ملتقى طلاب وطالبات جامعة الملك فيصل,جامعة الدمام - تكفوووون افزعووووووولي الدنياظلّمت في وجهي

- إدارة أعمال 1 (https://vb.ckfu.org/f310)

رد: تكفوووون افزعووووووولي الدنياظلّمت في وجهي

هدّي بالك ..
ماراح يروح تعبك هدر
واكبر دليل حلّك بورقة الأسئلة ,

بس هذا مو دليل انك مَاتراسلهم .
لا طبعاً لازم ترسلهم مشكلتك من الحين
وانتظر ردهم
بس لايشغلك تفكيرك فيها عن الاختبارات الجايه ,

اتفاءل

الغريب : المراقب الغبّي بعكس عندنا
ماشاء الله جداً المراقبات حريصات .
قبل الاختبار ب 10 دقايق مخصصينه لورقة الاجابة
ومحاضرة عنها ,

رد: تكفوووون افزعووووووولي الدنياظلّمت في وجهي

الخطأ من المراقبين مو منك ان شاء الله تظليك في ورقة الاسئله بياخذونها في الحسبان ,, الصراحه وقت الاختبار الواحد يرتبك ينسى حتى اسمه << بالتوفيق

رد: تكفوووون افزعووووووولي الدنياظلّمت في وجهي

اقتباس:

المشاركة الأصلية كتبت بواسطة مناير العتيبي (المشاركة 8835267)

انا نفسك ياخوي بس الحمد لله المراقبة ظللتها عني الله يوسع لها وين ماراحت يارب بس انت شوف المراقب حقك يمكن شللها

كل الي ردو الله يجزاكم خير الجزاء ...

معليش أختي كيف عرفتي إن المراقبة ظللتها عنك ؟ إتصلو عليك ؟ والاانتي الي راجعتيهم؟

رد: تكفوووون افزعووووووولي الدنياظلّمت في وجهي

لا تخاف ان شاء الله تتصحح وتتيسر لك وين المراقبين مايوضحون هذا الشي :32:

رد: تكفوووون افزعووووووولي الدنياظلّمت في وجهي

اقتباس:

المشاركة الأصلية كتبت بواسطة ملك الإنسانية@ (المشاركة 8827855)

انا جبت العيد انا جبت حيوان اناحمار انا ما افهم انا انا انا انا .......
الظاهر مافي احد قد سوى مثلي في الدنيا

اختبار القانون جبت فيه العيدين والاعياد كلها تكفون الي عنده خبره تفون يفيدني

السالفة باختصار شديد

الإجابات ماظللت عليها في الورقة البرتقالية او ماادري اش لون امها ماظللت ولا جواب كل الي ظللته في اوراق الاسئلة فقط فقط فقط

تكفون دلوني وش اسوي

معقولة رحت في خرايطها ... رغم ان اجوبتي كانت صحيحة بنسبة 90%
شفتو كيف انا حمار
لاحول ولاقوة الا بالله

:12::12::12::12::12::12:

[line]-[/line]

ان شاء الله يشوفو الورقة حقتك

وين المراقبين حسبي الله عليهم اكيد كل واحد لاهي ع جوال :32: :24:

خذ رقم هذا واحد بالجامعة كلمه على الواتس اب

حسساب متخصص لاحل جميع المناقشات والواجبات وحضور المحاضرات لطلاب التعليم عن بعد بجامعه الملك فيصل للطلب فقط ع الواتس اب 0582102882

https://twitter.com/13Bdbd

وان شاء الله خير

رد: تكفوووون افزعووووووولي الدنياظلّمت في وجهي

كلمهم على الرقم المجاني الصبح الساعه 8
ضروري وباذن الله تنحل لان ورقة الاسئله عليها بياناتك كامله وراح يرجعون لها بس التصحيح
راح يكون يدوي مو بالكمبيوتر هذا الفرق

روق وركز بالرياضيات هي الاهم ...

رد: تكفوووون افزعووووووولي الدنياظلّمت في وجهي

:4::4::4::4::4:

الله يكون في عونك ويفرج همك حرام والله حلك وتعبك يروح كذا قهر والله قهر الشرهه مو عليك الشرهه على االلي يراقبون وين عيونهم والمفروض يعلمونكم لانكم جدد:22::22: لاتخليهم روح لهم بوقت الاختبار يكلمون لك الجامعه احسن

رد: تكفوووون افزعووووووولي الدنياظلّمت في وجهي

اقتباس:

المشاركة الأصلية كتبت بواسطة ملك الإنسانية@ (المشاركة 8837521)

دقت علي وموبايلي. سايلنت. واظطرت أنها تظللها لي الله يعافيها انا رحت للمراقبة قبل الاداره وسالتها وقالت أنها ضللتها لي

رد: تكفوووون افزعووووووولي الدنياظلّمت في وجهي

يتحملها المراقب

رد: تكفوووون افزعووووووولي الدنياظلّمت في وجهي

يــاربي ,, الله يكوون في عونك يا اخوي
والشرهه والله مو عليك لاتقول عن نفسك كذا
الشرهه ع اللي مانيب قايله , المراقبين اللي بالقاعه ,, المفروض اذا استلمو الورقه حقت التظليل يتأكدون مو ياخذونها على عماهم اجل وش فايدتهم حمدلله والشكر .....

عموماً هونها وتهوون وسو زي ماقالو الاعضاء هنا وان شاءالله خيير وقلوبنا معاك ,, وياليت تطمنا اش بيصير معاك:16: