|
رد: أنت تسأل ........ ونحن نجيب >> لإستفسارات المستوى الرابع
هلااااأختي نجووواان شوفي انااااابي أخذ
مااده من مستوى ثاني بناء وتطوير المناهج ومن مستوى ثالث الصحه النفسيه وتأهيل ذوي ألاحتياجات الخاااصه مواد مستوى رابع ماااعرف شنو ماااعليش يالغلا بس رتبي لي جدوال المواد هذي مع مواد من مستوى رابع علشان أبي أخذ 18 ساعه يعني 9مواد ويعطيك العاااافيه ماااقصرتي وتحمليني شوي ياحياتي الله يجعله في ميزان حسناتك يااااارب... |
رد: أنت تسأل ........ ونحن نجيب >> لإستفسارات المستوى الرابع
مرحبا نجوان كل سنه وانتي طيبه
معليش حبيت اخد رايك بخصوص جدولي ادا ممكن تديني رايك زي منتي عارفه انا كل مستوى ماكنت اقدر اخد اكتر من 6 او7 مواد من المستوى الاول شايله E والصحه واللياقه ومن المستوى التاني بناء وتطوير المناهج ومن مستوى تالت مدخل الى تربيه الموهوبين والصحه النفسيه كلمت الدكتور مصلح زمان وحكيتلو عن وضعي وقلتلو انا ما اقدر اخد كل مستوى كامل بسبب ضروفي وقلي ساعتها عادي يمديكي تاخدي كل الي عليكي من كل مستوى في ترم اضافي بعد المستوى التامن ودحين اتغيرت الهرجه وهجولوني كنت ناويه اخد هادا المستوى الخطه كامله بس اتشربكت عندي بعد رسالتهم ايش اعمل منجد حاسه بلخبطه وقلق:mh12: ممكن تساعديني والله يسعدك ويبارك فيكي |
رد: أنت تسأل ........ ونحن نجيب >> لإستفسارات المستوى الرابع
شكراً نجوان على ما قدمت والله يعطيك الصحة والعافية.....؟ سؤال هل أستطيع أن أضيف مادة الإحصاء مع مواد المستوى الرابع كاملة 18 ساعة
لأني حامل هذه المادة من مسوى أول فهل أستطيع ومعدلي 3 /5 أرجو التوضيح بارك الله فيك وفي الجميع |
رد: أنت تسأل ........ ونحن نجيب >> لإستفسارات المستوى الرابع
اقتباس:
وه ياعيني ايش اللي اتحملك عيووووني لك ولووووو شوفي ياعيني مدام تبغي تاخدي 3 مواد من ثالث حتاخدي 5مواد من رابع وحيكون كدا جدولك الخميس ---------- الفترة (1 ) مدخل الى الاعاقه البصريه السبت-------------- الفترة ( 2) التقويم التربوي الاحد--------------- off الاثنين---------------- off الثلاثاء---------------- الفترة ( 2) الاضطربات السلوكيه الاربعاء------------------ الفترة ( 1) مهارات التواصل الخميس------------------ الفترة ( 1) -------- تأهيل السبت------------------- الفترة ( 2) ---------- الصحة النفسيه الاحد---------------- الفترة (2 ) مدخل الى صعوبات التعلم الاثنين ----------------- off الثلاثاء ------------------ الفترة ( 1) --------- بناء وتطوير المناهج بكدا تكوني كملت على هدا الجدول 18 ساعه ومداك لو حابه تحذفي اي مادة من رابع غير اللي انا حذفتلك هي والله يكتبلك اللي فيه الخير |
رد: أنت تسأل ........ ونحن نجيب >> لإستفسارات المستوى الرابع
اقتباس:
هلااااااا عيني ترى وقت اتصالك كنت في ساااااابع نومه:biggrin: شوفي لا تتشربكي ولا شي هم يقصدوا بمواد المستوى الاول اللي هي مواد التخصص يعني مثلا لو تركتي مادة مبادئ التربيه الخاصه وما اخدتيها اذن لازم تسجليها بس انتي دحين تركتي الانجلش والصحة وهي مواد عامه عادي مو لازم تسجليها هدا الترم خليها بعدين بما انها مو من مواد التخصص ومدام نويتي هدا الترم تسجلي مواد رابع كامله مداك ياعيني واهوووو الشربكة اتفكت :biggrin: الله يسهلك امرك |
رد: أنت تسأل ........ ونحن نجيب >> لإستفسارات المستوى الرابع
اقتباس:
يعافيك ربي للأسف ماتقدر تضيف الاحصاء الا اذا حذفت مادة من رابع لانه الحد الاقصى للساعات هدا الترم 18 ساعه بس ولو تبغى تضيفها لانها من مواد المستوى الاول بسبب الرساله اللي جاتنا فلا تشيل هم هي مادة عامه وهم يقصدوا في الرساله مواد التخصص زي مادة مبادئ التربيه الخاصه اللي في المستوى الاول فمداك تأجل مادة الاحصاء للمستوى الجي ان شاء الله او اللي بعده.... براحتك منت ملزم تسجلها هدا الترم وربي يسهلك امرك |
رد: أنت تسأل ........ ونحن نجيب >> لإستفسارات المستوى الرابع
النك غير متاح \ ملكة المجره
سألت - ابو فهد- وقالي عادي مداكم تاخدوا مادة مهارات التواصل او تأجلوها |
رد: أنت تسأل ........ ونحن نجيب >> لإستفسارات المستوى الرابع
طيب والمواد الي مسيبتها من المستوى التاني والتالت برضو مو من مواد التخصص بكره النهار
لمن اروح مستوى خامس مايعملو فيها حركات ؟؟؟ وسوري ياقلبو :mh318: لانو خلاص ان شاء الله ادا ربي سهل بعد كدا اخد الخطه كامله والي فاضلي اخدها ترم بعد المستوى التامن |
رد: أنت تسأل ........ ونحن نجيب >> لإستفسارات المستوى الرابع
اقتباس:
يسلمووووو نجو ربي يعطيك العافيه ,, الله يسر لك كل م تعسر ويوفقك دنيآآ وآآآآخره ... |
رد: أنت تسأل ........ ونحن نجيب >> لإستفسارات المستوى الرابع
السلام عليكم ورحمة الله وبركاتة وكل عام والجميع بألف خييير ..وانشاء الله عام جديد مليييئ بالجد والحمااس ..:d5:
نجوووان ياقلبي حبيت أبلغك اني سمعت نصيحتك وتطوعت في مركز العناية بذوي الأحتياجات الخاصة طبعا قسم أعاقة عقلية ثلاث أيام في الأسبوع شهر 10 -11 انشاء الله عشان اتفرغ للمذاكرة بدري... المهم ياقلبي بغيتك تساعديني في الحوسة اللي أنا فيهاوترتبي لي مواد المستوى الرابع لأني مأجلة مادتين من المستوى الثاني ومادة من المستوى الثالث بالأضافة لفقة السيرة اللي طلعولنا فيها فياليت تساعديني في الجدول الله يوفقك ويحقق لك كل ماتتمني.. موادالمستوى الثاني .التوجية والأرشاد_التذوق الأدبي _فقة السيرة موادالمستوى الثالث .مقدمة في تأهيل ذوي الأحتياجات الخاصة وانشاء الله اني أتخصص صعوبات تعلم لو ماقدرت اعطي في مجال العقلي. |
| All times are GMT +3. الوقت الآن حسب توقيت السعودية: 07:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام