ملتقى طلاب وطالبات جامعة الملك فيصل,جامعة الدمام - جميع التخصصات كل شيعيه تدخل لاهنتوا

السلام عليكم و رحمه الله و بركاته ...
في البدايه: أنا طبعاً شيعيه. من قال لك إن في أحد مجبور على إنه يعتنق المذهب الشيعي؟ سمعتي أحد من الشيعه قال هذا الكلام؟ أنا شيعيه و أفتخر إني شيعيه و ماراح أفكر في يوم من الأيام إني أغير مذهبي. صدقيني ترى أغلب الناس معتنقه المذهب عن قناعه و ليس إجبار. إذا كنت إنت سمعتي الكلام من أحد إن هذا إجبار فإنتبهي إلى مصادرك اللي تسمعي منها و نصيحه خذيها مني لا تصدقين كلام إنت ماشفتيه و بحثتي فيه بنفسك. أنا أعرف الإختلاف بين مذهبي و مذهبك لكن هل إنت تعرفي ليه أنا شيعيه أو ماهو الإختلاف الحقيقي بيني و بينك؟
إذا كنت تقولي إنك متأكده إني ماذقت طعم السعاده فتأكدي إن هذا الكلام صحيح لكن مو لأني شيعيه ، لا . ماذقت طعم السعاده من التفرقه اللي أشوفها كل يوم في كل مكان. إنت بنفسك قلت إن الإسلام دين حريه، ليه تحبون دائماً تجبرون الناس على اللي إنتوا مقتنعين فيه؟
بالذمه إنت قرأت عن الشيعه في كتبكم لكن هل قرأت عن الشيعه في كتبهم هم؟ لمى تسمعي من مصادر غير شيعيه كيف راح تتأكدي إن الكلام اللي يقولوه صحيح؟ هل فكرت يوم إن هذا إفتراء عليهم أو هل حاولتي تثبتي صحته؟ طبعاً لا لأنك بإختصار تاخذين اللي تسمعيه كأنه مسلمات. خذيها نصيحه مني:" كفاك كذباً أن تحدث بكل ماتسمع" إتأكدي و إفهمي اللي حولك قبل ماتتكلمي ترى إنت محاسبه على كل شئ تقولينه و تسويه.
شئ أخير: إنت تمثلي مذهبك. و الكلام اللي تقوليه و الطريقه اللي تتكلمي فيها تعكس مذهبك للناس. يعني بصراحه، إذا كان كرمك فظ يعني هذا راح يعكس مذهبك و بصراحه مروا عليّ أخوات مايقولون الصدق و إذا كان مذهبهم مايخليهم يصدقوا في كلامهم فأكيد ماراح أفكر في يوم من الأيام إني أعتنق مذهب أتباعه غير صادقين.

مع كل الود و الإحترام: خاتم سليمان