|
رد: منّـي وإلـيّ والبعـض لكــم ~~~
يقول افلاطون
عندما يتغير شخص تجاهك تأكد انه يريدك ان تخرج من حياته ويقول شكسبير حين يتجاهلك شخص ما فإعرف أنك الأهم لديه من نصدق من هالنفسيات :sm5: الاكيد شيابنا يقولون من لايعدك مكسب لاتعده راس مال :(204): |
رد: منّـي وإلـيّ والبعـض لكــم ~~~
اللهم لك الحمد والشكر وعدينا الاخلاق الاسلامية , اول اختبار بكل يسر وبداية خير ان شاء الله كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات |
رد: منّـي وإلـيّ والبعـض لكــم ~~~
اللهم لك الحمد والشكر
وقضينا من الاختبار الثاني بخيره وشره , النظم المتكاملة للمؤسسات :sm5: ادري اني جايب العيد او حوله :71: اذا مابقى الا انا في القاعة ومراقب قافلة معه , ماعندي فيك ياولد بيني وبينك 8.45 :017: يالله تعديها على خير ومعها علة النحر ا ن ق ل ي ز ي :sm12: كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات |
رد: منّـي وإلـيّ والبعـض لكــم ~~~
اللهم لك الحمد والشكر
وقضينا من الاختبار الثالث بخيره وشره , علة النحر عنقليزي وطاح 3 ارباع الهم :sm5: الحاسة الثامنة عندي تقول غير اسمك لجون والله يستر من النتيجة :53: اليوم عين على الورقة وعين على الساعة في الشاشة المراقب انتهى الوقت :(122): ابوسعود بنظرة شريرة على المراقب تراه انقليزي يعني يبيلنا وقت :(36): المراقب طيب انتهى الوقت :(165): ابوسعود يسل جواله من مخباته الساعة 8.35 باقي 10 دقايق:(2): المراقب حنا موزعين الاسئلة قبل الوقت بـ 10 دقايق ابو سعود :017: توزعونها قبل 10 دقايق والا توزعونها الظهر بيني وبينك الساعة 8.45 انتهى الكلام:(316): المراقب سم :biggrin: ابوسعود سم الله عدوك ابو سعود يطلب دقيقتين تمديد :sm12: المراقب ماقصر الله يرحم والديه ابوسعود يطلب تصوير الاجابة :060: المراقب اخجلني بطيبته وطقيناها صداقة :(127): المهم كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات وسهل لنا مادة الانقليزي |
رد: منّـي وإلـيّ والبعـض لكــم ~~~
اللهم لك الحمد والشكر وقضينا من الاختبار الرابع بخيره وشره , ادارة المشاريع . بدون البقرة المقدسة :sm5::53: اليوم حسيت اني مطبق الدرجة قلت كافىء نفسك ياابوالسعود :d5: يوم شفت اجوبة الاعضاء على الاسئلة هونت :biggrin: اصلاً التبذير مايجوز :71: كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات وسهل لنا المادة |
رد: منّـي وإلـيّ والبعـض لكــم ~~~
اللهم لك الحمد والشكر
وبطبطت (تساقطت) اوراق الاختبار الخامس بخيره وشره . تعاقد وتفاوض الحمد لله اختبار جيد لكن ماخلا من بعض الاخطاء في الاسئلة من الدختور المهم فيه احد مثلي اختبر في جميع المستويات :sm5: المستوى سابع والا اللحين مااختبرت فيه ولا مادة :icon120: وان شاء الله يكون ختامها مسك مع ادارة التغيير والله لايغير علينا كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات ولكل من سهل لنا مادة التعاقد والتفاوض |
رد: منّـي وإلـيّ والبعـض لكــم ~~~
اللهم لك الحمد والشكر*
وقضينا من الاختبار السادس والاخير بخيره وشره , ادارة التغيير والله لايغير علينا اختبار فيه تلاعب وخلطات سرية من الدختور :sm5: بإنتظار نتيجة المادة ومعها الانقليزي :sm12: هالاختبارين مدري عنهن . مثل اللي توه متعلم الطبخ ولايدري عن الكبسة وش تصير :biggrin: المهم فيه احد ما بعد سدد للجامعة قروشهم لانهم قروشوني ومرسلين يهددون يقولون سدد ولا فصلنا عنك الكهرب يوم 17 من الشهر :53: كل الشكر لمن ساهم من الاخوة والاخوات الاعزاء في كتابة المحتوى والاسئلة والكويزات وسهل لنا المادة |
رد: منّـي وإلـيّ والبعـض لكــم ~~~
اللهم لك الحمد حتى ترضى ولك الحمد اذا رضيت ولك الحمد بعد الرضى
وبعد توفيق الله عدينا كل المواد وختموا لنا ناجح :53: وطاح هم علة النحر العنقليزي :71: ومبروك لكل الاخوة والا خوات الاعزاء النجاح والقادم اجمل بمشيئة لله لكل من حمل مادة ومعوض خير ان شاء الله لي 5 ايام خارج الخدمة :Looking_anim: فيه احد مثلي ماشاف نتيجته الا البارح ولا بعد سدد الرسوم بعد :sm5: المهم اللي يعرف متى تسجيل المواد يديني رنة :53: |
رد: منّـي وإلـيّ والبعـض لكــم ~~~
ريحه كما ريح النفل في شعيبه
في خايع عله من الوسم تشعيب ممطور امس وممسي ما وطي به واليوم شمس وفاح طيب على طيب #سليمان بن شريم |
رد: منّـي وإلـيّ والبعـض لكــم ~~~
الشعب رجع للخلاقين مع هالبرد
رجعوا لوضعية البطريق :53: الخاسر الاكبر مع البرد مغاسل الثياب اللبناني يخلي ثوبه الشتوي اسبوعين ماغسله :biggrin: |
| All times are GMT +3. الوقت الآن حسب توقيت السعودية: 08:47 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه