ملتقى طلاب وطالبات جامعة الملك فيصل,جامعة الدمام

- إدارة أعمال 3 (https://vb.ckfu.org/forumdisplay.php?f=244)

- - وش المقصود بمعادلة المواد (https://vb.ckfu.org/showthread.php?t=355584)

رد: وش المقصود بمعادلة المواد

اقتباس:

المشاركة الأصلية كتبت بواسطة %كل الغلا% (المشاركة 7002383)

والله مواد واجد درستها بجامعة نورة بس على بالي مقدر اعادلهم لانه انطوى قيدي فيها

بالنسبة للعقيدة مثلا والانجليزي من المستوى اللي راح مابعد درستهم يمديني اعادلهم ولا لازم قبل السمستر ؟
وكيف النظام لما اطلب من الجامعة السابقة هالاوراق اتوقع بيعلون قلبي ويمكن احصل شي ويمكن لا خصوصا انها من زمااان ولا وشلون؟؟

بسيط الامر
اول شي شوفي متى وقت معادلة المواد حسب التقويم الدراسي تنتهي المعادلة 28-10-33
ثاني شي روح لجامعة نورة شئون الطالبات سلام وعليكم السلام قولي عطوني سجل اكاديمي او سجل بالمواد اللي درستها عندكم
بتقول لك اووووه انتي تدرسين عندنا قولي لها ايون كنت ادرس عندكم بتطلب منك اما السجل المدني او رقم الجامعي خليك محضرتهم معك اذا بتروحين

في ملاحظة بسيطة بعض الجامعات والكليات المحترمه تحتفظ بسجلات الطلاب المنسحبين عندها فترة طويلة تقريبا 10 سنوات بعدين تحذفهم من النظام
ونقول ان شاء الله جامعة نورة محترمه وماحذفت معلوماتك

بعدها تاخذين السجل وتسوين له سكان وتعادلين المواد اللي مادرستيها
المواد اللي اخذتيها ودفعتي فلوس ونجحتي نصيحة لاتعادلينها لانها خلاص ماعاد فيها فايدة

موفقه:rose:
واتوقع لى

رد: وش المقصود بمعادلة المواد

سجل اكاديمي او سجل بالمواد اللي درستها عندكم

^
بس السجل الاكاديمي بدون وصف للمقرر تمت دراسته ؟!

رد: وش المقصود بمعادلة المواد

اقتباس:

المشاركة الأصلية كتبت بواسطة ساررا (المشاركة 7011087)

سجل اكاديمي او سجل بالمواد اللي درستها عندكم

^
بس السجل الاكاديمي بدون وصف للمقرر تمت دراسته ؟!

اي صح الوصف نسيته اذا عطوك خير على خير
ماعطوك تراني معادل 10 ساعات والوصف حق المواد اللي قدمته الله بالخير
ناقشه من موقع الكلية ومرفقه بملف وورد
لاتخلين الوصف ياخرك عن طلب المعادلة

موفقه

رد: وش المقصود بمعادلة المواد

اخاف انقشه من الموقع ويسحبون علي ولايعادلون لي لانهم يبون كل شئ مختوم ..

رد: وش المقصود بمعادلة المواد

اقتباس:

المشاركة الأصلية كتبت بواسطة ساررا (المشاركة 7018698)

اخاف انقشه من الموقع ويسحبون علي ولايعادلون لي لانهم يبون كل شئ مختوم ..

اذا قدرتي تاخذين شي رسمي زين على زين
ماقدرتي تاخذين شي رسمي خذي من الموقع
لاني انا ماخذها من الموقع وبدون ختم وعادلوا لي عشرة ساعات