ملتقى طلاب وطالبات جامعة الملك فيصل,جامعة الدمام - ::: ممكن سؤال عن انطباعاتكم للمواد مستوى ثالث :::

صفحة 3 من 7

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 3 (https://vb.ckfu.org/f244)

- - ::: ممكن سؤال عن انطباعاتكم للمواد مستوى ثالث ::: (https://vb.ckfu.org/t464957.html)

دكتور نت

2013- 5- 22 03:23 AM

رد: ::: ممكن سؤال عن انطباعاتكم للمواد مستوى ثالث :::

على قولت الأستاذ حنفي ... حل اكتر ذاكر أكثر تلاقي الدنيا سهله خالص :16:
يارب يسر لنا يا حي يا قيوم :2:

Nكش ملكN

2013- 5- 22 03:55 AM

رد: ::: ممكن سؤال عن انطباعاتكم للمواد مستوى ثالث :::

انا جدولي كان
تقنية معلومات 2

لاكن لاتساليني عن صعوبتها او سهولتها لاني صراحه ماخذ موقف من دكتور بمادة النظم سابقاً وما اقدر احكم عليها .

فقه السيره
ماده سهله وروووعه وتعتبر ماده لرفع المعدل

مهارات الاتصال

سهله وممتعه بنفس الوقت بس دكتورها يصعبها شوي

اساسيات المحاسبه الاداريه

اسهل من المحاسبه 1 والمحاسبه 2 لاكن اعتربها من متوسطه الى صعبه

اداره ماليه

يكفي من دكتورها انها رووووعه

الاحصاء في الاداره

تبيلها شوية تركيز وصعوبتها نفس صعوبة اساسيات المحاسبه الاداريه

الصحه واللياقه

ما اقول الا حسبنا الله ونعم الوكيل

Ahmedz

2013- 5- 22 04:21 AM

رد: ::: ممكن سؤال عن انطباعاتكم للمواد مستوى ثالث :::

والله اسامي المواد تجيب القلق
الله يعين ويسهل ونتوفق

ام نجود

2013- 5- 22 05:54 AM

رد: ::: ممكن سؤال عن انطباعاتكم للمواد مستوى ثالث :::

:38::38:الله يرحم والديكم قولو شي ثاني احد يقول سهل :12::12:

ifofah

2013- 5- 22 08:08 AM

رد: ::: ممكن سؤال عن انطباعاتكم للمواد مستوى ثالث :::

فطوم أنصحك ما تأجلين شيء
خصوصا إن إحنا دفعة متعاونة , و كل شيء بإيدنا نحلله :13:
و مواد مستوى ثالث صعبة عن مستوى ثاني و أول .. إدارة مالية أخذتها و إختبرتها
المادة صعبة بمراحل عن المحاسبة 1 و 2 لكن إللي مسهلها هو دكتور المادة و أسئلته
بس فيه مواد ثانية ما أقدر أحكم عليها إلا من أسئلة الإختبار إنها كانت صعبه

بسسسسس ما فيه شيء صعب ع مستوانا بإذن الله

هولمز

2013- 5- 22 08:37 AM

رد: ::: ممكن سؤال عن انطباعاتكم للمواد مستوى ثالث :::

اقتباس:

المشاركة الأصلية كتبت بواسطة f-fatimah (المشاركة 9004063)

السلام عليكم ورحمة الله وبركاته

قبل كم يوم جيت هنا ابشوف المواد ولاحظت انو اغلبها مرتبطه بالمحاسبه واحس انو متشابهة فكرة المواد ودراسة ست دسمة وكذا احسها صعبه

1- ادارة مآلية 1 ,,

2- أسآسيآت المحآسبة الإدآرية والتكاليف,,

3-الأحصآء في الإدآرة,,

4- تقنية المعلومآت2,,

5- نظم المعلومآت الإدآرية ,,

6- مهارات الأتصآل,,

7- أخلاق اسلامية ( مااخذتها المستوى الثاني اذا مااخذتها بالصيفي اباخذها معهم )

تنصحوني اغير مادة واخذ شئ اسهل من مستوى اخر او امشي على الخطه

وايش هي انطباعاتكم عن كل مادة ؟ وايش اعتمدتو من ملخصات وكذا

لاني ناويه بالاجازه ارتب اموري وكل ملخصاتي ان شاء الله واجمع افكاري لكل المواد

ادري تو طالعين من اختبارات واجازه لكن ان شاء الله احصلكم

ولاتقولون فاضيه ودافوره بس والله مافي شئ بالاجازه نشغل انفسنا ونطقطق احسن شئ

ومبرووك عليكم الاجازه

.....

أبد خذي راحتك وأنا معاك أن شاء الله

إذا ماخذيت ترم صيفي مادتين وإلا بعتمد نفس الخطة

Abaadi

2013- 5- 22 09:34 AM

رد: ::: ممكن سؤال عن انطباعاتكم للمواد مستوى ثالث :::

كل واحد شغلته يخوف في الناس
ياعالم المسأله سهله اللي بيذاكر بيحل واللي مابيذاكر بتصير عنده صعبه
انا في مستوى ثالث قريت الاراء وخوفوني الناس في المواد وبعدين طلعت كلها ياتعتمد على المذاكره او اصلاً نفس اختبارات قبل.

فمااحد يحكم على الماده غيرك انت . اتطلع على الماده وروح شوف اختبارات قبل بتشوف اذا هي صعبه او لا.

بليز لاتاخذوا بكلام احد اللي اخذ فيها درجات مو حلوه راح يقول لك صعبه واللي اخذ فيها درجات حلوه راح يقول لك سهله.

Abaadi

2013- 5- 22 09:42 AM

رد: ::: ممكن سؤال عن انطباعاتكم للمواد مستوى ثالث :::

تقنية معلومات 2
سهله وبسيطه جداً وفيها معلومات كله اخذناها من تقنيه 1

مهارات الاتصال
بسيطة جداً واكثرها نقاط وهي اصلاً عليها بس ساعه.

اساسيات المحاسبه الاداريه
للوهله الاولى راح اتحسبها صعبه بس هي سهله ولزيزه والدكتور عدنان شرحه حلو ومسهل الماده وحتى اختباراته سههههله يعني المسائل الصعبه في الماده مايجيبها في الاختبار.

اداره ماليه
سهله وفي جزء منها يعتمد عالحاسبه وفيها مواضيع متشابهه مع الاحصاء والدكتور نور الدين مبسط الاختبار لاسهل درجه.

الاحصاء في الاداره
حلوه كلها عن التعداد والمسائل الصعبه تقدر تحلها بالآله الحاسبه بس لازم اتركز فيها.

الصحه واللياقه
صحه ولياقه مافيها شئ صعب لانها معلومات عامه تعتبر واكثرها نعرفها .

بس مو معناة هذا الشئ انه تهملوا المواد لانه بكل بساطه إذا اهملتوهم راح تشوفوها صعبه .

اتمنى افدتكم
ما اقول الا حسبنا الله ونعم الوكيل

أمنية أحمد

2013- 5- 22 10:10 AM

رد: ::: ممكن سؤال عن انطباعاتكم للمواد مستوى ثالث :::

مرحبا شباب
الأفضل لي اني أمشي على خطة الجامعة للسنة هذي
صار لي فترة متابعة هذا المستوى ولاحظت أن المواد بالفعل متشابهة لكن راح أعتمد على المذاكرة بعد الله
لازم راح يكون فيه صعوبة لكن راح نتخطاها بالإصرار والتماسك
ربي يجيب اللي فيه الخير لنا جميعا
:1:

أمنية أحمد

2013- 5- 22 10:15 AM

رد: ::: ممكن سؤال عن انطباعاتكم للمواد مستوى ثالث :::

http://www.ckfu.org/vb/t464904.html

بصو على هالموضوع .. مهم نتعلم من تجارب الآخرين

All times are GMT +3. الوقت الآن حسب توقيت السعودية: 12:26 AM.

صفحة 3 من 7

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه