ملتقى طلاب وطالبات جامعة الملك فيصل,جامعة الدمام - اسئلة اختبارات أعلن الاستسلام المادة تلخبط تعبت

- إدارة أعمال 6 (https://vb.ckfu.org/f364)

- - [ اسئلة اختبارات ] : أعلن الاستسلام المادة تلخبط تعبت (https://vb.ckfu.org/t644737.html)

رد: أعلن الاستسلام المادة تلخبط تعبت

ماتلام يابو فيصل المادة صعب منهجها حشو والدكتور مايكرر الاسئلة

محددثكم حامل المادة وبختبرها اليوم للمره الثانية وعسى الله يعديها علي خير ..

رد: أعلن الاستسلام المادة تلخبط تعبت

ياكثر الي حاملين الماده ششششسالفه

الله يستر

رد: أعلن الاستسلام المادة تلخبط تعبت

اقتباس:

المشاركة الأصلية كتبت بواسطة عبدالعزيز ح (المشاركة 11813980)

المسائل كلها سؤالين في الاختبار حسب الاختبارات السابقه

ربك يعين الكل متلخبط احل الكويز اخذ درجة كويسه ارجع له بعد كم ساعه اجيب العيد فيه ):

شرحك سري نفس الشي

والله مدرسها أقشر ومحلل راتبه الله يغفر له

يارب يهونها اليوم علينا وتصير سهلة :d5:

رد: أعلن الاستسلام المادة تلخبط تعبت

انا معلن استسلامي من امس

قبل الامتحان بساعتين بروح لمركز الاختبار واحفظ اساله الاختبار الترم الماضي والي قبله وبس
قرينا ما فهمنا
والله يكتب الي فيه الخير للجميع
وعندي احساس بحملها الله يستر

رد: أعلن الاستسلام المادة تلخبط تعبت

اتوقع هذا الملخص الي يقصدونه

ملخص ( المختصر المفيد للتوريد = لـ شهم خليجي ) خمس ورقات

وان شاء الله يفيد ..

رد: أعلن الاستسلام المادة تلخبط تعبت

انا يأست والله احفظ واحل الكويز اكثر من مره اجيب العيد :(
اسئله الدكتور لحالها تخوف الله يسامحه :(

رد: أعلن الاستسلام المادة تلخبط تعبت

وانا بعد متشتته وماني عارفه
يالله انك تهونها علينا

رد: أعلن الاستسلام المادة تلخبط تعبت

الله يستر بس الماده مره صعبه

رد: أعلن الاستسلام المادة تلخبط تعبت

لا تقولوا كذا لأن هذا الكلام ما ينفع لازم تكونون إيجابيين و لا تكونوا محبطين لأنفسكم و لغيركم و لا بد ان تطلقوا العملاق اللي بداخلكم نعم العملاق اللي يقول لك انك تقدر و تقدر و تقدر و انك ستهزم مبادئ التوريد و لن تنهزم منها و لن تكون عائقاً بينكم و بين حلمكم اطلق العملاق الذي بداخلك و انطلق ... أزيلوا التشويش الذي برؤسكم من أنكم لم تستوعبوا المادة ... قولوا لأنفسكم بأن هذه مجرد مادة ان عديتها الحمد لله و ان لم أعديها أيضاً الحمد لله و سأتمكن منها مستقبلاً أبعدوا انفسكم عن هذا الضغط ستجدون ان المخ يهدأ و يستكين و بعدها ... سموا بالرحمن و اتكلوا على الله و راجعوا الملخصات الموجودة مع نماذج الاختبارات و ضعوا في بالكم أنكم لا تبحثون عن معدل مرتفع في هذه المادة بل أنكم تريدون النجاح فقط بأي معدل و بإذن الله ستتمكنون منها...
تمنياتي لي و لكم بالتوفيق و انا ذاهب للصلاة ... صلوا على خير الخلق محمد عليه أفضل الصلاة و التسليم و صلوا بالمسجد ...

رد: أعلن الاستسلام المادة تلخبط تعبت

اذا انت تحطمت واستسلمت ,, لاتحطم غيرك وتخليه يوقف عن المذاكرة بحكم ان ( الماده صعبه )

وجهة نظري الماده دسمه يبغالها وقت بس ماهي صعبه والدكتور مو معقد ،، بلاك ماشفت دكتورر عيسى حق الادارة العامه قسم تعض الارض من الاسئلة الصعبه

بالنهايه لاتحطو حاجز لامالكم بالاستسلام ,, هذا مو عذررر

بالتوفيق