المشاركة الأصلية كتبت بواسطة بااااربي (المشاركة 8189686) عبد العزيز توكل ع الله ونزله بموضوع واحد واي اضااافه تقدر تضيفها على نفس الموضوع ويعطيك الف عافيه:27::16:

المشاركة الأصلية كتبت بواسطة شيءُ آخر (المشاركة 8189040) أخوي عبدالعزيز هدفنا أن يكون كل موضوع لأي ماده شامل وكامل لذا الفكره أن يكون أقل شيء في منتصف الترم ، حتى تتضح الرؤية لنا قد يكون هناك تغير في المحتويات ونحوه لذا إجمع ورتب أمورك حتى ذلك الحين. وسنكون متلهفين لموضوعك المتكامل. ولكن نبدأ من الأن ، الأخت فاطمه إقترحت أن نتساعد في جمع الروابط هنا أو عن طريق الرسائل الخاصه وهذا أمر جيد حتى منتصف الترم.

المشاركة الأصلية كتبت بواسطة عـبدالعزيـز (المشاركة 8189773) الروابط واااااااجدة بشكل ماتتصور لكن انا تقريبا اخذت الي احسة مفيد وخاصة ان في روابط قديمة اصبحت لاتعمل وعندي سؤال لوطرحت الموضوع هل استطيع اعدل واضيف عليه كل فترة وفترة لان اذا فعلا استطيع ... افضل ننزل الموضوع والي يلقا شي من الزملا يرسله لي وانا اظيفة لان كل طالب وطالبه يبيله وقت علشان يطلع على كل مادة ويشوف الي يصلحله والي ما يصلحلة فلازم يكون في وقت كافي يطلعون عليها راي الجميع انتظرة

قكره جات على بالي وانا بمدونتي وطرحتها هناك وحابه اطرحها هنا من بعد اذن اخونا " شئ آخر "


.......



عندي اقتراح للقروبات االدراسيه من باب ترتيب القسم قبل الزحمة مادري ترحبون فيه او لاء؟


فكره القروبات الدراسيه لكل ماده في المستو الاول كانت حلوه وجداً مفيده ونتمنى تنعاد هذا المستوى بطريقه مختلفه تكون اكثر فائده


الفكره كالآتي :

تنزيل المحاضره التمهيديه ونبذه عن المادة ومعلومات عامه عنها وروابط ملخصات واسئله اختبارات وكل شئ يتعلق بالمادة ومن بعد هذا كله

ننزل المحاضرات في القروب أول بأول مثلاً نزلت المحاضره الاولى بالبلاك بورد ناخذها من اليوتيوب او احد يرفعها هنام وننزلها بالقروب لمده اسبوع يشرحها احد الطلاب او الطالبات بمفهومه بعد مايتابعها ويحاول يشمل كل شئ بشرحه وخلال الاسبوع تتم المناقشه فيها والاسئله عن كل شئ في هاذي المحاضره وبآخر الاسبوع يتم حل سؤال المناقشه التابع لها والتأكد من الحل لإعتماده في موضوع أشواق لحل المناقشات

الاسبوع يبتدي من نزول المحاضره في القروب


والابتعاد عن كل ردود الشكر على اساس تكون الصفحات ذان فائده وماحد يتملل من التصفح فيها ويستفيد من كل رد والابتعاد عن الاسئله المتكرره على كل شخص يتابع كل شئ ويحاول يفهم ويطلع على اسئله الطلاب والاجابه عليها على اساس مايكرر السؤال

وان شاء الله بتكون افضل قروبات وننهي المستوى وحنا فاهمين المادة بشكل كامل بإذن الله ومتابعين أول بأول وياليت الكل يحضر ويعمل تنبيهات مانبقى احد يجي متأخر ونكون بالمحاضره 3 او 4 ويشطح بسؤال



......



وفكره ثانيه

بالنسبه لتنزيل المحاضرات والاعلان عن نزولها بالمستوى السابق كان كذا موضوع ينفتح للإعلان عنها ايش رايكم لو نفتح موضوع واحد فقط للإعلانات عن نزول الواجبات والمحاضرات وكل شئ وآخر آخبار الجامعه

ونكتفي بالمتابعه واللايكات وبكذا يكون الموضوع مرتب والكل يتابعه على اساس ماتنزل اعلانات متكرره

......





وكل شخص حاب يكون مسؤول عن قروب معين او يمسك قروب لمادة معينه يقول لنا ايش المادة اللي يبقاها ويجمع كل شئ للمادة اللي ياخذها



مجرد اقتراحات مبدئيه

......

المشاركة الأصلية كتبت بواسطة شيءُ آخر (المشاركة 8189804) للأسف ما لك إلا مده معينه بعدين ما تقدر تعدل عليه ولا تضيف شيء لذلك تظطر تكون إضافاتك في الصفحات الأخيره وهذا ما نبيه. إلا كان نشوف لك واسطه ويعطونك صلاحية في الموضوع ولا أحد يقرأ من المشرفين ويحن علينا

فكرة ممتازة
بالتوفيق