|
رد: أفضل دكتورة انقللش
اقتباس:
سجلي حياكي ان شاءالله بس نحصل دكتوره سنعه وتنجحنا ﻷن انا اخذت الماده وجبت باأعمال السنه 39من 40 والاختبار النهائي كان من 60 وكله اختياري وكتابة قطعه خارجيه من عندك ورسبني النهائي واللحين ابي دكتوره نفهم عليهااا وتتكلم عربي بعد عشان مانتوهق ولاندري وش تقول واخرتها ماننجح انا اخذتها مع هنديه ولاتعرف تتكلم عربي:sm1: |
رد: أفضل دكتورة انقللش
^ منال الخضر نصيحه لا ، الكل مدحها لي وقتها ورسبت عندها تساعد واسلوب حلو ، بس لاجت الاختبارات مستحيل تساعدك بدرجه وحدة يعني راح تتوهقين ع اخر السنة - انا اللي خذيت عندها وخلتني احب شي اسمة انجليزي وحدة اسمها شموخ الفياض ، اذا لقتيها سجلي عندها واذا شاكة بكلامي نزلي اسماء اللي بتنزل عندك وشوفي وش يقولون لك أكثر ، واذا شموخ نزلت اسألي وشوفي وش يقولون .. عسى ربي يسعدهااا هذيك الأنسانة .. وعلى كل حال الله يوفقكِ :004:. |
رد: أفضل دكتورة انقللش
اقتباس:
كم جبتي عندها لان هذي المره الثانيه اللي باخذ الانقلش فيه وخايفه اخذه وارسب لان ابي ارفع معدلي واحول وماابي شي يخرب علي ؟؟؟تكلمي عنها اكثر كيف واجباتها وشرحها واختباراتها تساعد ولالا |
رد: أفضل دكتورة انقللش
اقتباس:
جبت سي بلس ، على اني قبل كنت اخذ دي وبالحفة .؟؟ وماكنت اعرف اي شي بالانجليزي ، بس اسلوبها بالشرح والمساعدة خلاني افهم كل شي وخلاني احب المادة أكثر ، ماكان نظامها فيه واجبات وهالشي خلانا ننجح وبكل سهولة اول شي نظامها اختبارات قصيرة ، اذا احتاج هالشي ، انا ناسية كيف كان نظامها بمادة الانجليزي العام لاني خذيت معها بعد انجليزي كتابة ، كانت تساعد بالشرح ، والاختبارات القصيرة ، وتعطي فرصة اذا البنت احتاجت ، وتحب ان الكل يشارك وتعرف كثير ان فيه بنات مايفهمون شي ماتحطمهم بالعكس تحاول تعطيهم فرص وتتكلم شوي عربي عشان تخليهم يمشون معها حبه وحبه واذا كانت تعطي واجبات بالانجليزي العام كانت سهلة وتمدد ، انا اقولك هالشي لاني كنت مثلك راسبة بالعام وخذيته عندها ، وبعدين انجليزي قراءه خذيتها عند منال لان شموخ ماكنت نازلة ورسبت على اني خذيتها من مدح البنات وبعدها خذيتها عند شموخ لان اسمها نزل ونجحت بمرتفع .. ويارب تلقين اللي يناسبك وتمشين فيها .. وشوفي اللي ينزل بجدولك وحطيه اذا ماكان اسمها نازل والله يوفقك .. |
| All times are GMT +3. الوقت الآن حسب توقيت السعودية: 06:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام