|
رد: الرياضيات 2 ) الي ما اخذها يدخــل !
كان فيه صيفي ناخذها فيه مع اي مادها ما اخذها من قبل او حاملينها
وان كان مافيه ترم صيفي ناخذها الترم الجاي وهذي المواد اللي راح انزلها اذا ماحملت شي هالترم من معي فيكم ؟؟ مبادئ الرياضيات 2 مهارات الاتصال التحليل الإحصائي إدارة الموارد البشرية |
رد: الرياضيات 2 ) الي ما اخذها يدخــل !
احنا كلنا متفقين على تغير المادة او ان تكون في الترم الصيفي
والتركيز كله انها تحذف وتعوض لنا مادة بديلة لها لكن قضية لازم نتفق متى ننزلها هذا على حسب ظروف الانسان وجدوله وانا من اول قايل هالمادة بالذات (( الكئيبة و الممله والنفسية )) ابتركها الى اخر ترم ولكل حادث حديث الحين ماشي زي العسل وما ابي شي يخرب حماسي ومعنوياتي ونفسيتي المفتوحه للمذاكره وبعدين في نقطة مهمه جداً جداً نشتكي التعليم العالي على ايش نقول في مادة راسبين فيها او حاملينها نبيكم تغيرونها ؟؟؟؟ يعني وش تتوقعون الرد بيكون ...! كل دفعة جديدة لها خطة دراسية خاصة وهذا شي معروف على مستوى العالم ما يحق لشخص يتدخل في خطة مو خطته ابد احنا نكلم الجامعه كـ مساعدة منهم وخدمة منهم لا اكثر مو لأننا على حق الحق ان كل طالب وطالبة تكمل الخطة اللي بدأت فيها كاملة خلونا يد وحده ونطالب من الجامعه (( مساعدتنا )) في تغير الرياضات 2 الى اي مادة اخرى او ان تكون في الترم الصيفي عشان نركز عليها ونخلصها ونرتاح |
رد: الرياضيات 2 ) الي ما اخذها يدخــل !
مساء الخير للجميع ’’’ انا ارسلت عن طريق الايميل وارسلت عبر تويتر ولم اجد رد لحد الان ’’’ يد الله مع الجماعه وإمرهم شورى متى تبون تاخذونها ’’’ ولا هي وسيلة ضغط كلن هو ورايه ’’’’ نبي نضغط عليهم ونصبر لحد يوم الاثنين اذا ما في رد :5: ’’’’ نطلب اخت بوسي كات تسوي لنا احصائيه بأخذ الماده الترم القادم او بترم الصيفي بين السابع والثامن ’’’’ ونقرر سوياً ’’’:16: |
رد: الرياضيات 2 ) الي ما اخذها يدخــل !
والله يا اخوي محمد
انا اشوف المستوى الاخير افضل شي لأن ما تدري وش الظروف يمكن يتعاونون معنا ويمكن يوافوق رسمياً على الترم الصيفي في المستقبل او في اسواء الحالات يمكن يتغير المدرس وهذا مربط الفرس يجي دكتور سعودي مميز شرحة جميل واسألته واقعي (( مثل الدكتور / ملفي )) يحببنا في المادة وننجح بأعلى الدرجات ما ادري ليه الاستعجال يعني هل راح نتخرج اذا اختبرناها مثلاً اللي بياخذها الترم الجاي موجود المدرس السوداني اللي شرحه ممل وبطيء ولا يعرف يوصل المعلومه وفوق هذا اسألته صعبة خلونا نخلص الاهم في القادم والرياضيات نأجلها الى المستقبل وان شاء الله في المستقبل يكون هناك حلول كثيره على فكره المستوى الأول لم يعد من الدكاتره اللي درسونا غير حنفي فقط (( كلهم تغيروا )) بمعنى ان الجامعه عاكفه على التجديد والسعوده وصدقوني مدرس الرياضيات السوداني راح يتغير بناء على كثرة الشكاوي اللي عليه هذا رأيي وانا من الحين اقولها لن اخذ هالمادة الكئيبة هالترم وبوجود هالمدرس السوداني ونصيحة من اخوكم خلصوا المواد المهمه في المستويات القادمة ولا تضيعون عليكم ساعات وتنزلون من معدلكم بأخذ الرياضيات في ظل ظروفها الأن ومدرسها في المستقبل لكل حادث حديث وان شاء الله يتغير المدرس ويجي مدرس سعودي وننجح بأعلى الدرجات |
رد: الرياضيات 2 ) الي ما اخذها يدخــل !
نعم اذا ما غيروا الدكتور ولا حذفوا الماده خلوهاااااا للاخير مانبي زيادة ضغط :9:
|
رد: الرياضيات 2 ) الي ما اخذها يدخــل !
ودي العن هالماده قد كثر كرهي لها بس ماحب اللعن
الرياضيات يسبب لي ازمه نفسيه خلقه ونا ادرسه انتظام فكيف عن بعد رياضيات 1 يالله عديته مدري وش اسوي بهالجزء 2 الله يسهل اذا اتفقتو ا ورسيتوا على بر علموني اصير معكم |
رد: الرياضيات 2 ) الي ما اخذها يدخــل !
أسألوا اللي قبلكم تخرجوا ترى كل ترم يصعب عن الترم اللي قبله
يعني جايه مواد الرياضيات نقطه في بحر عندها من الصعوبه ان كان فيه ترم صيفي ناخذها ونفتك منها وان شاء الله نتوفق بالاترام الجايه |
رد: الرياضيات 2 ) الي ما اخذها يدخــل !
:38::3::21::15::19:ما انصح الي يبون ياخرونها لتخرج لان الماده خلاص قفلوها ماعاد تندرس عشان كذا ناخذها بدفعه وحده افضضل اذ كان عدد الطلاب اقل من 100 طالب راح يحولون الوضع الى مقالي ووراح ناكلها الله يسستر اخذتها ب مستوى ثاني ووحملتها ومدري اخذها ب مستوى الخامس او ل اخر سمستر نشووف ارائكم واطلاعاتكم بارك الله فيكم ووفقكم
|
رد: الرياضيات 2 ) الي ما اخذها يدخــل !
لا تكفون مانبي مقالي شدووو حيلكم ياخذهوا باشتهاد او اجلوها لاخر الترم وربي يسهلها
انا اختبرتها هالترم وان شاء الله اعديها والله يوفقنا ياكريم ياغفور .. :2: |
رد: الرياضيات 2 ) الي ما اخذها يدخــل !
من وجهت نظري نأجل الماده ألى وقت نتفق عليه جميعاَ مثلا الترم الصيفي بين المستوى السابع والثامن بحيث نكون متفقين جميعا على وقت محدد حتى لايكون فيه لخبطه ثاني شي نعطي أنفسنا وقت لعل وعسا نجد الحل لتخلص من هذه الماده وكثر الدق يفك اللحام ثالث الخطا الذي ارتكبته الجامعه هو انها أضافت مادتين جديده علينا بالمقابل نرعب بحذف مادتين وهذا هو مربط الفرس نطالب من هذا المنطلق بالمساواه بالدفعات الجديده 213 التي لم تدرسها نريد تجهيز خطاب وارساله من الجميع وننتضر الحل لكن الاهم انا نستمر بالمطالبه لعل وعسا يجي الفرج وشكرا |
| All times are GMT +3. الوقت الآن حسب توقيت السعودية: 10:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام