رد: استفسارات..
 

اي ياقلبي تقدرين تكونين انتي وصديقاتك بشعبة وحده هذا الترم الاول وحطو ببالكم الترم الاول الجدول الجاهز غالبا مايكون فيه اوف اعتقد ، الترم الثاني تقدرين تنسقين جدولك وبالتالي تقدرين تحطين اوف / نصيحة خلصو مواد التحضيري كلها يعني لاتاخذون ٥ او ٣ او ٤ شدو حيلكم عادي ترا الي غيركم شدو حيلهم مو احسن منكم تقدرون تصيرون زيهم لاتخلون نفسكم في مستوى معين زيدو من كفاءة انفسكم وفعلا نلاقي ضغط وتحدي بس هالشي مانخليه عائق لابد يكون في ايجابيه وتفائل بالموضوع لابد يكون في حل لكل شي ، واهم شي ممكن اقوله لكم قبل ماتدخلون من باب الكلية " رجااااء خاص لاتسمعون لأي ادميهه تتكلم بخصوص الكلية او المواد وتحبطكم او تقولكم " صراحة ٩ مواااد كثير اكيد ( بنحمل ) مواد " صدقوني الكلام هذا ماراح ينفعكم بيزيدكم سلبيه والعياذ بالله نصيحتي خليك ايجابيه وحطي ببالك اي احد يقولك كذا قوليله خير ان شاءالله وانتي شدي حيلك وخليك اولا واخرا مستعينه بالله وحده ف كل امورك وتجنبي الغش بكل امورك عشان ايش ؟ عشان ربي يرضى عليك ويوفقك وعشان انتي ترضين ع نفسك ❤️ وشي ثاني يوم الاوف انا سنة التحضيري ماخذت لرغبه ف بالي ولا انا اقدر لكن هالسنة ان شاءالله اذا ربي كتب راح اخذ لانه بيكون تخصص واقل مواد / انا عن نفسي بستفسر عن مواد التخصص بسال وبشوف وبشوف هل يستاهل لو احذف مادة انتو سوو نفسي اسالو وفكرو مو بس تقلدون هذا مستقبلكم مخ غيرك يفرق عنك اجتهادك يفرق عن اجتهاد غيرك يعني مو كل شي يناسب غيرك يعني يناسبك وطبعا ماننسى بالأول والأخير استخيييييييرو ❤️ من ناحية كل شي وصح واذا تبون اساعدكم لما تبدا السنة اعرفكم ع الجامعه تعريف خفيف �� ابشرو بالخير انا العام كنت ابي احد يعرفني لاني حست ���� المهم ادري تكلمت كثير وادري اني توني مخلصة تحضيري وبتقولون توني يعني سنة بالجامعه بس اقولكم سنة بالجامعه خلتني افهم اشياء كثيييييييييير وصرت افرق واعرف واستشير ويعني انتوو بنفسكم راح تعرفون نصيحة اخيره خلصي مواد السنة التحضيري بسنة احسن لك لاتحذفين شي اذا انتي بالك رايق وشاطرة ونشيطهه لايحطمك احد اياك والكلام السلبي واللقاء ��❤️

رد: استفسارات..
 

^
الله يجزاك خير يارب ويحقق لك اللي فبالك:love080:
كلامك يريح:rose:
ايي انا عن سالفة المواد مو حاطه فبالي من الحين اني احذف وكذا لين اشوف الوضع والمواد وقبل كل شي استخير
بس سؤال لو عندك اسامي دكاتره ترشحينهم للتحضيري؟ يعني يصير من اشوف اسمهم باي جدول او شعبه اسجل فيها
وجد شكرا شكرا الله يسعدك:060:

رد: استفسارات..
 

مبروك القبول في جامعتنا الجميلة :rose:
بالنسبة للمواد و من تجربتي السنه اللي فاتت لا تحذفين شئ و ربي ترتاحين إذا اخذتيها و افتكيتي و الترم الثاني أصلاً خفيف بس الترم الأول شوي ضغط بس إذا فكرتي بالمدرسة كنا نأخذ إجباري تسع مواد و نذاكرها و الحمد لله نجحنا و تخرجنا كلها ترم اضغطي علي نفسك عشان ترتاحين و بتحسين بالراحة فعلاً الترم الثاني ان شاء الله خفيف و سريع بطريقه ما تتخيلينها لان بيكون فيه يوم أوف و المحاضرات أصلاً قليله
اللبس خذي راحتك بس بحدود المعقول بعض البنات الله يصلحهم. اوفرررر و أشكالهم تنرفز
بالتوفيق حبيت أقولك عن تجربتي و ان شاء الله أفدتك و اهم شئ خليك شطوره و تفاعلي مع الدكاترة عشان يحفظون اسمك و بيساعدونك والله

رد: استفسارات..
 

