المشاركة الأصلية كتبت بواسطة lonely1313 (المشاركة 3192968)

السلام عليكم للجميع

مشكوره اختي ام مشعل عالموضوع وماقصرتي

بس حبيت اعطي الجميع كم معلومه مفيده

اول شي لازم يكون الموظف عنده Pre Approval from Career Departement

ثانيا
بالنسبه لل P Time والاجازات

مثال اذا كان الموظف من سكان الخبر والاختبار في الخبر يحق له 10 ايام P Time اذا زادت تحسب من اجازته وتصير الزياده L Time

اذا كان الموظف من الخبر واختباره في جده يحق ل 14 يوم P Time واذا زاد نفس الشي يحسب L Time

في ناس تقول كيف تحسب المسافه علشان تستفيد من ال 10 او 14

ادا كانت المسافه اكثر من 80 كم تستحق 14 اقل من 80 تستحق 10
طبعا هذا الكلام موجود في IR Manual يعني يا عالم لحد يتفلسف ويزيد كلام وينقص كلام

خلصنا من سالفة الحضور والغياب

بالنسبه للـ Refund
الموظف لازم يروح Training Coordinator ويعطيه خبر بالمواد الي راح يجسلها في السمستر الجاي قبل ما تبدا الداسه ب 3 اسابيع مع شرح لكل ماده كيف راح تفيدك بالعمل

لما يدفع الرسوم يجيب ايصال البنك ويعطيهم لل Training Coordinator
بعد ما تخلص السمستر وتنجح بالمواد تجيب لهم اثبات انك نجحت بالماده وهذي درجتك
بعد كذه تنزل لك 90% من قيمة كل ماده which is approved

طبعا في ناس تقول ان تقدر تقدمها قبل الاختبار بثلاث اسابيع الشغلات هذي كلها
هذا الكلام صحيح و100% لكن الفرق في الطريقه الاولى والثانيه

الطريقه الي شرحتها انو The Career Department هي الي راح تدفع لك الفلوس مو من ميزانية دائرتك

الطريقه الي تكون قبل الاختبار بثلاث اسابيع هذا دائرتك الي تدفع الفلوس لك والي يوافق عليها هو VP
علشان كذه الطريقه الثانيه محد يسويها لانها تروح لل VP على مبلغ 300 ريال ولا 700 ريال

بالنسبه يوافقون ولا ما يوافقون على الدفع

الرياضيات ما يوافقون عليها مرررره لانها موجوده داخل ارامكو
المحاسبه ما يوافقون
الشريعه الاسلاميه ما يوافقون لانها عربي
الاحصاء نفس الشي
الانجليزي نفس الشي
تقنية المعلومات يوافقون اذا عندك Strong justification


بالمختصر المفيد الي شغال بارامكو ما راح تعوقه 2500 ريال كل سمستر يعني مين الفاضي الي بيجلس يحوس ويعفس على 300 ريال ولا 350
لو انكم تدرسون بجامعه تكلفتها مرتفعه مره تقدرون تطالبون فيها ونشوف بالموضوع
لكن انتبهو لدراستكم الله يصلحكم واستفيدو من الوقت الفاضي بالمذاكره
والله يوفقني ويوفقكم يارب

اهم شي انها معترفه عندهم هذا يكفي علشان تدخل في السستم بعدين

Thanks to all , have a safe and nice weekend