ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   E7 (https://vb.ckfu.org/f363)
-   -   [ مذاكرة جماعية ] : ** تجمع اختبارات طلبة عاصفة الحزم ومركز نجران ** (https://vb.ckfu.org/t693490.html)

trook8 2015- 7- 28 01:09 AM

رد: ** تجمع اختبارات طلبة عاصفة الحزم ومركز نجران **
 
الف الف شكر لك اختي زورق وجزاك الباري كل خير
ملاحظاتك جداً مهمه وراح انتبه لها وقت المذاكرة وبالاختبار ,

شاكر ومقدر ..

sareeta 2015- 7- 28 11:14 AM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة trook8 (المشاركة 12573459)
هم لما طلبوا تحديد مكان الاختبار (جده الطائف الاحساء ) - هل اخترت المدينه ؟
اعتقد الجدول للي اختار منها , وكان فيه خيار اللي ما يبغى يختبر وبيأجل

اذا كنت حريص تختبر راسل الفريدان وشف وش وضعك
مع اني اشوف انك ما تحرص , وضعنا مخربط الى الان ما ندري كيف بيحسبون لنا درجات المشاركة
الانظمة طول الفترة الماضيه ما تشتغل ولا حملنا محاضرات ولا حلينا الواجبات والمناقشات
وشكلهم بيخلون الاختبار من 100 والله اعلم , الا اذا بيتبرعون لنا ب 30 من عندهم فالله يجزاهم خير

انا لولا حرصي على التخرج الترم القادم ما دخلت الاختبار
سفر ولا ذاكرت زين - لكن اخوك مستعجل يبي يخلص
فانت شف وضعك ولا تجي للاختبار الا متاكد
الفريدان يرد على الايميل

بالتوفيق لك اخوي ..





درجات المشاركة حاسبين اللي حليناها الترم اللي راح علينا اذا فتحت السجل الاكاديمي او نتائج الاختبارات تلقاهم منزلينها، اللهم الاختبار النهائي هو اللي حاطين f
ماظن يكون اختبارنا من 100 😰

trook8 2015- 7- 28 01:20 PM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة sareeta (المشاركة 12574794)
درجات المشاركة حاسبين اللي حليناها الترم اللي راح علينا اذا فتحت السجل الاكاديمي او نتائج الاختبارات تلقاهم منزلينها، اللهم الاختبار النهائي هو اللي حاطين f
ماظن يكون اختبارنا من 100 😰

صحيح كلامك بالنسبة لطلبة مركز نجران
لكن بالنسبة لنا طلبة عاصفة الحزم فوضعنا يختلف
لأنا طلبنا تأجيل اختبارات الترم الماضي قبل بداية الاختبارات بحدود شهر
وبالتالي ما حلينا شي .. فما ندري وش بيسوون في موضوع درجات المشاركة .

sareeta 2015- 7- 28 02:24 PM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة trook8 (المشاركة 12575095)
صحيح كلامك بالنسبة لطلبة مركز نجران
لكن بالنسبة لنا طلبة عاصفة الحزم فوضعنا يختلف
لأنا طلبنا تأجيل اختبارات الترم الماضي قبل بداية الاختبارات بحدود شهر
وبالتالي ما حلينا شي .. فما ندري وش بيسوون في موضوع درجات المشاركة .



انشالله يحسبون لكم درجات المشاركة ويمشونها لكم معذورين ماحليتوها ، حرام يكون الاختبار من 100 !!!! اي غلطه تروح عليكم درجات كثير، حاولوا مع الفريدان وانشالله يرد عليكم
موفقين والله يعينكم .

صاحب البيان 2015- 7- 28 02:50 PM

رد: ** تجمع اختبارات طلبة عاصفة الحزم ومركز نجران **
 
يا عم لابد من التوكيل لاشخاص تثق فيهم يحلون لك الاسئلة والمناقشة حتى لا تحسب عليك

trook8 2015- 7- 28 07:33 PM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة صاحب البيان (المشاركة 12575255)
يا عم لابد من التوكيل لاشخاص تثق فيهم يحلون لك الاسئلة والمناقشة حتى لا تحسب عليك

ما يحتاج اوكل احد , انا باحلها مثل كل المستويات, بس النظام اساسا ما يعمل

Rossse 2015- 7- 28 07:59 PM

رد: ** تجمع اختبارات طلبة عاصفة الحزم ومركز نجران **
 
الله يوفقكم ويفتح عليكم
انا مومعاكم في الاختبارات المؤجله ولكن انا داخله المستوى السابع وحابه اعرف ايش اخذتم من ملخصات وتنصحون فيها؟؟؟

trook8 2015- 7- 29 12:29 AM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة Rossse (المشاركة 12575861)
الله يوفقكم ويفتح عليكم
انا مومعاكم في الاختبارات المؤجله ولكن انا داخله المستوى السابع وحابه اعرف ايش اخذتم من ملخصات وتنصحون فيها؟؟؟

شوفي الموضوع هذا - ان شاء الله يفيدك
http://www.ckfu.org/vb/t660267.html

بالتوفيق ..

نهرالعطا 2015- 7- 29 01:05 AM

رد: ** تجمع اختبارات طلبة عاصفة الحزم ومركز نجران **
 
اقتباس:

المشاركة الأصلية كتبت بواسطة زورق* (المشاركة 12573322)
نصيحتي للجميع بالترجمة الإبداعية لا أحد يعتمد على الردود والأجوبة السابقة

لأن الدكتور يلعب بالفقرات وسبق وكتبت هالكلام برد بعد الإختبار وغامرت فعلا بالاختبار

في الأجوبة باختيار اللي اقتنع فيه وماحاولت اربط نفسي بالأمثلة واجوبتها والحمد لله وفقني الله

بعطيكم أمثلة ع تلاعب حليمة

مثلا عندنا مثال اللي فيه
when pain and sickness made my cry

who gazed upin .......ets

كان الاتفاق طبعا أفضل ترجمة للأبيات ع بعض

أبكي للمرض وللألم
من حدق في عيني الورم
....الخ

وفي الاختبار طبعا جاب شطر واحد ماجاب الابيات وكان الشطر الأول انقليزي وطلب

ترجمته للعربي وعطانا :
1- أبكي للمرض وللألم
2-ألم ومرض يبكيني
3- مرضي ألمي إن أبكاني

كثير اختاروا الأول بناء على ان المقطع الشعري كاملا كانت أفضل ترجمة له
لكن حليمة هنا حط شطر واحد يعني اقتص النص وأفضل موسيقى وترجمة له كشطر شعري هو 3

برضوه عندنا فقرة كانت بصفحة 153
وكنا عارفين المقطع بالعربي وان الرجل ماحب يكسف الصبي ووووو
المقطع كان كامل عندنا لكن بالاختبار اذكر جاب عبارة ( صعب عليه أن يكسف الصبي)
وجاب ترجمتها للانقليزي شي كتب فيه بآخر الترجمة he dont say no ايعني ماحب يكسفه بقوله لا وشي أضاف له زيادات أخرى
طبعا هنا انت لما تعطي مترجم جملة وحدة راح يتقيد فيها المترجم لأنه مايدري عن باقي النص
مثلا لما تقول ترجم لي فبكت الفتاة راح يترجمها فقط ماراح يقولك بكت الفتاة من ضرب والدها أو بكت من الفقر
يمكن انت عندك النص كامل وعارف سبب بكاء الفتاة لكن لما طلبت من المترجم اعطيته قصاصة فقط وجملة
وهذا كان اسلوب حليمة
مدري وضحت أو لا ..
الزبدة لما يعطيك جملة لاتتقيد بترجمتها مثل لما كانت بنص بأحداثه ومر عليك لأنه راح يختبر فهمك
فترجمة الجملة المستقلة راح تختلف عن ترجمتها في مقطع بتفاصيله
* النص لما يكون ديني اهتم انه يعكس المعنى الصحيح والمقصد الديني
* لما يكون شعر اهتم بالوززززن والقافية خاصة اذا مترجم للغة العربية
لأن الشعر اساسه الوزن والقافية وبرضوه عدد الأبيات وشكل الأبيات اما شطرين بجانب بعض يفصلها مسافة
أو تكتب تحت بعض ..
واللي مايعرف يختار حسب الوزن يلحن الابيات وهذا راح يساعده كثير
* لما تكون الترجمة علمية فعادة تكون اقرب إلى الحرفية منها إلى الإبداعية
* نقطة مهمة اذا لاحظت تكرار كلمة في الجملة بشكل ملفت استبعدها واذكر بالاختبار عطانا ترجمة والصحيحة كان خيارين
لكن واحد منهم كرر فيه كلمة الرجل حوالي ثلاث مرات فاستبعدته
* أحيانا ممكن وانت تذاكر تختار ترجمة ابداعية وتكون هي الأفضل ضمن الخيارات لكن حط في بالك ممكن بالاختبار
يجيب خيار أفضل فتكون واعي لهالنقطة
والحقيقة كنت محدده ملاحظات كثيرة بمذكرتي بعد الاختبار وكنت اقول بشوف نتيجتي اذا توفقت بامتياز وتأكدت
نزلت الملاحظات ولما جيت اكتب الرد انصدمت اني ماحصلت المذكرة وحملت المذكرة من النت ل هيرت ستوري وحاولت اتصفح وذكرت قليل من كثير :(

وبالأخير أتمنى لكم الإفادة وحبيت أفيدكم وأسأل الله لكم التوفيق



الله يجزاك خير


شكرا لنصائحك وعطائك معنا
الله لا يجرمك الاجر




موفقين اخواتي

trook8 2015- 7- 29 10:19 PM

رد: ** تجمع اختبارات طلبة عاصفة الحزم ومركز نجران **
 
غدا السبت 14/ 10
اختبار علم اللغة النفسي الساعه الرابعة عصرا بمشيئة الله

من معي ؟؟

الظاهر باختبرها لوحدي .. :smile:
لكن المادة محتواها خفيف وان شاء الله سهله


All times are GMT +3. الوقت الآن حسب توقيت السعودية: 08:02 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه