|
رد: انضحك عليكم يا طلاب الاكادمية وخلو صوتكم واحد
شباب وايش فيكم
هدو شوي غلا ما قالت شي غلط ولا احد يزعل منها ولاكن في شقاوة صايره بالموضوع |
رد: انضحك عليكم يا طلاب الاكادمية وخلو صوتكم واحد
اقتباس:
ما رديت في الموضوع في البداية وأن كانت شاطح زي ما تقول أنا أعتذار لصاحب الموضوع وكل من رد .... ... تحياتي ... |
رد: انضحك عليكم يا طلاب الاكادمية وخلو صوتكم واحد
اقتباس:
وعليكم السلام ورحمة الله وبركاته اختي انا طبعا احترم صاحب الموضوع وكنت ساكت مارديت على الموضوع من بدايته بعدين بقولك شي .... طيب اانا طالبت بالشهادتين طيب وش الفايده من هالشهادتين تبين تقولين تقدمها مع الديوان ... انا اقولك لا ... ليش ؟؟...اخوي وولد عمي وبرضو خالي طبعا خريجين الاكاديمية على ايامها والان موظفين الشهادتين اللي انتم تقولون عنها ماسوت لهم شي يعني نقعها بالماء واشربها ... تبون تقولون مزودين الاسعار علشان الشهادتين بقول برضواا لا .. هم كل واحد دافع 45 الف طبعا مازادو الاسعار الا بعد نظام التعليم الالكتروني وبس فأنا اهم شي عندي شهادة التصنيف (( الهيئة)) والتركيز على الدراسه انت وجهدك تبي شهادة اجليزي انت بنفسك ابدع في الانجليزي وانفع نفسك ولو هي على الشهادة ما انت عجزان تجيبها 2000 ريال اهم شي استفيد من الانجليزي مو من شهادته ولا كيف تشيل غطى بدون قدره...!!! ونجي لشهادة الكمبيوتر طيب انت تبي تتعامل مع المريض بالكميوتر تبي تقول لا استفيد ترفع الراتب ... الديوان مايبي شهادة كمبيوتر يبي شهادتة تصنيف فركزوا على تخصصكم فهذا مجال طبي يبيله شطاره مو مطارده ولو انضحك علىيكم بالدرجات ولا في التدريب ذيك الساعه احشروووهم حشر لأن هالشي يأثر على تخصصك هذه وجهة نظري اتمنى احترامها |
رد: انضحك عليكم يا طلاب الاكادمية وخلو صوتكم واحد
نسيت
... اكرر شكري لعبادي وغلا ومتأسف |
رد: انضحك عليكم يا طلاب الاكادمية وخلو صوتكم واحد
اخوي الموضوع مش بس فلوس الموضوع معاملتهم الدنيئه لنا ولا كاننا جايين ندرس انا طالبه من سنه ونص با الكاديميه ونجحت بثلاث فصول وعند الفصل الاخير داومت لكن اضطريت اني اغيب لظروف صحيه تلزمني اني اتعالج با التخصصي با الرياض للعلم اني من الدمام
وعند بداية الأختبارات عطوني حرمان وجبت لهم تقرير شامل من التخصصي عن حالتي الصحيه حيث اني عامله اكثر من 19 عمليه وكان اول ترم لي غياب وش كان الرد مانقبل عذرك وهذا مش عذر واهانه واستفزاز لين وصل الموضوع اني درست ثلاث سميسترات ودفعت ثلاثة ارباع الرسوم لاني على حسابي وبا النهايه انفصل على اخر ترم بقا لي عشان عذر طبي متخيل ايش اكثر من كذا ظلم ايش اكثر من وحده شفتها بعيوني تبكي تقولهم انا معاي ورم با الدم وجايبه لهم تقارير من مستشفى حكومي كبير ونفس وضعي طردوها وماقبلو اعذارها وهذا كله ليش بس عشان الاخت ريم الزويد الله يبلها بعيالها مثل ماكذبتنا وكذبة كلامنا واوراقنا عمها صاحب الاكاديميه وكل كلمه والثانيه مسحبه وحده وفاصلتها او حارمتها وبناتهم الاوائل على الدفع سبحان الله وش ها الشطاره . ماقول غير اني ادعي عليها ليل ونهار الله لا يوفقها وحسبي الله ونعم الوكيل فيها فوقنا رب ياخذ حقنا من الظالمين امثالها . من شاف مصيبة غيره تهون عليه مصيبته تحياتي بنت الشيووووووخ |
رد: انضحك عليكم يا طلاب الاكادمية وخلو صوتكم واحد
اقتباس:
سلامات .. طهوره ان شاء الله.. وجعلها الله تكفير ذنوب تبين العلم والله ان هناك طلاب ما اشوفهم الا وقت الاختبارات وبالاخير ناجحين ولا بعد معدلاتهم فوق الاربعه:000: شوفي الاكاديميه نصب على ظلم على ملعنه وانتي لاتسكتين لهم احشريهم حشر الين يفلسوون ما اقول غير الله يعين ... وانا احاول اني اجتهد وافهم تخصصي عدل وانتبه واذاكر واشد حيلي .. وان شفت هناك ظلم لي بالدرجات ولا المعدل ولا سوء التدريب والله .. لأشب عليهم شب اخليهم يسكرون فروعهم.. |
رد: انضحك عليكم يا طلاب الاكادمية وخلو صوتكم واحد
[align=center]
السلام عليكم ورحمة الله وبركاته الحمدلله اني قريت المووضوع قبل لا اسجل عندهم لانو قالولي انو يعطون شهاده انجليزي وحاسب ولاكن بعد هالموضوع اذا ما اخذ وعد خطي مكتوب بالاتفاقيه اللي معهم ماراح اسجل ولازم الواحد يكون على بينه ومشكوووووووووور اخوي عبادي على التنبيه [/align] |
رد: انضحك عليكم يا طلاب الاكادمية وخلو صوتكم واحد
الله يكوووووون بعووونكم
فــآلكم التووفيق |
| All times are GMT +3. الوقت الآن حسب توقيت السعودية: 10:41 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام