|
رد: استفسارات بخصوص الجامعه
اول اسبوع دراسة مهم لكم غالبا مافيه محاضرات بس فيه دكاتره ويقولون ماراح ناخذ محاضره وتقعد تاخذ حضور وغياب وتعلمكم ع نظامها وكذا الاغلب يعني وبعضهم تستنيين نص ساعه وماجت ونطلع هذا اول اسبوع ! اول اسبوع زين لكم عشان تشوفون اماكن القاعات وتكتبونها وكذا وبالتوفيق
|
رد: استفسارات بخصوص الجامعه
الله يعطيكم العافيه ماقصرتو جزاكم الله خير ان شاءالله اذابدا الدوام وعندي استفسارعن المقررات والمواد بدخل على نفس ها الموضوع يعطيكم العافيه
|
رد: استفسارات بخصوص الجامعه
اقتباس:
|
رد: استفسارات بخصوص الجامعه
اكيد اول اسبوع مهم عشان تعرفون وين اماكن القاعات
لان بعد الاسبوع الاول تأخير ع المحاضره لو كم دقيقه يصير مشكله لازم الوحده تجي قبل الدكتوره |
رد: استفسارات بخصوص الجامعه
عندي سؤال :
وظيفة علم الاجتماع بعد التخرج مدرسة ولا ايش بالضبط ؟ |
رد: استفسارات بخصوص الجامعه
اقتباس:
اقتباس:
لا حبيبتي مو مدرسة، حتى لو تخصصتي لغة عربية أو دراسات ماراح تصيرين مدرسة، لازم تاخذين دبلوم تربوي بعد التخرج من الكلية. |
رد: استفسارات بخصوص الجامعه
اقتباس:
اما اذا ودك ب مدرسه حكومية لازم تاخذين دبلوم تربوي |
رد: استفسارات بخصوص الجامعه
اقتباس:
لا مش شرط مدرسه تتوظفين وظائف كثيره مجالات العمل لخريجين علم الاجتماع والخدمة الاجتماعية , , مجال الرعاية الاجتماعية (العمل في مؤسسات الضمان الاجتماعي - مؤسسات رعاية الأحداث - مؤسسات رعاية الأيتام - مؤسسات رعاية القاصرات ). مجالات النشاط الأهلي ( العمل في الجمعيات الخيرية النسائية - جمعيات البر الخيرية ) . مجال التنمية الاجتماعية ( العمل في مراكز التنمية الريفية والحضرية - جمعيات تنمية المجتمع المحلي - جمعيات حماية البيئة ) . مجال رعاية المعوقين ( العمل في مؤسسات رعاية وتأهيل المعوقين وتدريبهم). مجال رعاية المسنين ( العمل في دور رعاية وأندية المسنين). مجال رعاية الشباب ( العمل في إدارات رعاية الشباب بالجامعات - أندية ومراكز الشباب ). مجال رعاية الأسرة والطفولة ( العمل في مراكز التوجية والتنمية والأستشارات الأسرية - التعامل مع قضايا العنف الأسري والعنف ضد المراة - رياض الأطفال الأسوياء والمعاقين - أطفال الشوارع - الأطفال العاملين). مجال الدفاع الاجتماعي (الإرشاد داخل السجون - أندية علاج مدمني المخدرات والمسكرات). مجال التعليم ( التدريس - الإرشاد الطلابي في كافة مراحل التعليم ). مجال الصحة ( العمل في قسم الخدمة الاجتماعية بكافة المؤسسات الطبية - مراكز رعاية الأمومه والطفولة). مجال العمالي (الصناعة) العمل بقسم الخدمة الاجتماعية بالمنشئات الصناعية . مجال الهيئات الحقوقية (العمل في مراكز و هئيات حقوقية للمرآة والمعوقين وغيرهم). مجال الداخلية والقطاعات الأمنية والإصلاحات . مجال العلاقات العامة في المؤسسات الحكومية والخاصة . مجال القطاعات الإعلامية . هذي مقتبستها من موضوع كان في هالمنتدى:sm12: |
رد: استفسارات بخصوص الجامعه
مساء النور .. و ألف مبروك القبول :love080: بخصوص الأنظمه وكذا .. اللبس / - التنوره .. هو الأصل طويله بس الحين الوضع عادي بس ما تكون مره قصيره يعني ميدي تقريبًا , ولا تكون ضيقه -زي بعض البنات الله يهديهم لابسه تنوره و كأنها موب لابسه يعني لازم تبرز جسمها غصب- :):(7): - التيشيرت .. اهم شي ما يكون كت يعني الكم حقه موب مره قصير , و ما عليه رسومات-مره الامن كتبت بنت تعهد ولبستها العبايه طول اليوم- :(18): - بخصوص المحاضرات .. هو أول اسبوع دوامات مافي محاضرات و الأفضل تستغلي ذا الأسبوع ب معرفة اماكان القاعات -عشان ما تتوهقين وقت المحاضره وين مكانها- و ثاني اسبوع تبدأ المحاضرات 95 بالمئه ما يكون محاضرات -تعريف بالمقرر و الارشادات- و المحاضرات تبدأ 8-9:40 , 10-11:40 , 12-1:40 .. و بيدك تختاري متى وقت المحاضره .. و ايش بعد .... ايوه , الأوف بيدك تختارين الأوف , و موب اجباري كل ترم 9 مواد , حتى لو تختاري 4 مواد عادي جدَا بس يطول سنوات التحضيري , 9 مواد يعني عشان تخلصي التحضيري في سنه وحده :(299):.. *من ناحيت تجربتي باختيار المواد* اول ترم لي ب الجامعه ما كان عندي احد يفيدني بخصوص المواد و كذا , ف اخذت 9 مواد بس ليتني ما اخذت :sm18::18: .. كان ضغغط علي المواد الكثير و كل ماده دسمه , المخ ابد ما يرتاح و ضغط بالمحاضرات ولاكان عندي أوف , و حملت 3 مواد :18: ثاني ترم اخذت 6 مواد .. الله ي الراحه النفسيه , مواد قليله ولا في ضغط علي , و التركيز مستمر , و عندي أوف :(276):.. اللي استفدته من ناحيتي موب شرط اخلص الجامعه بدري اذا مافي راحه نفسيه .. ولا اني اخذ مواد كثير و احمل منها و ينزل معدلي ع الفاضي .. اخذ مواد قليله اكون مرتاحه فيها و بالعكس المعدل ارتفع ولا حملت المواد بفضل ربي :love080: .. المكافأه .. اول ترم تنزل الكافأه و اول شهر لك تنزل دبل -دفعتنا صارت معهم كذا , الدفعات اللي قبل ما ادري وش وضعهم- , عشان المكافأه تستمر معك لا تجيبي معدل أقل من 2 , لان معدل اقل من 2 توقف المكافأه عنك :sm4::18: .. الدراسه .. بجد بجد لا تستهتروا كثير -استهرت- اول ترم الجامعه تكون روتين جديد للبنت و ما تعرف شي وقتها , و تكون مبسوطه انها انقبلت و كذا لدرجة تسحب ع المحاضره و تفلها مع البنات , تدخل المحاضره متأخر , تحرم من الماده يكون عندها عادي :(307): بس لا جت وقت الاختبارات وقتها تحس بتأنيب الضمير , ودها ترجع أول الدراسه و تشد حيلها .. احرصوا الدفتر و القلم معكم دايم .. سجلوا الاشياء المهمه , خططوا ع الكتاب باللي مهم , لا صعب عليك شي اسالي الدكتوره الين ما تفهمين , انشطتك سلميها بوقتها , واجباتك لا تقصري فيها . . بعض الدكاترته شرحهم يجيب النوم و مدري شلون ف البنت وقتها *وينك ي البي بي :16.jpg:* -تسويها- ف اتركوا ذا الشي عنكم و ركزوا بالشرح >> اسألوا مجرب :sm12: .. اممممم و ايش بعد :(133): الزبده احس كل شي كتبته بس في شغله رافعه ضفطي .. يرحم امكم بما انتوا باقي تحضيري , تكفون تكفون مكياج الزواجات ما نبيها يرحم امكككم :Cry111: و شسمه حركات التميلح و يعنني ألفت النظر ترا موب حلوه :(118): و بس :29: .. و بالاخير ربي يوفققققكم دوم , و تجيبو اعلى النسب , و يحقق مطالبكم يارب :1::1: ^ و بخصوص كل كلمه كتبتها ذي اللي اشوفه من ناحيتي انا ما جبت ذا الكلام من الاداره و كذا , بس اللي متاكده منه الكلام الي كتبته هو اللي اشوفه و صح :(73)::(105): و متأسفين طولنا عليككم :(128)::(60): |
رد: استفسارات بخصوص الجامعه
اهلين بنات حتى انا إن شالله السنه ذي تحضيري في كلية الاداب ومو عارفه شي مادري احس بضيع. اول يوم
اذا شفتو وحده ضايعه اعرفو انه انا :smile: |
| All times are GMT +3. الوقت الآن حسب توقيت السعودية: 02:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام