|
رد: حسبي الله ونعم الوكيل فيك يا احمد فرحان
طبعا ان من بدايتها غير متفائل به وهالمادة معي من اول سمستر والحين خريج والظاهر اني بجلس معها حسبي الله عليه من يوم اختبرت ماجلست اخر واحد في القاعة يطلع الا هالمرة روح يااحمد يافرحان الله لا يوفقك ويبليك ببلية |
رد: حسبي الله ونعم الوكيل فيك يا احمد فرحان
الاختبار زي الحلاوه يجنن وبسيط هو قال ركزوا ع المحاضره الاخيره ماقال احفظوها واهملوا الباقي بلعكس هو جاب ابسط الاسئله وابتعد عن التعقيد والقوانين المعقده الله يرزقه ويسعده ماتوقعت الامتحان بهالسهوله حتى الايراد وهذي الاشياء كلها قوانين احفظ وحل الله يرزقه ع العموم الرياضيات فهم واللي يعتمد ع الحفظ في مذاكرته هذي مشكلته والله يوفق الجميع
|
رد: حسبي الله ونعم الوكيل فيك يا احمد فرحان
بخصوص الي سحبو منهم الاله اشتكو ولا تسكتون عن حقكم اذا شافو الشكوى من اكثر من مركز اكيد راح يرفعون لفت نظر في الموضوع لا تسكتون لان مو من حقهم يمنعونها
|
رد: حسبي الله ونعم الوكيل فيك يا احمد فرحان
اقتباس:
كلامك مخالف جدا يااختي انا احترم رايك وهذا من حقك بس بالعقل معقوله انتي الوحيده الي تمدحي والكل بالاجماع يشتكي منه المفترض تكوني متضامنه حتى لو كنتي فاهمه وانا مستغرب من برودك والثقه بالرد على الرغم كل كلامك معاكس واقع الدكتور |
رد: حسبي الله ونعم الوكيل فيك يا احمد فرحان
الدكتور في اسئلته هذي ركز على فهم الطالب يعني الفاهم طريقة حل السوال تمشي معه الامور
لاكن في محاضرته 14 وضح انو حفظ وركزو على الاسئله ومن هالكلام أرسلت من gt-n7100 بإستخدام تاباتلك |
رد: حسبي الله ونعم الوكيل فيك يا احمد فرحان
اقتباس:
فيه ناس الله رازقها الذكاء بس مايمنع من ان نقول الاختبار كان جيد جداً وفيه كم سؤال موجودين من المحاضره ١٤ او المباشره ماني ذاكره من وين تفائلو وان شاء الله محدد راسب فيها فالنا كلنا النجاح |
رد: حسبي الله ونعم الوكيل فيك يا احمد فرحان
السلام عليكم يا اخوان حاب اقلكم ان الدكتور ما يتحمل عدم مقدرتنا لحل الاختبار لانه ما قصر في كل محاضراته المسجلة والمباشرة شرحه جميل وسلس ويحاول قدر الامكان ادخال المعلومة لرؤوسنا واللي يقول غير كذا ظالم اما بالنسبة لقوله انه اكثر الاسئلة راح تكون من المحاضرة الرابعة عشر والرابعة المباشرة وانه ما راح يغير الا الارقام فهو صدق نوعاً ما اكثر الاسئلة من تلكم المحاضرتين ولا غير الا الارقام بس كان يبي لها شوي تركيز وحتى لو انه فعلاً ما صدق في كلامه لنا ما نقدر نمسكه بشي ابد فبلاش نقعد نتحسب عليه كأنه ظلم احد منا والا ندعي عليه بعدم التوفيق يجب ان نكن له ولكل الدكاترة الود والاحترام فهم يبذلوا جهدهم لتعليمنا والمعلم يجب ان يكون له قدر لدى المتعلم 00وعلى العموم احمدوا الله على ما كان وفكروا في الجاي وبالتوفيق للجميع |
رد: حسبي الله ونعم الوكيل فيك يا احمد فرحان
|
رد: حسبي الله ونعم الوكيل فيك يا احمد فرحان
الحين الي يدخل بنص الموضوع ويقول الاختبار سهل الدكتور على كلامه بيغير الارقام عشان الي يحفظون يتوهقون هو ما غير الارقام بس غير المادة عن الي شفناه في المباشرات والي يقول سهل متأكد انه سهل ولا عشان تكشخ علينا بالمنتدى مسوي الدافور مع اني متوقع الي يقول سهل انه جايب العيد مثلنا بس من باب بسوي عليكم ذكي |
رد: حسبي الله ونعم الوكيل فيك يا احمد فرحان
السلام عليكم ورحمة الله وبركاته :16.jpg:
كل عام واحنا بخير جميعا وعيد سعيد بمناسبة الذرة الي اخترعناها جميعا في مادة الرياضيات :16.jpg: طبعاً انا انطباعي مثل انطباع سليمان ابو الريش في خرج ولم يعد شفتوا كشته وهو يركض في الشارع ابد هذا انا اليوم طالعة من القاعة وكشتي طايرة واركض بالممرات ودي اصيح وفيني الضحكة بنفس الوقت على شكلي:16.jpg: ثاني شئ المراقبة بغيت ارتكب فيها جريمة قتل لعنبوا دارها توني قايلها بسم الله على بركة الله بحل زي مصطفى الدافور:hahahahahah: الا وتصرخ قالت باقي نص ساعة ويخلص الوقت انا هنا مخي علق يمين يسار وجتني نفاضة وذبحني البرد وجاني مغص وتبول لا إرادي وانتم بكرامة :16.jpg: وزودن على هذا تاخذ برايتي عيني عينك وانفخ عليها قلت برايتي جيبيها القها منك ولا من الاسئلة:hahahahahah::16.jpg: المهم روح ياحمادة منك لله الهي تتنيل بستين نيلة انت والثعلبة الي لاعبتن في شعرك:16.jpg::139: بالله يا بنات بكاء جماعي وزحلقة حياة الفهد على الجدار :sm1::16.jpg: كنترول عطنا نغمة برنامج 99:sm1::16.jpg: فتكو بعافية:139: |
| All times are GMT +3. الوقت الآن حسب توقيت السعودية: 10:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام