ملتقى طلاب وطالبات جامعة الملك فيصل,جامعة الدمام - مذاكرة جماعية "ملخصي" لـ(مبادئ الإدارة)

للي يسأل عن "وين الملخص؟"؛ الملخص في المرفقات. أسفل الموضوع يمين في رابط عليه صورة ملف PDF؛ اضغط عليها وينزل عندك التلخيص. التلخيص حجمه صغير أقل من 1 ميقا.

لما انتهيت من عمل الملخص؛ وأثناء ما كنت أدمج أسئلة الاختبارات "الثلاث الماضية" مع الملخص؛ تقريباً فقط 3 أسئلة أو أربعة (من مجموع حوالي 150 سؤال) ماكانت موجودة في تلخيصي.

يعني أقدر أقولك بثقة إذا درست الملخص "صح"؛ بإذن الله درجتك في الاختبار ما تقل عن 90%؛ وتلخيصي لمبادئ الإدارة أفضل من تلخيصي للعقيدة الإسلامية؛ لأنه في هذا التلخيص اجتهدت إني ما أهمل التفاصيل الصغيرة.

ويا أخوان لا أحد يحملني المسؤولية؛ ويسألني هل أكتفي بملخصك فقط! أنت حر ادرس من أي مصدر تشوف أنه يناسبك ويناسب وضعك؛ يعني ما أقدر أخدمكم بأكثر ما أخدم به نفسي، وهو هذا الملخص. أنا الحين قفلت على "مبادئ الإدارة" وماراح أراجعها إلا قبل الاختبار؛ وبالتأكيد راح أراجعها من هالملخص فقط. ولاني ذاخرٍ عنكم شي.

الله يوفقنا وإياكم.

أحب دايماً أردد الآية: "يا يحيىَ خُذِ الكتابَ بقوَّة"؛ ويا طلبة، خذوا الكتاب بقوَّة، وخذوا الدراسة بشدَّة، وخذوها على أنها جدّ ماهي تسلية؛ أساس الدراسة أنها تعب وكبد، الرسول -صلى الله عليه وسلم- سمّاها جهاد، وهي فعلاً جهاد يجاهد بعض الإنسان نفسه اللي تشتهي الراحة "والتمغِّط" والتسكّع، وما أحلى من قطف الثمر بعد التعب.

الله يقوينا إن شاء الله ونقطع هالدرب الطويل "أربع سنين"؛ يبيلها رجال (ورجالات :P) يصملونه.

حالياً قاعد أشتغل على "تقنية المعلومات"، الشغل مضايقني؛ لكن إن شاء الله بعون الله أجتاز المادة هالأسبوع.

C Yaw