|
رد: نبذة مختصرة عن سنة أولى طب " للمستجدين "
بسم الله الرحمن الرحيم يعطيك العافية أختي أورجوان .. ما قصرتي و بصراحة خوف السنة الأولى ملازمني و أتمنى نصايح من حضرتكم عشان يخف التوتر .. يعطيك العافية .. |
رد: نبذة مختصرة عن سنة أولى طب " للمستجدين "
:119:
الخوف شيء وارد و كلنا عانينا منه .. في سنة أولى .. لكن أختي .. غلط ان حنا نستسلم له و حنا ما خضنا التجربة ! أولا .. بما إنك في عطلة => انسي شيء اسمه دراسة و استمتعي بحياتك :cheese: <<< بخصوص حاليا يعني ثانيا .. كل الاقسام الموجود بالجامعه لها صعوباتها الخاصه ,, يعني لا تفكرين بس الطب هو الي صعب و يخوف ثالثا :119: لا تحطين في بالك ان الطب صعب , لان كل صعب => يسهل , بالمذاكرة و الجد و الاجتهاد .. انتي فقط توكلي على الله و ذاكري طبعا يمكن اول شهر شهرين تحسين انك مش عارفه تتعاملين مع المواد >>> عادي لا تنصدمين ! و لا تخافين , هالشيء طبيعي , و يمكن بعد تمر عليك ايام ما تذاكرين فيها ! فقط تترجمين ! ايضا لا تتوترين ! هالشيء كلنا مرينا فيه .. :mh19: نحس ان محد يفهم شعورنا , و محد يقدر جهودنا , <<< بالنسبة لأهلنا أو صديقاتنا ,, لكن مع الوقت بتتعودين ع الوضع .. و بتتطورين ,, و بتسهل الامور ,, و فيه ما شاء الله بنات يجيبون الدرجات الكامله ,, بس كل هذا بالجد و الاجتهاد ! اختي .. انتي اكيد ما دخلتي طب الا انك ماخذه امتياز ! صح ؟ يعني تذاكرين ؟ صح ؟ يعني نفس الي كنتي تسوينه بالسنوات الماضية بالمدرسة من مذاكره , بتسوينه بالسنة الجايه ! انا انصحك حاليا تستمتعين بباقي عطلتك .. و اذا قربت الجامعة بيومين , فكري كيف بتطون خطتك للدراسة و المذاكرة .. مثلا تقولين ,, بترجم العصر , بذاكر بالليل , كيف اطور نفسي , :mh19: لازم انتبه للدكتورة , لازم اكتب مع الدكتورة و هي تتكلم .. و بس ! :119: |
رد: نبذة مختصرة عن سنة أولى طب " للمستجدين "
الله يعطيك على قد نيتك اخت ارجوان
افدتينا بكل ماعندك الله يوفقك يااااارب اما بالنسبه للي خايفين انا مثلكم داخله على سنه اولى بس لازم تحطون في بالكم شي وماتنسونه ابدا لازم يكون عندكم حسن ظن بالله ادعوا الله سبحانه تعدون هالسنه وبتعدونها اذا وثقتوا بالله وتاكدتوا انه الله سبحانه مايضيع تعب احد بالتوفيق للجميع |
رد: نبذة مختصرة عن سنة أولى طب " للمستجدين "
السلام عليكم ورحمة الله وبركاته
|
رد: نبذة مختصرة عن سنة أولى طب " للمستجدين "
السلام عليكم ورحمة الله وبركاته لو سمحتو اذا في امكانية للاجابة على سؤالي انا طالبة سنه اولى في جامعة الملك فيصل قسم زراعة وبعد فترة عرفت انو الطب قبلت طالبات نفس نسبتي لكني ماحطيت الطب اول رغبة وابغى اسجل بجامعة ثانية ولما انقبل فيها طب راح اسحب ملفي واوديه لجامعة الملك سعود هل ممكن؟
|
رد: نبذة مختصرة عن سنة أولى طب " للمستجدين "
[grade="00008b ff6347 008000 4b0082"]حلمي في حياتي كلها اني ادرس طب وبس [/grade]
مشكورين |
رد: نبذة مختصرة عن سنة أولى طب " للمستجدين "
حلمي في حياتي كلها الطب بس:Cry111::Cry111::no2::no2: |
رد: نبذة مختصرة عن سنة أولى طب " للمستجدين "
اقتباس:
-------------------------------------- اقتباس:
بإمكانك تجربين اختي و ان شاء الله تضبط معك الحركة لكن من ناحية القبول فهو يعتمد ع النسبة التراكمية و ليس الثانوية فقط ^^ موفقه يا عزيزتي |
رد: نبذة مختصرة عن سنة أولى طب " للمستجدين "
اقتباس:
----------------------- اقتباس:
عسى أن تكرهوا شيئا و هو خير لكم |
رد: نبذة مختصرة عن سنة أولى طب " للمستجدين "
[align=center]
حبيبتي ,, الله يوفقك ويسهل عليك يارب انا رايحة سنة اولى ,, بس ادرس برآآ .. وكنت ادور عن اي حبل اتمسك فيه عشان اهدي خووفي اللي مالقيت احد يشاركني فيه :( يعطيك العافية [/align] |
رد: نبذة مختصرة عن سنة أولى طب " للمستجدين "
^^
لازم في سنة أولى يحس الي يدرس طب ان محد يفهمه لكن شوي شوي , و لما تبدأ الدراسة تلقين ان البنات يبتدون يتكلمون عن معاناتهم و يرتاحون نفسيا اكثر لكن كل هالشيء يصير تدريجيا موفقه عزيزتي |
رد: نبذة مختصرة عن سنة أولى طب " للمستجدين "
دكتورة ارجوان
ابغى اعرف ليه هنا يسمون السنة التحضيرية اللي حتوي على لغة و احياء عامة وكيمياء بالسنة الاولى ! مع العلم اني اجتزت السنة التحضيرية ورايحة اولى جزاك ربي الف خير |
رد: نبذة مختصرة عن سنة أولى طب " للمستجدين "
السنة التحضيرية سموها تحضيريه لانها تهيئك " تحضرك " لدراسة الطب => مش هم يعلمونكم انجليزي و بعض الامواد العلميه ! => في هذه السنة ما تدرسين طب بشكل مباشر مثل مادة التشريح او علم الانسجة او علم الكيمياء الحيوية .. الخ " من العلوم الطبيه .. فقط يدرسونكم الانجليزي و المواد العلمية علشان يقيسون من يقدر على الطب و مين لا , لان في سنه اولى يشترطون انك تاخذين معدل 3 فما فوق علشان تنتقلين للسنة الثانية ^^
موفقه |
رد: نبذة مختصرة عن سنة أولى طب " للمستجدين "
طيب خيتوو ارجوان انا بنت عمي واخوي دارسين طب
اخوي الحين بسنة الامتياز وبنت عمي بتروح سنه ثانيه الاثنين يقول لي الطب سهل وممتع بس يبيله شوية مذاكره اسال الناس الثانين يقولون لي صعب جابوا لي قلق اصدق منو بالله؟ وشسمه بسالك صعبه علي اجيب 3 بسنة اولى؟ |
رد: نبذة مختصرة عن سنة أولى طب " للمستجدين "
السلام عليكم ورحمة الله وبركاته
أختي الكريمه .. أوجه النظر تختلف من شخص لشخص .. واحد يشوف انه سهل .. وواحد يشوف انه صعب .. الان انتي لما اقول لك ايش رايك بسنة اولى ابتدائي ؟ بتقولين لي اكيد ما في اتفه منها و سهله كثير .. الخ ! لكن لما تسألين طفل .. ممكن يقول لك صعبه ! من خلال هذا المثال حبيت اوضح لك .. انه في السنوات الاولى ممكن شوي تحسون انه في عراقيل , ترجمه ! كم هائل من المذاكرة , ما تدرون كيف تتعاملون مع كل مادة .. لكن مع الخبره الامور تتسهل .. الطب يعتمد على الشخص نفسه و مدى حبه للقسم الي هو داخل فيه .. الطب ممتع بجد , لكن احيان و بالنسبة لي شخصيا .. طريقة التدريس تكون غلط " شوي" من قبل اعضاء هيئة التدريس .. مش غلط معلومات ! لكن غلط في طريقة التعامل .. يعني بعضهم يخوفك من المادة و بعضهم يصعب المسألة و هي سهله .. لكن مثل ما حنا عدينا .. انتو ما ينقصكم شيء علشان تعدون .. صح ؟؟ بالنسبة للمعدل , ان شاء الله بتجيبنه بسهولة , انتي بس شدي حيلك ! كل ما اجتهدتي اكثر بتجيبينه بسهولة , و كل ما اهملتي ... تعرفين ايش بيصير ^^ موفقه عزيزتي و يا رب نشوفكم دكاتره قد الدنيا |
رد: نبذة مختصرة عن سنة أولى طب " للمستجدين "
ويااك ياااارب
تسلمين خيتو ارجوااان تعبتك معاي |
رد: نبذة مختصرة عن سنة أولى طب " للمستجدين "
و لو يا اختي ..
انتو خواتنا الصغار و يسعدنا ان حنا نساعدكم هذا واجبنا |
رد: نبذة مختصرة عن سنة أولى طب " للمستجدين "
مشكووووووووووووووووره اورجوان عالموضوع مررررررررره خطير
انا بدخل سنه اولى طب في جامعه الملك فيصل في الحسا << وانا ساكنه في الدمام<< يعني الحوسه إلي بتصير يعني انا كنت خايفه 90% بعد ما قريت الموضوع صفحه صفحه الحمد لله صرت متحمسه والخوف صار 45% ايش كان شعورك اول يوم داومتي فيه هل الطالبات و الدكاتره متعاونات ولا كل وحده رافعه خشتها << اكره شي << عشاني ببعد عن اهلي ابي اطمن ان الطاقم الجامعي في الطب بشوش ؟؟؟!!!!! المهم بس حبيت اسألك لما انتي تترجمين الكلام وتفهمينه بالعربي لازم ترجعين تحفظينه بالأنجليزي<< يعني المجهود دبللل وهل يمديك محاضرة اليوم اترجمينها في نفس اليوم وتحفظينها في اليوم نفسه << انا اخاف ان ما يمدي <<و إذا ما امداني شو اعمل ؟؟؟؟ وشكراااااااااااا ويعطيك العافيه |
رد: نبذة مختصرة عن سنة أولى طب " للمستجدين "
اقتباس:
أول يوم كنت ضايعه فيه خخخ >> لا تسألين عن اليوم المشؤم هههههه حاليا الاوضاع تحسنت و صار فيه شوية خبره عن الداريات صار فيه مقر للكلية بس على سنتنا كاان فيه شوية لخبطه لكن الوضع الحالي آماااااااان و راحه نفسيه و اي حد تقابلينه بكليتنا و تسألينه ان شاء الله بيجاوبك برحابة صدر و بوجه مبتسم ^^ اقتباس:
الترجمة راح تلاقون معها صعوبة في اول سمستر لكن شوي شوي تاخذون خبره حنا احيان نظل نترجم مدة يوم كامل ! و كانت اوضاعنا مثل ما قلت لك شوية معفوسه خصوصا مع الاحياء لان على سنتنا كان ما في دكتورة لهذي المادة ! و على ما جات ضغطتنا كثير ! و حتى الترجمه اي كلام و كنا ما نذاكر مواد ثانية على حسابه لكن بالوقت الحالي في وقت لكل شيء ولكن !! " خلصي شغلك اول بأول .. الاحياء خلوه درجة اولى في الترجمة >>>>> على طووووووول ترجمة و مذاكرة يليه كيمياء ثم فيزياء ثم مواد الانجليزي مواد الدين يكفي اقل من اسبوع تذاكرون المادة للاختباار >> بالمره يعني لا تضيعون وقت على متطلبات الجامعه اهم شيء المواد العلمية و الانجليزي لان عليهم درجات موزونة كثيرة احياء 8 و الباقي 6 ساعات موزونة يعني لها شغل في المعدل >>> تعليه و تنزله ------------- موفقات |
رد: نبذة مختصرة عن سنة أولى طب " للمستجدين "
مشكوره قلبوو
انا ابغى اسال بالنسبه لللبس التوب عآدي يكون نص كم وإلآ لآزم اكمام طويله>>~حـــر |
رد: نبذة مختصرة عن سنة أولى طب " للمستجدين "
اللباس الرسمي بالوقت الحالي
تنورة طويلة و بلوزة ثلاث ارباع لكن في حقيقة الامر >>>>> محد يلتزم بالزي الرسمي و الاغلب يخالف و يلبس نص كم يعني انتي و ضميرك خخخ |
رد: نبذة مختصرة عن سنة أولى طب " للمستجدين "
اممم
آهآ بس لآنو شفت كثير بعماده القبول التسجيل كثير بنآت لآبسين نص كم..... مثل ماقلتي بجي نظآم اول يوم وبعدين مع الخيل يآشقرآ >>خخخخخخخخخ |
رد: نبذة مختصرة عن سنة أولى طب " للمستجدين "
اقتباس:
وللعلم ياحلوين انكم مارارح تدرسوا في مبنى الكلية ،، راح تدرسو سنة اولى في مبنى اخر:064: |
رد: نبذة مختصرة عن سنة أولى طب " للمستجدين "
اسراء .. لا تصدمينهم
^^ |
رد: نبذة مختصرة عن سنة أولى طب " للمستجدين "
اقتباس:
ادري يا اسراء بس ماعليك بنسير على المبنى تبع الطب نقص على حالنا خخخخخخخخخخخخخخخ |
رد: نبذة مختصرة عن سنة أولى طب " للمستجدين "
شكلها دسمه السنه الاولى ،،
طيب سؤالي بكرا بسوي المقابله الشخصيه وعطوني استمارة تعهد مكتوب فيها اتعهد اني احصل على معدل 3 من 5 في المواد الاحياء الكيمياء الفزكس والانجلش طيب كل ماده من المواد هذي لازم اجيب فيها 3 من 5 ،، اول اختبر فيها كلها والمعدل الكلي يكون 3 من 5 |
رد: نبذة مختصرة عن سنة أولى طب " للمستجدين "
الاثنين ..
