|
رد: ڛڪر عٌيُوُنْڪ..*
صباح الفل والكادي.. اعترف ان الصباح منك بنكهة الشوكولاتة يا ملكة الإحساس والرقه..
على راسي ولله انت و كلامك و تقييماتك و اسفه ماقدر اقيم مو راضي يقيمك لازم ناس قبلك افقع وجهه على ذي حاله |
رد: ڛڪر عٌيُوُنْڪ..*
لشخص المعني بهالكلام
شوف صورتي الرمزيه |
رد: ڛڪر عٌيُوُنْڪ..*
" خلق الله لك قلباً في جَوْف الجَوْف؛ لتَدفِن فيه أوجاعَك وتَطوي فيه أسرارَك، وتَحمي فيه أحبابَك .."
صباح الخير لكل من مر هنا ّ |
رد: ڛڪر عٌيُوُنْڪ..*
لَا تَتَوقف عَن الإبْتِسام حَتّى وَإن كُنْت حَزِينا فَلَرُبّما فُتِن أَحد بِابْتِسَامتك.
|
رد: ڛڪر عٌيُوُنْڪ..*
"الحَرْفُ يَبْدَأُ مِنْ عَيْنَيْك رِحْلَتَهُ..
كُلُّ اللُّغَاتِ بِلَا عَيْنَيك تَنْدَثِرُ " |
رد: ڛڪر عٌيُوُنْڪ..*
استغفر الله العظيم
مادري شفيني الضيقه واصله عندي من البارحه مضايقه و اعصب على اقل شي حتى لو تافه كأن يفضل اختفي لين اروق مع السلامه |
رد: ڛڪر عٌيُوُنْڪ..*
على طلب معجبينه 😂😂😂
|
رد: ڛڪر عٌيُوُنْڪ..*
"اللهمّ القوّة وإن أنهَكَتنا الحَياة.."
رحمتك يارب |
رد: ڛڪر عٌيُوُنْڪ..*
امس صار موقف لي
كلمة قلبت موازين الكلام كله و انقلب الهدوء لهوشه كبيره ������ مو هامني شي بس مستانسه إني تهاوشت طلعت طاقتي السلبيه هههههه و ثاني اهم شي عندي انو انا ما كنت غلطاننه بشهادة الحاضرين و كسبت منها هوشة طلعت طاقتي السلبيه كلها مسائكم روقان |
رد: ڛڪر عٌيُوُنْڪ..*
هههههههههههههههههههه رافعة مرة وحدة! ضحكتيني يختشي / هدى
ههههههههههههههههه اي ولله رافعة لان طالبة من الغوالي جلسة و مشاوي و اكلت لين حسيت يبي لي مو رافعة رافعتين هههههه فرحتيني بتقييمك تشكرات ي قمر |
رد: ڛڪر عٌيُوُنْڪ..*
بختم يومي
بتعليق جاني من شخص اكن له كل الاحترام و التقدير و له معزه بقلبي اقوله جعل حياتك كلها سعاده و فرح و ما يعرف الضيق طريقك و تصبحو على خير ي جميلين |
رد: ڛڪر عٌيُوُنْڪ..*
إني آويتُ لكل مأوى فِي الحَياة، فما رأيتُ أعزّ من مأوآك ❤
صباحكم الخير ..* |
رد: ڛڪر عٌيُوُنْڪ..*
مشتهيه و بكل قوه
ارجع لو نص يوم اقعد في زاويتي المفضله بهدوء تام مثل ما كنت اسوي قبل محتاجه اتخذ قرارت فيه اشياء في مخي يبي لها ترتيب بس بدون فايده هذا الوقت اهو إلي اكون فاضيه فيه و ماهو مناسب لاتخاد اي قرار لاني ميته تعب |
رد: ڛڪر عٌيُوُنْڪ..*
فيه شخص طلبت منه مساعدة اكثر من مره و خذلني
احس جتني الصيحه ابي اصيح مو لهدرجة لما اطلب يعني ابي اشغلك او الهيك عن شغلك انا ما طلبت منك مساعدة الا انا جد محتاجه مساعدة مقهوره و جبدي مبطوطه ودي اذبحه |
رد: ڛڪر عٌيُوُنْڪ..*
|
رد: ڛڪر عٌيُوُنْڪ..*
اليوم كان يوم شاق
لكن جميل الحمدالله رب العالمين |
رد: ڛڪر عٌيُوُنْڪ..*
دَع حُلمكَ ينمو، لا تَسمَح لأحد أن يوقِفكْ..
صباح الخير صباح الاحلام المحققه بأذن الله |
رد: ڛڪر عٌيُوُنْڪ..*
وأنآ أحمد ربي بعد يـ عيني .. ع معرفتتس .. تشرفت بتس .. ويعلم الله عادتتس إخت عزيزة وغاليه .. مستانسة بتس ومبسوطه .. عسآ ربي يسعدتس و يوفقتس .. إختتس | مملكة الوفآء ..��
يا عمري عمرك فديت خشتك ي شيخه |
رد: ڛڪر عٌيُوُنْڪ..*
جو القطيف اليوم ماهو بعادي
جن وجنونه تشبه جنون الاشواق اول صباحه كان صافي وهادي والحين يغري كل عاشق ومشتاق تشكرات على اضافة اسم المنطقة ههههههههههه |
رد: ڛڪر عٌيُوُنْڪ..*
*`°،؛*
*تبتسم الحياة للمتفائلين..♡* *وتقطب في وجہ اليائسين..♡* *فالثقة بالله والقوة بہ..◇* *تصنع فارقاً جميلاً في حياتك.♡* *_صباح_ _الخير_ ��* |
رد: ڛڪر عٌيُوُنْڪ..*
من زمان ما تكلمت هنا
فيه شي الحين قلب مزاجي 360 درجة وحدة من صديقاتي راسلة فيديو للبنات إلي يتزوجو و هم صغار وفيه العكس فيه ابهات يخلو بناتهم عندهم مثلاً اسبابهم مو من مقامهم << هذا سبب تخلفي او ما عندهم ثقة في الرجال عامة << هذا بالنسبه لي يعني الابو ما عنده ثقة في نفسه ابد وفيه اسباب كثيرة وحده من البنات كتبت يعني ولد عمي مو من مقامكم ليش عمك وافق عليه عصبتيني ومادري وشو قلت لها منو ولد عمك و ليش عصبتي قالت ولد عمي ماخذ بنت عمها قلت لها اوك ولد عمك ماخذ بنت عمها طيب اهو وكلك تتكلمين عنه حطك محامية عنه شدخلك ف الناس تحشرين نفسك وسطهم و جايه تكتب ولا عشانه موظف ارامكو وافقتو عليه شدخخخخخخخل ي بنت الحلال كتبت لها انتي مو ناوية خير ف اسكتي جايه تغير الموضوع راسي بينفجر و بنتي ما خلتني انام قلت لها لا تغيري الموضوع شي مالك شغل فيه لا تدخلي فيه اهو لو اخوك ما بتقدري تتكلمي اختصاراً للمشاكل ناطه لي لولد عمك بردت خاطري فيها الحين الواحد في حاله ويالله يسلم من الناس و كلامهم و انتي جايه تحشري نفسك بينهم كل ذا من الفضاوه يعني استغفر الله العظيم من كل ذنبٍ عظيم |
رد: ڛڪر عٌيُوُنْڪ..*
:Cry111:
|
رد: ڛڪر عٌيُوُنْڪ..*
و الحل مع السهرانين
يالله اذا عزمنا انام يكون المكان يلق << هذا إلي مصبرني |
رد: ڛڪر عٌيُوُنْڪ..*
تصبحو على خير:24_asmilies-com:
|
رد: ڛڪر عٌيُوُنْڪ..*
ي رب ترزقني راحة على قد التعب إلي تعبته قبل و إلي اعاني منه الحين
|
رد: ڛڪر عٌيُوُنْڪ..*
احب جلسة كبار السن
كل ليلة لما احس بالتعب اشوف لي زاوية ارتاح فيها تجي جدتي و تقعد تسولف لي عن ايامهم قبل و كيف حياتهم بسيطة و كيف لمة الاهل الجميلة لانها تعرف إني تعبانة تجي تتكلم معاي عشان انا انسى التعب و اندمج معاها محلاة الجلسة وياهم ولله يسعد مساكم يا جميلين |
رد: ڛڪر عٌيُوُنْڪ..*
اعظم شي
لما تكون المسؤلية و الانتباه و التربية ع الام اختصار لكلام ما اعرف اصيغ كتابته تصبحو على خير |
رد: ڛڪر عٌيُوُنْڪ..*
أشياء لا تُشترى ؛
صِدق المشاعِر ، وعفويَةُ الحديث .. والاصدقاء :) ! |
رد: ڛڪر عٌيُوُنْڪ..*
شكراً لكل من قيمني في الفترة الاخير 🌷🌷
|
رد: ڛڪر عٌيُوُنْڪ..*
ﻓﻲ ﺍﻟﺴّﻤﺎﺀ ﺑﺎﺏ .. ﻟﺎ ﻳﺮﺩ ﻃاﺭقه ؛ ﻭ ﻟﺎ ﻳﺨﻴﺐ ﺳﺎﺋﻠﻪ !
ﻓﻘﻂ .. ﻗﻮﻟﻮﺍ ﻳﺎ ﺭﺏ <3 مساء الخير �� |
رد: ڛڪر عٌيُوُنْڪ..*
الحمدالله
بعد انتظار 3 ساعات ف المستشفى بين تحاليل و بين و بين كل شي طلع اوك و اموري تمام التمام الحمدالله رب العالمين |
رد: ڛڪر عٌيُوُنْڪ..*
الشخص العنيد ؛
هو شخص رقيق القلب .. ودائماً لا أحد يصدق ذلك ..! صباح الورد |
رد: ڛڪر عٌيُوُنْڪ..*
شي يقهر لما تتحاسب مثل إلي غلطو
طيب انا مالي ذنب تكوشني معاهم ليش نفسيات غبية |
رد: ڛڪر عٌيُوُنْڪ..*
سهرتنا هالليلة خلوها صباحي:sm1::24_asmilies-com:
|
رد: ڛڪر عٌيُوُنْڪ..*
شيء من الحنين للمآضي ، وشيء من الحنين لـ نفسي !
لا مفرّ من الحنين لا حل ، لا هروب ولا نهايات .. يسكنون بدواخلنا حتى وهم غائبون <3 تصبحو على خير �� |
رد: ڛڪر عٌيُوُنْڪ..*
:Cry111::Cry111:
|
رد: ڛڪر عٌيُوُنْڪ..*
الحب كالحرب كل شيء فيه مباح حتى الموت لأجله !
ي سلام عليك ي الحب |
رد: ڛڪر عٌيُوُنْڪ..*
لا يُكثر الحَديث مَعك إلا مَنْ يَرتاحُ لَكْ
:106::106: |
رد: ڛڪر عٌيُوُنْڪ..*
حصلت لي هدرة كبير بيت اهلي كله من مين عاد
من ابوي الجميل حبيب قلبي ليش دمك كذا نازل ليش ما تاكلي ليش ما تهتمي ي ابوي ي عزيزي انا قعدت معاكم شهر و نص بسبب مرضتي و انت بعيونك شفت شصار فيني الحمدالله رب العالمين انكتب لي عمر جديد ثاني شي انا الحين اكل عن شخصين جسمي ما بيستعيد قوته و يصير قوي الحين لسه مشواري طويل انا حصلت فايروس ولا دريت عنه و ما تداركت الموضوع من البداية كل تمكن من جسمي لين اخذ حقه مني تقولون بيني و بينه ثار يخرب بيته يعني الحين و ل 3 شهور قدام انا اتقاسم الاكل مع شخص ثاني عايش فيني الله يقومنا ثنينا بالسلامه يارب يعني مستحيل الحين يقوى جسمي و عدت الهدرة بكلام يرضي الطرفين إني ارجع اتغدي كل يوم معاهم و اتعشى معاهم ولازم مراقبه ع الاكل معن تعب علي التنقل بس لجل عينه يهون كل شي ي فديته |
رد: ڛڪر عٌيُوُنْڪ..*
|
رد: ڛڪر عٌيُوُنْڪ..*
الحمدالله رب العالمين
:004::004: |
رد: ڛڪر عٌيُوُنْڪ..*
إذا رَأيْتَ إنْسَانا يَعْشَقُ الوِحْدَة ؛ فَاعْلَمْ أنّهُ تَحَمّلَ أكْثَرَ مِنَ اللازِم .. !!
اااااااه ع القلب وش يتحمل ليتحمل |
رد: ڛڪر عٌيُوُنْڪ..*
|
رد: ڛڪر عٌيُوُنْڪ..*
��كن شاكراً ما دمت حياً .. واعلم بأن الدنيا أيامٌ تدور .. وقل دائما الحمد لله .. تعش دائما في سرور
��اللهم اجعلنا شاكرين لنعمك راضين بقضائك متلذذين بذكرك وطامعين برضاك اللهم إنا نسألك أياما مبشرة وهموما راحلة وقلبا مطمئنا . �� ��صباح الخير���� |
رد: ڛڪر عٌيُوُنْڪ..*
اليوم داقة عندي ام العبيد
مزاجي زيرو مالي خلق ولا حاجة زين مني لي خلق نفسي اشكي لاحد معين يدخل موضوع في موضوع ي مادري شسمك انا جايه اشكي لك تنفتح مواضيع ثانية ليش في كلام في داخلي بس ما ينكتب ما اعرف كيف اكتبه |
رد: ڛڪر عٌيُوُنْڪ..*
|
رد: ڛڪر عٌيُوُنْڪ..*
ههههههههه جوعتيني اهم شيء الشاورما مشكل والعصير ثلج بالعافيه ياروحي ،،، تركش << مو لان انا كنت جوعانة مره و الميرندا انا مقاطعة هذي الاشياء بس اشتهيتها بس صمود ما شربت
يسلموش ي قلبي ع التقيبم ما ننحرم من هالطله |
رد: ڛڪر عٌيُوُنْڪ..*
يصبحش ويربحش وبماي الكوثر يسبحش
هههههههههه و صباحش بس ما عرفت منو انتي ع العموم شكراً ع التقييم |
رد: ڛڪر عٌيُوُنْڪ..*
يسعدلي قلبك وصباحك وصباح الورد /عطرالحروف
يسعد لي الصباح إلي انتي فيه ي العطر كله انتي تشكرات ع التقييم ما انحرم من هالطلة الجميلة |
رد: ڛڪر عٌيُوُنْڪ..*
صباح الخير
فيه موقف حصل من فترة جداً بسيطة استغرب من جلافة العقول جلافة يعني صغر العقل اخوان صارت بينهم مشادة كلاميه لدرجة ان ابوهم دخل في الوسط بينهم لان من كلام لكلام لدرجة انهم خلاص يبغو يضربو بعض عادي طيب ما خفتو على ابوكم يصير فيه شي لو لا سمح الله من الشي إلي صار الله استخاره وش بتستفيدو بعدها غير الندم اكره اكره اكره اكره اكره اكره اكون متواجدة في مكان تصير الهوشات المفاجأة فيه بدون سابق انذار ما تشوف الوحدة الا البيت اشتعل بيحترق و القهر و القهر كلها على اسباب تافهه انا هذيك الليله قلبي طبول ما وقف رجايلي تتصافق في بعض من الخلعة جتني حرارة في جسمي كله كأني محمومه بس انا ما فيني شي بس من صدمتي بلي اشوفه معقولة خلصت طرق التفاهم عشان نلجأ لصريخ و مد الايد بصراحة اتعجب من الناس إلي كذا |
رد: ڛڪر عٌيُوُنْڪ..*
فيه كمان موقف حصل بس هذا من فترة يمكن شهر تقريباً
كل ليلة سبت اهلي كلهم يتجمعو عشى و سوالف اخوي الكبير الحين عمره 18 مو صغير عشان تدخل مدرعم البيت بدون حتى ما ادق الباب انت الحين كبير و البيت فيه إلي مو حلال عليك يمكن قاعدين قعدة مو عدله او وحده تعدل لفتها او وحدة مفتوحة عباتها المهم البيت كان مره مره ضجة ف لما دخل بدون كلام كلمته انا و رفعت صوتي عشان يسمعني مقصدي من رفعة صوتي انه يسمعني طبعاً انقلب هذا الشي لمشكله لكن بردت قلبي فيه راح قال لامي فلانة صرخت علي و فشلتني و سبتني << هذا الكلام امي قالته لي بمعناه انك ليش تفشلينه ردي كان عليها انتي تعرفي السالفه اول قبل لا تحكمي من طرف واحد كانت فيه مشكلة اناو اختي اكبر من اخوي كنا نعاني التفرقة في التعامل لدرجة ان صرنا نكرهه لان حتى لو اهو غلط يكون اهو الصح للحين عايشين على نفس المود المهم هذا الكلام قالته لي امي في المطبخ لما طلعت قالي فلانة تصرفك مو عدل قلت له بكل هدوء وشو إلي مو عدل فيه قال ترفعي صوتك و تسبيني انا هنا الامبير وصل مليون .. سبيتك ؟! وش قلت لك ابي الكلمة إلي طلعت مني و انت اعتبرتها سبه قام إصك الكلام يمين و شمال و انا علقت على كلمتي وشهي السبه إلي طلعت مني و نفس الشي قام إصافق بالكلام قلت له انا ما سبيتك و لو سبيتك كان قلت لي وش قلت لك معن مافيني هالاسلوب ابد و ثاني شي انت الحين كبير من واجبك اذا بتدخل بيت فيه من يحرم عليك ع الاقل ادق الباب صرخ قول اي شي بس انك تجي ادرعم مو عدله و ثالث شي السبه إلي بدعتها لنفسك خليها لك لان مو هذا اسلوبي اسلوب الغجريين خليته لك و طلعت من البيت كله المشكله إلي قهرتني لبعد ما طلعت من البيت لمتى هذي التفرقة و دايماً مطلع نفسه المظلوم إلي ينوكل حقه شي يقهر من جد |
رد: ڛڪر عٌيُوُنْڪ..*
وانته لزيم الروح وأكثر شويه .. اللي لهم هذا الغلا البعد عنهم هلاك لا محاله انتقاء مميز وذوق راقي استمري حبيبتي ... تركش
اي ولله صدقتي ي وخيتي تسلمين ع التقييم :004::004: |
رد: ڛڪر عٌيُوُنْڪ..*
هالايام النفسية و المزاج ابد مو مره تمام بسبب بعض الاشياء إلي مالي سيطرة عليها
بس لما اتذكر ان بعد كل تقلبات هالمزاج و النفسية بيكون عندي شي جميل بجي على هالحياة احاول اروق نفسي و اقعد اشوف وش باقي اشياء ناقصتني مستمتعه في تجهيز ما تبقى لي من اغراض سواءً لي او لولدي او للبيبي |
رد: ڛڪر عٌيُوُنْڪ..*
يسلمو عاشقة .... نفسي اعرف ليه حرف الأتش .... امزح ... حضورك جميل مطنوخ مر من هنا
شكراً ع التقييم و الكلام الجميل |
رد: ڛڪر عٌيُوُنْڪ..*
ما تشوفين شر والله يجمع لك بين الاجر والعافية .. ميدو
سلامتك ما تشوفين شر .. سالم سلامتك وما تشوفين شر وبأذن الله كلها علوم خير لك.. تفألي الخير وبأذن الله من نصيبك.. مشعلي الشر ما يجيكم يارب شكراً ع التقييم |
رد: ڛڪر عٌيُوُنْڪ..*
مساء الخير
نمت نومة تعدل المزاج صح بس الليلة لازم انام بكير لان عندي قعدة بكير و تحاليل ولازم اكون صايمة لستت تحاليل من أ الى ي اهم شي ما يخلصون دمي و طلع بعد دمي نازل زيادة من 10 الى 9.5 مادري شناويها دمي الله يجيرنا بس |
رد: ڛڪر عٌيُوُنْڪ..*
مساء الخير سوي الزبيب الاسود عصير وشربيه يرجع الدم اخذي زبيب نقعيه فالمويه من اليل وصبح حطيه فالخلاط اذا تحبين توت معه حطي يرجع الدم بسرعه سبحان الله/عطرالحروف
زبيب ما احبه للاسف الشديد خليت زوجي ياخذ شمندر اكلته مع السلطة تحنيت بلونه و اخذ فوايده هههههههههه تشكرات ع النصيحة ي قمر :004::004: |
رد: ڛڪر عٌيُوُنْڪ..*
مسائكم خيرات
خميسكم جميل <<< معني ما احبه المهم فيه كلام في بالي من زمان و كتبته البارحه بس ما حالف الحظ إني اعتمد المشاركة بالنسبه لي مرض فقدان الذاكرة مو شرط ان الانسان إنام و ما يقعد الا اهو فاقد الذاكرة بالنسبه لي كثرة التفكير و الاوضاع السيئةو التفكير لمتى بيضل الوضع كذا لمتى الصبر سنة 2017 سنة سيئة بكل معنى الكلمة لو يجيني سؤال من اي احد تقدري تنسي سنة 2017 و إلي صار فيها ممكن ادفنه مكانه لما تتعاقب منطقة كامله عشان شلة مالها اي داعي في المجتمع لما تطلب المساعدة من المناطق الغير و ما تشوف منهم الا الصد و الخذلان و عدم المساعدة ينكسر شي في داخلك يعني لهدرجة تتخلو عن اهلكم عن ناسكم عن من طلب مساعدتكم في موقف صار لقريب لي راح يستأجر برا المنطقة سأله صاحب الشقق انت من المنطقة الفلانية قاله ايه قاله انا ما اعطي شققي لاحد من اهل المنطقة فيه اعظم من كذا كسرت خاطر تحملنا و صبرنا كل شي من كل النواحي بروحنا انا ما توقعت نفسي بجي يوم ما اشوف اهلي و صارت بالايام ما اشوفهم حتى الشارع ما اقدر اطلعه تحملنا 4 شهور حتى لو طلعنا من الممكن رجعتنا نموت انا تحملت امانة و الامانة صعبة و تكسر الظهر تحملت امانة وحدة من اهلي اهي و بنتها و وجنينها لازم اطلعها لاهلها اسلمها اهلها ما وصلتها و انا فيني نقطة دم ما استوعبت إني سلمت الامانة بعد ما سلمتها وصلت الفندق و خلصنا امورنا قعدت اصيح هم و انزاح عن قلبيي ما توقعت نفسي صبورة و اقدر اتحمل كل شي صار انا اعرف نفسي مو صبورة الدمعة الساكبة لما تتراكم علي الاشياء صرت العكس تحملت و صبرت وفي نفس الوقت كنت انا و زوجي مخططين ع الحج و حجزنا وما نقدر نكنسل رحنا الحج و تمت حجتنا بسلام و رجعنا و راسنا مرفوع وما نقبل اي احد غريب يدخل منطقتنا عشنا و شفنا و صبرنا بروحنا محد وقف معانا انا هذي الاوضاع كلها كلها سببت لي فقدان لذاكرة التفكير و الاوضاع برا و الاخبار إلي نسمعها من جد كل شي خشيته كل شي شلته لما رجعنا زوجي يسأل وين هذا ي فلانة وين هذا ي فلانة اقوله مادري اقوله انتضر علي صبرك علي صبرك بتذكر كل شي بس بشويش علي بس الحمدالله كل شي رجع مثل اول وبس هذا إلي كنت بقوله |
رد: ڛڪر عٌيُوُنْڪ..*
عاشقة / هذي كبدي ياجعلني ما خلا هذي انا الفتره مشغوله ومقصره معك اشوف تنبهاتك ودي اقيم بس مقدر يقول ضع سمعات
يا بعدهم انتي ما منك قصور :004::004: |
رد: ڛڪر عٌيُوُنْڪ..*
يارب تسهل اموري اليوم
دعواتكم |
رد: ڛڪر عٌيُوُنْڪ..*
في الشدايد تعرف صديقك من غيره
انا اتذكر و بشدة إني مريت في ظروف صديقتي الصدوقه ما ذكرتني حتى بسؤال في الواتس شخباركم عايشين ميتين صراحه حطيت في خاطري انها ما ذكرتني حتى بسؤال كنت انا إلي اكلمها هذيك الفترة اذكرها إني عايشه بالعكس قلبي عليها مره صرت ما اشتهي اكلمها بعدها لما ما شفت منها سؤال حقرتها صرت ما اكلمها غير النفسية التعبانة اروح اكلم ناس ما فكرو يسألوني عن اخباري و انا عارفة ظروفها عدل لاهي متزوجة ولا عندها مسؤلية صار الغريب احسن منها و كل يوم يسألوني عن اخباري بس في الحالتين انا بعدت نفسي عن الجميع انا هاااااااادئه جداً من ناحية الواتس ناس جوالاتهم ما تنزل من ايدهم و طول الوقت كتابة انا عكس هالفئة تماماً مجرد فضفضة |
رد: ڛڪر عٌيُوُنْڪ..*
اللهم إني أعوذ بك من ضيق صدري وفراغ صبري ..!
|
رد: ڛڪر عٌيُوُنْڪ..*
بعض آلعطور تُخفي دآخلهآ حكآيه لآ تُنسى فلآ تستغرب من تنهُد آحدهم بمجرد رشة عطر .
|
رد: ڛڪر عٌيُوُنْڪ..*
كثيرون لا تربطنا بهم علاقات شخصية ؛
لكننا أحببناهم من أساليبهم الراقية .. <3 ~ |
رد: ڛڪر عٌيُوُنْڪ..*
المستشفيات كلها اختربت
لهدرجة التلاعب في ارواح الناس الواحد ما يقول الا الله المعين عليهم و على تعاملهم يخلو الواحد يلجأ الى الهواش و التهديد |
رد: ڛڪر عٌيُوُنْڪ..*
مفتاح السعادة "سجـــدة" بين يدي الله
فإن ضاقت بكم الدروب فعليكم بعلام الغيــوب... فذكــر الرحمن يزيح الهموم والصلاة على "النبــــي" تشرح الصدور... اللهم صلِ على محمد وآل محمد✨ 🌹صباح الخير .🌹 |
رد: ڛڪر عٌيُوُنْڪ..*
يارب على قد التوتر و المحتاة و التفكير تريح بالي بكلام يسر الخاطر و بكون كل شي عندي تمام
:icon9::icon9: |
رد: ڛڪر عٌيُوُنْڪ..*
اليوم طبعاً كانت عندي تحاليل << صرت اعشق الابرة و التحاليل اصلاً صرنا اصحاب تجدد دمي الحمدالله :119::119:
رحت و سحبت لي رقم و قعدت معينة من الله خير جى دوري قمت عطيتها الورقة الا تول فيه تحليل سكر لازم تشربي محلول و تنتظري 3 سااعات الحين مافيه وقت 😵😱 قلت لها بس الدكتورة ما قالت تحليل سكر قالت تحليل تحديد الفصيلة المهم من النهاية تحليل الدم اقدر اسويه او لا اهو الاهم حالياً << تنرفزت لان نو كل يوم اقدر اقعد من الصباح و اكلف على امي او عمتي اخت ابوي تعالو خذو ولدي عشان بروح المستشفى قالت تقدري تسويه خلاص طيب هذا المطلوب تحليل السكر ما يهمني سويت تحليل الدم و طلعت حلاوة الشعور لما اروح و اطلع بس انجزت لو شي خفيف :16.jpg::16.jpg: << مستانسة إني سويت تحليل الدم لان هذا المهم:(204): |
رد: ڛڪر عٌيُوُنْڪ..*
اكره مواعيد الصباح
بكرا لازم الساعة 7:30 اكون ف المستشفى بفتتح المختبر انا ولا شنو الله المعين ويكون كل شي تمام يارب بكرا بكون حافل جداً بيني و بين الابر و بين الدكتورة دعواتكم |
رد: ڛڪر عٌيُوُنْڪ..*
صباح الخير
صار لي مدة اعيش حالة هدوء جداً جميلة صحيح كان فيها الخوف و التوتر بس الحمدالله موعدي كان موعد كلمة اخيره يا في صالحي او مو في صالحي بس الحمدالله رب العالمين تطمنت و قلبي تطمن و ارتحت راحة ما بعدها راحة ولما تكون متمني شي بس ما بتعرف تقوله لدكتوره بسبب الزحمة إلي عندها و يجيك الشي منها اهي حزتها بودي كان ابوسها على راسها و الحمدالله رب العالمين كل شي تمنيته هالفترة تحقق الله يتمم لي باقي شهوري على خير يارب |
رد: ڛڪر عٌيُوُنْڪ..*
انا الحمدالله بخير
اموري كلها عال العال و النفسية تمام و القلب مطمن و البال مرتاح الحمدالله رب العالمين انا متفائله صحيح كانت فيه بعض المخاوف بس كنت اطمن نفسي عشان لا ينتكس شي و يصير مو في صالحي اقرا اخر رد لي ف المدونة كيف الراحه و الاطمأنان فيه |
رد: ڛڪر عٌيُوُنْڪ..*
صباح الجمال صباح راحة البال
الراحة النفسية مغطية على اي شي قلبي مرتاح و بالي مرتاح الحمدالله رب العالمين بعد هذيك المخاوف و المواعيد و الهواش و فوق كل هذا التعب النفسي و الجسدي تجي الراحة و توخرهم كلهم <<< احب هذا الشعور اليوم لي موعد في المستوصف قريب شقتي الحمدالله مو بعيد ان شاء الله تحاليلي كلها طلعت نتايجها |
رد: ڛڪر عٌيُوُنْڪ..*
احِبُك كَثُر مَاعَاثَت رِيَاح بِحِسْبَة الْبِحَار
احِبُك كَثُر مَاالْبِحَار يَعْشَق نَسَمَة بُحُورِه صباحكم حب |
رد: ڛڪر عٌيُوُنْڪ..*
صباح الخير
في شي بخاطري اقوله ّشي جميل ان الانسان يلقى له من يحمل معاه همومه و احاتيه بس لدرجة انه يقول ابيك تقومين بالسلامة او بالاصح ما اصدق متى تقومين بالسلامة قلت له ليش مستعجل بهالشكل جوابه كان لاني تعبت !!! انت تعبت انا شقول! اذا انت تعبت نفسياً تحاتيني و خايف علي و خليتكك دايماً قاعد ومالك خلق إلي حولك ترا انا تعبت دبل تعبك هذا كله .. انت تعبت نفسياً شوضعي انا تعبت نفسياً و جسدياً جسمي الابر ما قصرت عليه ايديني تشوهو من كثر المغدي شايلين واحد مركبين واحد و فوق هذا كله احمل روح بداخلي الله سلمها و حفظها لي و كل هذا و انا ابتسامتي ما فارقتني حتى لو كنت خايفة ابتسامتي دايماً على وجهي و اقول الحمدالله صحيح عانيت و تعبت بس الحين الحمدالله مافيني الا العافيه اكيد بعيش حياتي بضحك بطلع بروح و بجي و بسوي كل شي ما بضل طول الوقت افكر و الهم مسايرني طول الفترة اموت بدون شك بس مو معناته إني هامله نفسي ابتسامتي و ضحكي مو معناته ان ما احاتي قومتي بالسلامة بس كثر التفكير في الشي يعكسه بنتائج سلبيه و انا هذا الشي مابيه بالعكس انا اسوي كذا عشان نفسيتي تضل متفائلة افكر لقدام بس بشكل ايجابي حسيت البارحة طلعت إلي ف خاطري كله ماحب الاسلوب إلي احسسني اهو شايل همي و افكر و يفتكرني انا مطنشة كل شي صباحكم مطر :004: |
رد: ڛڪر عٌيُوُنْڪ..*
يا رب تسهل اموري بكرا
يارب إعدي التحليل بسلام ما عاد البال متحمل تفكير 😖😖🙏 |
رد: ڛڪر عٌيُوُنْڪ..*
مسائكم جمال
الحمدالله رب العالمين اليوم خلصت اموري كلها بدون تعب و النتيجة ناخذها يوم الموعد |
رد: ڛڪر عٌيُوُنْڪ..*
اليوم خلصت كومة اشغال
بس كأني زودتها حبتين التعب مليون مليون مليون وبعد عندي كومة اشغال الله يعيني عليهم |
رد: ڛڪر عٌيُوُنْڪ..*
صباح الرعد
صباح الاجواء الجميلة 💖💖 |
رد: ڛڪر عٌيُوُنْڪ..*
العصبية ملازمتني حبتين :mad:
|
رد: ڛڪر عٌيُوُنْڪ..*
مساء الخير
ايامي الجايه حافله بالمشاغل و التنقل و تجهيز الاغراض اليوم لازم اخلص الامور إلي حطيتها في بالي |
رد: ڛڪر عٌيُوُنْڪ..*
بتصرين دوبا هههه << شكراً ع التقييم بس منو انت / ي فيني فضول هالمره لان شكله و الله اعلم من شخص هامور
عادي لو صرت دوبا انا في بالي اصير دوبا |
رد: ڛڪر عٌيُوُنْڪ..*
فيه موضوع ودي اكتبه و اكتب تعليقي عليه
ليلة الجمعة في بيت جدتي انا ما اروح كثير عشان انه اصادف نفس ليلة جمعتنا مع اهل زوجي و فيه اسباب خاصه تخليني ما اروح المهم رحت و ضحك و فله و وناسة ما سمعت الا بنت خالتي جنبي تقولي احسكم مجانين على هالضحك احس انا الوحيدة العاقلة فيكم 😏😎 << حسستني قاعدة مع مجانين قلت لها تحسي انك العاقلة يعني فيك عرق جنون و ثاني شي بالعكس ترا مو كل ثقيل و قاعد ساكت ومادري وشو يعني خفيف دم اكثر إلي مسوين نفسهم ثقل و رزه هذول فيهم ثقالة دم مو طبيعية << هذي ضربة مقصودة انا متعمدتها اول مره اسمع عن بنات اذا قعدو يقدو مكتمين هذي من اي كوكب جاية مادري غرور و ثقالة دم و رفعة خشم على اشياء بايخة الحمدالله و الشكر مردنا حفرة و ياكلنا الدود وما نحصل الا كلمة الله يرحمه |
رد: ڛڪر عٌيُوُنْڪ..*
اكره الشخص إلي اطلب منه شي يقعد يقول لي لا لا لا لا مافيه انزين برر قول شي ليش لا السبب وشو بالضبط
ما يعطي جواب كافي في هالحزة ودي اسدحه و اضربه من قلب ابرد حرتي |
رد: ڛڪر عٌيُوُنْڪ..*
يا الله انت اللطيف بعبادك و انت ارحم الراحمين 💔
|
رد: ڛڪر عٌيُوُنْڪ..*
شي يقهر لما تتكلم مع شخصين و تاخذ مشورتهم في شي
بعدين يجيك واحد منهم يقولي لا انتي ما قلتي هالكلام و انا ما كنت ابي فلان يدري حسسوني إني متصرفه من نفسي بدون مشورتهم هذا إلي يقول سوي خير و قطه بحر فيني قهر ودي اسوي اي شي عشان افرغه |
رد: ڛڪر عٌيُوُنْڪ..*
و ابتدء العد التنازلي
دعواتكم راجعة لكم مع السلامه |
رد: ڛڪر عٌيُوُنْڪ..*
يا الله يا مسهل كل عسير
سهل علي ي الله دعواتكم |
رد: ڛڪر عٌيُوُنْڪ..*
الحمدالله الذي بنعمته تتم الصالحات
رزقت اليوم بمولودة |
رد: ڛڪر عٌيُوُنْڪ..*
شكراً لكل إلي تحمدو لي بالسلامة بجميع الوسائل
و اردها لكم بالافراح ههههه |
رد: ڛڪر عٌيُوُنْڪ..*
الله يبارك فيك ي قمر
|
رد: ڛڪر عٌيُوُنْڪ..*
الله يبارك فيك ي قمر
الله يسلمك ان شاء الله دوم الفرحة في طريقك وانتي كمان لك وحشة 💝💝💝💝💝 |
رد: ڛڪر عٌيُوُنْڪ..*
القلب مشتاق ي يمة مشتاق
فيني الم شوق فيني الم فرقى فيني الم كتمان فيني الم بس لو يحصل و اسمع لو كلمة يطيب كل الالم :Cry111::Cry111: |
رد: ڛڪر عٌيُوُنْڪ..*
فيه حجوة تقرقع بقلبي ودي اقولها
لما يكون معاك شخص تعرفه بحياتك و يهتم فيك لفترة وجيزة و بعدها مو بس يرجع مثل ما اهو يتغير كلياً اول مره اعرف ان الاهتمام يتعلق على شي معين ما قدرت اسكت و المشكلة انا الغلطانة في كل الاحوال حتى لو ما كنت غلطانة الاكتئاب وصل حده عندي من كثر التفكير يعني لازم الوحدة تمثل انها بعيد الشر بتموت عشان تلقى الاهتمام هذا إلي صرت افهمه بصراحة من الاقارب يكون الاهتمام بس في الشدايد بعد ما كل شي يصير اووك ترجع حليمة لعادتها القديمة شدعوة لهدرجة الحياة وصلت للحد هذا يا تموت يا ما تلقى اهتمام |
رد: ڛڪر عٌيُوُنْڪ..*
السهر ثم السهر ثم السهر
صرت ما استوعب شي لازم الواحد يعيد كلامة اكثر من مره يالله استوعب 😂😂😂😭 |
رد: ڛڪر عٌيُوُنْڪ..*
راحة مو طبيعية لما ادخل مدونتي كأني داخله بيتي
احبها بدون فيها شي ما ينسى الليله بأذن الله راجعة شقتي و عندي و بين احظاني لولوتي الحمدالله الله سلمها لي من كل شر و الم شفته و عشته و قاسيته و جاتني سليمة بس السؤال كيف بيكون وضعي 😁😁 هذا إلي خايفة منه و موترني و مأزمني لان لسه ما جربت كيف اكون معاهم ثنينهم بروحي كيف اسيطر ع الوضع مادري و اتمنى ما يكون فيه حركات اغتيالية 😂😂😖 |
رد: ڛڪر عٌيُوُنْڪ..*
اول مره اشوف ناس غلطانين و يزعلو
الحين صارت الاية العكس الغلطان اهو إلي يزعل و إلي ينغلط عليه ما ليه حق يزعل ولله دنيا غريبة عجيبة انا اسفة بعد وشو انتي اسفه كلمة ولله ما حسيت للكلمة و اهي تطلع مني ي سلام و علي انا استقبل بدون مالي حق ازعل لا حبيبتي عصبيتك و كلامك على نفسك ناس ماليهم داعي ف الحياة |
رد: ڛڪر عٌيُوُنْڪ..*
و بحبك وحشتيني بحبك وانتي نور عيني
المدونة من الاشياء إلي افتقدتها مره فيه اشياء بالمخ خاطري ادونها بس تدوينها ف المخ مناسب اكثر خاطري في 10 كيلو نوم وحشني النوم المتواصل النوم المريح النوم بكير << لسنة قدام ما بشوف هالثلاث انواع من النوم اهني و احسد إلي نومه كذا :Cry111::sm1: |
رد: ڛڪر عٌيُوُنْڪ..*
ان شاء الله دوم يارب بس مو فاهمه فهمني
مستانسة لك ولله وانا مدري على وشو مثل الاطرش في الزفه ههههههههه:mh318: و مستانسة برجعتك بصراحة مكانك كان خالي |
رد: ڛڪر عٌيُوُنْڪ..*
دوم ان شاء الله يارب
امس جاو صديقاتي صديقات الثنوي إلي احبهم قعدنا و تعشينا و ضحكنا الحمدالله طلعوني من الاكتئاب ههههههه تذكرنا ايام رجعتنا من المدرسة مشي نخلي السواق يستجن :lllolll: كنت شيطانة حبتين و الليله ف بيت عمتي عازمة صديقاتها و جينا نساعدها و نقعد معاها اغير جو |
رد: ڛڪر عٌيُوُنْڪ..*
اليوم مشواري ع الستشفى
صار لي فترة رجولي ماقدر امشي عليها بالذات على سرميك مو متذكرة ضربني شي فيها و مو متذكرة دست على شي يعور اليوم حاله الموضوع انا لازم اشوف لها حل |
| All times are GMT +3. الوقت الآن حسب توقيت السعودية: 10:31 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام