|
رد: غلاء المهور
اقتباس:
جزاك الله خير اختي الكريمة جامعية شيك .. هذه وجهة نظرك ونظر اخي الكريم واحد من الناس بارك الله فيه .. لكن عندي سؤال لو مثلا نقول مثلا لو تقدم لك شخصين شاب طيب وكريم بأخلاقه وتعامله ولكنه فقير ومستور الحال وتقدم لك شايب وطيب وكريم بأخلاقه وتعامله لكنه غني فأي واحد تقبلين ؟ |
رد: غلاء المهور
اقتباس:
لو شاب دفع مهر مثلا 50 الف ريال من التسليف او غيره وين بيروح المهر ؟ نصفه بيروح في حفل الزواج والباقي يكون مع الزوجة هذا اذا بقي منه شيء. لكن لو دفع مهر بسيط من 50 الف ريال مثلا نقول 2000 ريال وكان الحفل بسيط ومايكلف والقناعة كنز لاينفى ويكون الزواج اقتصادي يعني تكون وليمة او وليمتين واجتماع اهل الزوج والزوجة في بيت واحد بدون افراط ولاتفريط ويبقى منها 48 الف ريال يصرفها على زوجته في شهر العسل او يسدد ديونه اذا عليه ديون او يدخرها ليبني له بيت فتكون الزوجة عونا له على الحياة ولاتكون الحياة له عونا على زوجته . وانتي تقولين في السعودية نتبع الدين..!! هذا غير صحيح والدليل انك تقولين لو ايش ماراح نكون زيهم .. والحقيقة اننا وللأسف نتبع العادات والتقاليد السيئة وليست الحسنة. ولو كنا نتبع الدين لتغير الحال الى الحسن بل الى الأحسن ولو كنا نتبع الدين لما كثرت العنوسة وعف الشباب عن الزواج ، وغلاء المهور هــو من قلة الوازع ايضاً ، وماهو السبب الرئيسي في نظرك بكثرة الجرائم والعنوسة والزنا والأمراض وغيرها من الآفات ؟ ونحن سواء كنا بالسعودية او بتونس او غيرها لانتبع الا الدين وقدوتنا واسوتنا رسول الله صلى الله عليه وسلم ولانتبع ولانقتدي بالعادات والتقاليد السيئة. والشاب ماعليه خوف اذا كان من ناحية الزواج من خارج السعودية الخوف على اهلنا واخواتنا اللي امتلوا البيوت بدون زواج . اي عادة واي تقاليد تجعل اخواتنا مثل الجواري ؟ واي عادة واي تقاليد تمنع اخواتنا من حقهن بسبب الجشع والطمع ؟ واي عادة واي تقاليد تحدنا على الحرام ؟ واي عادة واي تقاليد تحرمنا من الزواج ؟ واي عادة واي تقاليد تكون هي الأولى والمقدمة على امر قدوتنا الرسول صلى الله عليه وسلم ؟ واي عادة واي تقاليد تجعل مجتمعنا فاسد وساقط وتسبب الجرائم والمصايب مالها اول ولا تالي ونحن في غنى عنها ؟ |
رد: غلاء المهور
اقتباس:
يعني الحين اختار العمر ولا الفلوس ^ ^ ^ ^ اختار العمر اجل اضيع عمري مع شايب يمكن لاقدر الله يموت ويخليني ارملة مع اطفال صغار برقبتي ايش تنفعني الفلوس وقتها؟؟ مين اللي بيتولى تربيتهم بعدة؟؟ وحتى لو مامات راح يصير شيبه وكبير سن ومايقدر يكون من نفس جيل عيالة وتصير صراعات بالتربية بين جيل الاول والجيل الثاني واكون انا الضحية (اراعي الجيل القديم ولا الجديد؟؟.) بأختار صغير السن الفقير وابني عمري معة حبة حبة وراح يكون من جيلي بعد افهمة ويفهمني وماراح يحس بالنقص لانة كبير بالسن ويريحني من شكة وغيرتة الزايدة.. والخير والفلوس بيجي.. بس العمر مايرجع.. تحياتي لك اقولك ايجابتي بكل مصداقية .. وأي اسألة انا حاضرة. |
رد: غلاء المهور
اقتباس:
انآ معكــ طريقة حلوة الي ذكرتهآ فيها زواج وستر ولا ديون ولا هم يحزنون لكن / مآراح تطبقها كل الطبقآت السعودية طبقة عن آخرئ تحتلف عشآن كذا من المفترض انو كل وآحد مآديتة محدودة يتزوج وحدة من نفس مستوآة عشآن مآيتتكلف كثير وبالتاكيد في بنات يرضوا بهالمهر انآ مااعمم لكن اكيد فية من يرضى وفي من يرفض وكلن ع حسسب العيشة والمستوئ الي هو عايشة لكن / بنت غنية ومافيها عيب مآراح ترضآ ب ال 20 مهر لها مش غرور لكن يصعب عليهآ تتنازل عن اشيى معتأدة عليها عشأنة الا ان كان فية حب ّ كسر لها هالقاعدة واهلها برضو وقليل يححصل هالشي هـــي مش مجبورة تآخذ واحد محدود مادية تستنآ واحد زي طبقتها واكيد فيهم من اخلاقه زينة يعني الحين انت تقول نرفضض السوريآت عشان تحدّ من العنوسة شي ايجآبي ولكن اتوقع كذلكـ هنآكـ اسبآب اخرئ واقلها حسب ونسب السعودية وان غلآء مهرها طريقتك حسآبكـ اقنعتني وحبذآ تطبقها فئة المحدودين وليس كل الفئآت ... رعآكـ المولئ :106: |
رد: غلاء المهور
اقتباس:
.. هل تعتبر مصطلح آلعنوسه عيب ؟! تقعد في بيت آهلها معززه مكرمه وتأكل وتشرب وتتشرى كل مآيطيب خاطرها وآلآواحد يهبل فيها وبعد كم سنه يرجعهآ لآهلها .. ومن المعروف شخصية الرجل بما اننا مجتمع خليجي ماتبأن الابعد الزواج :) نرجع لمحور حديثك وعن المهر والراتب .. الحين واحد جاي يخطب وراتبه 3 الاف وش لون يبي يتزوج .. مع آحترامي لكل اللي يقول راتب 3 الاف يكفي الحين 5 الاف وحالتهم حاله الثلاثه وش اتجيب لابغت لبس لابغت تتجمل لابغت شغلات خاصه فيها ، غير كهرباء شقه وغيره الكثير .. ياالواحد يتزوج رجال متأسس صح والا يقط بنته بهالقطه :cool: بدون مجامله اجل واحد مدرعم لبيت ابوي يعطيني مهر 1500 وش اسوي فيها اوزعها نقوط زي سالفه وحده اللي جاهم واحد يخطب قال ابوها والله مايجيء منك مهر قال لا ياعم مايصير قال اجل والله مايجيء الا ريال ، يوم خذها قعد يعايرها ياام ريال يام ريال .. من نآحية المهر المفروض مايقل عن 60 الف ، ويالله يكفيها هالمسكينه .. حتى بفرحتها حارمينها .. اجل نصوم نصوم ونفطر على بصله :biggrin: :119: |
رد: غلاء المهور
اقتباس:
اسمحيلي ضحكني اسلوبك :hahahahahah::hahahahahah: وبالذات يوم قلتي مدرعم وبيدة الف وخمس وتوزعينها نقوط:hahahahahah::hahahahahah::hahahahahah: اصلا ماتخيل واحد يقدر يدخل يخطب بهالمبلغ يحطة بذبيحة احسن:(177): ويجمل نفسة عند ابو البنت اذا لاحول الله حادة الفقر وميت يبي يعرس يجيب ع الاقل 30 ماراح نطالع فوق واجد بما ان راعينا ظروفة يعني احس حرام 60 الف انا حسبت حاجات العروس المتكاملة وطلعت خمسين الف بس برضوا تنقص على عمرها اذا مطرة كثير وحاسة انها عنست ب 30 الف ويالله بعد |
رد: غلاء المهور
اقتباس:
جعله دوم يآرب البسمه :) ليه تنقص ناقصها رجل والايد بالعكس بتكون آنسانه وآعيه وفآهمه آكثر من غيرهآ وعلى فكره من نآحيتنا الحمدلله موراعين تحديد مهور بس اي شخص يبي يخطب ياليت يفكر بينه وبين نفسه ويحط مهر يستآهل لشريكة حياته .. من نآحية كلمة ( عانس ) مآآعترف فيها كل شيء نصيب آعرف كذا وحده تزوجو وهم بسن كبير اللي خذت دكتور واللي خذت وآحد يستآهلها .. الله يحقق كل مآتتمنون ان شاء الله .. :106: |
رد: غلاء المهور
تسلمين ياذوق
بالنسبة لكلمة عانس كنت مثلك ماعترف فيها:g2: بس بعد التجارب اللي شفتها و تبكي العين آمنت بهالكلمة وهو احد الاسباب اللي خلاني اوافق على واحد من فترة مع ان عاداتنا مايزوجون الي بنفس عمري يعتبرونها الشيبان صغيرة مررررة ولازم تبقى عند اهلها ل30 سنة وبعدين يقولون الناس كبيرة وتقعد المسكينة تتحسر وتبوس عيال الجماعة وتضمهم وتقول فلان ولدي وفلانة بنتي:Cry111: من جد وضع يكسر الخاطر وبالاخص اذا كانو مجموعه 3 او اربع خوات كلهم عنس وماحد زوج الصغيررة لان الكبيرات ماتزوجوا وهكذا بالعربي الحب الزائد من الابو لبناته مايخليهم يتزوجون يخليهم عنس عندة:(177): على قولتهم اللهم لاتجعل ابي يحبني حبا جما لدرجة ان يبقيني امام عينية طوال حياتة:(269): يووو الحين يقولون لنا خرجتوا من صلب الموضوع الى موضوع العوانس:icon9: |
رد: غلاء المهور
\ السلام عليكم ورحمة الله وبركاته ..., يسعدكم الرحمن جميعا المهر كتقدير وعربون محبة وفتح صفحة جديدة بدايتها جميلة ليس لتقييم المرأة ووزنها بين الجماعات ..., لو كل شخص يرضى لأخته مهر مساوي للي بيدفعه لزوجته ما ..............! متابعه :mh318: |
رد: غلاء المهور
3 مرفق
يقول الله تعالى: " وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّـهُ مِن فَضْلِهِ ۗ وَاللَّـهُ وَاسِعٌ عَلِيمٌ" [النور: 32]
الله سبحانه بين ان الفقر لايمنع من التزويج لآن الرزق بيده سبحانه وهو القادر سبحانه على تغيير الحال من الفقر إلى الغنى فهل امتثلنا لأوامر الله ؟ |
| All times are GMT +3. الوقت الآن حسب توقيت السعودية: 06:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام