|
رد: [ ورشة مبادئ الرياضيات1 ]
اقتباس:
بالنسبة للنظام الافتراضي نعم جميع المواد المستوى الأول نزلت 3 محاضرات + المحاضرة التمهيدية |
رد: [ ورشة مبادئ الرياضيات1 ]
السلام عليكم ياجماعة مافي ملخص للمنهج غير يلي بالورشة
الله يعطيكم العافيه ولكن الملخص فقط المنهج بدون شرح مافي ملخص مشروح فيه المنهج ماشاء الله عليه الدكتور في المحاضرة 4 خربط ام الشرح ولا فهمت حاجة بالله عليكم أسعفوني بملخص مشروح للمنهج الله يوفقك |
رد: [ ورشة مبادئ الرياضيات1 ]
مادة الرياضيات افضل طريقة لمذاكرتها متابعه المحاضرة نسخه الجوال وكتابة كل صيغة سؤال جديد في دفتر عندك مع الحل مع مراجعة الاسئلة وفهمها بشكل مستمر
الملخصات تفيد اكثر شي في المواد النظرية اللي تحتاج حفظ بس الرياضيات فهم + حفظ هذي نصيحتي من تجربة من الفصل الأول.. بالتوفيق Sent from my HTC One_M8 using Tapatalk |
رد: [ ورشة مبادئ الرياضيات1 ]
2 مرفق
أوجد حل المعادلة التالية: X+y=5 , 3x+2y=12 نبدأ نرتب المعادلتين على شكل أفقيكالتالي : X+y=5 3x+2y=12 ------------- الخطوة الثانية نضرب معامل ( x) المعادلة الأولى في جميع خانات المعادلة الثانية نضرب معامل ( x) المعادلة الثانية في جميع خانات المعادلة الأولى معامل ( x) بالمعادلة الأولى هي ( 1) معامل ( x) بالمعادلة الثانية هي ( 3) (x)(3)+(3)*(y)=5*(3) 3x+3y=15 (1)*(3x)+(1)*(2y)=(1)*(12) 3x+2y=12 الخطوة الثالثة نطرح المعادلة الثانية من الأولى http://www.ckfu.org/pic4u/uploads/ckfu1455651294351.png الخطوة الرابعة والأخيرة: قيمة ( y) نعوض بها في المعادلة الأولى لإيجاد قيمة متغير ( x) قيمة ( y) هي : 3 X+y=5 X + ( 3 ) = 5 نوحد قيمة ( x) بطرف والأرقام بطرف مع مراعاة تغير إشارة من موجب إلى سالب X=5-3 X=2 قيمة ( x) هي : 2 في حال عدم ظهور الرموز بالشكل الصحيح للمتصفح الخاص بك بالمرفقات يوجد ملف وورد وملف PDF للمناقشة الثالثة كاملة مع اجوبتها |
رد: [ ورشة مبادئ الرياضيات1 ]
يااخواني ياحبايبي انا مستجد جديد ولاافهم شي بالرياضيات
والدكتور مافهمت عليه شي والمعادلات اقسم بالله مافهمتها هي معناتها وش بالضبط والله العظيم احس اني تحسفت واخاف احملها معي يااخواني هل هي سهله هل يمكن السيطره عليها بالحفظ فقط ام لابد من الفهم .. لاني احس اني خجم واصل الاربعين وابي استفيد واتعلم والله المستعان |
رد: [ ورشة مبادئ الرياضيات1 ]
أخ أبراهيم والكلام للجميع المحاضرة 4 المتتالية الحسابيه لو سمحت تقدر تشرحها
فضلا لا أمر داخ راشي من شرح الأستاذ |
رد: [ ورشة مبادئ الرياضيات1 ]
اقتباس:
بخصوص الرياضيات يلزمك الأساس قبل كل شيء والأساس عندك من الواضح معدوم للأخر فالحل اول شيء عشان تفهم الرياضيات لازم تعرف المسألة هذه كيف حلها , وحلها يعتمد على قانون القانون يعتمد على فهم بتقول طيب أقدر أحفظه وخلاص لا يا سيدي الكريم الحفظ بالرياضيات ما انصح فيه أبد لأن المعادلة تتغير أعطيك مثال عشان تفهم القصد هذه المعادلتين من الدرجة الأولى 1x+y+5 1x+2y+4x-15 لو إنك حفظت القانون تبع معادلات الدرجة الأولى حفظ فقط ماراح تقدر تحل المعادلة الثانية بس مع فهم القانون وتطبيق أكثر من حل عليه راح تقدر تحل لو كانت المسألة بهالشكل : 4x+6y+142x+10y-10y ------------------------------- طيب الحين تقول خايف إنك تحمل المادة للمعلومية 30 درجة تقدر تضمنها بجيبك كيف يعني ؟ تحميل المحاضرات + حل المناقشات + حل الواجبات وكلها احنا مستعدين نعطيك حلولها وهي بالأساس موجودة بالملتقى الاختبار بشكل عام كله اختيارات لو إنك ما تقدر تفهم ولا تعرف تحل قول يارب وشوف هالرابط بيفيدك كثير فيه طريقة الأسئلة حق الاختبار اللي فات مع حل الاسئلة وتوكل على الله وقول يارب والله ماراح ينسى عبده http://www.ckfu.org/vb/t722445.html زي ما قلت لك أي شيء تحتاجه ما عليك إلا تقول وش حل ذا وش جواب ذا وابشر كلنا نساعدك ونوجهك للصواب بالتوفيق لك يارب |
رد: [ ورشة مبادئ الرياضيات1 ]
اقتباس:
بالتوفيق لك يارب |
رد: [ ورشة مبادئ الرياضيات1 ]
الله يوفقك في إنتظار الشرح
|
رد: [ ورشة مبادئ الرياضيات1 ]
1 مرفق
قاعد بالمكتب وما في شغل كثير قلت أشوف المحاضرة وأشوف سؤالك اشلون أقدر أشرحه لك بصراحة الدرس كان سهل جداًجداً جداً ما توقعت بيكون صعب عليك بس ولا يهمك راح أشرحه لك شرح مفصل وراح أضيف لك أمثلة جديدة غير اللي متوفرة بالمحاضرة عشان تكوني فاهمة أول شيء شنو يعني متتالية ؟ متتالية يعني شيء مرتب أوشيء يمشي على نمط محدد ومجال ما يخرب فيه التوازن كيف يعني ؟ أنا أعلمك لو مثلاً قلنا أعداد زوجية اللي هي: (2, 4 , 6 , 8 , 10 , 12 ….) ركزي بالأعداد الزوجية لاحظي ان الفرق بينها رقمين فقط وهذا الشيء نسميه متتالي ومنسق لأن مستحيل نقول إن الأعداد الزوجية هي: (2 , 3 , 4 , 5 , 8 ) أول شيء اختلف الميزان ثاني شيء الأعداد امتزجت بالأعداد الفردية + الزوجية هالشيء ما نسميه متتالي لأن الأرقام أختلف فيها التتابع طيب الحين ندخل للدرس # - أول شيء لازم نعرف بعض الرموز ايش تقصد وعندنا بالمسألة رمزين مهمين وهم ( n ) و ( a) ايش يعني ( n ) ؟ الـ ( n ) يقصد به رقم الحد الذي نعوض به بالمتتالية مثلاً لو قلنا الحد الأول نعوض بدل كلمة n برقم ( 1 ) لو قلنا الحد هو الحد الرابع نعوض بدل كلمة (n ) برقم ( 4 ) وهكذا الحين فهمنا شنو يعني ( n ) نجي الحين للرمز الثاني وهو ( a ) هذا الرمز يقصد به الحل النهائي للحد كيف يعني ؟ مثلاًعندنا متتالية بهذا الشكل : http://www.ckfu.org/pic4u/uploads/ckfu1455709732491.png وقال أوجد الحد الخامس لهذه المتتالية راح نعوض بدل كلمة ( n ) برقم ( 5 )والرمز ( a ) بيكون الجواب النهائي كالتالي : http://www.ckfu.org/pic4u/uploads/ckfu145570973252.png الجواب النهائي للحد الخامس يكتب بهذا الشكل : a 5 = 25 الحين نكتب مثال وبأشرح طريقة الحل : أوجد الحدود الثلاثة الأولى للمتتالية التالية : http://www.ckfu.org/pic4u/uploads/ckfu145570973253.png الحل : # - أولاً نكتب الحدود مرتبة كالتالي : http://www.ckfu.org/pic4u/uploads/ckfu1455709732514.png # - ثانياً نعوض بدل الرمز ( n ) برقم الحد كالتالي : http://www.ckfu.org/pic4u/uploads/ckfu1455709732515.png # - ثالثاً نقوم بضرب رقم الحد بالأس ( 2 ) كالتالي : http://www.ckfu.org/pic4u/uploads/ckfu1455709732526.png من خلال الحل السابق نقول أن : http://www.ckfu.org/pic4u/uploads/ckfu1455709732537.png شفتي اشلون سهل ؟ اوجد الحدود الستة الأولى للمتتالية التالية : {4n+10} a1 ={4n+10}={ 4*(1) + 10 } = { 4+10} = 14 a 2 = {4n+10}={ 4*(2) + 10 } = {8+10} = 18 a 3 = {4n+10}={ 4*(3) + 10 } = { 12+10}= 22 26={a 3= {4n+10}={ 4*(4) + 10 } = {16+10 a 5 = {4n+10}={ 4*(5) + 10 } = {20+10} =30 a 6 = {4n+10}={ 4*(6) + 10 } = {24+10} =34 # - النواتج النهائية لجميع الحدود هي : a 1= 14 a 2 = 18 a 3 = 22 26 =a 4 a 5 = 30 a 6 = 34 لو سألتك جود من خلال النواتج بالمسألةالسابقة ايش تلاحظي بالأرقام ؟ ركزي فيها واذا فهمتي بتجاوبي أنتظرجوابك بالمرفقات ملف PDF شرح كامل زي اللي بالموضوع عشان لو الرموز ظهرت لك بشكل معكوس |
| All times are GMT +3. الوقت الآن حسب توقيت السعودية: 02:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام