|
مساء الخير
العوض قدام والماضي فدا
شطرٍ أجهل صاحبه لكن جزل الليالي مهما جابت من ردا ماشكينا ، نضحك ونكتب غزل |
حتى لو أن الضيق ، حاصرني
محبتي ماهي : سوالف ليل ! لا تحسب ان الوقت : غيرني انا على خبرك احبك حيييل ! |
رد: غـآمضٍ مـآلي شبيـه إلآ .. [ الوضـوح ] .. وآعي .. مـآلي علآقــه .. [ بالوعي ]
يا حبيبي .. تآمر عيونك عليّ وتنهـى
بس لا تنسى حبيبك في المحبة منهو من جمال عيونك الثنتين عقلي يسهى الصراحة في عيونك جل من لا يسهو |
يا الجميل الفريد النادر الفاخر
سيّـد الحِسن ليـش أزيد وأتأول أنت حبـك دوائر مالها آخر كل ما تنتهي تبدأ من الأول ..! |
غيرك من الناس لو حاول يطالعني
اصد عنه ولا اشوفه ولا اعتبره الا انت يالشاري اللي منت بايعني نظره عيونك صفا لو ليلتي غبره وان كان ودك لدرب الحب تدفعني القلب يعشقك ما يحتاج تختبره |
مساء الخير
انا شاعر رومانسي مختار حظه ولا اختاره
سوات البشر يكتب لغيره ويكتبله احبك واعرف ان سلطة الحب جباره تجيه العرب صاحين وتروح منهبله |
تعالي كلك مثل م جيت كلي
انا لك وما عندي الا حلالك ماني من اللي حبهم للتسلي حبي لك اكبر من تصور خيالك |
كل كلمه من شفاتك تسوى عشر
وكل غمزه من عيونك تعلن وفاه انتي قمر !! استغفر الله وش قمر انتي حلاك فوق الحلا ويتعداه |
منك الجمال ومني اللحن والشادي
يا خمرة الحب في أكواب إنشادي |
ويش بـأكتـب فيك يا عذب اللمـا
الشعور اكبر من اللي فـالصدور والقصيـد نجـوم وانتي يالسما الـكـواكــب كـلـها تحـتـك تــدور |
مساء الخير
مسائي فيك ومنك ووداني إليك
مسائي عيونك النجلا ..ي الترفه و مسائك قصة غرام من يغليك ومسائك شعر زان لك . . حرفه |
انت ذبحتني بالغلا وانا سلاحي قصيد
الزين هو لعبتك والشعر هو لعبتي خذيت قلبي وشرياني ونبض الوريد ولعبت ياكامل الاوصاف في حسبتي !! |
والله انك فوق ما حولك نزول
والله ان نفسي لقربك هاويه زادك الله فوق خلق الله قبول من يقول ان البشر متساويه |
لو كتبت ابيات في غيرك غزل
ارتكبت بحق شعري معصـيه انتي وحدك غير ما مثلك مثل انـتـي وحدك لي حـياةً ثانـيه |
برستيجـك الراقي منـمـق وجـذاب
لولاه ماجيتـك من اقصاي هاوي ! لك في فؤادي قدر، يابنت واعـجاب مـتقاسمه حـب وغـلا ... بالتساوي |
مساء الخير
ي مساء اللي مغيّر لي حياتي
انت في عمري مثل نقطة تحوّل فيك احس المسا له تأثير ذاتي وكل مساء يمرني احلى من أول |
ما خابت الهقوات ولا زلت هاقي
بأن اللقاء بـ يسوقه الشوق والوقت لكــن على كل حال انا هناك باقي اهم حاجه ، لا تكابر اذا اشتقت |
الحظيظ اللي حسدته في الحياه
من يناظر وجهك ويجلس معك جعل عيني ما تضره في هواه مره يشوفك .. ومره يسمعك |
مختلف جداً .. وفارق مستواه !
والمشاعر مالـهـا عـنه سهَوّه أمتع اشيائي ومن نعم الحياه ! صوته و قرّبه و فنجال قهوه |
جـعـل عيني ما تشوف إلا عيونك
وجعل حالي ما يضمه غير حالك أنت قـل لي وش هالدنيا بـدونـك والله إن مابه حـيـاة إلا وصـالـك |
صباح الخير
من منطلق ان العمر ممتلي قبح
و ان الجمال اشياء تشبه لذاتك : نصف السعادة كوب قهوة مع الصبح و النص الاخر ، ابتسامة شفاتك |
ياسكر أبيات القصايد تعالي
تمخطري بالشـعر دقّـه وجلّـه أنا قصـيدي فيك دوم إرتجالي لاشفت عينك / يطلع الشعر كله |
ياللي جمالك مصدر ابياتي
ابي مزاجك عالي ورايق ! تفضلّي : كل ابتساماتي حرام هذا الوجه يتضايق ! |
مالـوم من صابه على حبك غـلو
ما يكرهك غير القلوب الخاليه صوتك حلو شكلك حلو قلبك حلو الظاهر إن حتى دموعك حاليه |
طلتك متشبعه ملح وقبول
سيدة شعري اعذريني طالبك لو اقول ولو اقول ولو اقول انتي اكبر من قصيد يقال بك |
مساء الخير
انت المساء اللي احبه .. لحالي
وغيره من الاشياء ما همني شيء |
زودي الدلع يا بنت إذا سمحتي
لا شافها العاقل صاح وتبلعم أبسألك يا بنت إذا أنجرحتي يطلع عسل وإلا بعد مثلنا دم |
انتي حكايه جميله ما لها راوي
اللي جذب مبدعين الشعر منظرها وانا الاديب الجريح المغرم الهاوي اللي لقى فيك حاجه ما تصورها |
سبحان من حطك بقلبي وخلاك
اجمل بنات ادم وحواء بعيني ماكن في هالكون بنت بمزاياك انتي طغيتي بالجمال ورقيتي |
هالحسن طاغي ، وانا محتار
سيطرت حتى .. على ظلي كل شي حلو وان بغيت اختار مدري وش آخذ .. وش اخلي |
مساء الخير
خذنيّ معك والمساء كله مسَاك
خذني مادام الشوق صوبك خذاني في ذمتيَ يالغلا أن الغلا جـاك وفي ذمـتي الشـوق يمّك دعاني |
دلوعةٍ من صغرها .. دلعوها
في حزنها ظلما وفي ضحكها ضي تقول ( يمه ) كل ما روعوها ! يازين ( يمتها ) ويازينها هي |
ماكنك الا كون في داخل الكون
يامخملية ذوق ومهره واميره ياعالمية وصف بالشكل واللون الورد لو شمك تبسم عبيره |
تخيري بين الأسامي والألقاب
حلوه ، ودلوعه ، واميره ، وترفه تواجدك يسحب عن الغيد الإعجاب اجملهن اتدور لـ فرقاك صرفه |
يا سيد القلب .. مالومك
اهديت لك عشقي الفاخر مابيك تعطيني ، علومك عطني احساسك من الاخر ! |
مساء الخير
مساءك غلا والمساء في غلاك خير
يسوقه حنين الشوق في قلب راعيه مساءك وفاء شيمه معزة غلا تقدير مساءك سعآدة تدخل القلب جبرية |
من قبل اعرفك اقسم اني ماهويت
حتى فوادي بالمحبه مادرى واليوم في حبك تولعت ونويت ما اسمع ولا اتكلم ولا حتى ارى |
كيف اقول انك ربيع القلب ، وانـك
اكثر العالم طهر روح ورحابه جابـك الله في زحام العمر كنّك دعـوة امٍ وافقت وقت إستجابه |
شفت فيك احساس يجذبني عليك
بـ كل يوم اقرى كلامك ابتسم الشعور اللي ورى ضلوعي يبيك مالقيت لـ روعة احساسه " اسم " |
الله يحميك
عذرك تحبين القصايد .... و عذري
إنــك .. طموحات القلوب النبيله أنا إختصرت الناس بإبداع شعري و أنتي إختصرتي كل أنثى جميله |
مساء الخير
مسيت بالخير والتقدير والحشمه
ي من جنـابك مع العـالم رفـع شـانه ايه إصطفاك الغلا غصبن على خشمه وإن ما إصطفاك الغلا م للغلا خانه |
يحفظك ربي
ياذوقها .. يافكرها .. يا أدبها
ياحسنها .. يا طبعها .. ياحياها من راس خصلة شعرها لا كعبها تبرق وصايفها .. ويقطر حلاها |
انت في سكة ظلام العمر نور
انت صوتك ليل واحساسك سهر انت فكرة دايم فـ بالي تدور فيك يا حظي ويا حظ الشعر |
طاغية فيك المزايا والبها
تستحي منك المرايا وتستحين تكبرين وعمر زينك ما انتهى انتى كل ما تكبرين ب تصغرين ..! |
اختاري اللي يعجبك فالخيارات
يا شاعره ، يا ملهمه ، يا قصيده في كل حالاتك وفي كل الاوقات جمالك ايفوق الجمال ويزيده http://www.ckfu.org/vb/images/icons/ei28.gif |
مساء الخير
من يهمه حضـوري يسعد الله مساه
ومن لا يهمه حضوري مرحبا به هلا وانت يَااللي وجـودك يلفت الانتباه من وجودك ياعساني يَا الغلا ماخلا |
راهي بزينك والدلع حيل راهـي
مالــوم لوكـل الصبايــا يـغـارون اصلا جمالك هو اساس التباهي يعني بصراحه كل مافيك مجنون |
يا سيدة كل البنات الجميلات
يا الصعبه اللي طحتي فِ واحدٍ صعب انتي أميره وانا احب الأميرات ماعاد يرضي خاطري ساير الشعب |
لا تقول أوصف جمالي بالقصيد !
الشعر .. ماله مع زينك مجال !! كان بعض الناس في زينه فريد ! أنت في خلقتك جملت الجمال ! |
استودعكم الله
لك باقة الورد الجميل المنقى
وأجمل حلاوه تستحق الحلاوه شاعرك ماخلا ولا عاد بقى من المحبه والغلا والحفاوه |
مساء الخير
للمتابع حق واجب واحترام
لو سلام أهديه مع باقة ورود يا مساء الخير للناس الحشام من سكن فالدار أو خلف الحدود |
يامليك المشاعر ليه ما اكتب فيك
دام ماني على قصر الهوى مسبوق وإن تأخرت لاتشره على مغليك للقصايد حق ولك معاي حقوق منتظر خايف اكتب شيء ما يرضيك وانت حساس .. ومدلع .. وترف .. وذووق كان لي قدر ما يستقبل التشكيك دمعتك ... لاينزلها ولا مخلوق |
تشوم عن بعض البشر نظرة العين
ولا تنجبر روحي على ما تطيقه اللي يبينا يعرف الدرب من وين واللي يبي الفرقا ندله طريقه |
يارب سامحني قبل حزة النوم
وأغفر خطأ نفسي و زله لساني مافيه من يضمن بعد نومه يقوم مدام كل اللي على الارض فاني |
مدري خذلت الناس .. ولا إخذلوني
موجود معهم بس .. ما أحس فيهم أما جميع الناس .. ما يفهموني وإلا أنا ماني .. بـ فاهم عليهم |
تبكي من الضحك او تبكي من الحسره
م للبشر شغل ب دموعك و ب عيونك الجرح هو الجرح والكسره هي الكسره واللي يبيك بصدق ما عاش من دونك |
جامل وخل السوالف واكسب الراحه
و سارح وجيه العرب ولا تمارحها !! من واقع التجربه و مخالط الساحه نيات هالناس ماتشبه ملامحها !! |
مساء الخير
مساء الخير والمـسك والنـور
للي يتابع كل حرف ن كتبته واللي يبادرني من القلب مشكور أعظـم تحياتي لقـلبه نسبته |
من تجربة خوه ، ومن واقع حياة
اللي يشيل من العلوم ، يحطها سويت في دنياي ، سلة مهملات من طاح من عيني حذفته وسطها |
الله لا يجعل حاجتي من ورا الناس
وعساي ما اظلمهم ولو يظلموني وعساي ما أخاوي بعمري ردي ساس وجعلي نصير الحق لو يكرهوني |
مساء الخير
يا جوهر العشق يانبضه وياروحه
يسعد مساء الغلا والشوق وعيونگ دآمگ مساء القصيد إللي لك أبوحه يسعد مساء الوله في قلب مجنونك |
هآجسي نظم حروفه لك وصآغ
بيت : شعرٍ جمـل أبيـآت الغـزل مآ عشقتك زيف ولآ من ،، فرآغ عآشقك : عشق القوآفـي للجزل |
باختصار وكل صراحه أعترف
وصف حبك شي تعجزه الحروف نال حبك فيني مرتبة الشـرف ما يزول ولو [ تحاربنا ] الظـروف |
تعجز ابيات القصيد ليا وصفتــك
بين حب وبين عشق وبين غيـره ماعرفت الحب لين اني عرفتـــك وصرت احبك حب مايوصف بغيـره |
محبتك ماقِدر شعري يبيّنها
ياللي عن الغير قدرك غير ومبدّا مدري وش اقول لك بس المهم آنها اكثر من الواجده واقوا من الجدّا |
مساء الخير
يسعد مساك الممتلي برد واحساس
ويسعد مساء قلبك وعمرك وروحك في هالمساء ودي تكون أسعد الناس روح ابتسم للوقت واترك جروحك |
كل التعابير بجمالك .… لايقه
تجمع اوصاف الحسن وتصبّها مستغربه / مستانسه / متضايقه عيونك … بكل الظروف آحبّها |
كل المشاعر مغرمه في صفاتك
يا نصفي الثاني وشوقي وطاريه ان كان حبي صار جزء بحياتك حبك حياة القلب .. منت بجزء فيه |
احبك بالصدى والصوت
احبك حتى بسكوتي ! انا وان قلت "ما احبك" ترى اللي قال مو صوتي |
يإللي مافيه مثلك في عيوني أحد
قلت أحبك وآنا واثق ومستخير أوعدك إنّي ببقى لين ذاك اللحد أحمد الله عليك , وأعشقك للأخير |
مساء الخير
لك مساء الخير والشان الكبير
يالغلا والكل يسعى في رضاك لك مساء الشوق وأنسام العبير في رسالة مختصر فيها غلاك |
جيتي هلا وأبرك الساعات وأحلاها
ماجابك الحظ لكن الغلا جابك |
لا يهمك والله .. ماحولك أحد
فارقه بالزين وانتي تضحكين قلتها دايم ..وارددها بعدّ دام هذا الزين حقك تقهرين |
في نسيمك أجمل انواع العطور
وفي وجودك نور من كل الجهات الحياه احساس والهام وشعور انتي اجمل من ملذات .. الحياة |
تستحقين المحبه والغلا ياخجوله
والوفاء والمعزه والقصيد الجزل اسمعي ابيات شعري كلها لك تقوله ابتديبك مدايح وانتهي بك غزل |
مساء الخير
يامساء الخير ياخير المساء
ياغلاي … يحق لي أوله عليك لآغديت النور وإحساس الصفاء كيف ماتبغى … خفوقي يهـتويك |
احلى غلا في خافقي واجمل ايام
اعـــيـشهــا واحس باحساس ثاني وشلون مااكتب شعر وعيونك الهام تحتار فـي وصفك جميع المعاني |
اجمع أشواقي وبيديك انتثر
الثواني معك لون وشكل غير إيه أحبّك يالغلا كثر / كثر كثر مدري لكن احبك كثيــررر |
لك في خفوقي بيت وأنهار وزهور
ولك في عيوني فرحتي وأمنياتي الحب مثـــل الليل وانتي لي النور أنا بدونك ماعــــرف وش حيـــاتي |
علي يشهد الله ما يوصف هواك شعور
تعدى غلاك حدود الادراك الانساني يقولون : لابد الزمن بالغرام يدور وانا مستحيل احب لي واحدٍ ثاني |
مساء الخير
مسـاء الأحترام وخالص الود والتقدير
لـكـم كلكم والله على آلـخـيـر يجمعنا عسى الله يصحـح غلطة مالها تبرير وعسـى الله يـعـدي كلمة مالهامعنا |
وشلون ب اوصف حلاك ومنطق لسانك
كتابة الشعر في وصفك هي الازمه أصلاً جميع الغـزل يكتـب ع شانـك وقصايدي فيك عود من طرف حزمه |
خذ راحتك فيني و مقدر أمنعك
أنا أحبك و أعشقك .. حد الغلو سبحانه اللي جمّل الأشياء فيك حتى الحزن لا كحّل عيونك حلو |
مذهله بالوصآيف مترفه بالحنين
عن جميع الصبايا تفرق بزينها آسمها في خفوقي فتنة العالمين وآستمد آمنياتي من حكي عينها |
وصفها بين العجب والمستحيل
أخجلت عـوب القصايد والأدب كل شيٍ تلبسه يصــــبح جميل بأختصار أطلق مزايين العرب |
صباح الخير
لا قمتي بذاك الصباح العذب
ونفسك على شيٍ تشوفينه خلي كلام الناس كله كذب وجهك هو أحلى شي تلقينه |
لبى الحياه اللي غرامك نمطها
امشي على سطر الغلا واكتبك حرف واغمض عيوني واشوفك وسطها أناظرك واغض عن غيرك الطرف |
يا أطهر حبّ .. عفت الناس من بعدك
قتلت : الحزن ، وأحييت الفرح فيني ! أحبك .. كثر .. مـا خلّيتني .. وحدك : أعاف الناس .. ويطيحون من عيني !! |
ضحكتك جذّابة و وجهك طفولي
واناقتك . . تفرق وطلتك جنّة لا من تحدّوك المزايين .. قولي : انا الجمال اللي يقولون عنّه |
بالشكل بالاخلاق بالطبع بالصوت
ما يشبهك وينافسك شخص ثاني اوعدك ماياخذك مني سوى الموت أمّا خذاك .. الموت .. والاّ خذاني !! |
مساء الخير
ماجيت انافس زحمة الشعّار
ولا جيت اسلّم لـ السهر رمشي جيت اسرق البسمة من التذكار و اوثّق احساسي لها ، وآمشي |
رد: غـآمضٍ مـآلي شبيـه إلآ .. [ الوضـوح ] .. وآعي .. مـآلي علآقــه .. [ بالوعي ]
كل شي محظوظ في وقته إذا نالك
لانك خلاصة حياه ، وقـربك يجمّل كل المســـامع اذا قلت .. تعنّالك ودها ليا من سكت ، تقول لك كمّل |
حورية الدنيا و مياسة الطول
كن الحسن مخلوق منها وفيها حتى المرايا كل ما مرت تقول هذي هي اجمل بنت مرت عليها |
أنفاسك توزّع على الارض السلام
تاخذه لصدور العباد وتغرسه تنفّسي .. واعطي الهوا قدر ومقام خليني افخر فيه وانا اتنفسه ! |
تستاهلين المـدح ياشيخة الـزين
يااللي على الكل بطباعك فرقتي مايختلف دايم على حسنك اثنين كل البنات اتضيع لامن حضرتي |
مساء الخير
كل مساء يمرني وانتِ معي
هذا هو معنى مساء الخير لي |
بقلبي لك حكي ما مر على شاعر
ومدينة من مشاعر لا تدمرها ولأنه الحب في هذا الزمن نادر احبك كثر ما احبك واكررها |
الحلا والملح والسحر الحلال
فيك وانتي بالثلاثه / زاخره جابك الله للحلا مضرب مثال حور عين الغيد / قبل الآخره |
لا سولفت يا جعلني ماعدمها
يا حلو هرجتها ../ و يا لذتها والحرف لا منه طلع من فمها ودّه كذا : يرجع على شفّتها |
ودي بشوفك فالشهر عشر مرات
لكنّ مابه فالشهر غيـر( قمـرا ) النفس امّاره عليك انت بالذات لكن ماهو بالسؤ باشياء اخرى |
| All times are GMT +3. الوقت الآن حسب توقيت السعودية: 11:39 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام