فيه شي قاهرني منذو مبطي :40:
لما تسأل شخص وش هوايتك
او تدخل البروفايلات وتحصل ماهي هوايتك

تلقون الناس الشاطحه تخبص بين هواية وموهبه
الله وهبه الصوت الجميل وهو يحب شي ثاني تماماً
يقول هوايتي الغناء لان صوتي جميل :30:

والا اللي يبط الكبد
اللي يقول هوايتي السباحه بس ما اعرف اسبح
كيف كيف هواية وانت ماتعرف تسبح :25:

هواية يعني
شي تحب تسويه دايم
شي ماتمل منه
شي مرست نفسك عليه

موب شي عاجبك وماتعرف له :30:

والا اللي تقول لي هوايتي ركوب الخيل
بس ماقد ركبت خيل

ياسبحان الله
ياجمال هوايتك :41:

طسي عني بس

وبعضهم هوايته هي هواية كل مخلوق على وجه الارض
القراءة والكتابه
ولو تسألهم وش المجال اللي تحب تقرأ فيه
وش الكتب اللي تقرأها يقول لك ما اقرأ شي معين
اي موضوع يمر علي اقراه :30:
لحظة لحظة كمان واحد ثاني :30:

يارباه على بعض الهوايات اللي تفقع القلب :12:
االقراءة من هواياتي بس ما اقرأ اي شي اغلب قرائتي الروايات البوليسية بالذات :35:
يعني متى ما زعلت مسكت رواية متى ماطفشت مسكت رواية متى ماحسيت
بالفراغ العاطفي خخخخ قريت لي روايه خخخخخ اذا مسكت كتاب احب اقرأه من الجلدة لـ الجلدة
بس اهم شي يكون الكاتب يجذب القرائ بأسلوبه
واهم شي عندي الغلاف خخخخخخ احس الغلاف احيانا يجذب لقراءة الكتاب
مثله مثل العنوان والفهرس .. اخبر فيه كتاب لـ ستيفن كوفى اسمه العادات السبع للناس الأكثر فعالية
على كثر اللي مدحوه الا انه الى الان مركون بالرف لان غلافه مايأهل للقراءة
اساسا كل كتب ستيفن بنفس الاسلوب كل ما اجي ابي اقرأها الا احصل غلافها
مشحط بالوانه الغبيه :41:

^
نرجع لـ محدث حويرنا
الهواية مثل شي تحبه وتحب تشغل فراغك فيه
مثل التصوير مثلا < كمان هالهواية ملازمتني بكل وقت
ولو تفتحون الكام بتحصلون صور ما ادري وش تبي
بس استمتع وانا اصورها لاني ماصورتها وقتها الا لـ سبب حالتي النفسيه

مثل صورة لاصابع رجلي مسويه فيها حبتين :hahahahahah:
خواتي يقولون احذفيها
ياخي ما اقدر احذفها وانا اتذكر يومها
ماصورتها الا مبسوطه على اظافر رجلي
< اول مره اهتم فيها :hahahahahah:
تلميع وتبريد وتمكير وكل شي :71:

طبعا الموضوع يطول بسالفة الهوايات
بس اهم شي اني طحنت الحبه اللي
براسي وهزئت اللي يستعبط بهوايته :13:
صرت اكره ادخل البروفايلات بسبب الهوايل اللي فيها
طبعا اتكلم عن البروفايلات بشكل عام مو بالملتقى بس :tongue:


كنتم مع فقرة هذرة ماقبل النوم :cheese:
تصبحون على وجيه الخير < يعني مثلي :biggrin:


هههههههههههههههههههههههه
فطست من ضحكك
ههههههههههههههههههه
الله يسعدك نصرون:3:

مدونتك جداا رائعه

لو الدلع يكتب كـتب بـ إسم { نصرون } ..!:13::5:

حينما يبكي الرجال , الله يصلح احوالنا..يبكي لان الجماعة فاتته..
الله يرحم الحال،،عرف قيمة الصلاة واهميتها فبكى على فواتها.
اللهم ارزقنا الإيمان وثبتنا على الصراط المستقيم واجعلنا ممن يعظم كتابك وسنة نبيك
دموع الرجال ثمينة كالجواهر , فأحرصو الا تنثروها الا لله سبحانه وتعالى
ماألذ البكاء اذا كان لله ولرسوله , لاتبكي الا لامور الاخرة
قال عمر ابن الخطاب رضي الله عنه (لا حظ في الإسلام لمن ترك الصلاة)
الصلاة هي حبل بين المؤمن وربه فمن قطع هذا الحبل فلا يرجو من الله خير
يا أخوان عليكم بهذا الدعاء أثناء السجود وفي كل صلاة (اللهم اجعلني مقيم الصلاة ومن ذريتي ربنا وتقبل دعاء)

:love080::love080: