي تخيلو عمره يمكن سبع سنين وطلاقة بالانجليزي . وبالنسبة لجامعتنا اصبر واحتسب الاجر من الله الا يطلعون من ظهورنا 25 مليون ومو قادرين يجيبو دكتور لغة انجليزية والا يسوو ويب زي الناس وسستم صح .

ولك جزيل الشكر ابو جنى

زيـــزومــ 2010- 10- 10 10:21 PM
رد: ياجامعتنا احترمي طلابك .. !!
 
:hhheeeart4:

ولا لك الا الصبر وش وداك له؟؟

دلـــو 2010- 10- 10 10:35 PM
رد: ياجامعتنا احترمي طلابك .. !!
 
[align=center]
اقتباس:
انت لو تشوف الي شفتة في اليوتيوب (طفل صغير سعودي ينتقد التعليم في السعودية )
تحقد على نفسك مثل ماحقدت على نفسي تخيلو عمره يمكن سبع سنين وطلاقة بالانجليزي .


ماشالله تبارك الرحمن على الولد
عنده طلاقه بالانقلش عجيبه
مالت علينا وعلى تعليمنا بس
الانقلش نبدا دراسته من المتوسط ,, وزين تطورنا وخلوه سادس
لا والحين يقالهم بيتطورون خلوا الفيزيا والرياضيات اللي بالثانوي بالانقلش
يعني نص الشعب ميييييييييييييييييح بالانقلش وكذ1 ناطين فجأه يحولون المناهج للانقلش
الله يخلف على هالتعليم وهالدراسه :hhheeeart4:

ابو جنى

يسلم حكيك :(204):

[/align]

بدوي آكشن 2010- 10- 10 10:36 PM
رد: ياجامعتنا احترمي طلابك .. !!
 
الله الله


ولا لك الا الصبر وش وداك له...

تفاصيل صغيرة 2010- 10- 10 10:41 PM
رد: ياجامعتنا احترمي طلابك .. !!
 
ابي اهااااااااااااجر :s13:
ضاعت اعمارنا في الفوضى لين متى كذا ياناس ؟؟؟؟؟؟؟؟؟؟؟؟؟؟؟

ابو جنى .. 2010- 10- 11 02:34 AM
رد: ياجامعتنا احترمي طلابك .. !!
 
الله المستعان ..

هو اختصار الموضوع مثل ماقال اخوي الهذلي الفساد .. وفي كل المجالات .

بس الواحد تعب وهو يتكلم لو ترفع حجر الان تلقى تحته شخص فاسد .


اختي تفاصيل صغيرة .. والله انك صادقة .. والله لو اقدر اهاجر كان اليوم قبل بكره ..

أوفى الخلق 2010- 10- 11 02:57 AM
رد: ياجامعتنا احترمي طلابك .. !!
 
اقتباس:
اذا كانت المشكلة مثل ماسمعت ان الجامعة ماقدرت تستقدم دكتور انجليزي بسبب مشاكل في الاستقدام والجوازات طيب كلمونا انا اعرف جندي في الجوازات ممكن يخلص لنا الموضوع وندرس خلاص زي الناس
:(204):

يسلم لي راسك

Silent Hill 2010- 10- 11 03:33 AM
رد: ياجامعتنا احترمي طلابك .. !!
 
:(156)::049::(156):

فوفو الشرقية 2010- 10- 11 03:36 AM
رد: ياجامعتنا احترمي طلابك .. !!
 
:(204):تسلم ابو جنى من جد كلامك في مكانه بس تعودنا الشكوى على غير الله مذله الصبر الله يعين الجميع لو تتاح لي بعثه كان رحت بس كل واحد ياخذ نصيبه الله كريم

three3 2010- 10- 11 08:26 PM
رد: ياجامعتنا احترمي طلابك .. !!
 
[align=center]
يعني افضل دراسة جامعة المك عبدالعزيز ولا فيصل

انتساب

انا مقبول كل وحده ودفعت فلوسي وش احسن
[/align]

أنور جنبي 2010- 10- 11 09:12 PM
رد: ياجامعتنا احترمي طلابك .. !!
 
اقتباس:
المشاركة الأصلية كتبت بواسطة three3 (المشاركة 1754058)
[align=center]
يعني افضل دراسة جامعة المك عبدالعزيز ولا فيصل

انتساب

انا مقبول كل وحده ودفعت فلوسي وش احسن
[/align]
الملك عبدالعزيز أقدم و اخبر في الانتساب ، الملك فيصل أفوى في الانتساب المطور ، بصراحة عاجبني نظام الملك فيصل لكن الملك عبدالعزيز مشاكلة واجد

three3 2010- 10- 12 01:40 AM
رد: ياجامعتنا احترمي طلابك .. !!
 
اقتباس:
المشاركة الأصلية كتبت بواسطة أنور جنبي (المشاركة 1754443)
الملك عبدالعزيز أقدم و اخبر في الانتساب ، الملك فيصل أفوى في الانتساب المطور ، بصراحة عاجبني نظام الملك فيصل لكن الملك عبدالعزيز مشاكلة واجد

يعني يااستاذى الكريم تنصح بلملك فيصل بحكم انها الاختبارات في الرياض واقرب من الملك عبدالعزيز وافضل في الانتساب المطور واقل تكلفه ....

أم أسامة 2010- 10- 12 05:04 AM
رد: ياجامعتنا احترمي طلابك .. !!
 
والله انا الى الان ما وصلني الرقم السري

L U X U R Y 2010- 10- 12 05:05 AM
رد: ياجامعتنا احترمي طلابك .. !!
 
أم اسامة ادخلي ع الرابط يمكن نزل لك ماتدرين :(164):


http://www3.kfu.edu.sa/e-gate_1431_1...al_Entisap.asp

ليمون مثلج 2010- 10- 12 12:42 PM
رد: ياجامعتنا احترمي طلابك .. !!
 
اخي العزيز ابو جنى الرسول صلى الله عليه وسلم نهى عن الغضب

ونشكر لك حرصك على الاجتهاد والتطوير للافضل

ولكن لابد ان نعرف ان الجامعة ليست جامعة ملائكية يمكن ان تخطيء وتكثر اخطائها خصوصا انها جديدة بالانتساب المطور

اارجوا ان تصبر ونحن نصبر معك وننتقد انتقاد هادف وسليم مرة واثنين وثلاث ولانتذمر من الاول

قال تعالى :( ياأيها الذين آمنوا اصبروا وصابروا ورابطوا وأتقوا الله لعلكم تفلحون ) صدق الله العظيم

تقبل مني جزيل الشكر

وجزاك الله خير

H N O O 2010- 10- 12 04:28 PM
رد: ياجامعتنا احترمي طلابك .. !!
 
تسلم ابو جنى

موضوعك حلو بس مين يكون لنا بالعوون

انا اقول لو يرجعون لنا الدكتور اسامه افضل

اذا هو بالمستوى الاول محاضراتهم هي نفسها اللي قبل خلاص يرجعونه لنا :tj4:


All times are GMT +3. الوقت الآن حسب توقيت السعودية: 09:13 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه