|
رد: الي يبغى يكمل ماجستير يتفضل الطريقه
اقتباس:
تمت مراسلتك على الخاص |
رد: الي يبغى يكمل ماجستير يتفضل الطريقه
اقتباس:
الله يسعدك ثم يسعدك ثم يسعدك... سعاده تبكي من جمالها مثل ما أعطيتني امل في الحياة كمل جميلك وعطنا تفاصيل هالمكان..... هنا تحطمت جدا جدا بسبب غلاء الماستر ولاني انتساب ماراح أقبل حكومي لازم خاص والخاص غير أنها مكلفه أيضا يتطلب حضور وانا مو موجوده بأي مكان فيه ماستر يعني على الغلاء لازم إيجار عطنا الاسم فقط ونقوم بمراسلتهم ونكمل الباقي واحتسبها لوجه الله.. المهم انها معتمده عندنا هنا كل شي صار صعب فلو تدل اخوانك واخواتك على أول الطريق وابتغي بها وجه الله تعالى الله يجزاك الجنه ويرحم والديك |
رد: الي يبغى يكمل ماجستير يتفضل الطريقه
السلام عليكم ورحمة الله وبركاته
اتمنى توضح اسم الجامعه حتى نتمكن من مراسلتها |
رد: الي يبغى يكمل ماجستير يتفضل الطريقه
اقتباس:
الجامعه الاول الجامعه الاسلاميه في ماليزيا معتمده في وزارة التعليم العالي وتاكدي بنفسك عشان تطمني مليون فالميه معتمده الثانيه في بريطانيا اسمها south walves ولو خشيتي على موقع الوزارة راح تحصلينها معتمده غيرها كثيرررررر جدا لو تبحثي في الجامعات الموصى بها فالوزارة راح تلاقين كم هائل من الجامعات وعليك مراسلتهم وباذن الله تكملي رسالتك وتفرحي بانجازك |
رد: الي يبغى يكمل ماجستير يتفضل الطريقه
[align=justify] السلام عليكم ورحمة الله وبركاتة اشكر الاخ بدر وجميع الاخوان على هذا التحفيز وبنسبة لحضرتنا وبحكم اني مقيم في ابها فهناك كلية بن رشد وهي تحتوي على مسارين ماجستير ( مسار انجليزي ومسار عربي ) ولكن مشكلتها لازم حضور يومين في الاسبوع من 4 عصرآ الى 10 مساء وهي صعبة لمن هم خارج المنطقة والكلية معتمدة من التعليم العالي وتكلفة الترم الواحد 25000 ريال ومدة الدراسة سنتين يعني 100,000 ريال وحيث ان لدي في العمل مجموعة من الشباب يدرسون بها وبعضهم ماشاءالله تخرج العام الماضي وحسب أرائهم فأن الدراسة تحتاج الى قليل من الجهد ونسأل الله لنا ولكم التوفيق [/align] |
رد: الي يبغى يكمل ماجستير يتفضل الطريقه
السلام عليكم ورحمة الله وبركاته
اتمنى للجميع التوفيق والنجاح ولكن كم واقع خبرة بخصوص الماستر لايوجد شي اسمه رساله فقط بدون مواد او واجبات او حظور محاضرات الماستر المعتمد دوليا او بوزارة التعليم يتطلب الحظور انتظام ودراسة المواد الاجبارية والاختياريه بخطة التخصص ثانيا بخصوص بكالوريوس الدراسة عن بعد او الانتساب يتطلب الدراسة قبل الدخول في برنامج الماجستير عدد من الساعات بحدود 33 ساعه انتظام مع طلبه البكالوريوس بنفس الجامعه ثم الدخول الى برنامج الماجستير هذا مالدي والسلام عليكم |
رد: الي يبغى يكمل ماجستير يتفضل الطريقه
اقتباس:
أخوي بـدر .. الاندفـاع في الردود غير محبذ و منفر للآخرين .. وأي طالب انتساب .. تلقائيا يملك حس الطموح والمبادرة ولكن لكل شخص له ظروفه الخاصة وكثرة النقاشات بين الأعضاء .. فيه إثراء للموضوع واقتناص معلومات قيمة للآخرين اقتباس:
لا تلقي الكلام على عواهنه :sm4: الماجستير وأنا أخوكـ - تبي بـ 20 ألف ريال وتوصل حد بيتك مصدقة وبسجل أكاديمي نظامي .. ترى أجيب لك وتراها شهادة حقيقية ..سواء من ماليزيا أو بريطانيا << انعرضت علي من معيد بماليزيا ورفضتها لوجه الله. ونفسه المعيد معه شهادتين ماستر من بريطانيا وماليزيا وعمره 28 سنة << يعني شوف سهولتها بس ورانا آخرة. - تـبي من جامعات عالمية وأرخص ولها وزنها في القطاع الخاص ؟ فيه بـ دبي والبحرين << لها وزنها بالقطاع الخاص فقط. - تبي من جامعات سعودية ولها وزنها في القطاع الحكومي ؟ عندك جامعاتنا الأهلية ومعتمدة من وزارة التعليم. ليش جامعاتنا غالية ؟ لأنها معتمدة من وزارة التعليم يعني تستفيد منها بالقطاع العام والخاص ..وأصلا دراستها قوية .. فالشهادة لها ثقلها و وزنها العلمي. - يعني كل شخص يحدد الهدف من الماستر ثم يقرر طريقة الدراسة. أما ماجستير أبوأسبوعين .. هذي ماجستير تلفيق وما تسوى ريال .. وتراها معروفة بالوسط الأكاديمي ما توكل عيش الا بالحرام .. إلا إذا تبيها بس فشخرة وهياط. وبالمناسبة ماجستير أم 180 ألف السعودية .. هذي تجيب لي وظيفة راتبها 40 ألف بالقطاع الخاص بالراحة يعني أدفع 180 ألف ..لكن في ظرف 5 شهور تتعوض تكاليفها من راتبي ..!!! وفوقها تعمل بها لمدة 10 سنوات للتقاعد .. يعني أول 5 شهور أنت استعدت مصاريفها .. وباقي لك 9 سنين وأنت في العلالي ..هذا غير الترقيات والتنقلات وخلافـه .. والسلام مسك الختام. |
رد: الي يبغى يكمل ماجستير يتفضل الطريقه
1 مرفق
اقتباس:
- الجامعة الاسلامية : تفضل جواب وزارة التعليم عن الجامعة بالمرفقات + الوزارة لا تعترف بالتعليم عن بعد ولكن فقط تعترف ببكالوريوس الطب + جراحة الأسنان من هذه الجامعة وغيره لا. - جامعة South Walves : الوزارة لا تعترف بالتعليم عن بعد + وتعترف فقط ببكالوريوس التخصصات الطبية والصحية وعلوم انسانية + ماستر في الصحية. https://ru.moe.gov.sa/Search#/University/10223 https://ru.moe.gov.sa/#/University/8791 بالتوفيق يارب. |
رد: الي يبغى يكمل ماجستير يتفضل الطريقه
ياخوان الأخ غرضه يساعد والله يجزاه الفردوس الأعلى من الجنة
إذا عجبكم كلامه أو مافي احد ملزم بكلام احد واضح من موضوعه وكتابته انه يبي الخير ويدل عليه ترى قدرات الناس تختلف ناس بتقدر تدفع ميه ومين وناس ماعندها وبالاخير الله يوفقنا جميعا لما يحب ويرضى |
رد: الي يبغى يكمل ماجستير يتفضل الطريقه
اخوي طالب مشاغب
انا عندي خالي دكتور حضر الماستر من بريطانيا وهو فالرياض فقط حضر لهم اسبوعين فالبدايه واسبوعين فالنهايه في تخصص ادارة الاعمال وماشاء الله كل ادارة تناديه والى الان الله لا يضره متنقل بين دول الخليج بجدول معين للتدريس في كل من دبي والبحرين وعمان وعضو في جامعة الملك سعود ووووو وازيدك من الشعر بيت الدكتوراه اخذها وهو فالرياض من جامعه بريطانيه وهو على راس عمله انا ما اقول كلام بدون شي واقعي اشوفه لا والامثله كثيرة جدا بهذا الخصوص معارف اقارب جدا وليس اصدقاء بل اقرب التعليم في ماليزيا وsouth بريطانيا ليست عن بعد بل انتظام وتحضر اسبوعين كم مقررر ويعطونك مدة من سنه ونص الى سنتين تحضر رسالتك ومن ثم تحضر للجامعه اسبوعين اخرى فالنهايه وتسوي مقابله مع ٣ دكاتره وبعدها ترجع للسعوديه وخلال شهر الى شهر ونص وشهادتك عندك فالسعوديه بالبريد كلامي هذا مو من راسي من واقع تجربه لخالي اخو امي ( اخو نوره) وحتى سالت كم شخص يدرسون فالخارج تقريبا ٣ اشخاص فقطططط وتمت الاجابه كما فالاعلى على اي اساس اقول هالكلام وانا اجهل النظام ؟؟؟ ابو ١٨٠ الف خساره وبعدها الوطايف اصلا قليله نوعا ما والله الرازق سبحانه بس لما تجيب شهادتك المعتمدة من بريطانيا راح يقدسونك كما نرى الان سعودين جايينك من كندا بكالوريوس نرى اهتمام الادارات بهم اضرب لك مثال واحد عمره لم يتجاوز ال ٢٧ الان له اقل من سنه من انقبل في ارامكو بالبكالوريس من كندا عين على مرتبه عاليه وهي قريد ١١ سينير ان لم يكن اك معرفه بارامكو ما راح تعرف ايش القريد هذا اطلت عليكم ووفقنا الله واياكم وباذن الله اذكرك عندما انتهي من الماستر اذا الله احيانا واياكم |
| All times are GMT +3. الوقت الآن حسب توقيت السعودية: 01:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام