ملتقى طلاب وطالبات جامعة الملك فيصل,جامعة الدمام

- - لا للانهزامية نعم لمستقبل مشرق (https://vb.ckfu.org/t552426.html)

رد: لا للانهزامية نعم لمستقبل مشرق

اقتباس:

المشاركة الأصلية كتبت بواسطة al_khaldiah (المشاركة 10434909)

يسلم فمك اخوي نجم الله يسعدك كلام يبرد القلب مع هالاشكال اللي ماتعرف الا تكتب اشاعات في الملتقى الناس مشغوله بالتسجيل و المواقع و بعضهم متحمس لدراسه وهم اعتراف و مادري ايش طيب احنا نبي شهاده مو معترف فيها وش حارق دمكم كيفنا كيفنا فلوسنا واجد ندرس للهوا كيفنا و بعدين ...ياعمي طلاب و طالبات شهادتهم من جامعات من برا جو وماحصلو وظيفه كلها ارزاق و كله مقدر و مكتوب فا لاتقلقونا الله يقلقكم

الله يسعد ايامك المشكله انها كلها كذب في كذب همهم الوحيد ان الناس تنسحب من الجامعة باي طريقة ليش ولمصلحة مين بس كذا ناس فاشله تحب تشوف الناس كلها فاشله مثلها ناس ماعندها مهنه الله المستعان

اسعدني مرورك ويعطيك العافية

رد: لا للانهزامية نعم لمستقبل مشرق

عذرا
عندي أضافه أخيره هههه

ماتلاحظون
مواضيع التحطيم. ..الأنسحاب..الشهاده مو معترف فيها...
الأنظمه فاشله

الا بوقت الأختبارات بفتره. ..او بعد الأختبارات. ..
أو أثناء التسجيل
وش السالفه هههه

الظاهر بينهم أتفاق وأحنا ماندري

رد: لا للانهزامية نعم لمستقبل مشرق

اقتباس:

المشاركة الأصلية كتبت بواسطة دره مكنونه (المشاركة 10435048)

والله كلامك صح بخلينا نكملها على خير والله يصبرنا على هالخبلان

رد: لا للانهزامية نعم لمستقبل مشرق

كلامكم حمسني يعني أكمل والله مدري محتارة إنا راسبه٣مواد يعني راح أفلح فيها هو التخصص صعب شوي والا غيرها

رد: لا للانهزامية نعم لمستقبل مشرق

واصلي ولاتيئسين مهما كانت الظروف المحيطه حولك صعبه لاتكونين انهزامية
وخلي عندك هدف لازن توثلين له
انا اللهم لك الحمد كان معدلي بسبب الرسوب 1.8 يعني دمار شامل لكن بفضل من الله سبحانه وتعالى
الان وصلت مستوى 8 ونجحت من مستوى 7 بمعدل 3.5 وصار معدلي التراكمي 2.64 صحيح المعدل تعبان اشوي لكن اتوقع اني ازيده باذن الله ويوصل جيد مع المستوى هذا ولو اني انهزمت ويئست كنت انسحبت وماكملت

قاعدة مهمه حطيها في بالك الله من خلق الخلق والله من يوزع الارزاق واجتهدي وربي مايضيع تعبك باذن الله

رد: لا للانهزامية نعم لمستقبل مشرق

أحسنت

نحتاج لمثل هذه السطور المحفزة لا العكس

شكراً لك

.

رد: لا للانهزامية نعم لمستقبل مشرق

اقتباس:

المشاركة الأصلية كتبت بواسطة طموح وهمة (المشاركة 10439331)

أحسنت

نحتاج لمثل هذه السطور المحفزة لا العكس

شكراً لك

.

شكرا لك على مرورك تحفيز بعضنا مطلب اساسي لمواصلت المشوار :d5::d5::d5::d5::d5::d5::d5::d5:

رد: لا للانهزامية نعم لمستقبل مشرق

إعمل على تحقيق أحلامك بدلاً من تحطيم احلام الآخرين