|
رد: اذا الفريدان ما حل مشكلتي ..مين يحلّها ؟
أخوي بارك الله فيك ( عندي لك حل ) وهو بديهيا والمفروض حجيتهم به
وهو ( إذا كانت صحيحه أثبتوا صحة كلامكم بالطريقه اللي تناسبكم حتى تناقضون كلامي ) بالنسبه لتصوير الشاشه ( المفروض إنك قلت نحن نثق بأنظمة الجامعه من الناحيه العمليه والتقنيه ) ولا نتوقع حدوث مشاكل وأيضا نثق في عهدكم ولا نتوقع أن نصل إلى هذه المرحله حتى نصور الشاشه لكي نحاججكم يا دكتور عبدالله لدي شكوى بخصوص درجات المشاركه ما يثب أن لدي شكوى هو ان درجاتي ليست كامله .. فإن كانت درجاتي صحيحه كما تقولون أثبتوا ذلك . صدقني يا أخي الكريم راح تلقى الحل ولا تشيل هم ولا يوجد شيء لا يتغير .. كل شيء يتغير ( ولكن قبل كل هذا لابد أنك تتأكد من أنك قمت بحل المناقشات بالذات بالشكل المناسب ولا يوجد لديك مناقشات مكتوبه بطريقه خاطئه ) وبالتوفيق لك |
رد: اذا الفريدان ما حل مشكلتي ..مين يحلّها ؟
اقتباس:
عندي موظف سعودي متزوج بحرينية .. وكل شهر لما يرجع من البحرين .. يجيب لي كم علبة رهش شويطر :love080: طبعا هدية لوالدتـي .. وأتقهوى عليها بالحوش معها :004: |
رد: اذا الفريدان ما حل مشكلتي ..مين يحلّها ؟
اقتباس:
نعم ..نعم .. نعم ..!!! أجل بعد ما صورتي الخارطة ..يقول مو دليل ..!!! أجل وش يبي الدليل ؟؟ الله لا يسامحهم ..ويارب يعوض عليك تعبك وجهدك وراهم رب يحاسبهم من شاف مصيبة غيره ..هانت عليه مصيبته لما سافرت اقابل الفريدان .. وانا كنت جالس بالانتظار إلا فيه شاب ..جاني وسلم علي .. واحنا اللي نعرف بعض ..طلع زميلي من قروب معهد الادارة وأعرفه زميلي شاطر ومن ضمن العشر الأوائل على الدفعـة مشكلته .. انه بالمستوى السابع ..وراصدين له صفر بكل درحات المشاركة طبعا رسب بالمستوى + المعدل هبط صاروخي وش حجتهم ؟؟ انك تحل من مكتبة تدرين وش سوى فيهم ؟ جاب الكمبيوتر حق البيت للجامعة ..جابه لهم من الخرج ودخل عليهم وتهاوش مع العضايلة .. وتحداه وقال له هذا كمبيوتري وهذا تقرير IP مطبوع وطلب من العضايلة والفريدان .. يجيبون تقنيين الجامعة ويفحصون كمبيوتره ويثبتون انه يحل من مكتبة.. ومع ذلك رسبوه وما تعاونوا معاه ..أخذوها عناد ..!!! |
رد: اذا الفريدان ما حل مشكلتي ..مين يحلّها ؟
اقتباس:
ويمكن صاير بيننا حول 8 ايميلات .. وكلها يرفض يرجع لي درجة وحدة ولا يعطي أي حلول بصراحة يرد علي وعلى غيري على أنه شوفوني أشتغل ردود على الطلبة.. وبعدين أنصحك بالطريقتين هذي وسويها مع بعض : - راسليه مرة أسبوعيا عبر ايميلك الشخصي. - راسليه هو والعضايلة من بريدك الجامعي ..ادخلي على هالرابط واختاري خاص بالطلبة ثم للدخول بالنظام ثم ادخلي رقمك الجامعي ورقمك السري ايميل الفريدان afridan@kfu.edu.sa ايميل العضايلة madaileh@kfu.edu.sa وبالتوفيق يارب. |
رد: اذا الفريدان ما حل مشكلتي ..مين يحلّها ؟
اقتباس:
يا الغالي ..مو متأخر ولا شيء.. بعد النتائج مباشرة .. وأنا مسافر له ودخلت عليه بمكتبه .. وفي الأخير قال لي ليش ما صورت الخارطة؟؟؟!!!! ثم سافرت له مرة ثانية ..وكلمته هو والعضايلة وكان طلبي تصحيح الرصد + زيادة عدد الساعات + حل مشكلة مالية حيث سددت بمبلغ أكثر ومع ذلك رفضوا ..بس حلوا المشكلة المالية.. واذا على السيستم ووقت الرصد ..لما فتح العضايلة جهازه ..كنت أطالع الشاشة حقته .. دخل على سجلي الأكاديمي ثم على الأمور المالية .. السيستم عنده قوي وخرافي .. وسيستم أدمن مو زي سيستم الطلاب أو حتى سيستم مطور .. ترى عندي جانب تقني وأفرق بين الأنظمة .. بس ما ضاع حق وراه مطالب ما كسبنا الا وأنا طالع ..أمر سوق السمك وأشتري كنعد طازج ونتعشى بالرياض :biggrin: |
رد: اذا الفريدان ما حل مشكلتي ..مين يحلّها ؟
اقتباس:
هلا أخوي هـادي اذا أنت متأكد انك ما حليت عن طريق مكتبة او شخص معين وإنه أجوبتك ما هي رموز :mh318: أنصحك تطالب وتطالب .. بس بحدود الأدب أنا ناشب لهم من المستوى الرابع .. أراسلهم وأسافر لهم وأخاطبهم بس مو بطريقة وقحة لأنه بصراحة ..جامعاتنا للأسف .. درسوا على يد المصريين ..نظام سلطوي عقيم كان نظام الدكاترة المصريين ..لا أريكم إلا ما أرى وعادي يرسب الطالب من راسه .. وعادي ما يداوم الترم كله ثم ينجح هذا ويرسب هذا وللأسف هم أول جيل حين إنشاء جامعاتنا فلما صار فيه دكاترة سعوديين بالجيل اللي بعده .. صاروا يمشون على نظامهم يعني أنا قلت كذا .. خلاص ..كلمتي تمشي .. هذا ظلم مبين ولا يمت لا للدين والمبادئ والعلوم والعدل بأي صلة ومع ذلك بواصل أطالبهم إلى أن أسترد حقي أو أشكيهم لرب العباد وكثر المطالبات بشكل نظامي مني ومنك ومن الآخرين ..بيتجاوبون ونكسبهم لصالحنا هو اللي يخرب علينا .. اللي يحلون من مكتبات أو يحلون رموز وطلاسم ثم يسيئون الأدب بتويتر على الفريدان والدكاترة وهذا يشوه صورة الطلبة عند جامعتنا وعند غيرهم وبالتوفيق يارب.. |
رد: اذا الفريدان ما حل مشكلتي ..مين يحلّها ؟
اقتباس:
من الفضاوة سويت اعتراض :(269): |
رد: اذا الفريدان ما حل مشكلتي ..مين يحلّها ؟
اقتباس:
صادق يا الغالـي الفريدان كم مرة حط الغلط علي ..يقول لي : غلطتك ما صورت الخارطة..!! واللي نقصوه علي درجات الواحب ..يقولون اني ما حليت الواجبات :sm5: واضحة عيني عينك انها خطأ من أنظمتهم ..بس معاندين وما يبون يتعاونون أو يعترفون ..:139: بحاول وما بسكت لهم .. على الأقل..يعرفون ان الطلاب يطالبون بحقوقهم وما يسكتون وشكرا جزيلا لكـ |
رد: اذا الفريدان ما حل مشكلتي ..مين يحلّها ؟
حسبي الله ونعم الوكيل في ذمتهم كل ربع درجة ينقصونها بغير وجه حق اقسم بالله اني اقرا كلامكم وانقهر ظلم بعينه في ذمتهم كل درجه
إذا انتم حالين بذمه وضمير حسبي الله ونعم الوكيل مرة أخرى نشكوهم لله فالله خير الناصرين. |
رد: اذا الفريدان ما حل مشكلتي ..مين يحلّها ؟
السلام عليكم
الله يسعدكم بغيت جواب ضروووري لحين انا الترم اللي طاف ماسددت الاقساط وكمان هالفصل لسه ماسددت رحت اليوم ادفع للترم اللي طاف وبدفع هالترم قبل لايخلص موعد التسديد بس مارضو الا المبلغ كامل شنو الحل؟؟ اقدر لو رحت للجامعه نفسها ادفعلهم بس حق الترم اللي طاف ؟؟ ان شاءالله تكونو فهمتو علي اتمنى الرد بسرعه الله يسعدكم |
| All times are GMT +3. الوقت الآن حسب توقيت السعودية: 04:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه