رد: متى يبدء التقديم للماستر في الفيصل
 

حبيبتي أنا صار لي متخرجة ثلاث سنوات وهذي الرابعة
أول سنة قدمت توجيه وإرشاد وقبلوني ودخلت اختبار بس ربي مايسر
أما السنتين اللي بعدها فرفضوا إني أقدم على التوجيه والإرشاد النفسي قالوا لي تخصصك تاريخ
تتخصصين إدارة تربوية :( واضطريت أقدم الإدارة التربوية وهم ماقبلوني ,
عشان كذا بشوف السنة .. إذا فيه مجال وإلا قدمت دبلوم عالي وبعده الماستر إن شاءالله

رد: متى يبدء التقديم للماستر في الفيصل
 

التسجيل عن طريق النت او نروح لهم بنفسنا؟؟
تكفون لاتقولون نروح لهم كل جامعات السعودية التسجيل عن طريق الانترنت ليكون جامعة الملك فيصل غير

رد: متى يبدء التقديم للماستر في الفيصل
 

لا مافيه تقديم بالنت إلا إذا هالسنة غير

رد: متى يبدء التقديم للماستر في الفيصل
 

ان شاء الله يكون بالنت ...متى نتطور زي العالم !!

رد: متى يبدء التقديم للماستر في الفيصل
 

يارب بالنت

رد: متى يبدء التقديم للماستر في الفيصل
 

بنوتات في احد عنده معلومة عن التخصصات التربوية ايش هي ؟؟؟

رد: متى يبدء التقديم للماستر في الفيصل
 

التخصصات التربوية : ادارة تربويه ، توجية وارشاد , تربية موهوبين

http://www.kfu.edu.sa/ar/Deans/Highe.../Programs.aspx

متى بيبدا التسجيل ؟
صرنا بشهر اربعه ولاشفنا شي
والا نحتري ابريل ؟

رد: متى يبدء التقديم للماستر في الفيصل
 

مو جديد
دايماً جامعة فيصل آخر الناس :(177):

رد: متى يبدء التقديم للماستر في الفيصل
 

السلام عليكم ورحمة الله

بنات الله يجزاكم خير ابي استفسر واتمنى تردون علي ضروووري

انا طالبه متخرجه من كلية التربيه الاقسام الادبيه بالاحساء اللي تحولت الى كليات تابعه لجامعة الملك فيصل بالاحساء

وتخصصي تاريخ وحضاره وسبق لي حملت ماده واجتزتها من اول اختبار ،،لكن لما كنت بسنه اولى رسبت بخمس مواد لاني كنت ادرس بكلية الاداب بالرياض بجامعة البنات وحولت لكلية التربيه بالاحساء وعدت السنه الاولى بكلية التربيه بالاحساء ونجحت ,

اللي حابه اعرفه بما اني عدت سنه كامله بالكليه هل يحق لي التقديم على الماجستير ام لا استطيع .

واذا اقدر ،،متى يبدا التقديم ؟ وماهي المواد اللي اقدر ادرسها بما ان تخصصي تاريخ
اتمنى الكل يجاوبني ويفيدني بمعلوماته لاني احس بفراغ كبير وناويه استغله بالدراسه مدام عندي رغبة وامكانيه

الله يوفقكم اللي عندها معلومات ترد علي .

رد: متى يبدء التقديم للماستر في الفيصل
 

- يحق لك التقديم للماستر ويكون معدلك جيدجدا أو ممتاز
- هالأسبوع أو اللي بعده يبدأ التسجيل <<توقعات
- البرامج اللي تقدمها كلية التربية (بكالوريوس)
تربية الموهوبين
الإدارة التربوية
التوجيه والإرشاد النفسي
(الدبلوم)
التوجيه والإرشاد الطلابي

التربية الخاصة

- البرامج اللي تقدمها كلية الآداب (بكالوريوس)
اللغة العربية (لغويات,أدب)
اللغة الإنجليزية (اللغويات التطبيقية)

وبالتوفيق ,,