ملتقى طلاب وطالبات جامعة الملك فيصل,جامعة الدمام - زمان أول أحس إنه زمن فيه صدق شعــور

رد: زمان أول أحس إنه زمن فيه صدق شعــور

في الماضي الفطور مع بعض و الغداء مع بعض و العشاء مع بعض

الان كل لوحده

الغداء على الطاوله و من جاء نكب الاكل و اكل

و العشاء نفس الشي او من المطاعم و الفطور من زمان عنه

رد: زمان أول أحس إنه زمن فيه صدق شعــور

رحل ذاك الزمان ولم يعد يتبقى منه
سوى أطلال وذكرى نسترجعها كل
ما دق ناقوس الحنين ..

متصفح يدغدغ أوجاع الحنين لأيام مضت
ولن تعود ... شكرآ لك عزيزتي لروعة الطرح
تقديري لك

رد: زمان أول أحس إنه زمن فيه صدق شعــور

موضوع جميل يالغلا...
الحين اللي تغير مو الزمن البشر اللي تغيروا بسبب ضغوطات الحياه..
الله يكتب لنا ولكم كل خير
:16:

رد: زمان أول أحس إنه زمن فيه صدق شعــور

ياليت ان الزمن يرجع ورى ولا الليالي تـدور
… ويرجع وقتنا الأول وننعم فـي بساطتنـا

زمان اول احس انه زمانًًًًٍٍ فيه صـدق شعـور
… نحب ونخلـص النيـه وتجمعنـا محبتنـا

زمن ما فيه لا غيبـه ولا حتـى نفـاق وزور
… ياليته بس لو يرجع ونسترجـع طفولتنـا

صغار قلوبنا بيضا نعيـش بعالـمٍ محصـور
… ولا نعرف ابد اغراب ما غير عيال حارتنا

صحيح صغار فالتفكير لكن ماعلينـا قصـور
… نخطط نكسر اللعبـه وتسعدنـا شقاوتنـا

نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا

وعشان نأخر الحصه نخبـي علبـة الطبشـور
… نشاغب بـس فالآخـر تميزنـا برائتنـا

نحب الضحك والهيصه نحب انط فوق السـور
… نفرفش ليه مانفرفش مدام الضحك عادتنـا

كبرنا وصارت الدنيا تصف أحزاننـا بالـدور
… وتهدينا الألم والهم غصب عن عين رغبتنا

تعبنا من بلاوينا أحـد ضايـق وأحـد مقهـور
… وكـلٍ غـارق بهمـه وفالآخـر تشتتنـا

وانا ما أقول غير الا حـلالاه الزمـان يـدور
… ويرجع للورى فتره نعّدل وضع عيشتنـا

ياليت ان الزمن يرجع ورى ولا الليالي تـدور
… ويرجع وقتنا الأول وننعم فـي بساطتنـا:24:

رد: زمان أول أحس إنه زمن فيه صدق شعــور

الماضي لم يتغير (حتى وإن تغير شكلياً )
النفوس تغيرت (لم أقل العقول )
فالإنسان حتى لو تقدم في عقله ستبقى (نفسه طيبه )
لكن تغيرت نفسه وملئها الحقد والكره والرأسماليه والمصالح المعنويه

حلاة الشيء ندرة وجوووووده والنفوس لن ترجع إلا بالنية الصادقه

بورك فيك