ملتقى طلاب وطالبات جامعة الملك فيصل,جامعة الدمام - جميع التخصصات التعـــرف على الدكاترهـ والمعيــدآت هناا

أول نصيحة وصلتني من البنات لما دخلت الكلية ، إنو إذا كانت دكتورة لا تقولين لها أستاذة :biggrin:
اممم البعض يتضايقون كثيير من هذا الشي ، فحاولوا إنكم تحفظون من الدكتورة و من الأستاذة :wink:

و مثل ما قالوا حاولي ما تاخذي فكرة من كلام البنات ، و الدكتورة نفسها تتغير من فترة لفترة ، لكن بقولكم الأشياء اللي تركزون عليها ، و هذول اللي درسوني بالتحضيري :

أ/عهود الدرعان : هذي الإنسانة شرحها ما عليه كلام ، لكنها مستحيل تتكلم عربي بالمحاضرة ، و تلعن خيرك لو دخلتي بعدها حتى لو بدقيقة :017: البنات يقولون رافعة خشمها بس برأيي إنها عادية بس حازمة شوي

أ/ نهاد عسيري : مرآ روعه و توها سنتين متخرجة من الكلية فراح تراعيكم لأنها حاسة فيكم ,, شرح و اخلاق كلو تمام ,, و ما تحب العلك أبد :biggrin:

أ/ اماني البواردي : هذي أطلق أستاذة درستني ، أتعب و انا أقول عنها روعه ,, شرح يجنن مرآ ,, و تنحرجين من رقي أخلاقها ,, و تساعد كثير ,, و أمينة و عندها ضمير بشكل ما تتصورونه .. هنيئاً للي بيكونون معاها :love080::106::love080:

أ/ هيا العجمي : درستني محاضرة واحدة بس ، صحيح حازمة شوي بس تمام ما راح تأذيكم

د/ نجوى : ما شاء الله عليها مرآ تجنن .. تحب المناقشة معاها و تستانس إذا عرفتي شي يتعلق بالموضوع بس من برآ الكتاب و أبديتي رأيك .. و صريحة يعني إذا شرحتي و شرحك مو حلو تقول لك

د/ بثينة الجلاصي : ما شاء الله عليها ، صحيح يدينكم بتتعب من الكتابة لكنها مرآ تمام بالأخلاق وشرحها زين بعد ، و من جد عارفة للغة العربية .. بس أهم شي تكونين هادئة بمحاضرتها و ماشية معاها زين

د/ رباب موسى|يوسف : هذي الإنسانة مرآ راقية بشكل .. حتى إذا ضايقتها بنت و هزأتها ما تحرجها أبد ، تظل راقية حتى و هي تصارخ هع :biggrin: و شرحها مرآ حلو و اخلاقها تمام

د/ خضرة : مرآ رووووووووووعه و أخلاق تجنن ,, إذا قالت هذا شي مهم معناها أكيد مهم و ركزي معاها زين ,, صحيح سوالف كثير بالشرح بس كلها مرتبطة بالدرس .. يعني تشرح الدرس من السوالف :wink:

د/ تغريد وزة : كأخلاق ما أقدر أقول عنها شي ، مرى طيوبة و حبوبة ,, لكنها برأيي مملة جداً و محاضرتها (مش حتئدر تفتح عينيك) و الله يعين اللي معاهم آخر محاضرة لأنها ما تطلعكم إلا متأخريـــن مرآ ,, و تاخذ البريك و زيادة على وقت المحاضرة ، بصراحة ما اقدر أتحملها ,, لكن مثل ما قلت اخلاقها تمام و ما تبخل بالدرجات

د/ ناهد رمضان : شرحها مرآ حلو و تمام و أخلاقها حلوة ، لكنها متطلِّبة شوي .. يعني على طول ملفات و بحوث و مجلات و أغراض .. و لازم بوقت محدد ,, لكن بتنسين هذا الشي إذا شفتي درجات البونس :71:

د/ ماهر أحمد : لازم تشاركين معاه كل محاضرة حتى لو كنتي بتقرأين من الكتاب ، و أخلاقه تمام ، لكن محاضرته مملة بس شويونة صغيرونة ^^

د/ سعيد عوضين : أروع دكتور بالكلية ، و يراعي بنات أدبي كثير بس سمعت إنه طلع :bawling:

أ/ زينة القحطاني : درستني بس محاضرتين مرآ روعة و تمام ، أهم شي ما تتأخرين

.؛.
و في بعضهم يثبتون انفسهم حتى لو ما درسوني،
مثل د/منال المحروس ,, مرآ رووووووووعة ، و د/ منى اسماعيل ,, الله يستر علينا و عليها

.؛.

و بشكل عام أهم شي عند الكل : تجين بوقت المحاضرة ، و تكونين هادئة ، و تسلمين الأنشطة و الواجبات بوقتها ، والمشاركة ، و قبل كل شي تحترمين نفسك و تحترمين الأستاذة اللي قدامك
~| امشي سيدآ يمشون معاكِ سيدآ |~

بالتوفيق:(204):