![]() |
رد: الله يسامح كل من أفادنا بالخطــــأ ..
المفروووثض اللي ماهو متاكد من الحلول ماينزلها ...
او يضع ملاحظة : انه الحلول غير اكيدة الرجاء التاكد ... انا نفس فكرتك.. حليت سؤالين غلط بناءا على حلول الاختبارات اللي نزلووها .. مع اني ماكنت مقتنع بالاجابة .. بس قلت اكيد صح دام نزلت المنتدى .. فعلا الموضوع يستحق اعادة النظر .. |
رد: الله يسامح كل من أفادنا بالخطــــأ ..
:confused: افا يعني حنا السبب الحين ؟؟
|
رد: الله يسامح كل من أفادنا بالخطــــأ ..
معاك حق بس بعد الي يذاكر المفروض يتاكد قبل مايحفظ
|
رد: الله يسامح كل من أفادنا بالخطــــأ ..
ابي ارد بس ما ني عارف وش اقول مدري نجيبها من الاساتذة ( اللي يقلون عليه دكتور ) امحق دكتور مو قادر يوصل معلومة .................... او من الطلبه المجتهدين بالغلط ولكن ياقلب لاتحزن لما فتحت المحاضرات المباشرة بمادة الرياضيات وشفت التعامل عرفت ان الوضع دمار بصراحه قالبينه شات الشباب كامات ومايك ..... اكثر كامات لاهنتوا .. معذره على الاسلوب لكن من مافي داخلي أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأهــــــ
يا من شراله من حلاله عله بلا شهادة بلا هم قال ايش بكالوريوس |
رد: الله يسامح كل من أفادنا بالخطــــأ ..
اول ما سجلنا بالجامعة فتحو لنا ايقونة تخص البريد الاكتروني كل واحد لازم يكون ايميله الخاص تبع الجامعة فعال يحفظ فيه ايميلات الخمس دكاترة ^^ عندنا وسيلة تواصل مع كل دكتور من بدت الدراسة كل منهج يشمل 14 محاضرة و 3 واجبات و 14 مناقشة يعني اقل شي المفروض ما نخلص 3 دروس الا و نرسل ايميل فيه كل الاسئلة الخاصة بالدروس الثلاث اللي لقينيها بالنماذج و الكويزات وماعرفنا حلها الاكيد للدكتور و يعطينا الحل . ^^ عندنا مصدر يحل اي سؤال شكينا فيه كل ماده لها محاضرات مباشرة مسائية الدكتور يقول بسم الله و يسلم علينا و يقول يله هاتو اسالتكم ^^ عندنا لقائات مع الدكاترة بداية و نص و اخر الترم نداوم..ننام..نربي عيالنا..نداري اهالينا...نشوف مسلسلات ..نروح اسواق..نروح استراحات..نروح عزايم..نلعب سوني..نشوف مباريات الهلال و النصر و الاتحاد و الاهلي..الخ.. وبنقدر ان شالله نخصص ساعتين كل 3 اسابيع للدراسة. وبنفس الوقت نشكر كل واحد حل وجاوبنا بالمنتدى على 80% من الاستفسارات و اسئلتنا.ونشكر كل واحد بمستوى ثاني او مستوى ثامن زارنا و عطانا من وقته و نصحنا بشي مر فيه ووصل للمستوى اللي هو فيه الان. وما يمنع من باب الثقافة و المتعة نمر مكتبة جرير ولا العبيكان نشتري كم كتاب عن الادارة نقرا اوقات الفراغ او قبل النوم و نسحب شوي على الاشياء اللي اقل اولوية و اهمية هالاربع سنوات . نظم نفسم نظم حياتك بتريّحك حياتك. ترا زيي زيك و وجهة نظري احنا كلنا مقصرين ...ويبيلنا نغير نظامنا قبل نطلب تغيير نظام الجامعة ولا الطلاب و لا الناس اللي حولنا... |
رد: الله يسامح كل من أفادنا بالخطــــأ ..
كثير نزلت مواضيع تنبه ان الاجوبه مو اكيد ولابد التاكد منها وهذا الشي الاغلب يعرفه
|
رد: الله يسامح كل من أفادنا بالخطــــأ ..
الله يوفق الجميع لكن يا اخوان انا اشوف اغلب الاسئله المحلوله او المراجعات المكتوبه موضح عليها ان يجب التأكد من الحل ,,,
|
رد: الله يسامح كل من أفادنا بالخطــــأ ..
كلام قميل
|
رد: الله يسامح كل من أفادنا بالخطــــأ ..
اقتباس:
صحيح وهذا الكلام السليم واللي صاير ...والشغله بالأخير اختياريه وليست اجباريه كل شئ يتحمل من المنتدى من اسئلة الاختبارات السنوات الماضيه ليست مضمونه الحل هي وضعت للتدرب عليها بعد المذاكره للوقوف على مستواك ومدى استيعابك ولم توضع كشكل نهائي 100 % دمتم بخير |
رد: الله يسامح كل من أفادنا بالخطــــأ ..
انا بقول رأي واتمنى ما تزعلون عليا واعتبروها نصيحة لوجه الله
الاخوان والاخوات بالمنتدى ساعدونا بالملخصات والشروحات واسئلة الاختبارات للعوام الماضية ولو الله ثم هما ما كنا فهمنا شي... اي واحد مننا اعتمد على الاجابات فهي غلطتنا احنا المفروض ما نتعتمد على مجهود غيرنا المفروض كنا حلينا الاسئلة بنفسنا خصوصا الاسئلة اجاباتها موجودها بالملخصات ومحتوى المحاضرات يعني ماخرجت عن المحتوى المقرر علينا وكان سهل ايجاد الحلول وبسرعة .. بصراحه انا ما اعتمدت على اجابات الاسئلة كنت كل نهاية فصل اشوف الاسئلة الي عليها واحلها بنفسي والحمدلله وبفضل من الله ثم بمجهودات الاخوان والاخوات ومساعدتهم لنا حليت بالاختباريين ولله يستر من الرياضيات مره خايفه منو المهم ما اخرج عن الموضوع اتمنى ما احد يزعل من كلامي واعتبروها نصيحة من اخت لكم |
All times are GMT +3. الوقت الآن حسب توقيت السعودية: 10:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام