ملتقى طلاب وطالبات جامعة الملك فيصل,جامعة الدمام - هنا رفع شكوه علئ صعوبه الموارد البشريه

صفحة 2 من 12

الأخيرة »

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 4 (https://vb.ckfu.org/f327)

- - هنا رفع شكوه علئ صعوبه الموارد البشريه (https://vb.ckfu.org/t334806.html)

جبرني الشوق

2012- 5- 20 06:56 PM

رد: هنا رفع شكوه علئ صعوبه الموارد البشريه

معليش الي مسوي فاهم يليت مايرد ترئ كل شخص له ضروفه والاسئله صعبه وانا ذكرت ولا فهمت شي الحس مخي يليت نكون يد وحده ترانا طلاب انتساب ليش الصعوبه ولف ودوران

والله حرام حتئ خطه دراسيه مافي وصيفي مافي مو من ابسط حقوق نعرف كم باقي لنا ساعه وش المواد الي تبقئ

كل الجامعات عندهم صيفي الئ احنا والله ظلم

يا نجار شف لك حل وساعدنا..

ناسي اسمي

2012- 5- 20 06:57 PM

رد: هنا رفع شكوه علئ صعوبه الموارد البشريه

انا كنت اقول مثلك بعد الاختبار لكن يوم رجعت وحليت الاسئله عن طريق الملخص ولقيت الاجوبه بكل سهوله

اقدر اقول انا الاسئله كانت في متناول اليد وخمس اسئله فقط اللي مالقيت لها حل بالملخص

فروحه 2011

2012- 5- 20 07:00 PM

رد: هنا رفع شكوه علئ صعوبه الموارد البشريه

الماده صعبه :icon9:

والاسئله فيها لف ودوران :017:

دامها صعبه المفروض يسهل الاسئله مو يحوس في عقولنا :007:

الإمبراطور

2012- 5- 20 07:21 PM

رد: هنا رفع شكوه علئ صعوبه الموارد البشريه

ياخوي لو بتسوي شكوى كان نقزت يوم الاحصاء التحليلي والاحصاء في الادارة

مو على الموارد البشريه

استغرب تقول صعبة اجل وش سويت في الاحصاء

ماشفت اي احتجاج او مطالبة برفع شكوى في مادة الاحصاء ..؟؟؟؟؟ عشانه

( النجار ) صح

والبقية مساكين كل يوم نشوف ماده صعبة وبنرفع شكوى

اما انكون حقانييين او لنصمت

الد11هيه

2012- 5- 20 07:38 PM

رد: هنا رفع شكوه علئ صعوبه الموارد البشريه

مع نفسك عزيزي :biggrin:

Salem Al-odah

2012- 5- 20 07:39 PM

رد: هنا رفع شكوه علئ صعوبه الموارد البشريه

السلام عليكم
اخوي جبرني. أنا أشوف انها صعبه وبعض الأسئلة عيت او عجزت افهم أعيش المعنى والمقصد منه
سؤال / هل بعد شكواك رائح يتغير شي ؟
هل سوف يقبل جميع الطلاب الي مسجلين المادة بإعادة الاختبار ؟؟؟
أنا معك انها فوق مستوي المتوسطة وقريبه من الصعب.
وجهه نظر :cool:

علي الخرج

2012- 5- 20 07:40 PM

رد: هنا رفع شكوه علئ صعوبه الموارد البشريه

اقتباس:

المشاركة الأصلية كتبت بواسطة dr.rawa8an (المشاركة 6568603)

الله يكون بعونك اخوي جبرني الشوق ويكون بعون الجميييع

بس بقول كلمة الحق ولا تزعل مني وانا اخوك

انا اشوف الاختبار للي ذاكر بحرص وتعب على المذاكره اعتبر الاسئله من متوسطه الى سهله

بس الي اعتمد على اسئلة الترم الماضي وذاكر على السريع كان الاختبار صعب عليه لانه غير الاسئله بس ماعتقد انه غير مضمونها وطريقتها !

ولا شفت اسئله تعجيزيه ( بمعنى اسئله خارج المنهج ) الا سوالين :biggrin: واعتقد انها كانت اخطاء مطبعيه

باختصار انا اشوف الاختبار ماكان صعب مررره كثر صعوبه ولف ودوران اسئلة اختبار التسويق !

ولا يهون اختبار التحليل الاحصائي كان اصعب من الموارد البشرية :icon9:

الله يسمعنا الاخبار الطيبه

بصراحه كلامك غير صحيح
الحمدلله اختبارتي في المواد العلميه ممتازه جداً
اما التسويق والموارد البشريه فيها لف ودوران
والله اني ذاكرت اكثر من 12 ساعه متواصله في الموارد البشريه
ذاكرت الملخص للأخت جوري كمان ذاكرت اسئلة اختبر نفسك واسئلة الاختبار
لكن الدكتور عنده مشكله مع نفسه .. درينا انك دكتور بس لا تتفلسف .. ينقص من قدرك مايرفعك
حسبنا الله عليك

علي الخرج

2012- 5- 20 07:45 PM

رد: هنا رفع شكوه علئ صعوبه الموارد البشريه

الموراد البشريه فيها .. كلام كثير وفلسفه زايده .. يصعب على العقل حفظها
مفروض يكون اسئلتها واضحه من غير لف ودوران
اكثر الكلام الي فيها مكرر ومن غير فايده
لكن هذي سياسة الجامعه الفاشله
تسهيل المواد العلميه .. والتركيز على خفض المعدل من ناحية المواد النظريه
قمة القهر تجيب في المواد الصعبه a
والمواد اللي مفروض تكون تكميليه للمحافظه على المعدل اورفعه تجيب فيها f او d

ابو عشوان

2012- 5- 20 07:47 PM

رد: هنا رفع شكوه علئ صعوبه الموارد البشريه

انا معاك بالتسويق اما الموارد كانت معقوله

بصراحه درجة صعوبة الموارد البشرية و التحليل الاحصائي بنسبه لي كانت وحده

اما التسويق لعب فيني بصراحه

ما اقول الا لبى قلبه الدكتور ملفي الرشيدي :004::rose::106::d5::(204):
يستاهل الواحد يذكرة بالخير

طبشورة

2012- 5- 20 08:02 PM

رد: هنا رفع شكوه علئ صعوبه الموارد البشريه

اقتباس:

المشاركة الأصلية كتبت بواسطة جبرني الشوق (المشاركة 6569221)

ماعليه اخوي تقول الللي مسوي فاهم لايرد يعني انت فاتح الموضوع بس تبي الناس اللي تأيد كلامك بس؟؟!!

الكل له حق في بيان رأيه في مستوى الأسئلة والدكتور والجامعة مش مسؤولين عن ظروف الناس

ثانيا انت كاتب الموضوع تبي ترفع شكوى بصعوبة الاسئلة طيب وش دخل الخطة الدراسية والصيفي بالموضوع لاتخلط الاوراق ببعض

أما بالنسبة لمستوى الأسئلة فأنا اشوفها مقبوووووولة وأنا والله بس قريت الملخص قرااااااءة وأسئلة الترم الماضي والواجبات قريتها قبل الاختبار بساعة وجاوبت حدود ال65 فقرة صح

الاسئلة فيه منها اشياء تعتمد ع الجانب اللغوي مثل سؤال تعريف سياسات الموارد البشرية

اتمنى ردي مايزعلك

All times are GMT +3. الوقت الآن حسب توقيت السعودية: 12:59 AM.

صفحة 2 من 12

الأخيرة »

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه