ملتقى طلاب وطالبات جامعة الملك فيصل,جامعة الدمام

ههههههههههههه شر البلية ما يضحك والله

يا اخوان في كليه يدرسون سمستر كامل وانتهى السمستر وبدينا السمستر الثاني وما استلمنا الا مكافأه وحده ؟؟؟

والله مهزله

من شهر 10 / 1430 هـ الى شهر 2 / 1431 ما نزلت الا مكافأه وحده فقط ؟؟؟

يعني كم شهر ؟؟ اربع شهووور ما استلمنا الا حق شهر واحد ؟؟

ازيدكم من الشعر بيت انا قبل ما تنزل المكافأة كنت اراجعهم ويقولون لي مو من عندنا من المؤسسة العامة ودخلت موقع الموسسة واخذت رقم شخص اسمه عصام تبع المكافأت ويوم كلمته وقلت له السالفه انو من اربع شهور ما استلمنا ولا مكافأه قالي روح للأستاذ سعد اليمني وخليه يتصل علي لانه لازم الكلية ترسل لنا خطاب على شان نحولها على حسابكم ورحت للأستاذ سعد اليمني والله يا اخوان جلسة في انتظر عند السكرتاريه من الساعه 10 الصباح الى الساعه 2 الظهر ومعي مجموعة من الطلاب واخرتها طلع لنا الاستاذ سعد وكان على عجله وانا اكلمه ما اخذت منه لاحق ولا باطل وقالي انا مالي دخل روح للصندوق بالله هذا رد وكيل كلية ؟؟

ماعلينا كلمة الي في الرياض وقالي خلاص خل الاستاذ عدنان الدوريش يكلمني لاحظو ان انا طالب في الكليه وصاير وسيط بين المؤسسة العامة للتدريب المهني والتقني وبين كليتنا << والله مسخره

المهم ماعلينا رحت للأستاذ عدنان الدرويش وجلست عنده لما دق على الاستاذ عصام الي في المؤسسة
وبعد ما دق عليه اتضح لي ان الاستاذ عصام طلب من الاستاذ عدنان خطاب على شان يحولون لنا المكافأة وحرص عليه انه يرسله اليوم وبعد ماقفل منه مشيت انا ومر يومين ولا نزل شي اتصلت على عصام وقالي للحين مارسل لنا شي ورجعت للأستاذ عدنان وماحصلته المهم بعد مرور يومين تكرمو ونزلو لنا مكافأة شهر وااحد بس

ووصلني علم والله اعلم ان المكافأة يتم استثمارها في الاسهم وبعدين ينزلونها لنا يعني ياطلاب الكلية التقنية اذا تبون تعرفون المكافأة نزلت ولا لا يوميا تابعو العربيه واذا السوق مرتفع يعني بتنزل المكافأة واذا نازل يعني مافي مكافأة اليوم ههههههههههههه

وربي هذا الي حاصل

وانتو عارفين سوقنا ماشاء الله يوم اخضر وشهر احمر

الله يعين بس

بالنسبه يا اخوان الي يبي اي رقم مسؤول في المؤسسة العامه يراسلني ع الخاص وابشرو بعزكم

والله يوفقنا واياكم

ودمتم بود :)