ملتقى طلاب وطالبات جامعة الملك فيصل,جامعة الدمام - اللي متخوفين من الاختبارات ياليت ندردش سوى ولا تخافون

اقتباس:

المشاركة الأصلية كتبت بواسطة حكيمة زماني . (المشاركة 4878881)

يعطيك العافية .,,
وان شاء الله تتسهل الامور ,,
انا باديه من اسبوع ,, خلصت الارياضيات والمحاسبة ,, بس اللي باقي المحاضرات الاربعة
اذا خلصت من مواد الفهم ,, ابداء بمواد الحفظ :000:
والله يعينا عليهم :(177):
موفق ..:106:

ماشاء الله عليك خلصتي الرياضيات والمحاسبة في اسبوع :smile:

اذا على اربع محاضرات ان شاء الله هينه .. الله يوفقك يارب

اقتباس:

المشاركة الأصلية كتبت بواسطة New LiFe (المشاركة 4878951)

صادق ياطموح

بس والله الدعوه ماتحتاج خوف .. انا ابصم بالمليون حتى اللي ماذاكر ابد بس مجرد قرى استمع للمحاضرات بيقدر ينجح .. المواد ما هي بذيك الصعوبة اللي البعض يتصورها .. اتوقع مشكلة الخوف هو انقطاع البعض عن الدراسة فترة طويلة فلما رجع يدرس انتساب يحس ان الدراسة ثقيلة عليه شوي ... شي طبيعي وان شاء الله بالمستوى الثاني بيخف الضغط شوي

انا قناعتي الطالب او الطالبة المشغولين بعمل او تربية اطفال ومن هالسوالف يمديه يبدا قبل الاختبارات بشهر .. بمعدل مادة كل اسبوع .. مع وضع اول مادة في الاختبار هي آخر مادة للمذاكرة .. مثل الادارة بالجدول .. وقتها بتمشي الامور تمام التمام .. لكن الطالب او الطالبة الفاضين بصراحة مالهم عذر المفروض مذاكرين مع كل محاضرة تنزل من اول الترم ويصير آخر شهر مجرد مراجعة له .. والله ياحنا المداومين نحس بأزمة وقت ومع ذلك نكرف ونحاول قدر مانقدر ندرس انا غلطت امس بواجب الادارة وطارت علي درجة وبغيت اصيح ههههههههه .. ماعلينا مكتوب .. بس اللي بيبدا الآن بالمذاكرة يمديه بالراحة

الله يوفق الجميع

كلامك صحيح اخوي بس والله خاطري اجيب معدل يسوى عشان ماتصعب علي مستقبلا

وعن الاشغال خلها على ربك والله ماعندي وقت اني احك راسي فمابالك محاضرات وواجبات وزحمه

بس الله يعين

اقتباس:

المشاركة الأصلية كتبت بواسطة dr.memoo (المشاركة 4881195)

احم احم مسااااااء الخيرات

عندي طريقة حلوة لمذاكرة بعض المواد

اولا راح اتكلم عالسريع عن ثلاث مواد (الادارة القانون والرياضيات)

لاتذاكروهم الان خلوهم بوقت الاختبارات يعني الخميس راح يكون اول مادة الادارة طيب ذاكروها قبل الاختبار بيومين لانها مادة سهله وبعدها القانون راح تكون الاثنين يعني راح يكون معكم 4 ايام تقدرون تحفظون المادة عن ظهر غيب والرياضيات راح تكون الاثنين اللي بعده بمعنى الاقتصاد الاربعاء والرياضيات الاثنين يعني 5 ايام مررررررررة كافيه والرياضيات سهل اكثره يعتمد عالحاسبه

طيب خلصنا 3 مواد يبقى لنا الاقتصاد والمحاسبة:::::::::::

الان نقدر ندرس كل يوم محاضرتين من مادة وحدة لين نخلص

انا عن نفسي ماشية على هذي الطريقة وماراح ادرس الثلاث مواد الا بوقت الاختبار عشان اركز اكثر وخلصت الاقتصاد من العيد والان بادية بالمحاسبة

وسلامتكم """""" ادعوا لي بالفل مارك :mh318:

يررحم امك والله لو اني مركب ذاكره 1 تيرا بايت .. وين يمديني اذاكرهم قبل الاختبار ههههههههههههه

انا عن نفسي لو اقعد شهر على كل ماده يالله بلحق عليهم تبيني ااذاكر قبلها بيومين

لا وبعد تبينا ناخذ فل مارك :Cry111: شكل ناويه علينا ههههههههههههههه

الله يوفقك يارب ويسهل امورك

اقتباس:

المشاركة الأصلية كتبت بواسطة غزاله الدوسري (المشاركة 4882521)

اذكر اني سويت نفس جدولك الأسبوع اللي فات

وابششرك إلى الآن ما بعد بديت فيه ..

اليوم طبعت ملخصات لـ 3 مواد << احسسس شوي وتجيني الكآبه

وش ذاااا << كلو من [ الأفضل ] ماجا وقال لي ياغزاله اطبعي من بدري لأن الكلام دششش وبتتعبين

يلإآ .. الله يسامح الجميع .. :biggrin: < عادي ماخذه مقلب في حالها

//

موفقيييييييين يارب

عاد الحين انا كاتب الجدول للعالم ولحد الحين ماسويت شي :53::mh318: بس ان شاء الله اليوم ببدا :(269):