|
رد: خطة القبول بجامعة الملك فيصل ( مهمـ )
اقتباس:
كلية التربيه صارت بس رياض اطفال و تربيه خاصه .. كليه التربيه (( الآداب حاليا )) فيها انجلش و لغه عربيه و تاريخ و جغرافيا و علم اجتماع و مكتبه .. بالتوفيق :119: ,, |
رد: خطة القبول بجامعة الملك فيصل ( مهمـ )
اقتباس:
مساء الخيـر حبيبــتي ! مسرررع ما غيروا رايهم ورجعت بـ رسوم !! أكيد الخبرر ؟! يعني الحييين ماافي :( طيب شنو تصحيني فيه اختي بالدمــام :( |
رد: خطة القبول بجامعة الملك فيصل ( مهمـ )
ايه اكيييد هالكلاام من مووقع الجاامعه
ويتشووفينه اذا جيتي تسجلين مووفقه |
رد: خطة القبول بجامعة الملك فيصل ( مهمـ )
بس انا توني اقرآ بالموقع انها بتستقبل هـ السنه ! . طيب شنو نصحوني فيه ؟ |
رد: خطة القبول بجامعة الملك فيصل ( مهمـ )
لوسمحتوا يابنات انا اختي نسبتها الموزونه بالاخير طلعت 69.384 هل النسبة هذي تقدر تسجل فيها بكليه الاداب بالدمام او التربيه بالجبيل ؟؟؟ ياليت تعلموني كم اخر نسبة ممكن يقبلونها عشان اعرف ... ولو هي تبغى تقدم على كليه النعيريه والتربيه بالجبيل والاداب بالدمام وقريت انه لازم تحددين 6 رغبات بالكليه مو بالقسم .. لو هي ماتبغى الا احد هالكليات هل لازم تحط سته خصوصا انه بعضها بعيده عن مكان سكنا.. |
رد: خطة القبول بجامعة الملك فيصل ( مهمـ )
مش لازم 6
عاادي لو تحط 2 او 3 او 4 او 5 مش لازم الكل والله يووفقها :119: |
رد: خطة القبول بجامعة الملك فيصل ( مهمـ )
اقتباس:
نسبتكـ مرهـ حلوهـ .. صعبه نحدد لكـ الكليات الي تدخليها .. نسبتكـ تهألكـ تدخلين .. طيب شوفي كلية التصاميم اذا نسبة الثانوي 95 % .. حلوهـ تقدرين تقدمين عليها .. أو كلية علوم الحاسب راح يبدأ عليها التسجيل هالسنه .. بس لازم نسبتكـ الثانوي 90 % .. الدراسه انجلش فيها ع فكره :119: او اذا تفضلين مجال الصحهـ .. كلية الطب .. كلية التمريض .. كلية العلوم الطبيه .. يشترطون نسبة الثانوي 90% |
رد: خطة القبول بجامعة الملك فيصل ( مهمـ )
8 8 8 8 عفواا بس اختي غلا الدنيا اللحين كل الاقسام الي ذكرتيها فووق ماتشترط قدرات وتحصيلي يعني هالنسب بس يبغون نسبه المدرسه ولا كيف ؟! واذا تشترط فكم يبغوون النسبه كامله ثانوي وقدرات وتحصيلي انا كامله حسبتها مع القدرات اممم 78 مدرري هاذا الرقم صح ولالا بس انها فووق 75 % واناا ماني متأكده في تصميم للبنات ولا تقفل القسم ولا وش سالفته ؟! بس تكفوون كل اللي ابغا اعررف يعني فوق 75% يقبلون ولالا ؟! هل في اقساام ماتشترط قدرات وتحصيلي ؟؟ واكوون شااكره لكم من جد والله تعبت وانا اسأل والى الان محد رد علي ،،، |
رد: خطة القبول بجامعة الملك فيصل ( مهمـ )
اقتباس:
بس اقول عشان تسجل في هالتخصصات لازم نسبة الثانوي 90 % بعض الاقسسام مثل التصاميم 95% .. \\ النسب وماداراك مالنسب .. الي متعبه ومحيره كثيييييير من الخريجين .. جامعة فيصل ماتعلن عن النسب الا بعد قبول الطلاب والطالبات بكل اسف .. \\ مدري بصراحه ما اقدر اقول لك انو هل اقسام تقبل نسبه مركبة 75 % او لا .. ماعندي علم وربي .. لاكن انتي شوفي قيسي ع نسب قبول الطالبات العام الماضي .. مثلا الحاسب قفلوا ع فوق الـ 86 .. والطب والصيدله مقفلين تقريبا ع 86 او 85 % .. كلية العلوم كانت 78 % وفقلو كلية الزراعه كانت تقريبا 74 او 72 % .. وهكذا .. ملاحظه \\ النسب مو اكيده بس تقريبه لما قبلو العام .. و مو اكيد يقبلون مثل العام يمكن اقل ويمكن اكثر .. ماتدرين وش نظامهم هالسنه .. \\ بالنسبه للـ كلية التصاميم موجوده ظمن الكليات في بوابة القبول .. وتشترط نسبة الثانوي 95 % .. وما علنوا عن النسبة المركبه مثل ماذكرت لك من قبل .. \\ يالتوفيق لك خيتو :119: ,, |
رد: خطة القبول بجامعة الملك فيصل ( مهمـ )
يستهبلووون D= وشلوون طيب نقدم ومانعررف النسب اللي هم طالبينها طيب مثلا انا التحصيلي 73 ياخذون 40 بالميه والقدرات 65 ياخذوون 30 بالميه تكفييهم P؛ يعني شكلنا بنقعد ببيووتنا ولا جامعات اهليهـ ،، واللحين قااعده اقرا بعض ردود الاعضاء يقوولون نحط 6 رغباات الله من كثر التخصصات والاقساام ؟؟!!! من وين اخلق لهم 6 !!! بس يعني ماافي امل اذا 78% ننقبــل صح ،، على العمووم الله يعطييك الف عاافيهـ |
رد: خطة القبول بجامعة الملك فيصل ( مهمـ )
السلام عليكم
نسبتي التراكمي 66.6 شنو التخصصات الي ممكن تقبلني ومشكووووووورين |
رد: خطة القبول بجامعة الملك فيصل ( مهمـ )
اقتباس:
وعليكم السلام .. مانقدر نحدد لكـ اي كلية تنقبلين فيها .. لانهم ما اعلنوا عن نسب القبول .. ولا راح يعلنون عنهأأ الا بعد مايتم قبول الطالبات .. لاكن وقت التسجيل يطلبون منكـ 6 رغبات .. تقدرين تحطين فيها 6 كليات مختلفه .. اذا مانقبلتي في الرغبه الاولى الرغبه الثانيه ان شاء الله تنقبلين .. \\ موفقه .. |
رد: خطة القبول بجامعة الملك فيصل ( مهمـ )
اقتباس:
الي ربكـ كاتبه راح يصير .. ترا بعدين اذا انقبلتي راح تضحين ع نفسك وكيف كنتي متوتره وخايفه .. \\ ليييه مالكـ امل تنقبلين ..؟! الا لكـ امل ونص .. تفائلي ومراح يصير الا كل خير :119: .. \\ بالتوفيق لكـ |
رد: خطة القبول بجامعة الملك فيصل ( مهمـ )
اقتباس:
بس أنا أدبـي كلية الطب والتمريض والتصمـاايم للعلــمي ! |
رد: خطة القبول بجامعة الملك فيصل ( مهمـ )
بسم الله الرحمن الحيم ،،
بكره ان شاء الله راح يبدا التسجيل بجامعه فيصل ،، بس عندي كم سؤال يخص التسجيل :) الحين انتو تقولون اسجل بـ 6 اقسام يعني اسجل بكثر من كليه مثلا اسجل بكليه التربيه بالجبيل وكليه الاداب بالدمام وبالاحساء ؟؟ وسؤالي الثاني كيف تقولون اختار اقسام ورغبات وهو سنه تحضيريه وربي مو فاهمه شي :( ياليت احد يفيدني انا العام راح علي التسجيل بسبب اني خربطت سجلت بالاحساء والدمام وحست الدنيا :( وجزاكم الله خير |
رد: خطة القبول بجامعة الملك فيصل ( مهمـ )
لو سمحتوا يابنات الحين انا اذا سجلت مااقدر اختار الا رغبه المام كليه الاداب وكليه التربيه بالنعيريه وكليه التربيه بالجبيل اما القطيف والاحساء والخفجي بعيده علينا لاننا من سكان الجبيل.. هل نحط بس ثلاث رغبات يصير ولالا.. سؤالي الثاني .. هل نقدر نسجل كمان بجامعه طيبه او جامعه الملك عبد العزيز ولالا لازم بس بنفس المكان اللي تخرجت منه الطالبه بحيث انها تروح تدرس ترم او سنه عند احدا اقاربنا وبعدين ننقلها.. |
| All times are GMT +3. الوقت الآن حسب توقيت السعودية: 08:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام