ملتقى طلاب وطالبات جامعة الملك فيصل,جامعة الدمام - تجربة خريج تم قبولي ماجستير ولله الحمد

- ملتقى الخريجين (https://vb.ckfu.org/forumdisplay.php?f=239)

- - [ تجربة خريج ] : تم قبولي ماجستير ولله الحمد (https://vb.ckfu.org/showthread.php?t=760709)

رد: تم قبولي ماجستير ولله الحمد

اقتباس:

المشاركة الأصلية كتبت بواسطة Mr.diamond (المشاركة 1057303313)

يطلبون موافقة من العمل وليس تعريف من العمل
ضروري تخبرهم انك موظف لانه لو اتضح لهم بعد ذلك انك تعمل ولم تذكر ذلك يسبب حرمانك من الدراسة

مرحبا
اخوي بسألك احنا لازم نختبر اختبار قدرات حق الماجستير يعني م يقبلونا ماجستير إلا بعد النجاح من الاختبار ولا لأ؟! ياليت القى الاجابة منك .. لان جيت بقدم على الماجستير ،، ولا اشوف المنتديات يقولون لازم تعدي الاختبار القدرات عشان نشوف يقبلونك ولا لأ !!؟ >< :Cry111:

رد: تم قبولي ماجستير ولله الحمد

اقتباس:

مبروك .. ومنها للأعلى يا رب ..
استفسار بسيط
ما الفرق بين اختبار " المحوسب والورقي " في اختبار قدرات الجامعيين

الله يبارك فيك وعقبالك

الفرق بين المحوسب والورقي

الاسئلة نفس بعض

لكن ميزات المحوسب

سهولة الاختيار ( بدون تلوين )

سهولة التعديل فقط ضغطة زر الماوس

سهولة التنقل

الوقت واضح امامك

متى ماخلصت القسم تنتقل للقسم اللي بعده ماهو مثل الورقي الانتقال جماعي

متى ماخصلت الاختبار تطلع

النتائج اسرع من الورقي

هذا اغلب الفروق بشكل عام

رد: تم قبولي ماجستير ولله الحمد

اقتباس:

ماشاءالله تبارك الله الف الف مبروووووووك اخي الكريم واهنيك على هذه المثابره والطموح

والله عطيتني امل كبير في اكمال الدراسه خاصه بعد غلق ابواب التوظيف في وجهي

حابه اسأل عن موعد بدأ التسجيل متى راح يكون ؟ لأني شايفه موقعهم غير متاح للآن

الله يوفق لك ويسدد خطاك وين مارحت وان شاءالله تنال اعلى المراتب وتوصل لطموحك بأذن الله

الله يبارك فيك وعقبالك القبول والتفائل والامل هو اساس الطموح قبل وقت وجيز كنت هنا اتابع مثل هذه
المواضيع وكانت تحفزني لذلك حبيت انشر الشي اللي كنت استفيد منه

بخصوص سؤالك اغلب الجامعات اعلنت وقت التقديم مثل جامعة عبدالعزيز وسعود والقصيم

لكن افضل المواقع مرتب ترتيب رائع جداً ومفصل فيه جميع التقديمات استفدت منه شخصياً من هذا الملتقى

ومن خلال هذا الرابط

http://vb.ckfu.org/registrationdates.php

كل الشكر للقائمين عليه أسئل الله لهم الاجر والثواب الاجزل

رد: تم قبولي ماجستير ولله الحمد

اقتباس:

المشاركة الأصلية كتبت بواسطة g.als (المشاركة 1057307915)

اختبار قدرات الجامعيين شرط اساسي للقبول

لا يوجد نجاح او رسوب فيه

فقط نسبة معينه مطلوبه لكل جامعة وحسب الجامعة

على سبيل المثال

جامعة القصيم طلبت لهذا العام 60 %

بينما جامعة سعود طلبت 70 %

وهكذا حسب طلب كل جامعة

رد: تم قبولي ماجستير ولله الحمد

ربي يوفقكك ويسهل عليك كل امر عسير

رد: تم قبولي ماجستير ولله الحمد

ماشاءالله عليك مبروك والله تحمست كثير بإذن الله أفرح بقبولي ماستر مثلك :rolleyes:
بس عندي سؤال إيش الجامعات اللي يفتح فيها تقديم الماستر لطلاب الانتساب
اذا ماتذكرها كلها أذكر بعضها واذا ذاكرها كلها الله يسعدك أكتبها لنا :)
وبالتوفيق يااااااااااارب :

رد: تم قبولي ماجستير ولله الحمد

الله يبارك فيكم

هذا الرابط فيه كل التقديمات لهذا العام مرتب ومنظم وقت التقديم ونهايته

http://vb.ckfu.org/registrationdates.php

رد: تم قبولي ماجستير ولله الحمد

الف مبروك يالزميل

بس عندي سؤال نزلت لك المواد والا باقي مانزلت لانها مانزلت عندي

رد: تم قبولي ماجستير ولله الحمد

اهلاً بزميل الدراسة

الله يبارك بعمرك نعم سجلت المواد والاسبوع القادم باذن الله اول ايام الدراسة

ومبروك لك ايضاً يا عزيزي اي جامعة انت الله يوفقك

رد: تم قبولي ماجستير ولله الحمد

اقتباس:

المشاركة الأصلية كتبت بواسطة mr.diamond (المشاركة 1057291368)

السلام عليكم ورحمة الله وبركاته

لله الفضل من قبل ومن بعد تم قبولي في عمادة الدراسات العليا

ماجستير خدمة اجتماعية في اعرق الجامعات السعودية جامعة الملك سعود

انا هنا ممتن لعمادة التعليم عن بعد في جامعة الملك فيصل التي اتاحت لي الفرصة وإعادة النظر من جديد لإكمال مساري التعليمي وتحقيق النجاح والحصول على هذا القبول ولله الحمد

ممتن للاشخاص في هذا الصرح الشامخ على كل معلومة وعلى كل حرف ارشدوني اليه

نصيحة محب وطالب تخرج من هنا في تاريخ 1 / 4 / 1437 هـ لا تلتفت للمحبطين وللمثبطين والى من يكسر المجاديف وينهي الاحلام واصل مسيرك التعليمي بشتى الطرق وبكل الوسائل استعن بالله واتجه نحو هدفك الذي رسمته بكل عزيمه واصرار.

قريب لي لا انسى فضله بعد الله هو من حثني على الدراسة واكمال تعليمي في الفصل الثاني للعام 1433 في جامعة الملك فيصل تعليم عن بعد من هنا كانت البداية

حصلت على تقدير ممتاز في المستوى الاول وكانت محفز لي للمحافظة على المعدل والاستمرار

وكذلك المستوى الثاني والثالث حتى تخرجت بتقدير ممتاز مع مرتبة الشرف الاولى ولله الحمد

تقدمت الى اختبار القدرات الجامعيين اختبار محوسب وحصلت على نسبة عالية اهلتني للتقدم الى الدراسات العليا

ترشحت الى الاختبار التحريري في شهر 5 / 1437 هـ اجتزت الاختبار وكذلك المقابلة الشخصية

وحصلت على الموافقة النهائية بالقبول ولله الحمد

ومن هنا من لا يشكر الناس لا يشكر الله والدي العزيز على دعواته ودعمه
و زوجتي العزيزة بعد فضل الله كان لها جهد كبير بصبرها ومساعدتها لي

رغم التقصير وضيق الوقت بين العمل والدراسة.

زملاء الدراسة شكرا لكم من الاعماق على بث روح الحماس والمنافسة على المذاكرة

شكراً من القلب لكل من بذل وقته وجهده بالملخصات وحل الاسئلة السابقة من اخواني واخواتي الاعزاء

شكر خاص لكل من

الفيصل

الفيصلاوي

بوفهد

حواء المدينة

تورينق بوينت

هتان

فجر

الجارح

لاكوست

بو ضيدان

ليثاوي الرياض

المشعلي

عبقور

فهد

نادر

ليلاس

انفاسي انين

حلمي اتنفسك

امير الصعاليك

لا انسى فضلكم علي بتحقيق النجاح

ولجميع المتواجدين بالملتقى على الدعم والتحفيز

وفي الختام انا هنا مستمر لأشكركم وللإجابة على جميع استفساراتكم

واعتذر عن من سقط اسمه سهواً واتمنى من الله ان يحقق لكم جميع طمحاتكم

:106:

اول شكل مشالله الله يوفقك بالخطوه الي مو بس دعمتك دعمتنا احنا بعد

وثاني شي تكلمي عن طريقة الدراسه عشان نستفيد لو بغينا نقدم

والله يهنيك بارك الله فيك