^
شكرا شكرا قد الدنيا:004:
ايي صح كنا ناخذ كذا واكثر بس احس مواد المدرسه يبيلها جهد اقل بواجد من مواد الجامعه:biggrin:
يعني ماحسيتي بضغط مرره وماتفضين ويكون عندك وقت فراغ تسوين اللي تبين؟
خصوصا ايام الاختبارات وشلوون ان ورا بعض المواد ماكانت طويله عليك؟
وبس جزاك ربي الجنه:004::004:

رد: استفسارات..
 

انا خذيت ٩ مواد الترم الأول و ٩ مواد ترم ثاني
وشديت حيلي فيهم الحمدلله معدلي مرتفع
اذا حطيتي فبالك انك تقدرين عليهم بتقدرين
وبالنسبة للإختبارات ،
أنتي بتكونين أوردي مذاكره ربع او نص المنهج بأختبارات اعمال السنه
يعني بالاختبارات النهائيه تكون بالنسبه لك مجرد مراجعه وبالتوفيق
ونصيحة تاخذين تسع مواد تفتكين احسن
وبالتوفيق.

رد: استفسارات..
 

ياهلابك بكليتنا :16.jpg::004:

البنات ماقصروا بالنسبه للأستفساراتك

بس بغيت انصحك نصيحه مجرررربه :biggrin: لا تحذفين ولا ماده من تحضيري والله مارفع معدلي بعد الله الا هي
وبعد ماتخصصين بتنشغلين بمواد التخصص ويصير عندك حوسه مثل صاحباتي حذفوا مواد والحين متوهقين فيهاا عشان كذا الافضل انو تاخذينها كلها وتفتكين و ترا مو مره صعبه بالنسبه لمواد التخصص توكلي ع الله والله بيسرها لك :004:

وبالنسبه للحر الكلاسات الاغلب تكون بارده حتى برا الكلاسات مكيفه ومقفله ومريحه

رد: استفسارات..
 

صح انا مع البنات لاتحذفين المواد لأنك اذا بديتي وحذفتي بتتعودين وتقعدين كل مره تحذفين ومنتي مخلصه ع كذا، المواد سهله جدا وتافهه بالنسبه لمواد التخصص فتعودي ع المذاكره اول بأول وتعودي ع مذاكرة وتقسيم المواد الصعبه عشان اذا تخصصتي ماتتفاجأين ، اذا حذفتي بتضطرين تاخذينها اذا تخصصتي وانتي عندك مواد تخصص غير مواد عامه بيصير ضغط وزحمه وممكن تعارض اختبارين نفس اليوم والوقت، اهم شي الواجبات لاتستهيتين فيها هذي تنجح وترسب يعني جدا تساعد والعروض ، الحضور والغياب بعضهم يحطون عليه بونس اذا ماغبتي وهالشي يساعد حاولي تستغلين اي فرصه تزيد من درجاتك.

رد: استفسارات..
 

يارب الله يرضى عليكم ويوفقكم ويحقق لكم امانيكم يارب العالمين:love080:
شكرا من كل قلبي لكل وحده ردت في هالموضوع الله يبارك فيها وييسر لها امورها:rose:
جديا بديت افكر اكثر اني اخذ التسعه وبستخير ربي والله ييسر ويعين يارب

رد: استفسارات..
 

العفو حبيبتي
شوفي بالنسبة لي مدري عن غيري والله مواد الجامعه أسهل و أقصر بكثيررررر من المدرسة
يعني تخيلي كلها 15 محاضرة بس فرق عن كتاب كامل كنا نذاكره و ننكرف
و بعدين الميدتيرم اللي هو امتحان نصف السنه يجئ بجزئيه قصير يعني ثلاث أو اربع محاضرات بالكثير و عليه 30 درجه
يعني فرصه من ذهب تجمعين درجات
صدق كان فيه ضغط بس حطي برأيك أنها فترة و تعدي ان شاء الله و انك قدها
و الفراغ طول السنه فاضيه الواجبات مؤ كثيره يعني الماده ثلاث أو واجبين و مرات يطلبون بحث بدالها مؤ زي المدرسة واجبات يوميه و هذا أحلى شيء :53:
ما وصلتي للجامعة و قبلوك من بين الوف البنات إلا لأنك تستاهلين
الله ييسر لك و تكون من أحلى مراحل حياتك
و جازينا و جزاك الجنه يارب :004:

رد: استفسارات..
 

^
اها يعني مانذاكر الكتاب كامل اذا كان في كتاب وكذا؟
مشكوره ماقصرتي الله يوفقك:004: