ملتقى طلاب وطالبات جامعة الملك فيصل,جامعة الدمام

- - [ استفسار ] خف علينا شوي شوي (https://vb.ckfu.org/t512756.html)

رد: خف علينا شوي شوي

بس يا نصرون إحنا نبغي نذاكر كل المحاضرات اللي معانا علشان يصير سهل علينا حق الاختبار النهائي وأنا اقترحت ان نراسل الاداره لتأجيل الاختبار الى يوم الاحد وهذا الحل الوحيد وإذا ماوافقت الاداره نشوف حلول أخرى

أتمنى من الأعضاء والعضوات يتقبلون هذا الحل ويراسلوا الاداره علشان يشوفون كثره الرسائل بخصوص هذا الموضوع وان شاء الله يوافقون

رد: خف علينا شوي شوي

خلوها على الله بس قاعدين ينزلون بهالمحاضرات عشان يخلصون المنهج و احنا اللي ناكلها ! شي مرهق والله

رد: خف علينا شوي شوي

معليش اعتذر عن الكلام وادري انه ما راح يعجبكم كلكم

بس بدل ما يجلس الواحد يتذمر ويتحلطم ويجلس ينتظر العمادة تسوي شيء
يروح يفتح محاضراته ويذاكرها الدقيقة اللي تضيعونها بمواقع التواصل الاجتماعي
والملتقى والطقطقة هنا وهنا استفيدوا منها بمذاكرتكم .. ما اقول لاتسوون شيء ولا تتنفسون الا مذاكرة

بس اعتقد انكم اللحين بفتره اختبارات يعني الواحد يتعب على نفسه شوي
مرسلة لي وحده اليوم ان ما عندها وقت تذاكر ومشغولة وعيالها قلق ومدري ايه
جلست معها اسولف بنفس الموضوع من الساعة 11 لين 2
معقولة هالوقت كله كانت فاضية فيه تتشكوى لي وما كانت فاضية تذاكر ؟؟

كمية سلبيه جالسين تكتسبونها بتصرفاتكم هذي .. الواحد يقدر ينتقد ويعرض فكرته
بس لايجلس ينتظر القرار وكأنه فعلا راح يصير مثل ما كتب وتعب نفسه وتأمل انه ينفذون كلامه
خل يحط في باله احتمال الرفض قبل لا ياكلها على راسه . .

الكلية متعاونة معكم واتوقع شفتوا تصرفهم معكم يوم اشتكيتوا اول السنة من تأخر الجامعة بتسليم الارقام
وهالشيء سبب تراكم محاضرات مع ان الكلية مو مسؤوله عن خطأ الجامعة بس تعاونوا ماقصروا

يعني لو شافوا ان الاختبار فيه مضره عليكم بيأجلونه من اول شكوى تجيهم
بلاش حلطمة وسلبيه على بعض .. عندكم ايميلات العمادة اللي بخاطره شيء
يكب العفش فيه ومحد بيقول له لأ .. اللي معترض على الوضع يقول انه معترض هنا
بدون لايتذمر .. بس يقدر يقول اللي عنده للكلية

بكذا انت اعترضت على الوضع بطريقة صحيحه + بدون تذمر + توجهت للمكان الصحيح
لان هذا ملتقى للطلاب مش للتواصل مع الجامعة :004:

وان تواجد دكتور معنا كثر الله خيره .. هو مو مجبور يتواجد ترى
لانه ملتقى غير رسمي + فيه ايميل لكل دكتور + في كلية تقدرون تتواصلون مع اعضاء هيئة التدريس عن طريقها

اخيرًا .. الله يكتب لكم اللي فيه الخير وذاكروا واتركوا الملتقى عنكم تراه يضيع وقت كثير :biggrin:

رد: خف علينا شوي شوي

وأجلو وأجلو وأجلو

اخرتها شكلنا بنختبر بالصيف الناس اجازه وسفر وحنا نختبر !!

ما انكر ان فيه غلط من البدايه وهو عدم تسليم الارقام الجامعيه لطلبه معينين

بس ما اشوف الحل هو التأجيل !

احس بيضرنا اكثر ما ينفعنا

يعني اجلتوو للاحد مثلا

تظمنون مافيه دكاتره ثانيين ينزلون محاضرات ؟؟!!

يعني نفس السالفه ! ولا بتذاكرون محاضرات الانجلش وتخلون الباقي؟

رد: خف علينا شوي شوي

مافيه الا الويك اند نذاكر فيه
:biggrin: ضحوو بالطلعات والفله

رد: خف علينا شوي شوي

،

آنآ بععد مآحس بوه غلط في الموضع

كل السسآلفه آحنآ نظـآم جآمعه الحين مب مدرسسه وثآنوي

ومتعودين على الدلع ششوي :d

يعني شوي شدو على نفسكم ولآ تحطمو نفسكم

وربنآ يوفقنآ ويسسهل علينآ ي قدعآن

،

رد: خف علينا شوي شوي

اقتباس:

المشاركة الأصلية كتبت بواسطة د. نصرون (المشاركة 9780395)

طلعوا اللي بخواطركم لا تخلون شيء

بس ترى كثرة الحلطمة انعكاساتها سلبية عليكم

مثل مافي الكبت مضره في اظهار السلبيات مضره كمان
ودي اصور لكم محاضراتي اللي نازلة لي بس اخاف اجلطكم
وانتوا خلقه موب ناقصين :cheese:

بس لو كل واحد صلح لنفسه جدول دراسي يومي كان هانت عليه اموره :004:

+ عندنا دكتور الحينا عليه يأجل محاضرات وقال بأجلها الى حين انتهاء الاختبار الفصلي
بس را تنزل عليكم دبل يعني نفس الحكاية اذا ما انضغطنا بالاختبارات ننضغط بعدها :sm1:

بس بكل الاحوال حنا مستوى ثالث يعني تجرعنا لين شبعنا :biggrin:
وبدل الحلطمة وانتوا عارفين انه مابيصير شيء كل واحد ينظم نفسه قدر المستطاع
ان قدر قواه الله وان ماقدر الله يكون بعونه
واذا على الانقلش تقدرون تقسمون المحاضرات بينكم
مثال / اهلاوي يذاكر اول 4 محاضرات
انا اذاكر من الخامسة الى الثامنة
الحان الشوق من المحاضرة التاسعة الى 12

وتكونون مجموعات مثلا مجموعة اهلاوي يكون فيها حرامي - اهلاوي - نتفه - وعد
هالاربع يذاكرون اول 4 محاضرات واذا جات الاسئلة منها يحاولون يحلونها

^
مجرد مثال للمساعدة لا اكثر < نظام الغش ايام اختبارات النهائي بالثانوي الله يغفر لنا :sm1:

عجبتني الفكره خن نطبقهآ :bawling::5aga:

رد: خف علينا شوي شوي

اخت نصرون هذا تجني واتهام باطل ومين اللي قالكم انا مانذاكر ونتعب ونفحط وبعدين اللي شايفه ان اللي يدافعون عن الجامعة هم اكثر الناس تواجدا في المنتدى والظاهر ان كلا يرى الناس بعين طبعه . اللي قاعد يصير غلط تخبط تخلف رجعية سوء تخطيط سوء تنظيم سوء ادارة اختاروا منها ماتشاؤون .. وبعدين اخت نصرون ام العيال اللي قاعدة تسولف معك 3 ساعات ليست مقياس تطبقي من خلاله حكمك على الاغلبية او الجميع صحيح انتي وهي اهدرتم اكثر من 3 ساعات ولكن لاتعمموا هذه النظرة . فانا مثلا اذكر 5 ساعات باليوم فهل يحق لي ان اعمم ذلك على الاخرين لانني اطبقة ؟ جلد الذات شي مؤسف والاكثر ايلاما هو مغالطة الحقائق والتغاضي عن الاخطاء وتجييرها على الطرف الاضعف . ماحصل خطاء الجامعة يجب ان تتحمله بشجاعة بالرغم انه خطاء بدائي ينم عن ان القرار احادي ومركزي في هذه المؤسسة التعليمية .

رد: خف علينا شوي شوي

كلام نصرون صحيح ..

تراكم جامعه ! سواء طلاب الانتظام او طلاب عن بعد الكل كذا مضغوط !!

عادي يعني انضغطوا .. كمان وين الضغط و كل شي قدامكم و تحلون وقت م بغيتم و محاولات و دلع !

معليش بس شدوا حيلكم حبايبي و موفقين

رد: خف علينا شوي شوي

أوافق نصرون و Moni

مع اني درجة اولى في الحلطمة لكن الحق ينقال الجامعة مو مقصرة قسم بلله دلع ماكنت أحلم بنص هالشي
على كلام اخوي اهلاوي ، سوء تخطيط.....، جرب جامعة غير ها وبتعرف قيمتها ، درست بغيرها بفلوس + كررررف 24 ساعة على الاب + واجبات إلى ماله نهاية + أخطاء واعطال فنية ليين طفشت وانسحبت منها ...الله لايحلللهم
احمدوا ربكم والله احنا بنعمة