|
رد: الفززززززززززعه ي عالم رفضوا اجازتي
وبعدين اللي يقولك اشتكي ولاتشتكين
وكلام فاضي ترا ماهو بصالحلك والله لكن ذاكري من الان وخلي اتكالك على الله وبتعدي ان شاء الله |
رد: الفززززززززززعه ي عالم رفضوا اجازتي
اطبعي جدول الاختبارات
وافاده انك منتسبه بالجامعه وعدد ساعات الدراسه والأمر واضح بنظام العمل تحطينها ع مكتبه وهو بسلامته بيطردك يعني؟ ما يقدر هذا حقك ايام الاختبارات تعتبر اجازه براتب في حاله تنازلك عن حقك داومي بأيام الاختبارات نص دوام |
رد: الفززززززززززعه ي عالم رفضوا اجازتي
العاقل خصيم نفسه
واحنا سمعنا منكي ,,, ولا سمعنىى منهم , وكل واحد له ضروفه العمليه، يقدر يحاجك بحاجه العمل لك. تقولين لا ؟؟ النظام يقول اخذ اجازة دراسية ...... والله ثم والله راح يكرهك في نفسك, ويخليك مثل لزملائك هههههههه ويحسب عليك الدقيقه والدقيقتين في التاخير او الخروج، اذا بيعقدونك ما فيه اسهل منهااااا واخرتها فصل من العمل. باين انك ملوله ومزاجيه بغض النظر عن الاسم المستعار هههههه والمدراء ما يبون راعي المشاكل. حتى لو مشى كلامه عليك. اشتري راحتك وداومي واختبري في نفس اليوم ، وخلي عنك المشاكل ووجع الراس. لا تصير حياتك نكد في نكد مو ويكن واحد. وراح تنفرج انشاء الله لك ... بس خليك ذربه مع مدرائك واطلبي منهم اجازة دراسية بهدوء وثقه،، وخلي عنك النظام , اذا شافوك تستاهلين راح يعطونك ... باين ان دوامك جفس وثقيل طينه. وبعدين وش دخل اهلهم تدعين عليهم ... ؟؟ الله يهديك ويصلح حالك قومي في الليل وادعي ربك انه يهديهم ... ويسهل امرك. بقول كلمه ارجو انك تقبليها مني ........... الله يعين زوجك عليك وبالتوفيق |
رد: الفززززززززززعه ي عالم رفضوا اجازتي
ياعالم ياهوه لا تطلعون قوانين من عندكم
صح في بند يحق للموظف الذي يؤدي اختبارات ياخذ اجازة لكن هناك بند اخر يقول ان اللي يختبر بنفس مدينة مقر عمله ياخذ اجازة يوم الاختبار فقط............. كانت الامور سهاله وماشيه من سنين كلنا نطلع الاختبارات كاملة بس من شهرين في جهات اعلامية (حسبنا الله ونعم الوكيل) اثارت الموضوع وفتحت الجرح عن هذا البند |
رد: الفززززززززززعه ي عالم رفضوا اجازتي
نفس الوضع حصل معاي الترم الماضي ...
سحبت عليهم اسبوعين كامله ولاحد تكلم ولما رجعت طلبو اثبات حضور فقط ... اللي مايجي بالطيب يجي بالنظام |
رد: الفززززززززززعه ي عالم رفضوا اجازتي
انتي من حقوقك انك تاخذي أجازه
لكن عمل ممكن يحجك في حاجه وحده انك متأخره في تقديم الإجازة. لان من الشروط انك تقديم قبل بدء الاختبار ب 15 يوم |
رد: الفززززززززززعه ي عالم رفضوا اجازتي
انا مثلك بس قالو اجازه في يوم اختبارك فقط واليوم الي ماعليك اختبار تداومين
والله ماطقيت لهم خبر غايبه لين تخلص اختباراتي مع نفسهم والله :16.jpg: معليش يعني كلها اسبوع ونص مو طايره الدنيـآ ولا بعد ماعاد بقى على التخرج شيء ويبون يعفسونا :16.jpg: |
رد: الفززززززززززعه ي عالم رفضوا اجازتي
خذي إجازة بدون راتب
|
رد: الفززززززززززعه ي عالم رفضوا اجازتي
اقتباس:
ايش هالرد الشااااااااااطح انت اللحين يقالك متفاعل مع موضوعي والا جاي تحلل شخصيتي اولا انا ماجيت هنا علشان اخذ راي احد بشخصيتي في العمل طرحت موضوع يحتاج فزعه وحلول انسانيه متضامنه مع النظام والحق اما يجي شخص ويقول انتي باين ملوله ومزاجيه وتختمها بالله يعين زوجك عليك اعرفك انا ؟؟؟؟؟ كلن يلزم حدوده في الرد عندك رد في صلب الموضوع تفضل وكلي اذان صاغيه لكن الشطحات الشخصيه احتفظ فيها لنفسك لأني ماطلبت رأيك لا من جد مادري من قايل لك تعال حلل شخصيتي والا اسمي المستعار وتعال سولف معي هنا لا طرحت موضوع خاص بشخصيتي تعال الله يجزاك خير واسدح اراءك المنوفسه على مزاجك لكن باين من اسلوبك وردك انك تحب الهروج السامجه لغرض السواليف الجانبيه مع الجنس الآخر لذا نصيحه لك هنا وامام الجميع مثل نصيحتك ....... هذا موقع تعليمي مو واتس اب ربعك ولكل مقام مقال بالتوفيق |
رد: الفززززززززززعه ي عالم رفضوا اجازتي
اقتباس:
المشكله نداوم ومافيه شغل بس يبونك مزهريه على المكتب قسم بالله مايطري علي الا اللي بمسامير سويكت بن راضي احس انه يجسدوضعنا مع هالمدراء الله ياخذهم |
| All times are GMT +3. الوقت الآن حسب توقيت السعودية: 12:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام