رد: قسم "اللغة الإنجليزية" الاستفسار عن الدكاترة والمقررات وغيرها ~
 

تفضلي

رد: قسم "اللغة الإنجليزية" الاستفسار عن الدكاترة والمقررات وغيرها ~
 

يعطيك العافيه :106:

رد: قسم "اللغة الإنجليزية" الاستفسار عن الدكاترة والمقررات وغيرها ~
 

أتفق كثير من هالناحية. هذي يمكن من أكثر المشكلات اللي يعاني منها قسمنا. طبعًا أنا أتكلم عن أوقات المواد اللي تكون في مستوى واحد. صحيح في أوقات كثيرة يكون القسم معذور بسبب قلة الأساتذة مثلًا وأن الأستاذ ما يكون متفرغ إلا في هذا الوقت الوقت المتأخر، أو بسبب عدم توفر قاعات فارغة. لكن يظل هناك نقص في تنسيق أوقات المواد رغم توفر كل شيء. يعني مثلًا كان عندي بأحد السمسترات مقرر القصة القصيرة وكان وقته الساعة 7 ونصف، والمادة الثانية كانت الأدب الأمريكي، ووقتها من 1 إلى 3. والمادتين كلهم في المستوى الثامن، وعارفين أن المستوى الثامن ما فيه مواد عامة فاللي ماشين على الخطة ما راح يكون عندهم مواد يحطونها بهالوقت. أنا قلت أكيد أن الدكتور حق الأدب عنده محاضرة قبل، ولا مو معقولة حاطين هالفاصل الطويل بدون سبب. المهم لما جاء الدكتور عطانا ملزمة للمنهج، وكان مصور في نهايتها جدوله وطابعه مع الملزمة، اللي تفاجأت منه كثير أن الدكتور ما عنده أي شيء بهذا اليوم غير هذي المادة! طيب ليه تاركين كل هالوقت فاضي!

رد: قسم "اللغة الإنجليزية" الاستفسار عن الدكاترة والمقررات وغيرها ~
 

هذي المادة كانت من أجمل المواد اللي درستها رغم التعب اللي تعبته فيها. يعني شيء جميل لما تنتج بحث علمي تثبت فيه فرضية معينة أو تعالج فيه مشكلة بطريقة علمية. صحيح أن الأمر متعب جدًا، لكن بالنهاية تكون حققت شيء كبير، يعني حسيت فعلًا أنه مشروع تخرج وأني وصلت مرحلة التأليف والإنتاج في تخصصي.:verycute:
طبعًا المادة هذي تعتمد على الطالب من الدرجة الأولى، خاصة لما الدكتور يكون معطيكم كامل الحرية. يعني في أساتذة يطلبون طلبات كل محاضرة إما اختبار أو يقسمون أجزاء البحث على المحاضرات وكل محاضرة البنات يكتبون جزء. وفي العكس مثل أستاذي اللي درسني الدكتور محمود السلمان. كان تاركنا على راحتنا نوعًا ما، وما استوعبنا لين ما قال هاه وين وصلتوا في البحث. و لما أخذنا معلومات عن البحث في المحاضرات الأولية وبدأنا نكتبه، ما كان في شيء نسويه بقية المحاضرات فكنا كثير نسحب وحتى صرنا نتفق مع الدكتور ما نجي المحاضرة إذا ما في شيء. المادة ما فيها اختبارات، كان يطلب منا نكتب أشياء واجبات فقط. كتابتك البحث مرهقة وتتطلب وقت كثير جدًا، فالأفضل الواحد يستغل وقته عشان يخلصها بسرعة. البحث ينقسم إلى عدة مراحل، كل مرحلة تختلف بصعوبتها والوقت اللي تحتاجه. وآخر شيء وقت تسليم البحث يكون فيه المناقشة. يناقشك الدكتور بحثك ويعطيك أسئلة عنه.

واللي عنده أي سؤال عن هالمادة أنا حاضرة.:119:

رد: قسم "اللغة الإنجليزية" الاستفسار عن الدكاترة والمقررات وغيرها ~
 

الدكتور فوزي مغرم بالكتابة الصحيحة إلى درجة كبيرة جدًا. أهم شيء ما يكون عندك أخطاء لغوية؛ لأنه يحاسب على الحرف لو غلطتي فيه. هو من النوع اللي ما يعتمد على منهج معين، يعطينا ملزمة صح لكن بس للي بيستزيد من العلم، لكن المذاكرة كنا نذاكر من النت ومن مصادر مختلفة يعني كل طالبة ومصدرها اللي تدرس منه. فاللي أول مرة يدرس عنده يمكن يحس أنه ضايع وما يدري من وين يذاكر بالضبط. لكن بعدين تعودنا عليه، وبالعكس أنا أعجبني هذا الأسلوب أكثر. المادة الوحيدة اللي أعطانا لها منهج معين كانت النقد الأدبي. في الاختبارات هو ما يبي كثرة الحشو بقدر ما يبي كلام صحيح من ناحية المعنى و سليم لغويًا. و أسئلته مقالية طويلة وقليلة. وغالبًا تكون واضحة من اللي درسناه، لكن أحيانًا وخاصة في النهائي يجيب سؤال عميق يتطلب تحليل أو وجهة نظر معينة. ما يطلب كوزات، يطلب أساينمت واحد أو اثنين تقريبًا. من ناحية التعامل، الدكتور كويس ومرن في التعامل يعني لو تأخرت في الواجب عادي عنده، وما يطلب مشاركة. من ناحية الشرح، أنا أحب الأدب وأستمتع معاه بالشرح بس ما أدري أتوقع كثير بنات يمكن ما يعجبهم شرحه، بس هذا بالنهاية يعتمد على ميول كل بنت.

رد: قسم "اللغة الإنجليزية" الاستفسار عن الدكاترة والمقررات وغيرها ~
 

ترى غالبًاالأستاذ المشارك يخلونه يدرس طلبة الماجستير بحكم أن رتبته العلمية أعلى. فيمكن عشان كذا.

رد: قسم "اللغة الإنجليزية" الاستفسار عن الدكاترة والمقررات وغيرها ~
 

صباح الخير ي حلوين أبغى أسأل عن الدكتور أحمد حليمه ماده لغويات تطبيقيه وعبدالرحيم جماري ماده النحو والصرف كيف طريقه اسألتهم وبما اني توني مستوى ٣ هل الماده بتكون صعبه علي ولا؟!

رد: قسم "اللغة الإنجليزية" الاستفسار عن الدكاترة والمقررات وغيرها ~
 

طبعا ماخدت الا انجليزي عام ��

رد: قسم "اللغة الإنجليزية" الاستفسار عن الدكاترة والمقررات وغيرها ~
 

البنات اللي مع استاذة مليحة الملحم استماع وتحدث
ارسلنا لها ايميل وهذا ردها بخصوص الكتاب


Hi,

The book for your course is (Mosaic 1: Listening and Speaking) by Jami Hanreddy and Elizabeth Whalley. (Middle East Gold Edition).

رد: قسم "اللغة الإنجليزية" الاستفسار عن الدكاترة والمقررات وغيرها ~
 

بنات بسألكم

انا اخذت كل المواد العامة بس ابي اتأكد من هالمواد

حاضر العالم الإسلامي
نظرية المعرفة
قواعد بيانات
مدخل إلى الإعلام

انا خذتهم طبعا بس لازم اخذ حضارة إسلامية اذا انا ماخذة الأربع اللي فوق ولا خلاص؟

وحسبت ساعاتي كلها مليون مرة طلعت 132

صح ولا ناقص ؟