|
رد: أقبلْ رعاكٍَ الله وأتحفني برأيكٍَ
انا من رأي انك تستخير وتفوض أمرك الئ الله وبإذن الله راح تختار الافضل لك بالتوفيق للجميع
|
رد: أقبلْ رعاكٍَ الله وأتحفني برأيكٍَ
أخ علي
اذا انت داخل التخصص عن رغبه حرام تترك رغبتك لأجل ان طلاب قسم ثاني اكثر !! وشوف الحين قسم دراسات إسلامية مستوى رابع وخامس صدق أنهم قليل بس أمورهم ماشيه ولله الحمد والمنه وشوف إحنا مستوى خامس تخصص علم اجتماع صدق ان إحنا كثار بس وقت الاختبارات ما تلقى إلا ثلاث او اربع أشخاص وأيام اقل يحلون ويتعاونون ... يعني لا تاخذ الكثر مقياس للتعاون وانت قبل التحويل أستخير وربي يعينك وييسر لك ويحقق لك مرادك فالك التوفيق |
رد: أقبلْ رعاكٍَ الله وأتحفني برأيكٍَ
وعليكم السلام ورحمة الله وبركاته ..
اخوي علي , قبل كل شي .. انت ليه اخترت دراسات ؟ هل لك رغبه وميول لهذا التخصص ؟ تحب تدرس هذا التخصص ؟ اذا تبي تتخطى كل العقبات اللي تواجهك وكل الضغوط الدراسية وتنجح لازم تكون مقتنع بتخصصك وحابه .. لاتقول هنا ناس كثير بروح معهم , وجهّ نفسك حسب رغبتك واقتناعك : انا بنفسي اوقات اطفش من التخصص والدراسه واقول بسحب لكن طالما عندي حاجه ودي احققها هذا الشي اللي راح يخليني اتمسك بالدراسة , ومايهمني مين معي اوقات تكون مع ناس كثير وتهقى انهم بيساعدونك , لكن تتفاجئ ان الكل ممكن يخذلك , فلا تعتمد على احد / ومثل ماقالت اختي نوره .. صحيح حنا علم اجتماع والاعضاء ماشاء الله كثييير لكن وقت الجد مانلقى الا القليل ماصرنا نستغرب اذا ماكان معنا الا 1 او 2 او بالكثير 4 .. والزوار اضعاف مضاعفه .. واللي متخصصين دراسات الاسلامية اقل من عددنا لكن مازالوا متعاونين رغم قلتهم .. .. نصيحتي لك .. 1- اقتناعك ورغبتك اولاً .. 2- الاستخاره .. .. انا ماقدر اصوتّ لان هذا قرارك , |
رد: أقبلْ رعاكٍَ الله وأتحفني برأيكٍَ
اترك الرد في وقت لاحق ...... من هنا
|
رد: أقبلْ رعاكٍَ الله وأتحفني برأيكٍَ
انا من رايي انك تستخير
الدراسات احسها حفظ كلها اما علم الاجتماع بعض المواد احسها اشياء تحتاج تفهمها بس وانت وميولك وافضل لو انك تدخل قسم ينفعك في وظيفتك |
رد: أقبلْ رعاكٍَ الله وأتحفني برأيكٍَ
ماشاءالله تبارك الله ..
ماقصروا الزملاء ،، كل واحد منهم أبدا رأيه .. لماذا الاستطلاع ؟! هل من أحد يختار لك الخيره بعد الله >< أنت تأخذ آراء فلماذا التصويت :icon9: ،، لايغرك كثرة السالكين للتخصص ،، واسلك طريقك باختيارك .. أكرر بعض النصايح اللي قالوها قبلي .. أولاً الاستخاره واللجوء إلى الله .. ثانياً ألزم الاستغفار فإنه طريق نجاتك .. ثالثاً المشوره ،، ،، أخي العزيز أعلم أنك من اخترت الطريق ،، فلا تضعف بماتراه ،، كافح ، اجتهد فالتوفيق يأتي من الله أولاً .. يقولك المثل "مايعينك إلا يمينك" وأنا أشوف تخصص دراسات مرره ممتاز ،، وانصت لقوله تعالى: (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) #حسبي الله لا إله إلا هو عليه توكلت وهو رب العرش العظيم .. |
رد: أقبلْ رعاكٍَ الله وأتحفني برأيكٍَ
السلام عليكم ورحمة الله وبركاته
اخوي علي / دامك محتار فالافضل لك ( صلاة الاستخارة ) |
رد: أقبلْ رعاكٍَ الله وأتحفني برأيكٍَ
عندما دخلت علم اجتماع الكل لامني
قالوا تخصص ماله مستقبل قالوا لي ليه مادخلتي اداره اعمال او حاسب لانه مرغوب باي مجال عملي قلت اداره اعمال كله انجليزي ورياضيات وانا ماني فالحه بهذا التخصص والحاسب مانزلوا تخصص له واما انت فالاخوات دلوك على طريق الرشاد وهو الاستخاره منها عباده ومنها خيره يختارها الله لك واسال الله التوفيق للجميع |
رد: أقبلْ رعاكٍَ الله وأتحفني برأيكٍَ
الله يكتب لك وللجميع اللي فيه الخير وانا مثلك اخوي علي وربي للحين احس اني محتاره :verycute: سألت امي قالت استخيري وبعدين قالت لي الدراسات راح تفيدك في الدنيا والاخره <<وحنا نعمل للاخره وانا والله للحين احس اني مرتاحه لدراسات بس البنات خوفوني وخربو علي في نفس الوقت :000:قالوا انو الدراسات مالها الا مستقبل واحد مدرسه ويمكن تنقبلين ويمكن لا انصحوني ادخل علم اجتماع وعلم الاجتماع له مستقبل كثير يعني اقدر اشتغل في اي وظيفه:cheese: وانا قلت لهم انو مالي رغبه فيه بس بدخل عشان مستقبلي <<وماادري شنو المواد اللي فيه والله :icon9: |
رد: أقبلْ رعاكٍَ الله وأتحفني برأيكٍَ
بالنسبه ليي انا لو مكانك بختار التخصص اللي انا احبه واحس نفسي ابدع فيه وارتاح له ويناسبني من جميع النواحي انت قارن بين التخصصين شوف جميع المواد اللي بالقسمين حاول تبحث بنفسك وعن ايش تتكلم هالمواد؟وشوف نفسك ترغب لأي اكثر؟ ولازم تشوف المستقبل الوظيفي وانا اقصد بهالشي انت شنو تبي تشتغل بالمستقبل شنو الشغل اللي تحسه يناسبك؟شنو تبي تكون بعد ماتتخرج واذا عزمت سوي خيره عشان ترتاح
انا متخرجه علمي اساسا وانقبلت انتظام بالتخصص اللي قريب من اللي ابيه بس حسيت نفسي فجأه ان التخصص مايناسبني ابدا من ناحيه الوظيفهب المستقبل فانسحبت تقريبا سنتين وانا اسجل بالجامعات ومرتين سحبت دائما كان عندي لخبطه باختيار التخصص كنت موعارفه وش ابي او اللي ابيه بالضبط مانقبل فيه او انقبل بس بعيد وغربه ومابي اتغرب وراح علي التسجيل بالجامعات للأنتظام للسنه الثانيه وبعدها تعرفت على علم اجتماع وحاولت اعرف مواده عن ايش وشنو الوظايف المتاحه لهاتخصص وصراحه حبيته وحسيته ناسبني وسجلت فيه بالرغم انو الأغلب يقولي ليش هالتخصص وليش ماخذتي غيره وموكويس وحصلت انتقاد من اهلي لين جلست ابكي بس ماهمني احد دام اني مقتنعه باللي ابيه ومرتاحه له وبالنهايه خليت اهلي يقتنعو بالتخصص ههههه والله مايضيع تعب احد والحمد الله |
| All times are GMT +3. الوقت الآن حسب توقيت السعودية: 01:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام