المشاركة الأصلية كتبت بواسطة Sunries (المشاركة 11224553)

السلام عليكم ورحمة الله وبركاته ��
بسم الله الرحمن الرحيم
شوفي ياقلبي صراحة انا تندمت قد شعر راسي ايام اختبارات ال " ميد تيرم " كنت مرا معصبه ليش مافي تأشير وكيف اذاكر اساسا لاني متعوده ع الدلع زييّ زيكم ايام الثانويه وطبعا العصبيع خلتني اتهاون حبة حبة وماذاكر زين لاختبارات " الميد تيرم " وبالتالي جبت درجة تخسف للاسف بس طبعا كافحت ودرست وتعبت وسهرت عشان اجيب درجة بالنهائي وانجح بهالمادة والحمدالله ���� كله بتوفيق ربي
، يعني نصيحتي لي ولنفسك اختبارات الميد تيرم جزئية قصيرة واساله سههله " حرام اضيعها " واضيع بعدين ��
وبالنسبة للكتاب الي نذاكره شوفي كل كتاب يختلف من مادة إلى اخرى وطبعا مانقدر نقول تذاكرين نص الكتاب او اشياء محدده لان هالشي يرجع للدكتور وكيف تقسيمه للمادة ( شي حبيت اوضحه ) كل مادة من مواد التحضيري تعطيكم الدكتوره " توصيف المقرر " ايش هذا ؟ هذا الله يسلمكم يخليكم تعرفون ايش المطلوب تذاكرون منه بالكتاب يعني لما تشترين كتاب لاتتتتوقعين انك تذاكرينه كله وتنفجعين وتحطمين نفسك احتمال كبير تكون جزئيات معينه مكتوبه بالتوصيف / نجي لل " التأشير " مادة فقه السيرة كنت ماخذتها عند دكتور صراحة هو يقراء كل شي واحنا ناشر معاه اشياء معينه م ياشرها بس الاغلب ياشرها كلها يعني بنهاية الترم صرت م اتعب نفسي واشر معاه لان كل شي معانا ���� ( وفي دكتوره الله يسعدها امل عبد الفتاح مادة مبادئ ادارة كانت تاشر لنا صراحة ��/ طريقة المذاكرة ! تعتمد عليك انتي بس مافي شي احلى من التنظيم نظمي نفسك وذاكري اول باول وسلمي واجباتك بدري وفكي عمرك من التوتر لما تتاخرين عن تسليم اي واجب / في شي بقوله اغلب المواد تقول لكم الدكتوره " ابيكم تقسمون نفسكم لمجموعات وكل مجموعه تشترك ببحث " لاحظي مجموعات وحطي ببالك انتي بشعبة كامله يعني مو شرط تعرفين كل البنات ف من هالناحية لاتشيلين همك بيكون الاختيار عشوائي غالبا لانك ماتعرفينهم الا اذا كنتي ويا صاحباتك وانتم ثلاثه وناقصكم بنتين قولو للي وراكم وبكذا تعينون وتعاونون وطبعا لما تتحدون مجموعتكم تحددون الموضوع الي بتسون عليه البحث " ع حسب ماتقوله الدكتوره " وتاخذون ارقام بعض وتتفاهمون وبس / اسماء الدكاتره وكذا شوفي من هالناحية مقدر افيدك رسمي لان ممكن دكتوره اقدر استوعب منها بس انتي لا ف مقدر اجزم لك ع وحده وتختارينها ع طول عشاني بس قلت لك ماضمن لك في بنات كانو يسالوني عن مادة اخذتها الترم الاول وهم بياخذونها الترم الثاني وسالوني عن الدكتوره وكذا وانا فعلا احبها هالدكتوره والمادة بالنسبة لي لطيفه معاها بس ايش النتيجة ؟ صديقتي ابدا ماتمدح المادة كلش ومرات لما اقول لوحده عن دكتوره معينه تقول ماقدر استوعب منها لكن بالمقابل بنات كثير يستوعبون منها ف مقدر افيدك من هالناحية فهمتي واذا تبين اسمائهم حاضر بس مو شرط كلهم جازولي ���� فيهم الخير والبركة فعلا لكن مرات يصعبون علي حاجة بس جد المخوخ تختلف شنسوي ���� نصبر ���� وايش بعد ايش اقولكم / ايوه اللبس انا عن نفسي وبكل اريحية بداية الدوام كنت اكشخ والبس الحمدالله لكن شوي شووي طفشت وصرت مافسخ العباية حتى �� وراااحة يالله لك الحمد �� بس انتبهي بعض الدكاتره تحرّص وبشدة ماتكونين لابسه العبايه ب محاضرتهها ، انا عموما تحت العبايه البس لبس الجامعه غصبا عني لان بلحظة ممكن الدكتوره تغير رايها وتبينا نفسخ العبايه ، ومرات تطق براسي اكشخ يومين وارجع لعبايتي حبيبتي ���� الحمدالله يعني ومدري هالسنة ان شفتو وحده كاشخة لها يومين لين 3 وبعدها لبست عبايتها وتافلله العافيه من التعب هذي انا ���� بس على اجر طبعا �� / احس لي رواق وانا اكتب بس حبيت اكتب بالتفصيل واي وش بعد - ليش نقولكم داومو اول اسبوع لان ياقلبي انتِ وياها خلاص مستقبلكم بيتحدد هههههههههههههه يعني لازم تعرفون وين مكان القاعة ، تسجلون ارقام القاعات وال سي ار ان وكل شي !! هالشي لصالحك لاتعتمدين ع احد وتبلشينه كل يوم وتتصلين عليه " وين مكان قاعتي ساعديني " ماينفع كذا اعتمدي ع نفسك انتي لنفسك لاتعتمدين ع احد وشوي وشوي بتشوفين نفسك تعودتي اساساً وشسمه خلاص احس تكلمت عن كل شي باقي بس انزل النتايج ���������� < مانمت ويحق لي استهبل ، يالطيفين دعواااتكم تطلع لي نتيجة التخصص عاجلا غير اجل وافرحح فيها �������� تعبت والله وأنا انتظر بس متفائله وكل تأخيره فيها خيره