|
رد: اللي دخل اختبار التأهيلي يدخل يقول تجربته
السلام عليكم بصراحة الدراسة في التاهيلي لا تعوض متعة فوق الخيال واسئلة الاختبار سهلة جدا جدا انا دخلت الاختبار واجتزت بنسبة فوق 90 % بتوفيق من الله وفقكم الله |
رد: اللي دخل اختبار التأهيلي يدخل يقول تجربته
المشكله حتى المدرسات يهولون الموضوع
توكلي على الله وداكري وحفظي الكتب ولا تسمعين الى كلام احد ترى البنات الى يقولون عن نفسهم دوافير في النهاية مايدكرون انا اعرف كم وحده منهم سقطوا لانهم مايداكروا وحنا نجحنا في المدرسة وكانت من الرئاسه ولعلمك ترى الي يحط الاسئله ماهو متخصص في المواد:o3: اي الاغلب تكون مباشرة الاسئلة |
رد: اللي دخل اختبار التأهيلي يدخل يقول تجربته
نتمنى لك النجاح بالدنيا والآخره
الأخ(حمودي المملكة ) ماقصر كفى ووفى انا عندي تجربة قوية بالتأهيلي ونجحت بالأختبار الثاني ولله الحمد مع ملاحظة أن الاختبار الثاني أسهل بكثير من الاول (وانشالله ماتحتاجين اختبار ثاني) ودرجة الاجتياز في الاختبارين الاول والثاني 40 الأختبار فيه80 سؤال ومدة الإختبار ساعتين تنبيه مهم: لاتضيعين وقت بالسؤال الواحد لان مدة الاختبار ساعتين واستعيني بالله وانشالله تعدينه بالراحه |
رد: اللي دخل اختبار التأهيلي يدخل يقول تجربته
أسألكم بالله الي عنده بعض من أسئلة الهيئة يتذكرها لا يبخل علينا بها الله يجزاكم كل خير
ويحرم وجوهكم عن النار |
رد: اللي دخل اختبار التأهيلي يدخل يقول تجربته
مرحبا انا دخلت اختبار الهيئة وحابة اقولكم عن تجربتي كنت شادة حيلي كل يوم ادرس اول باول كنت ضاغطة على فسي كثيير وميتة من الخوف بس جد كان ضغط مو طبيعي اللة يعينكم كلة امتحانات وقلق بس الحمدللة عديت من الخوف مانمت زين قبل الامتحان ومرضت انا طبعي احاتي واشيل هم بس كانت حلوة الاسئلة و فيها معلومات عامة من برة مثل مادة تستخدم لنظيف المسبح الاجابة الكلور مو موجودة بالكتاب رياضيات ماحليت الا كم سوال لاني مااحبة من صغري حليت انجلش اوكي واحياء وكم مسئلة كيمياء وفيزياء وماقدرت اغش القاعات الثانية الفلبنيات يغششون البنات يحليلهم مبسوطين انا:g8: حظي مو حلو قاعتي مافيها تغشيش والفلبينية خايفة من السعودية الي معنا وخوياتي كلهم مع بعض غش على كيف كيفك :g8:كنت لحالي واتفقت مع وحدة تساعدني واساعدها شاطرة سحبت علي سيفون اللة يسامحها و كنت ارجف من الخوف بس حاولت قد مااقدر احل وانا اعتمدت على نموذج لقيتة حق سنة من قبل ولا جا منة ولا شي يقولون طلع اولا حفظتة صم ولا جامنة ولا شي قهر وهم 40 سوال واذكر سئلنا شباب برة كانوا توهم طالعين من الامتحان يزعطون يقولون سهل احنا شباب فاشلين حلينا اكيد انتوا بتحلوا بنات شطار والحمدللة بس اذكر خويتي كانت طالعة من الامتحان مبسوطة وتقول اوكي الحمدللة انشاللة بنجح واثقة انصدمت انها مانجحت وفي بنات عادوا ونجحوا بس الاعادة 500 زيادة اهم شي الفلوس بس هذي تجريتي اللة يوفق الكل وينجحكم وتعدوا اتعبوا شوي وبترتاحوا:bye:
|
رد: اللي دخل اختبار التأهيلي يدخل يقول تجربته
مشكووووووورين كلكم على اهتمامكم :119: واتمنى من الله انه يوفقني و اجتاز المرحله المرعبه وجيكم واحكي قصتي وان شاءلله تكون قصه سعيده
دعواتكم لي بتوفيق :Cry111: |
رد: اللي دخل اختبار التأهيلي يدخل يقول تجربته
لا ما عليك .. التأهيلي مو بهذيك الصعوبة .. وتراه للمعلموية ( نصبة بنت كلب .. وطبخة بين الهئية السعودية والمعاهد الخاصة .. وكان ربك بالسر عليما ) .. :064: :064:
المهم توكلي على الله ... ومن الاساس حط براسك فكرة .. الاختبار االاول بيكون صعب وشبه خيالي ( وبحركة مقصودة :mh19: ) ... لكن الاختبار الثاني إن شاء الله بيكون سهل ... طبعاً بعد الدعاء : اللهم لا سهل الا ما جعلته سهلا ... وكان ربك بالسر عليما |
رد: اللي دخل اختبار التأهيلي يدخل يقول تجربته
الله يوفق الجميع:g20:
|
رد: اللي دخل اختبار التأهيلي يدخل يقول تجربته
مشكوووووووووووووووورين الله يوفقكم وياليت تدعولي بتوفيق واجتاز المرحله هذي
|
رد: اللي دخل اختبار التأهيلي يدخل يقول تجربته
:066:
السلام عليكم ورحمة الله وبركاته : في البدايه أهني من صميم قلبي الي يدخل اختبار التاهيلي وينجح ودخلنا الاختبار اكثر من 400 طالب من الاكادميه ولم ينجح الا 3 من انحاء الرياض واغلبهم من معهد طب الطواري انا كنت من اول الناس الي اختبر بالهيئه وبصراحه تجربه سيئه جدا جدا وغير كذا تنحول عيونك وانت تناظر الورقه وحاطين الانجليزي اول شي لجل يخلونك تنحول من جد :hahaha_2008: والاختبار الثاني للاسف ماعدينا بس مثل مايقولون الثالثه ثابته والاكادميه ماقصرو خلونا ندرس مجاني من جديد يعني بدون دفع رسوم بما انا ضحايا عدينااااااااااا:hahaha_2008::hahaha_2008: المهم بالموضوع وبصراحه اول اختبار يمكن تقولون يبالغ بالحكي بس كانت اصوات البكاء بالقاعات شي غير طبيعي وخاصتا من البنات وكل يكسرون الخاطر :hahaha_2008: بس بعدها عملو لنا ورشات عمل للاختبارت وعلى اختبارت الهيئه بالذات يعني اختبارت الهيئه الي يعطونكم الاكادميه احفظها زي الاسم ومن كثر ماني مقهور من الاختبارت السابقه حتي الاكادميه ماحضرتها لان قلت هذا شيئ مستحيل اجتيازه بس قلت خلني امر على الاكادميه واشوف وش جديدهم :000::hahaha_2008::hahaha_2008: ويوم جيتهم لقيت الاخوان المستجدين وسالوني توك مسجل وكذا ومن هالاسئله عاد رويت لهم القصه ومعاناتي والله بعضهم باين بعيونه الخوف وبعدها قالوا الاساتذه وزعو علينا اوراق ماخذيتها وضحكت ما ادري وش سبت هالضحكه بس قلت هذي الاوراق تصبيره عن الصدمه ومريت الاساتذه وخذيت نسخه وقلت يالله خلني اروح والاوراق بالسياره لين قبل الاختبار بثلاث اسابيع بس 70% من الاوراق جاء حرفين ونفس الاسئله ولا عاد الفيزيا جيت نفسها بس تتغير بعض الارقام ولا نفس طريقة السؤال ونصيحتي للاخوان والاخوات :066::066::066: هي : خلوكم مع بعض واي واحد يراقب لكم بالقاعه نادوه واسئلوه وطبيعي بيعطيك اجابه واهم شئ كثرو من اسئلة الانجليزي لانهم اكثرهم يفهمون بالانجليزي ويغششون ويساعدون بس اذا جاك المراقب خلك تتلطف له يعني انتم اخبر :hahaha_2008: ان الاوراق الي تاخذونها احفظوها زي اسمكم وانشاء الله تتسهل وهذا الكلام عن تجربتي الشخصيه بس ياويلي بعد الاختبار من الناس الي طلعوا ويقولون سهل وسهل وبالاخر لقيتهم زعلانين بالاكادميه ومدري ايش يعني لاتتفائلون كثير وتقولون سهل وتذكروني بايم الثانويه :hahaha_2008::hahaha_2008:لان بس تطلعو من الاختبار تحس يالله شي سهل جدا بس المصيبه الاكبر يوم تجي وتسالون عن النتائج بتبكون اكثر من الفرحه الي بعد الاختبار :011::011: ودعواتكم لي الان باجتياز اختبار الهيئه الجديد حق التصنيف المهني :000::000: |
| All times are GMT +3. الوقت الآن حسب توقيت السعودية: 01:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام