رد: الذيب في مقرر الاحصاء يلحقني
 

عفت الغلا .. هونت لاني عرفت .. واللي عرفته ان اصغر قيمه من خلالها نبدأ في بداية تحديد طول الفئــه ..


افتحي الفيديو وركزي مع الاستاذ تدرين هالمحاضره الرابعه شكثر شفتها !! توني قبل شوي فهمتها ..


طيب انتي مو فاهمه شنو بالضبط ؟؟ اذا درستي جمعي النقاط اللي مافهمتيها حتى يسهل علينــآ اننا نشرح لج بأسهل طريقه :16:


موفقــــــــه

رد: الذيب في مقرر الاحصاء يلحقني
 

يالبيه
يالبيه
يالبيه
ارررحبي والله احطك بعيوني وﻻ قلبي
انتي اول وحده ردت بمعلومه استفيد منها وهي كيف نستنتج قيمة الوسط الحسابي حتى لو طريقتك خطاء عاﻻقل فهمت شئ
كملي عاادي كل الملتقى لك اشررررحي بس لحظه بروح البس مريول المدرسه واسرح شعري واجي :8:
تكفين كملي اكتبي لي طريقة استنتاج المنوال والوسيط والهباايب اﻻخرى ااقول اي شباك بترمين كتابك كان عليه مثل هالشرح علميني اجلس تحت شباااكك
جعلني فدوه وجعل سعود يفرح فيك ويخليه لك ويحفظه

رد: الذيب في مقرر الاحصاء يلحقني
 

سيؤوف تو بقوول بطله
ثم تحطمت عاااد المحاضرة الرابعه غثيثه
كل شئ ماافهمته يلله فهميني بليزززز

رد: الذيب في مقرر الاحصاء يلحقني
 

معقوله يالعضيد فهمت اﻻحصاء وﻻ فهمتني
تعااال بسألك الحين قلت ل نوف غلط يانوف هههههه بعيد كﻻمك وحده حقااانيه حيل
قلت لها الوسط الحساابي تجمعين وش اجمع هذا سؤال يلله وريني شطارتك باااءه
الثاني قلت تقسمين من اقسم وعلى ايش اقسم الله يقسم راس العدو قلت على عدد اﻻرقام يعني مثﻻ 123456 بكدا تكون ستة ارقاام وﻻ اجمعهن والناتج هو اللي اقسم عليه في كل الحالتين اقسم على ايش
طيب كيف اعرف احسب الوسيط
كيف اعرف احسب المنوال
كيف افهم الحااسبه اصﻻ شغلي بالماليه وفواتير رايحه وفواتير جاايه وفللوووس احولت عيني عندهااا وماالي نصيب فيهااا وﻻ اعرف للحاسبه تطلع لي مشااكل بالهﻻﻻات
بس خلك من مشااكل الهلل ابغى تحل لي مشاكل اﻻحصاء
يلله العضيد الذيب فديت عيووونك جاااوبنااااا

رد: الذيب في مقرر الاحصاء يلحقني
 

صدقيني يا عفت الغلا، المصفى مشروح لي ولأمثالي وأمثالك. وأنا أكثر واحد يتفهم أعداء الإحصاء والأرقام. لأني أحدهم وأولهم.
لن أفعل هنا أكثر من إعادة المكتوب فيه. يرضيك هذا والمصفى موجود وجاهز؟.
ابدأي بقراءته، التعريفات ثم المسائل اليدوية. وفي أقرب وقت تشترين الحاسبة الموضح نوعها في المصفى نفسه، ثم تمرني على بقية المسائل.
طريقتك هذه ليست منطقية أبداً. لا بد تقرئين أكثر من مرة قبل أي شيء.
الرقم الذي أوردته نوف مكون من 7 أعداد وليس 6. اقرئيه ثاني مرة. والمنوال هو العدد الذي يتكرر أكثر من غيره. والوسيط له حسبة سهلة بطريقتين وكلها مشروحة بالتفصيل في المصفى أو أي ملزمة.
وبعد القراءة المتعمقة، أي مسألة تُشكل عليك اسألي عنها. لأن بطريقتك هذه لن تعرفي الجواب أصلاً.

رد: الذيب في مقرر الاحصاء يلحقني
 

هتان :20:
ووووينك فيه يا دووووووب
نوررررت يابعدهم ووين النااس
مسوووي مستوى سادس وكبير وخلصت اﻻحصاء
انا مستوى ثااني :41:
وتعال بسألك فعﻻ كرر اﻻسئله د النجار يارجال مالقيت له اﻻ نموذج
وحاالتي حالة ........

رد: الذيب في مقرر الاحصاء يلحقني
 

العضيد يا انت صعب صعب صعب
والله انك اصعب من اﻻحصاء
عسى ماتدرسني والله لاتﻻقط ويااك وتعتزل اﻻحصاء وتصير مدرس تربيه بدنيه
لما قلت 6 على المثال اللي انا طرحته
وبعدين عاادي وعااادي جدااا ترجع تعيد الكتابه مافيها شئ تفريج كربه ﻻختك المسلمه اللي هي انااا طبعاا
بس هين بكره اترقى واصير وزيرة اﻻحصاء بالدوله واول شئ الغيه اﻻحصاء يعني المصفى خﻻص ماله فايده
:8:
عالعموم الله يعطيك العاافيه ماقصرت وبيض الله وجهك
موووووفق يالغﻻ

رد: الذيب في مقرر الاحصاء يلحقني
 

على كذا حصه وحده تكفي
:8:
وحده يوم جاء طااري الفووس قمطت
والله لوتصير لا اهبل فيك واخليك تدفع لي الف علشاان نخلص الحصه::8::27:

رد: الذيب في مقرر الاحصاء يلحقني
 

يالغلا قاعده اشرح المحاضره الرابعه لج .. بس النت عل قلبي ,, انتظريني شوي وانزلها هني ان شالله

رد: الذيب في مقرر الاحصاء يلحقني
 

السلام عليكم ورحمة الله ...

نظرا لصعوبة مادة الاحصاء وبعد مافهمت الجزء الاول من المحاضره الرابعه راح اشرحها هني بشكل مبسط وان شالله انكم تفهمون علي لاني اعاني من صعوبة توصيل المعلومه ..:36:




بسم الله ..




اولا يجينا جدول مثل هالجدول :

http://im33.gulfup.com/ZZwev.jpg




مطلوب مننا جدول تكراري .. لاقال تكراري يعني جدول من ثلاث خانات ( الفئات _ العلامات _ التكرارات )

فيه اربع خطوات لازم نسويها لاقال لنا جدول تكراري :

كتبتهم عالسريع :


الحين نجي عالشرح .. اولا تحديد عدد الفئات ( 2 اس k )

المعنى انه نضرب العدد 2 في بعضه اكثر من مره الى ان نصل لعدد فوق الـ 48 ( اللي هو اعلى قيمه بالجدول )

مثال :
2*2 = 4
4*2 = 8
8*2 = 16
16*2 = 32
32*2 = 64

ونــوقف لحد هني لان الـ 64 اكبر من الـ 48 ونكتفـــي .

لاحظوا هني جم مره استخدمنا الرقم 2 ؟؟ 6 مرات ..

يعني عدد الفئات = 6


ثانيــآآآ : تحديد طول الفئه

الجدول الموجود فيه ارقام

اعلى قيمه ( رقم ) = 48

واقل قيمــه = 1

نجي نطلع المدى ( اعلى قيمه - اقل قيمه ) = 48 - 1 = 47


وقانون تحديد طول الفئه = المدى تقسيم عدد الفئات .. يعني يساوي


http://im32.gulfup.com/KhWhG.jpg

هذي ملخص من الدكتور لان تصويري يطلع مقلوب ....

http://im40.gulfup.com/4Zv7P.jpg




آلحــــين نجــي لثــآلثــآ تحدــيد حدود الفئــه ( يعني من الرقم كذا الى اقل من الرقم كذا )

اقل قيمه عندنا بالجدول = 1 اذا نبتدي من 1

اعلى قيمه بالبيانات = 48

ركــزوا هني

طول الفئـــه اللي طلعنـآه = 8 حلوو ؟؟

اذا نبتدي من اقل قيمه بالجدول اللي هي 1 الى اقل من 9 ... طيب ليه الى اقل من تسعه ؟؟؟؟ لان حد الفئه لازم يشمل الرقم 8 اللي طلعنـآهـ ..

فنكتب حد الفئـه بهالطريقه 9 - 1 ونقراه بهالطريقه (من واحد الى اقل من تسعه)

يعني هذه الفئه تتكون من 1 . 2 . 3 . 4 . 5 , 6 , 7 , 8 فقط .. لان مكتوب الى اقل من تسعه ..

نكرر كتابة حدود الفئات الى ان نصل لرقم يشمل اعلى قيمه بالجدول وهو 48

بهالطريقه


http://im32.gulfup.com/mWZFv.jpg


نجي الان لـ رآبعــآ : توزيع التكرارات ( جدول من ثلاث خانات )

الخانه الاولى الفئات ( اللي كتبناهم فوق ) نكتب الحد الادنى و يمه الشرطه وفقط ...
الفئه الثانيه نكتب الحد الادنى منها وشرطه فقط ..
الفئه الاخيره نكتبها كامله ( الفئه الوحيده اللي نكتبها كامله ) نفس ماهو مو ضح بالجدول ( الخانه الاولى )

الخانه الثانيه العلامات ... نروح للجدول الاول الكبير .. اول رقم عندنا رقم 2 وهالرقم يقع ضمن الفئه الاولى
اللي هي من 1 الى اقل من 9 .. اول شي نشطب رقم 2 من الجدول بعدين نرسم شرطه بالخانه الثانيه عند اول فئه مثل هالصوره
http://im33.gulfup.com/vkZKJ.jpg


والرقم اللي وراه نفس الشي نشوفه تبع اي فئه .. نشطبه .. نرسم شرطه عند فئته .. وكل اربع شرطات لما يجيهم رقم خامس نقفلهم ويصيرون حزمه مثل هالصوره

http://im40.gulfup.com/bRiWs.jpg

يعني كل حزمه فيها خمس شرطات اي ( خمس ارقام ) الحين الصوره اللي فوق حاطه دائره حمرا عالشرطاتت عددهم 6 ( حزمه + 1 ) وهكذا الى ان ننتهي من كل الارقام .


الان اخر خانه ( التكرارات )

نعد كل الشرطات اللي في كل فئه .. مثلا الفئه الاولى صار مجموع الشرطات فيها 7 اذا نكتب عند خانة التكرارات رقم 7 وهكذا ...

http://im38.gulfup.com/z5kMn.jpg


في الاخير نجمع التكرارات ويطلع الناتج 50 اللي هو وبكل اسف عدد الارقام المتواجده بالجدول ( السؤال ) :26:

مدري ليه كل هالحوسه مستعدين نعد ع اصابعنا ولا ننحاس جذي :24:


المهم هذا شرح سريعي مريعي بس النت عل قلب قلبي:18: ماقدرت انسقه ولا اخذ راحتي فيه السموؤحه :34:

.. بغيت احطه بموضوع مستقل بس قال لي ممنوع موضوعين في اقل من 24 ساعه ... ان شالله تكونون فهمتوا علي :37:


دعواتكم لي :35: