ملتقى طلاب وطالبات جامعة الملك فيصل,جامعة الدمام - مذاكرة جماعية الله يسامح كل من أفادنا بالخطــــأ ..

- إدارة أعمال 1 (https://vb.ckfu.org/f310)

- - [ مذاكرة جماعية ] : الله يسامح كل من أفادنا بالخطــــأ .. (https://vb.ckfu.org/t534826.html)

رد: الله يسامح كل من أفادنا بالخطــــأ ..

مستحيييل اعتمد على الاسئله المحلوله كذا ....

رد: الله يسامح كل من أفادنا بالخطــــأ ..

اقتباس:

المشاركة الأصلية كتبت بواسطة alajmi66 (المشاركة 10104498)

السلام عليكم ورحمه الله ..

كيفكم بعد اختبار القانون والمحاسبه الي مافلحت فيه ..
ماقول الا الله يسامح كل من حاول يفيد اخوانه الطلبه بطريقه خاطئه .. تدرون وين المشكله والي راح يعاني منها الاغلبيه مثلي تماما ,, وهو ان بعض الاخوان والاخوات الله يجزاهم خير ويضاعف لهم الحسنات لانهم بنيتهم يبون يساعدون الجميع لاكن النتيجه صارت عكسيه ,,وهي انهم ينزلون بعض الاسئله محلوله وعليها الاجابات الكامله لاكن المصيبه اذا جات الاجابه خطأ وانتم حفظتوها صمممم مثل اساميكم وبالنهايه تكتشف انها غلط بغلط ..

وش ذنبنا بالله .. وش ذنب الي ماعنده وقت والظروف حدته على مراجعه اسئله الاعوام السابقه وهي محلوله غلط والي يغبنك اكثر انها تجي بالاختبار وتحلها بنفس موموجوده في المنتديات واذا طلعت من القاعه تكتشف انها غلط ..اااااااااااااه ودي ابكي هنا :verycute:
الملتقى هنا فيه المفيد وفيه الضياع ..فارجوكم والله يوفقكم محد ينزل رابط او اي شي الا وهو متأكد منه .. لانها تعتبر امانه
ولاني زفتت بالمادتين الي راحوا اتمنى ان الله يعوضني في الجايات والله لايخسر علينا تعبنا يارب

وجداااا اسفه واتمنى محد يزعل على كلامي لاني بجد توهقت ومابي احد يصير له نفسي ( حب لاخيك ماتحب لنفسك )

كلام جميل جدا واعجبني حتى البعض يحل الاسئلة بعد الاختبار بالخطاء
يا اخوان يا اخوات لازم نتساعد حتى لو شكيت في اجابة لا تنشرها
نعم عانيناء من الاخطاء المتكررة

انا معك في كلامك يا اختي 100%

وفعلا رابة المنزل مين لها وقت هل للبيت او للاولاد او المذاكرة او لابو الاولاد

الاعتماد على الاسئلة الماضية مهم حتى تعرف كيف صيغ الاسئلة وكيفيه الاجابة واذا ماذكرت واعطيت الاسئلة وانت ماتفهم في المادة مارايح تجاوب اكيد لازم مذاكرة المادة و الرجوع الى اسئلة الاعوام السابقة
كل من علق ضدك انمايعبر عن نفسه فقط وانتي تتكلمي بلسان الجميع لان كلامك عين الصواب

رد: الله يسامح كل من أفادنا بالخطــــأ ..

اقتباس:

المشاركة الأصلية كتبت بواسطة abo no0orh (المشاركة 10104692)

إذا موظفة قطاع خاص فنظام مكتب العمل يضمن لك حقك 100٪ ويسمح لك بإجازة إمتحانات للأيام الفعلية فقط ، ولاتدخل ضمن إجازاتك السنوية ويمنع خصم ريال واحد من راتبك :(204):

واذا كان من الاساس لا تملك موافقه مسبقه بمتابعة دراستك؟؟؟؟!!!
اعتقد ليس لنا حل اخر غير رصيد الاجازات حسبي الله ونعم الوكيل عليهم.
ما يبون احد احسن منهم حسد الله اكفنا شرهم :017:

رد: الله يسامح كل من أفادنا بالخطــــأ ..

جزا الله خير كل من اعان اخوانه الطلبه
ومافي لوم على احد لان معروف ان المقرر هو الاساس وباقي المراجعات والاجتهادات تكون شخصيه من الجميع
اللوم اذا وجد يكون على نفس الشخص واختياره على ماذا اعتمد
وشكــرآ

رد: الله يسامح كل من أفادنا بالخطــــأ ..

ياعمري والله معوضه ان شاء الله ويمكن الي راجعتيه غلط بس في اجابات صح
*شوفي في المذاكره الجماعيه الي تكون مثبته ملخصات واشياء مهمه دائما ماتكون صحيحه وانا وحده اخذ منها بس ماعتمد عليها يعني فديوات وحوسه يعني من كلل حته خذي شي عشان ماتتورطين
وكلامك صحيح وشكرا للتنبيه
:love080:

رد: الله يسامح كل من أفادنا بالخطــــأ ..

عزيزتي هم حطوا الاسئله للفائده والمفروض تتاكدين من الحل

مو تعتمدين عليها اعتماد كلي

بعدين مافي شي مضمون على اي اساس نعتمد فقط على الاسئله ؟

المنهج وش لزمته لو مااطلعنا عليه

رد: الله يسامح كل من أفادنا بالخطــــأ ..

شوفي أختي أنا لاحظت ان اغلب النماذج المحلولة خطا حتى الملازم أخذتها من مكتبة محلوله أسئلة الأعوام السابقة اغلبها خطا من اجل كذا اعتمدت على الملخصات فقط إذا نزلها احد و مع المحتوى النماذج اتركيها إذا خلصتي من المحتوى بكذا تطلعين على أسلوب الدكتور وتقدرين تصححين الخطأ الي فيها
من هنا أقول لجميع الزميلات والزملاء لا تعتمدوا على النماذج المحلولة ثلاثة ارباعها خطأ

رد: الله يسامح كل من أفادنا بالخطــــأ ..

اقتباس:

المشاركة الأصلية كتبت بواسطة زهراء ! (المشاركة 10104626)

وعليكم السلام والرحمه ..

الصراحه الغلط منك ! , دامك بتعتمدين على الاسئله كان على الاقل واضعف الايمان مراجعه الاجوبه
وتحطين ملاحظاتك الخاصه على الاجوبه ..

كلنا مشغولين ويعلم الله اني بدون اجازه وحتى يوم اختباري اغيبه ب خصميه من الراتب ,
بس حتى ولو لازم اتعب ولو القليل واحل الاشياء الي راح اعتمدها في مذاكرتي ..

بالتوفيق للجميع .

،

لك اجازه في أيام الاختبارات فقط بدون خصم ولاريال من راتبك
ويحق لك الشكوى حتى على مكان عملك إذا ما اعطاك هذا الحق

،

رد: الله يسامح كل من أفادنا بالخطــــأ ..

كلنا عندنا التزمات وظروف الله اللي يعلم فيها
لكن شي بديهي جدا ومعروف ان النماذج اللي تنزل
اجابات الطلاب واجتهادهم مو انها صحيحه
الواجب تاخذين النماذج وتجلسين تحلينها هذا اقل الجهد المفروض تسوينه
مالوم اللي يحاول يساعد بالعكس الله يجزاه خير ويكتب اجره
اللوم على اللي يبي يجي ياخذ كل شي جاهز بحجه ان عنده ظروف
طيب اللي نزل النماذج وحطها ماعنده ظروف
انا مالومك بس انبهك قدامك الحين 3 مواد
وباقي ان شاء الله بعدها 7 مستويات
لاتعتمدين على احد ولا تحطين اللوم على احد
لازم لازم لازم لازم لازم لازم
تستقطعن من وقتك شوي للدراسه
وتشوفين وش لك و وش عليك
وتعرفين وش تاخذين و وش تخلين
الله يوفقك ويكتب لك الخير

رد: الله يسامح كل من أفادنا بالخطــــأ ..

دائماً بعد الاختبار ما أحاول اراجع الإجابات حتى ما اتشتت في الاختبارات الجاية ,
لسبب أن مراجعتي راح تكون بدون فائدة , ورقة الإجابة و سلمتها , المهم أني ذاكرت
و درست و بعدها اختبرت و وكلت أمري لله.

برأيي و أنا اخوك اتركي مراجعة الأسئلة و نماذج الاختبارات حليها أو قارني الحلول بنفسك
بناء على مذاكرتك للمادة , وعسى الله يوفقنا و يوفقك و يوفق أخواننا جميعاً.