بالمواد الي ذكروها + الكلي بالتوفيق |
رد: نبذة مختصرة عن سنة أولى طب " للمستجدين "
اقووول شكلنا نقزح صح من التعب خخخخ
بس عسل على قلبي دامي بصير بالنهايه دكتوووره<<<احسني خااقه على حالي ههههههههههههههههههه |
رد: نبذة مختصرة عن سنة أولى طب " للمستجدين "
^
هههههههههههههههه ملاك مستحيله انتي المواد العلميه كلها انا كويس فيها ،، بس الكيمياء ميييح !! الله يستر ملاك ،، اقلك شفتي رد الطبيب احمد في الموضوع هل ندمت انك صرت طبيب؟ شوفي ردي عليه ،، عززي لي ;) |
رد: نبذة مختصرة عن سنة أولى طب " للمستجدين "
طيب بشوووفه
شووو حقه انا مستحييله <<,بذمتك ما اهبل هههههههههه وانا كلهم اوكي وجناان بس مصيبتي الفيزياء اكرههههههههههههه لي باك بروح اشوف ردك |
رد: نبذة مختصرة عن سنة أولى طب " للمستجدين "
د\ملآك
نفسسي اكره الفيزيآء الله يكون بالعون إسـرآء خخخ خبر قديم ندري انو مارآح ندرس بمبني الطب والله حررآم يسمونا طلآب طب وماندرس بالمبنى اهـئ |
رد: نبذة مختصرة عن سنة أولى طب " للمستجدين "
اقتباس:
يخرب بيتك ياموونا هو حرام وبس هع مووونا احسك بتصيرين قريبه مني وااااااااااااااجد عساني افداك ياقلبوو انتي |
رد: نبذة مختصرة عن سنة أولى طب " للمستجدين "
هلا بالكل بس عندي كم سؤال محيرني اتمنى تردون علي باسلوب بسيط لان عقلي صار مايتقبل شي معقد بسبب التفكير
احس مدري بس احس المهم اني احس بشئ متعبني ببقولكم وانتو جاوبو بصراحه يعني لاتقولون نجاملة ولا نحسسه بالامان انا خايف من الطب احس قلبي قام ينبض مدري احس بفشل ابي اسحب ملفي او احول الى هندسه او اي شي احس خايف انا احب الطب واحب اكثر شي الاحياء بس اللي مخوفني عدد السنين والسنه التحضيريه هل صحيح انه بس تعدي 3- 4 سنوات خلاص الامور تسهل ولو كانت كذا تسهل من اي ناحية حتى بعضهم يقول من تعدي 3-4 سنين مذاكرتك بتقل كثير وش السبب طيب انا والله احس عقلي طار من الخوف والتفكير والهم والله بقلبي احس جبال من الهم مدري من اتكلم معه مافيه احد يفهم مالي خلق احد ولا سوالف حتى ماصرت اقعد يم اهلي ماغير بالغرفة وجالس افكر لاتلوموني هاذا مستقبل مابي اخسر سنين من حياتي بالنهاية ما تفيدني المشكلة الكبيرة امي بس تبي ادرس طب وبس يعني اذا جت تتكلم ماتتكلم على رغبتي تحاول باي طريقه تحببني بالطب الوالد قال لو تبي تحول زراعة كيفك انت حر تكفون ابي رد شافي ووافي وكافي منكم يا عسل صافي << بدى يشعر المتنبي تكفون لحد يمر وبيده اجابة ولو على سؤال واحد وما يجاوب << يارب تمر على الموضوع ارجوان والبقيه ممكن حد منكم يستغرب المفروض افرح بس شسوي الخوف مني وفيني اهـ يا مستقبل تعبتنا خلاص خلصت the end |
رد: نبذة مختصرة عن سنة أولى طب " للمستجدين "
اقتباس:
لي عودة اخي الكريم .., بالتوفيق |
رد: نبذة مختصرة عن سنة أولى طب " للمستجدين "
السلام عليكم و رحمة الله و بركاته أخي الكريم .. المتمكن قبل كل شي / اسمك قوي جداً و أكيد اختيارك له مو عبث , بعيداً عن المجاملات , أو بعيداً عن التعقيد .. لو كنت حاب مجال الطب ., كل شي صعب بيهون أكيد , و لو كان عندك طموح أكيد ما بتهزك العثرات , بس لازم تهيء نفسك لكل صعب , ومثل ما انت عارف كل مجال و كل تخصص و كل طموح تتبعه متاعب , يعني مو الطب بس , بس خلينا نفصل مخاوفك , إذا كان على اللغة / انت عارف الدراسة كلها بالإنجلش , بس لا تخاف الدكاترة مستوعبين انكم توكم طالعين من الثانوية و دراسة الإنجلش بالمدرسة مو لذاك الزود , يعني انا بصراحة انصدمت لأني خفت كثيييير قبل لا ادرس , بس بأول يوم ضحكت حييل لأن الدكتورات في ظاهر الأمر يدرسونا بالإنجلش , بس واقعاً ثلاث ارباع كلامهم عربي و مفهوم .. بأول شهر من الدراسة الكل يحس حاله مو أهل للتخصص , بس إذا فكرت بشكل منطقي أكثر , جميع الطلاب اللي دخلوا طب يعانون نفس الإحساس يعني كل طالب طب ما مداه ياخذ مثلاً لغة لو تخرج من الثانوية إلا من ندر , لأن الطب ما يقبل الا شهادة حديثة , .. بعضهم أخذوا كورسات لغة انجليزية , بس أنا ما احس في فرق بيني ( اللي ما درست إنجلش إلا بالمدرسة ) و بينهم .. بعد شهرين بالضبط تحس حالك لا إرادياً تتكلم بالإنجلش و بمصطلحات طبية , و بتشوف حالك ما تفهم للدكتور إلا لو تكلم بالإنجلش , و حتى و انت تذاكر , بتلاقي حالك مستوعب اغلب الصفحة بدون ما تحتاج لترجمة .. يعني المسألة مسألة وقتية لا غير .. لو كنت تظن انك مو جدير بهالتخصص , كونك ما تقدر عليه / فاللي قبلك و سبقوك مو احسن منك .. ما في أحد طلع من بطن امه عالم , الكل تعلم و الكل عانى و الكل واجه عشان يبدع .. لأن الطب بالذات مجال ما تقدر تقول على الشخص انه طبيب بالفطرة ( هذي ما تصير ) .. اذا انت متعود على النجاح دائماً , فالطب ما انوجد للفشل , بالعكس .. انت لا ارادياً بتشوف نفسك مجتهد أكثر و تذاكر أكثر و تنجح أكثر .. بس انتبه لايأثرون عليك المحبطين أو المهملين .. إذا كنت مستصعب طول الدراسة / أخوي الكبير (دكتور) يقول , " دراسة الطب واقعاً تنتهي بإنتهاء السمستر الأول من سنة رابعة , أما بقية السنين تكون تطبيقات عملية و كأنك استلمت الوظيفة " إذا كنت شخص مو حاب هالمجال و هذا مو طموحك / لكل انسان طموح خاص , و لكل انسان قدرات خاصة و مواهب خاصة .. فهذا شيء ما اقدر اناقشك فيه , لأنه خاص فيك .. ضروري تحدد انت شنهو تبغي , لازم تحدد مستقبلك بنفسك حسب ميولك و رضاك .. لأنوو بالمستقبل ما ينفع الندم و لا اللوم .. يعني بالعربي ( تعلم تاخذ قرارك بنفسك عشان ما تضطر بالمستقبل ترتكب خطأ أعظم وهو انك تلوم اللي اخذوا القرار عنك ) أتمنى أكون أفدتك .. بالتوفيق ... |
رد: نبذة مختصرة عن سنة أولى طب " للمستجدين "
بصراحه خيتي عهود كفت ووفت
ماعندي كلمة زياده اقولها عليها وانا اوي مثلك رايه لسنة اولى بس لاني حابه التخصص وامنيتي من صغري كون دكتوره فجالسه اقاوم زوبعة الخوف اللي بقلبي واقوول وبظل اقوول حتى لو حسيت بالعكس انا بنجح وبكون احسن دكتووره:):) |
رد: نبذة مختصرة عن سنة أولى طب " للمستجدين "
اقتباس:
السلام عليكم و رحمة الله و بركاته أخي الكريم .. إنت طلبت الصراحة و أنا حاليا في سنة رابعة و منتقلة ع السنة الخامسة بـ إذن الله راح اقول لك شعوري بالتفصيل تجاه الطب و في كل سنة .. --------------------------- حنا أول ما انقبلنا طب >> كنا اول دفعة من البنات و كانت الاوضاع صعبة جدا جدا ما في حد نستفسر منه او ناخذ معلومات منه , يفيدنا يعلمنا !! لذالك كانت بدايتنا مع الطب صعبة جدا .. الانجليزي .. كنت انا وحده تجيب امتياز و غالبا الدرجات الكاملة في ايام المدرسة لكن اول ما دخلت الجامعة , حسيت انه ما في اغبى مني ما افهم ما ادري ايش تقول الدكتورة ! لكني ما يأست و قلت لابد اتحدى هذي الصعوبة كنت يمكن يوميا ابكي في غرفتي .. احس محد حاس فيني و عادة الاهل .. يبغون يشوفون عيالهم في احسن مهنة و لكن ! من غير ما يسمعون هم وش فيهم و شنو يعانون منه ! لذالك كنت ابكي لوحدي بالغرفة ! و احس اني برسب و راح افشل و بطلع من الطب و الكل راح يتمسخر علي و يقول هذا الي قلنا بتصير دكتورة ! طلعت او حولوها قسم ثاني ! كنت احاتي كل هذي الاشيااء و كنت من زود ما اخاف من الفشل , ما احب حد يناديني يا دكتورة ! كنت اقول لهم لما اعدي سنة اولى نادوني دكتورة .. ما يأست رغم كل الصعوبة الي واجهناها ما كان عندنا دكتورة احياء لذالك جابو لنا وحده بعد شهر .. و ضغطتنا و كان يمكن اسبوع و تبدا الاختبارات الشهرية و حنا تونا يبغى لنا ترجمة مش صاحية ! و عندنا مواد غير هالاحياء .. شنسوي ! لكن تحدينا الظروف .. و كان الي يدرسنا انجليزي دكاترة مش اساتذة .. يعني اسلوبهم شوي اصعب من اسلوب الاساتذه و تفلسفهم علينا مش صاحي و لاعبين بدرجاتنا لعب .. و الكيمياء .. درستنا وحده نهبت درجاتنا عدل و لكن بالفصل الثاني درستنا وحده غيرها و الحمد لله عدينا فيه ببركة الله .. كل هذي الصعوباات و اكثر واجهناها بالسنة الاولى .. و هذا حنا ما يأسنا .. و كملنا طب و لله الحمد و الله يتمم علينا السنوات الباقية .. الان بقول لك الميزات االي بتقلل من الصعوبات الي واجهناها .. انتم الاولاد و حتى انتو يا بنات .. حاليا في دفعات اكبر منكم ! و اي حد تقابلونه في وجهكم و تستفسرون منه و تخلونه يعطيكم شوي من خبره ما بيقصر معكم => راح تهون عليكم الامور كثيــــــــــر غير ان الانجليزي حاليا طلعوا قرار ان ما يدرسونكم دكاترة متخصصين بالانجليزي => اساتذه , يعني اهون بشوي من اسلوب الدكاترة لكن هذا ما يعني ان كل شي يحطونه لكم سهل .. الاحياء .. الامور هانت و حاليا الطاقم الادراي و اعضاء هيئة التدريس لكل المواد خذوا خبره في طريقة تدريسكم المنهج و بتشوف انكم ان شاء الله راح ترتاحون كثير .. و لكن اذا ظليتوا مجتهدين .. اذا صرتوا مهملين .. محبطين .. خايفين من الفشل .. ما راح تتوصلون لنجاح .. لذالك .. ابدو صح .. علشان تحبون الطب و الطب يحبكم و راح تلقون الامور مثل ما قالت الاخت عهود تسهل تدريجيا شهرين و يسهل امر الترجمة و تبدون تفهمون صح المواد و كيف تتعاملون مع كل وحده فيهم للحكاية تتمة .. بعد الفطور ^^ موفقين |
رد: نبذة مختصرة عن سنة أولى طب " للمستجدين "
الحمد لله عدينا سنة أولى بمعدل معقول نوعا ما ..
سنة ثانية .. ايضا نظرا لكوننا اول دفعة للطالبات و ما ندري من منو ناخذ معلومات واجهنا صعوباات كثيرة .. خصوصاا مع المواد الكبيرة , التشريح و الكيماء الحيوية و و و و و ضغط و المواد تحسها كبيرة و معلوماتهاا غير معقولة , معلومات كتاب من مليون صفحة ! شنذاكر شنخلي ! كيف طريقة الاسئلة ! و تطل الاسئلة اختيارية و في النهائي 80 فقرة و 6 اسئلة مقالية في 3 ساعات ! و قبل الاختبار يعطونك 3 ايام بينما في الاختبارات الشهرية >> الاختبارات يومية .. ! تحس الامور معقده جدا جدا جدا .. و الي يحسسك هو ضيق الوقت و إن ما عندك حد تسأله يفيدك ! لكن ! :no2: ما استسلمنا .. الامور تدريجاا بالفعل بدت تتسهل و بدينا نتأقلم ع الوضع و بدينا نعرف كيف نحكم الوقت و كيف نذاكر و كيف نرتب امورنا .. و بالرغم من ان سنة ثالثة اصعب من سنة ثانية يمكن الا انها مرت خفيفة اكثر من سنة ثانية علي و على الاغلب فينا .. سنة رابعة بدت الاوضاع تتغير و نروح المستشفى .. يعني لابد نرتب امورنا من جد و جديد و كيف نتعامل مع المريض , مع الدكتور ! الخ .. و هذا حنا الحمد لله عدينا ------------- باختصار .. لا أخفيكم ان الطب صعب و يحتاج مجهود .. إلا ان نسبة 90 % من الطلبة يعدون فيه غالبا و نسبة قليلة الي يحولونهم بسنة اولى او انهم ينسحبون من القسم .. ثم ان الطب مش المجال الوحيد الصعب ! حتى الهندسة و الاقسام الاخرى .. ما في شي يجي بالساهل في الحقيقة ! تبذل مجهود ! => بتنجح .. تصير مهمل => ترسب لا سمح الله .. لا تقولون طب محد يفلح فيه ! لو محد ييفلح فيه محد تخرج منه و ما صار في العالم اطباء ! انتم ما دخلتوا طب الا انكم ممتازين و ماخذين درجات حلوة و عالية لذالك لا تسمعون كلام اي حد يكون سلبي .. بتعدون ان شاء الله على خير .. بس شدوا حيلكم .. تدريجيا الامور تتسهل .. فقط ذاااااااااااااكروا اول بأول .. موفقين |
رد: نبذة مختصرة عن سنة أولى طب " للمستجدين "
في الوقت الحاالي لامور بالنسبة لكم تسهلت و لله الحمد .. و الميزات هي كالتالي :
1- يوجد دفعات اكبر منكم تفيدكم بكل سنة و تعطيكم شوي من خبرتها . 2- مواد الانجليزي خصصوا لهم اساتذة بدل دكاترة => شوي اسهل من اسلوب الدكاتره المتخصصين . 3- الاسئلة المقالية الغوها لبعض المواد و خلوها بس اختيارية . 4- الدكاترة و الاساتذه صار عندهم خبرة في كيفية شرح المواد و تطور اسلوبهم بشكل كبير عن اول ما درسونا . 5- في بعض السنوات => سنة ثانية او ثالثة , يوجد عند بعض الطلبة اسئلة للسنوات السابقة , بحثوا عن حد تكون عنده و يفيدكم لان احيان يجيبون منها لكم .. موفقين |
رد: نبذة مختصرة عن سنة أولى طب " للمستجدين "
بصراحة اختي ارجوان فعلا كفيتي ووفيتي بصراحة فعلا اهم شي المداكرة اول باول جزاكم الله الف خير
|
رد: نبذة مختصرة عن سنة أولى طب " للمستجدين "
د\ ملاك فدييتك لبى ـآ قللبك
انششالله بنكون احلآ صديقآت وبالنسبه للاخ المتمكن انا حآلي حآلك سنه اولى طب وخوووووووووووافه حيل بس انششالله ازمه وتعدي والله آيام ثالث كنت خآيفه وكله اقول مابترتفع نسسبتي بس الحمدالله ارتفعت وبثآلث كان تعب وماكنت اطلع من البيت ومذآكره في مذآكره اربع وعشرين سآعه لكن الحين لمآ اذكرها احسسها ايام حلوه تجنن اتمنى ترجع وانششالله بنعدي هالسسنه بس نششد الهمه ومذآكره وشويه تعب وربي مستحييييييييييل يضيع تعبنآ والله يوفقنآ |
رد: نبذة مختصرة عن سنة أولى طب " للمستجدين "
اقتباس:
ياصديقتي الغاليه بسالك انتي من الاحساء ولا؟ |
رد: نبذة مختصرة عن سنة أولى طب " للمستجدين "
يب د\ملآك>>>بدلعك ملووك خخخخخخخ
انا من الحسسآ وانتـي....... |
رد: نبذة مختصرة عن سنة أولى طب " للمستجدين "
عهود وارجوان يارب يارب يارب يحقق لكم اللي تتمنون و يسهل اموركم كلها انا قبل لا اقرا ردودكم بحال والحين بحال
الله ينور عليكم يارب مدري شلون اجازيكم والله والله كنت شايل بقلبي هم محد يعرفه غير ربي والله اجلس بالغرفه اوسوس واللي طمني اكثر انكم انتو بنفس المجال والكلام مو كلام واحد من الشارع يح بهارات على كيفه خلاص توكلت على الله ان شاء الله طب ومايردني غير السماعة باذني واللبس الابيض سنايدي ياولد ممم طيب والله اخر سؤال وخلاص اتوب ارجوان وعهود والكل انا واحد احب الفله احب اروح واجي يعني مثلا بالاسبوعين لازم الدمام ولا البحرين لو قلنا كل ثلاث اسابيع مره بتأثر علي ولا ان شاء الله عادي؟؟ لان خلاص تعودت لازم اروح واجي على قرايبي هناك والله هاذا اخر شي والله يجزاكم الجنة يارب:119: واسف اذا ضايقتكم بكلامي بس تحملوني دكتور صغير توني فطفوط |
رد: نبذة مختصرة عن سنة أولى طب " للمستجدين "
امممم ..
لا أخفيك .. أحيان يكون هناك ضغط من ناحية الدراسة .. و يمكن بعد كونك سنة اولى تحس نفسك شوية مقيد و ما تعرف تتحرك و تروح و تجي زي ما تبي لكن !! اذا خلصت امورك اول بأول و ذاكرت و ما عليك واجبات ! شلي يمنعك من انك تروح و تجي زي ما تبي ؟ موفق أخوي ^^ و أي سؤال 2 تف |
رد: نبذة مختصرة عن سنة أولى طب " للمستجدين "
امممم ..
لا أخفيك .. أحيان يكون هناك ضغط من ناحية الدراسة .. و يمكن بعد كونك سنة اولى تحس نفسك شوية مقيد و ما تعرف تتحرك و تروح و تجي زي ما تبي لكن !! اذا خلصت امورك اول بأول و ذاكرت و ما عليك واجبات ! شلي يمنعك من انك تروح و تجي زي ما تبي ؟ موفق أخوي ^^ و أي سؤال 2 تفضل |
رد: نبذة مختصرة عن سنة أولى طب " للمستجدين "
اقتباس:
ترى اسمي مش ملاك :):) بس احب هاالاسم |
رد: نبذة مختصرة عن سنة أولى طب " للمستجدين "
الله يجزاك الجنة يا ارجوان مدري كيف اجازيك على كلامك ودعمك الله يخليك لعين ترجيك يارب
د/ ملاك بخصوص الاسم المستعار ارهابية مثلا ؟؟؟ << امزح امزح تعرفين واحد وارتفعت معنوياته لازم يمصخر اللي حوله شوي على قولتهم تنفس الصعداء واحلى قبلة على جبين ارجوان ماقصرت وياي الله الشاهد والكل طبعا عقبال مانستشيرك في اسئلة الاختبار << شين وقوي عين |
رد: نبذة مختصرة عن سنة أولى طب " للمستجدين "
اقتباس:
الشكر مقبول هههههههه لكن القبله خلها محلها من فضلك .. :064: تراني بنت و شكلك مضيع تفكرني ولد :cheese: موفق |
رد: نبذة مختصرة عن سنة أولى طب " للمستجدين "
اقتباس:
اقولك لاتخليني اعلن الحرب عليك مصخر غيري<<<على اساس معصبه :064:خخخخخخخخخخخخخخ ارهابيه ها؟؟:017: اجل بسوي هجوم على كليتكم انا وشلتي يوم وبنفجرها خخخخخخخخخخخ:hahahahahah: |
رد: نبذة مختصرة عن سنة أولى طب " للمستجدين "
ههههههههههههههههههههه
اوك د\ملآك نفجرهم بس متـى >>>شله ارهابيات موب طبيبات هههههههههههههههههههههههههههههههههههههههههههههههههه هههههههههههههههههه المتمكن الحمدالله انو ارتفعت معنويآتك والله يوفقك اورجوآن وربي انتي احلآ من الاورجوان لبـى قلبك صج مسسآعدتنا كثييير يآرب نردهآ لج بالافرآح ويجزآج ربي الجنه وتتوفقين وتصيرين احلآ دكتوره بس بشنو بتتخصصين.......... |
رد: نبذة مختصرة عن سنة أولى طب " للمستجدين "
^^ منتظره ناخذ كل الكورسات و القسم الي يعجبني ان شاء الله بدخله
لان كل ما جيت بختار قسم حد عطاني انطباع عنه هذا مش زين و هذا فيه مناوبات و هذا صعب الخ قلت اجرب بنفسي و الي يعجبني ادخله ان شاء الله عقبالكم يا رب موفقات |
رد: نبذة مختصرة عن سنة أولى طب " للمستجدين "
بالتوفيق قلبببو
ويآرب نصير مثثلج لآنج خووش بنووته فديييتج |
رد: نبذة مختصرة عن سنة أولى طب " للمستجدين "
تسلمين اختي ..
فيكم الخير انتم بعد |
رد: نبذة مختصرة عن سنة أولى طب " للمستجدين "
اقتباس:
يااارب نقدر نوفيها حقها احووبها البنت:):) |
رد: نبذة مختصرة عن سنة أولى طب " للمستجدين "
<< الموضوع ولا 5 مرات قريته <<حفظته صممممممممممم<< يعطيك العافيه
بس في شي واحد ابي استفسر عنه في السمستر الاول والثاني ندرس نفس المواد احياء وانجليزي بإقسامه وكيمياء و رياضيات و مصطلحات طبيه وثقافه إسلاميه << كل هذوووول مع بعض << يعني صارت السنه الاولى زي المدرسه نفس الروتين << ومره ثانيه يعطيك العافيه وشكرا <<<^_^ |
رد: نبذة مختصرة عن سنة أولى طب " للمستجدين "
اقتباس:
يعني أغلب المواد تدرسينهم على مدار السنة , لكن يوجد بعض المواد الفصلية بالنسبة لكم أنتم سنة أولى المواد العلمية الثلاث كيمياء + فيزياء + أحياء = على طول السنة = في الفصلين , ولا يوجد رياضيات . الانجليزي = تدرسين جزء بالفصل الاول و جزء بالفصل الثاني و بعض الكتب تدرسينها بالفصلين مواد الدين = متطلبات الجامعة = فصلية موفقات |
رد: نبذة مختصرة عن سنة أولى طب " للمستجدين "
مشكووره ارجوااان
متعبينك كثيييير وربي..:) |
رد: نبذة مختصرة عن سنة أولى طب " للمستجدين "
حياكم الله ^^
ولو .. اي استفسار تفضلوا |
رد: نبذة مختصرة عن سنة أولى طب " للمستجدين "
أرجوان انا توني جديده
بس جزااااك الله الف خير و الله يجعله في ميزان حسناتك و الله يعطيش على قد نيتش انتي فدتي الكثيييييييييييييييييير و الكثير من الطلاب والطالبات و الكل يدعي لش و يشكرش شـكــ وبارك الله فيك ـــرا لك ... لك مني أجمل تحية . |
رد: نبذة مختصرة عن سنة أولى طب " للمستجدين "
حياك الله اختي ..
|
رد: نبذة مختصرة عن سنة أولى طب " للمستجدين "
صراحه كلامك يريح
ثااانكس الوووت بس بغيت منك تتكلمين عن الاساتذه والدكاتره اللي درسوك اسمائهم واذا هم طيبين ولا وبكووون شاكره لك جميلك |
رد: نبذة مختصرة عن سنة أولى طب " للمستجدين "
اي حتى انا وودي كذآ بمعلومات عن اللي بيدرسسونآ
إذأ ممكن.... |
رد: نبذة مختصرة عن سنة أولى طب " للمستجدين "
مي توو...
|
رد: نبذة مختصرة عن سنة أولى طب " للمستجدين "
الدكاترة ممكن يغيروهم خاصة سنة اولى
|
رد: نبذة مختصرة عن سنة أولى طب " للمستجدين "
طيب اذا تقدرين تكلمي على الاقل على اللي درسوك
واذا ماعليك امر تكلمي لنا عن الدراسه من كتب او ملازم او الشرح |
رد: نبذة مختصرة عن سنة أولى طب " للمستجدين "
يب يب
ادري كثثرنآ هذره واسسآله بس ابي اعرف احسس هم اكثر شئ مخووفني ودي اعرف كيف اسسلووبهم...... |
رد: نبذة مختصرة عن سنة أولى طب " للمستجدين "
خخخخخ
احس الكل مطنشنا وااااي ؟؟ |
رد: نبذة مختصرة عن سنة أولى طب " للمستجدين "
بالنسبة للمواد من تجربتي لهم ..
اكثر مادة تحرصون عليها هي الاحياء لان لها 8 ساعات وتأثر بالمعدل بشكل قوي طبعا هي فهم + حفظ .. اتذكر دكاترتنا بعد الشرح يأشرون لنا الجزئيات المطلوبة لان الكتاب يتضمن اشياء عن الحيوانات مو ويانا الفيزياء : فهم ثم فهم ثم فهم + حفظ القوانين والتعريفات وهالاشياء واضحة بالكتاب ومع الشرح تفهمون اكثر الكيمياء.. الترم الاول سهل وحلو والدكتورة كانت تشرحه بالبروجكت .. الترم الثاني كيمياء عضوية مشابه كثير للثانوي وطبعا هالمادة تحتاج فهم قوي لان الاسئلة غالبا ام سي كيو تعتمد على الفهم الانجلش:: رح تتشبعون منه لانه 13 ساعة بالاسبوع منوعة مابين قرامر و ليسننغ و ريدنغ و رايتنغ .. بداية يمكن تواجهون صعوبه لكن تتعودون ويمكن تحبونه بعد مواد الدين .. الترم الاول ثقافة اسلامية والترم الثاني عقيدة واخلاق .. يتعمد على الدكتور\ة الي يدرسكم بس الغالب انه حفظ تربية صحية.. كانت كل تعداد ونقاط و تلخبط شوي بس تقدرون تتجاوزونها لو ذاكرتو اول باول هذي نبذه مختصرة جدا ... وانا مو حابة افصل لان يمكن وجهة نظري بتختلف عن وجهة نظركم لما تجربونهم الله يوفقكم يا رب |
رد: نبذة مختصرة عن سنة أولى طب " للمستجدين "
مشكورة لياان تعبنااااااك معناآ ...
|
رد: نبذة مختصرة عن سنة أولى طب " للمستجدين "
ششوكرآ ليان
الله يجزاج الجنه يآرب |
رد: نبذة مختصرة عن سنة أولى طب " للمستجدين "
ثانكس الووت الوووت لياااان...:)
|
رد: نبذة مختصرة عن سنة أولى طب " للمستجدين "
انا بصراحه مقهور خخخ طالبات الطب ملاك وليان ومونا ..................... الخ
متواصلين مع بعض وانا لحد الحين ماشفت طالب طب غيري خخخخ قهر |
رد: نبذة مختصرة عن سنة أولى طب " للمستجدين "
كان هوون احمد بس مدري وين راح...يارب مانع دخوله خير..:)
|
رد: نبذة مختصرة عن سنة أولى طب " للمستجدين "
ثاااااانكس الووووت ليااااااااااااااااان
تعبنااااك معناااا (( تخيل انساك )) انشالله مع بداية الدوام والدراسه راح تتعرف على ناااس كثيير |
رد: نبذة مختصرة عن سنة أولى طب " للمستجدين "
العفوو ... الله يوفقكم يا رب
|
رد: نبذة مختصرة عن سنة أولى طب " للمستجدين "
انا تخصص صيدلة اكلينيكية .. حالي من حالك اخوي ta5ayal ansak .. مااشوف الا طالبات .. بس وش نسوي ان شاء الله اذا فتحت الجامعة راح اجمع الربع واخليهم يسجلوون بالملتقى >>> طريقه حلوة صحيح ؟؟ خخ :(204): :hhheeeart4:
|
رد: نبذة مختصرة عن سنة أولى طب " للمستجدين "
خخخخخ
خوووش حل بصراحه هع الله يوفقنا جميعا ....:) |
رد: نبذة مختصرة عن سنة أولى طب " للمستجدين "
لا لا لا لا
مااقدر على الذكاء طريقه ولا في الاحلام نلاقي مثلها :(298)::(298)::(298): |
رد: نبذة مختصرة عن سنة أولى طب " للمستجدين "
طيب مثلنا يعني بس ماعليك انت اول ماتروح يوم السبت لاتفكر باصدقائك اول فكر كيف المغص والارتباك كيف يروح خخخخخخخخخخخخخخخخخخخخخخ اهم شي >>>>>>
والله يوفقك يا الخليفه عندك اختبار في الصيدله ( تحديد مستوى اللغه) بيض الوجه لاوصيك:(156)::33_asmilies-com: |
رد: نبذة مختصرة عن سنة أولى طب " للمستجدين "
حركات النص كم هذي ماتمشي علي رشوووود
بلا نذااله هههههههههههههه ياارب يخبتروونا <<<ماعندها مشكله تحب الانجلش آآآي حلقي بموووت اهئ اهئ |
رد: نبذة مختصرة عن سنة أولى طب " للمستجدين "
لا لا لا لا
صح احب الانجلش بس مااحب احد يختبرني فيه الحمدالله ان ماعندنا اختبار افتكينا منه |
رد: نبذة مختصرة عن سنة أولى طب " للمستجدين "
ايه ياملوكه لاتتناحسين اذا انتي تعرفين غيرك مايعرف هههه قدري الوضع انا بعد مادخل وادرس بعدها بشهر ماعندي مشكله يختبرونا خخخخ ..................... لايروح تفكيركم بعيد بس انا البلاء مو مني من مدرسين الانجليزي الي درسونا كله تحديد ولا فيه حصه الحين العذاب خخخ الله يسهل بس
|
رد: نبذة مختصرة عن سنة أولى طب " للمستجدين "
هههههه حلووه البلا مو مني
ترا يقولون اللي على راسه بطحا يتحسسها البلا منكم ومنهم انتو يا داقينها نومه وسط الحصه او هاربين منها والاساتذه حدث ولا حرج تاركينكم براحتكم مين قدكم مدلعينكم وزياده على كذا تحديد واحنا ولا ماده فيها تحديد :s9::s9::s9::s9::s9: |
رد: نبذة مختصرة عن سنة أولى طب " للمستجدين "
الله يسامحك بس مو كل المدارس سوا اذا سمعتي عن مدرسه لاتشملين كل المدارس كلامك مو صحيح :33_asmilies-com:
|
رد: نبذة مختصرة عن سنة أولى طب " للمستجدين "
انا لو معتمده عالمدرسه كان حدي abcويخب بعد
الواحد لازم يطور حاله بالشي اللي يحبه وانا اعشق الانجلش سووو طورت حالي فيه ولما ادرس طب بتطور اكثر ...:) |
رد: نبذة مختصرة عن سنة أولى طب " للمستجدين "
جزااااك الله الجنة مجهوووود راااائع
|
رد: نبذة مختصرة عن سنة أولى طب " للمستجدين "
:(164)::(164)::(164)::(164)::(164):
:(164)::(164)::(164)::(164): :(164)::(164)::(164): :(164)::(164): :(164): |
رد: نبذة مختصرة عن سنة أولى طب " للمستجدين "
يسلمــك ربي غلاتي..
محتاجه لهيك مواضيع.. لاهنتي.. |
رد: نبذة مختصرة عن سنة أولى طب " للمستجدين "
قبل كل شي يـآرب يـآرب يـآرب يوفقكمـ
وآنآ مآني طآلب طب كآنت آمنيتي ـآلطب ولآكن مآ آستعديتهآ لهآ :( عمومآ آدعو لي آدرس طب بعد مآ آنتهي من درآستي الحآلية وآلله يسسسهل آموركم ويوفقكم مشكورة أختي ارجوآن على هالمعلومات اللي آفدتي الجميع فيهآ:) |
رد: نبذة مختصرة عن سنة أولى طب " للمستجدين "
مشكورهـ ..
بجب أفدتي الجميع .. لاهنتي .. |
رد: نبذة مختصرة عن سنة أولى طب " للمستجدين "
يعطيك العافيه
معلومات كافيه ووافيه |
رد: نبذة مختصرة عن سنة أولى طب " للمستجدين "
بارك الله فيك
|
رد: نبذة مختصرة عن سنة أولى طب " للمستجدين "
مشكورة اختي ارجوان على المعلومات ..بس عندي استفسار الحين انا طالب ثالث ثانوي وابغى ادرس طب بس ماني عارف هل السنة التحضيرية تختلف من كلية لاخرى يعني مثلا تحضيريه طبيه او ان كل الاقسام لها سنة تحضيرية موحده انا ماني عارف اش الموضوع ..وكم النسب المطلوبه للقبول ولك خالص تحياتي ...
|
رد: نبذة مختصرة عن سنة أولى طب " للمستجدين "
تكفون ردو والله محتاااااااااااار :mh12:
|
رد: نبذة مختصرة عن سنة أولى طب " للمستجدين "
:106:شكرا جزيلا:106: |
رد: نبذة مختصرة عن سنة أولى طب " للمستجدين "
اختي ارجووان
اختي حلمها تدخل طب وعندها خبره عن السنه التحضيريه واذا جابت معدل اوكي قبلوها طب لاكن المصيبه مو هووون اللي معكر مزاجها انها ادبي لان المدرسه مافيها الا ادبي وتوهم جابوا علمي لاكنها الان شارفت على التخرج من الثانويه العامه السؤاال هل راح يقبلوونها ام الطب خاااص بالعلمي واذا ماقبلوها هل تنفع وااسطه تكفيييين ردي على برساله على الخاص اختي لا ليلها ليل ولا نهارها نهار وياليت تسألين لي احد بلييييز وموفقه وربي يحميك من كل شر |
رد: نبذة مختصرة عن سنة أولى طب " للمستجدين "
الأخ حيران
أنا ما ادري عن الكليات الثانية , لكن اللي اعرفه انو سنه اولى طب تسمى بالسنة التحضيرية و اكيد هي تختلف من قسم لآخر , فالسنة التحضيرية لكلية الطب دراستها كلها انجليزية للمواد العلمية الثلاثة (احياء , فيزياء و كيمياء) + انجليزي + بعض متطلبات الجامعه اللي هي مواد الدين اللي يبغى يحول من كلية طب الى كلية ثانيه يقدر لكن العكس لا محد يسمحون له يبدل من اي كليه كانت الى كلية الطب موفق ان شاء الله و شد حيلك علشان تكون معنا بنفس المجال --------------------------------- miss sms أختي الكريمه , الطب = علمي , يعني لما نقول علم الطب محد راح يستغرب لكن لما نقول أدب الطب الكل راح يستغرب صح ؟ عزيزتي: الخلفيه عن سنه اولى طب لا تعني معرفة كل ما في الطب او انها ممكن تنجح في هذا المجال يعني حنا ندرس في الطب جميع انواع العلوم , و قوانين الفيزياء و نظريات الاحياء و عفسة الكيمياء ... و غيره الكثير .. من ناحية الواسطه , و الله مدري لكني اتوقع انه على حسب نوع الواسطه ^^ اذا كانت قوية يمكن تعطيها الشهاده بعد بدون دراسه الله يكتب لها اللي فيه الخير ان شاء الله و تذكري عسى ان تكرهوا شيئا و هو خير لكم الطب مجال صعب جدا , يمكن تكون خيره لهاا لو ما دخلت فيه و لو لقت واسطه و دخلت فـ الله يوفقها يا رب و تستمر فيه ^^ بالتوفيق |
رد: نبذة مختصرة عن سنة أولى طب " للمستجدين "
اورجوان
استمتعت بقراءة 20 صفحة منذ البداية إلى النهاية سلمت أناملك على كل حرف كتبتيه ارتفعت معنوياتي كثيييييراً وتحمست أكثر وأكثر لكلية الطب دعواتكِ بأن أحصل على نسبة تؤهلني للقبول في كلية الطب وشكراً لكم جميعآ إخواني وأخوآتي محبتي لكم |
رد: نبذة مختصرة عن سنة أولى طب " للمستجدين "
السلام عليكم
لو سمحتوا حابة أسأل كم النسبة المطلبة للبنات لكلية الطب في جامعة الملك فيصل بالأحساء لهذا العام 1432 هـ - 2011 |
| All times are GMT +3. الوقت الآن حسب توقيت السعودية: 11:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام