ملتقى طلاب وطالبات جامعة الملك فيصل,جامعة الدمام - اسئلة مراجعة الطريقة الصحيحة لمُذاكرة الإستماع والتحدثّ

اخواني اخواتي هنا رد مقتبس للاخت
جوليانا القصيم من موضوع سابق بنفس
سياق هالموضوع افادني كثير الله يوفقها
ويفرج كربتها وخصوصا اللي مو عارف من
وين يبدا او كيف يذاكر دعواتكم لنا بالتوفيق
وفالكم التوفيق و a+ باذن الله ..

اقتباس:

المشاركة الأصلية كتبت بواسطة جوليانا القصيم (المشاركة 9955652)

بقول لكم اللي اعرفه دام ماحد رد.. يمكن افيدكم لانه لازم نتساعد على هالمواد الدسمه ونختصر الوقت ..

1- المحادثه اللي هي : conversation
هذي طبعا لازم تستمع للدكتور وهو يقراء المحادثه اللي تكون بين شخصين وفيها فراغات وتشوف شكل الكلمات وطريقة كتابتها يعني اذا جت الكلمه بالاول يصير الحرف كبتل والاسماء دايم اول حروفه كبتل وكذا واكتب معه اذا حبيت عشان يرسخ شكل الكلمه كانك من النوع اللي ينسى ...

2- الكلمات: تحفظها وتعرف معناها بالعربي: اريح لك تحفظها عشان لاجت بالاختبار على طول تعرف جوابه وتعرف وش يقصد أي كلمه بالضبط ..

3- previewing vocabulary = هذي استعراض المفردات تحفظ الكلمه و المعنى

يعني كلمه بالانقليزي ولها معنى اخر بالانقليزي بعد يشرحها ..... بالاختبار يجيب معنى الكلمه وانت تعرف أي كلمه يقصد .

4- reductions اللي هو تصغير الكلمه او قراءه بالعامية

مثل where are you تصير بالعاميه whe're ya

هذي يجيبه الدكتور بالعاميه وانت تعرف الكلمه الاصليه

طبعا انا تصفحت الملزمه وشفت فيها رموز اختصارات( لكتابه الملاحظه ) وهذي تحفظ شكل الرمز واسمه بالانقليزي ..

ــــــــــــــــــــــــــــــــــــــــــــــــــ ــــــــــــــــــــــــــ

( حمل) من المواضيع المثبته ملخص الكلمات والترجمه .. مع ملخص المعتقل هذي لوقت الاختبار تختصر عليك الوقت .. والقطع اخرالكتاب بعد كل المحادثات فيها ..

وانت افتح المحاضرات هالايام وامش مع الدكتور وحل معه بكذا يسهل عليك يوم الاختبار ماتصير مضغوط بس يصير تركز على الكلمات والمحاداثات والتمارين لان ماعندك وقت تسمع كل المحاضره ..

وهذى محتوى للعضوه nsayim بحطه لكم يمكن يفيدكم عشانه فيه ترجمه .. بس ترى البنت حاذفه الصفحات اللي مامر عليها الدكتور بشرحه بالمحاضره ... وفيه بعض الامثله ماحلتها تقدر تحلها من الدكتور وبعضها من صفحات اخر الكتاب

وبحط لكم الصفحات اللي باخرالكتاب ,, لانه فيه قطع يقرها الدكتور بس موجود التمرين حقها ... تحل معه وانت تسمع واذا بتشوف القطعه اللي يقرى منها تلقها اخر الكتاب ...

...اتمنى اني افدتكم وان شاء الله فهمتوا علي .. دعواتكم لي بتفريج كربتي .. :icon19:

وادري هالسنه مع هالمواد وكثرت المحتويات الواحد مايدري وش يركز عليه وش يخلي ..

الله يعين بس ويوفقنا ويسهل علينا يارب ..

هذا رابط موضوع القطع
http://www.ckfu.org/vb/t514018.html

والمحتوى ل nsayim ترجمه مبسطه ومتابعه مع شرح الدكتور تحت بالمرفقات

موفقين يارب وفالكم النجاح :icon19: