|
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
صباح الخير للجميع ومبارك عليكم الشهر
قصتي طال عمري وعمركم ان شاءالله عندي قروب بنات العايله بالواتس يسولفون دايم فلانه تدرس عن بعد وفلانه تدرس عن قرب وكب شوي هاه ليه ماتكملين يافلانه وليه وليه طلعا احنا احنا الحمدلله عايله ميسوره بس محد يملى عينه الا التراب فقرايبنا لو يشوفون فنجان جديد عندنا قالوا بكم ومن وين والله حلو احنا ماوسوسنا من عيونهم انها علينا في اتفه الشغلات بس نظام انه طفشنا من اسلوبكم وكن محد عايش الا احنا وعلى فكره كل بنات العايله وظايفهم مديرات وممرضات وفنيات ومعلمات المهم قلت في نفسي الله يشغلكم في انفسكم وجلست افكر ادرس وسألت وحده عندي بالدوام توها تخرجت من التربيه الخاصه عن بعد وسجلت وبدأت مشوار الدراسه انا وظيفتي اداريه بس الراتب مايكفي الحاجه على قولتهم ولا احب احد يفزع لي فقررت اسوي حساب في الانستقرام وابيع حلى لأني حريفة حلويات والحمدلله ما أمتن من الاكل وبديت المشروع وصرت بفضل الله اجمع اقساط الجامعه بالإضافه اجمع من راتبي طبعا اول مستوى كان فيه احصاء وفترة الاختبارات عندنا عزا بالعايله وانا قررت ادرس بالسر <زواج عرفي >���� كنت اذاكر بالبيت والدوام ومن الملتقى واروح اختبر واطلع للعزا واذا ماحليت زين اطلع حرتي في الرز واللحم خصوصا يوم الاحصاء ولا احد فقدني وطول الطريق اصبعي في فمي وامسحها عشان البصمه محد يشوف اثرها وثاني اختبار تعبت الوالده الله يعافيها والناس وقتها رايحيين جايين عالبيت وانا اروح يعنني عندي موعد اسنان وارجع ومره انسى امسح البصمه ومره لا �� والثالث صادف زواج اخوي وتخيلوا السوق والترتيبات وانا وحده مره يعنني ذووووق ما ارضى بشي عادي وزوجة اخوي ياحسرتي قطت الجمل بما حمل علي يعنني ذوقي حلو وهي فاغره مع اخوي سنابات ������ الرابع ما اتذكر صار فيه اكشن الحمدلله والخامس جدتي جت من الديره ���� وتنومت وكنت ارافقها بدل الوالده لانها تعبانه ونفس الوقت منحاشه من طلبات اخواني في الاكل والسادس تنومت امي شهر وسوت عمليه وكنت مرافقتها وكانت زيارتها مفتوحه في مستشفى المانع والمدرسه اللي اختبر فيها قريبه مره مان الليموزين يوديني ب خمسه ريال واذا تحمست رحت مشي وكان اختباري مسا ههههههههه كنت اروح سريع سريع للاختبار ويصيدوني الزوار عند الاصنصير ويعرفوني من عيوني واحيانا انا بقره اسلم عليهم ������ ويسألوني وين بتروحين اقولهم بجيب ملتبس لأمي والا بروح ابدل وارجع ومره اختبرت وانا راجعه مشي احصل ناس من جماعتنا قدام محل الورد بيشترون لأمي ومن الربكه رحت سلمت عليهم وش عندك هنا قلت جيت بسال الرجال وش احطللورد عشان مايذبل ��������( المفروض اندفن حيه على ذي التصريفه ) وخلصوا وطلعت معهم للزياره واحيانا اكون منسدحه اذاكر ويدخلون يزورون وانقز اخبي الملزمه ورا الكنب والا تحت سرير امي ويجون صديقاتي بالدوام يزورون امي وانا بالاختبار ويسألون امي كيف اختبارات فلانه ياخاله ( تخلخلت عظامكم انطموا ) وامي تهز براسها وتصرف وتقولهم اختبارات حوسه تتعلم مع الممرضات على الادويه والتمارين وان شاءالله تنجح < الام مدرسه ياجماعه >. صرفتني بس الدلخلت يا الله فهوا بعد ما كتبت لهم بالقروب اني ادرس بالسر �������� السابع عدى على خير الحمدلله والثامن بعد وهذا انا انتظر نتيجة كفاحي والسريه التامه حق دراستي الاختبار بس الحين اذا تخرجت ابغى الناس تدري وابغى افرح بينصدمون متى وكيف درست واختبرت بس ماعلي منهم اهم شي وصلت للي ابغاه واستفيد من الشهاده واثبت لنفسي اني لو بغيت الشي باخذه بدون محد يساعدني والا اعلم الناس كلها مع اني ما انكر ولا انكر فضل الله ثم فضل الملتقى هذا والابطال اللي فيه بدون ذكر اسماء عشان ما انسى احد كنتمعتمده بعد الله اعتماد كبير على اسئلةالاعوام الماضيه فقط لاغير والحمدلله الحمدلله الحمدلله |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
السلام عليكم اسعد الله اوقاتكم بكل خير ومبروك عليكم رمضان جعلنا الله من صوامه وقوامه
موضوع جميل صراحه العزيمه والاصرار شي اذا وجد بالانسان لاخوف عليه من مطبات الحياه قصتي تخرجت من الثانوي قبل ٩ سنوات تقريبا ودرست جامعه تخصص انجليزي اداب الله وكيلكم فوق ماهو انقلش ادب بعد شكسبير وطقته نجحت اول ترم وكان معاناه ظروف والترم الثاني رسبت بكذا ماده ومريت بظروف وتغربت وسحبت عليها هههههخ وبعدها رزقني الله بوظيفه حكوميه واستمريت فيها ومره كنت جالس اسولف مع اخوياي بالدوام وقالي واحد انا ادرس انتساب بجامعه فيصل تعليم عن بعد وقالي ادرس نصيحه وحسيت انها قروشه دامها بالكمبيوتر ههههه ايميل وخرابيط المهم جت ف بالي وقدمت والحمدلله قبلوني واخترت علم اجتماع انحشت عن الانقلش هههه ازمه"""" المهم بديت اول ترم ولا اعرف شي وارسل لواحد بتويتر الله يذكره بالخير استفستر منه وجتني مره عصبت ههههه وقلت شكلي بكنسل الجامعه وشغلتها ههههه وقالي عيب ياولد الامور سهالات والله يجزاه خير شجعني وواصلت ومريت بظروف مايعلمها الا الله طروف صعبه ومعاناه لكن الحمدلله صبرت وكافحت والحمدلله ع كل حال من كان له حلم سيحققه باذن الله وافضل شي انك تطمح للاعلى "" بالنهايه "" لايسعني الا ان اشكر جميع الاخوه والاخوات هنا بالمنتدى الطيب اللذين وقفوا معنا طوال ٤ سنوات اسعدكم الله وتقبل الله منا ومنكم صالح الاعمال لكم تحياتي❤️ |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
السلام
قصتي يا طويلين العمر وي التسجيل تخرجت قبل 5 سنوات ا تقريبا من الثانويه الجامعه الوحيد اللي سجلت فيها جامعة الدمام وبسبب النسب مرتفعه ماانقبلت واصطكت الدنيا بوجهي وماطلع الا رابط تسجيل جامعة الملك فيصل التعلم عن بعد ولما جا القبول استانست حددي لان كان الامل الوحيد ولكن..................... جاني تحبيط قاتل اللي يقول الدراسه صعبه واللي يقول موموثقه واللي يقول مايوظفون بالشهاده واللي يقول بس انتي اللي صغيره وتدرسي فيها كلهم كبار ولكن ضغطت على نفسي وجديت وصرت ادرس انقلش وادرس تعلم عن بعد مع بعض والان وانا خريجه اقول الله يعطي كل انسان على قدر تعبه (من جد وجد ومن زرع حصد) واتمنى الاقي وظيفه بشهادتي علشان يفهمون ان الطموح ماليها حدود |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
حكاية دمعت لها عيني
|
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
اقتباس:
وجميل ان يكون الانسان عنده طموح ممكن في بدايات الحياة تجد امامك الكثير من الصعوبات منها المادية كما حدث معك ولكن ثق ان جميع هذه الصعاب بعد التغلب عليها تصبح ذكريات جميلة يفخر الانسان بتجاوزها للابد موفق |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
اقتباس:
حيالله صدقي الصدوق وما دريت انك بتصير جد عم حسن انت من الناس الذين اجد في تواجدهم راحة نفسية للامانة اشعر انك انسان محب للاخرين وعلى سجيتك وعلى طبيعتك وبعد ان عرفتك عن قرب ايقنت انك تملك قلب ابيض ينبض بالحب دمت اخ كبير مميز --- استاذي الفاضل حسن لم يكن العمر في يوم من الايام عائق عن تحقيق الطموح او الحصول على ما يتمناه الانسان . فنجد في قصتك اخي الكريم اجمل صور التمسك بالهدف حتى بعد طول انتظار الله يسعدك ويخلي لك عيالك ونشوفك جدو يارب |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
شكر ابو خالد من الاعماق
حقيقه اثجلت صدورنا بهذا بهذه الكتابات وانت المعلم الاول قبل كل شي استفدنا منك كثيرا وكذالك طلبة الملتقى ولا يخفى على احد حجم ابو خالد في هذا الملتقى اشكرك ابو خالد من كل قلبي واتمنى لك التوفيق والنجاح الدائم في حياتك العلمية والعملية. شكرا ابو خالد الحمدلله فعلا انا جد من ثلاث سنوات (حفيدي محمد عمره ثلاث سنوات الله يحفظه) |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
مشاء الله تبارك الله انجاز رائع
وهمم عاليه الله يسعدكم بالنسبة لي سآضع مساري ب آتخاذ القرار بمدونتي آن شاء الله ومن كان لهم الفضل الكبير ولبقائي في الآستمرار والوصول الى آخر مرحلة ولولا فضل الله علي ثم فضلهم كنت سحبت من الجامعة من سنه لتعرضي لظرف قاسي جدا" والحمد لله عدى كل شي بسلام والظرف نظرت له نظرة ازدراء وعدم الآلتفات لسفاسف الآمور وتهويلها شكرا" لك آخ أبو خالد ع هذا الموضوع https://vb.ckfu.org/t795392-2.html#post1057760501 |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
مره الوالد دق على احد اصحابه يعزي عندهم فقال الوالد ايش سبب الوفاه قال الرجال سرطان الله يحفظنا وياكم قال ابوي الله يشفيه
وعاد انا ماتحملت ضحك وابوي يختصر ويقفل السماعه ويضحك يقول يالله سترك 😂😂😂😂👋🏼باقي يقول الله يشفيك انت يافلان |
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
هههههههههههههههههههههه احراج والله
|
| All times are GMT +3. الوقت الآن حسب توقيت السعودية: 03:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام