ملتقى طلاب وطالبات جامعة الملك فيصل,جامعة الدمام - الأدب - تغيير موضوع المحاضرة الثامنة من ماكبث إلى سونيتة إدموند سبنسر رقم 75

أهلا بكم مرة أخرى

بعد ما جهزت غرفة العمليات, وخدرت المحاضرة الجديدة, أول ما حطيت المشرط اكتشفت شي خطير

اكتشفت إني سويت هالعملية من قبل (فلم هندي)

الزبدة:

هذي هي نفس المحاضرة التاسعة :wink: فاهمين قصد الدكتور

بس في أول شريحتين ونص في فرق لا يكاد يذكر بين المحاضرتين, وباقي الشرايح هي نفس الكلام بالضبط بس التنسيق يختلف شوي,

اللي ذاكر المحاضرة التاسعة ما يحتاج يذاكر هذي المحاضرة تقريبا, لأن المحاضرة التاسعة فيها تفصيل أكثر في أول الشرايح لأنها تتكلم عن حياة سبنسر, بس هذي ما فيها إلا إشارة بسيطة.

بالعربي: الدكتور حذف المحاضرة الثامنة بلا رجعة :(269):

بالنسبة للشريحتين ونص الأوليتين المختلفتين عن المحاضرة التاسعة, هذي ترجمتهم:

هذي القصيدة هي جزء من عمل ضخم تم تأليفه سنة 1595م هو "Amoretti and Epithalamion", أموريتي هي قصائد الحب القصيرة, في حاتلنا هذي هي نفسها السونيت sonnet. والإيبيثالاميون هي أغاني الأعراس (عاشوا). هذا العمل ككل ألفه سبنسر في زوجته الثانية Elizabeth Boyle واللتي تزوجها سنة 1594. (هذي كانت الشريحة الأولى)

في هذي القصيدة, المتحدث هو تجسيد شعري لشخص سبنسر, والمعشوق ومن كتبت له هذه القصيدة هي إليزابيث (زوجته), موضوع القصيدة هو تخليد الحب (ومثل ما درسنا كان هذا النوع من القصائد منتشر في تلك الفترة مثل سونيت 55 لشكسبير في المحاضرة السادسة). المتحدث يتكلم عن سعيه لتخليد إليزابث وتخليد حبه لها. على الرغم من شكوك محبوبته في قدرته على تحقيق هذا الشيء, يؤكد سبنسر لمحبوبته وللقارئ أنه بواسطة شِعره سيبقى اسمها في ذاكرة الناس, وبعد ما يموتوا, حبهم بيستمر في الحياة الجديدة (الآخرة)
(كانت هذي الشريحة الثانية)

في هذي القصيدة (السونيت) يكشف سبنسر عن إيمانه ليس فقط بالطبيعة الاستمرارية لحبه لإليزابيث (يعني الحب اللي ما ينتهيش) لكن أيضا بإيمانه بقولة اللغة المكتوبة وبإيمانه وثقته بوجود الحياة الأبدية
(الشريحة نص)

الباقي نفس اللي في المحاضرة التاسعة بالضبط
بس مثل ماقلت التاسعة فيها تفصيل أكثر في الشرائح الثلاث الأولى.

يعني طلعت حاجة خفيفة صحيح, صدق الدكتور

موفقين جميعا