|
رد: هنــــــا تجمع الطالــــــبات المستجدات كليه العلوم بالاحساء
أخت القمر ... ممكن لو تكرمتي تجاوبيني على أسئلتي ... :119: وش أسهل تخصص بالكلية ؟؟؟ :g2: هل مرت عليك بنت كانت تدرس بكلية الزراعة وحولت لكلية العلوم ؟؟؟؟ :g2: وبكون شاكرة لك :praying: ... ولامانع من اللي تحب تساعدني من الأخوات اللي عندهم خبره وبكون ممنونه لها ... :066: |
رد: هنــــــا تجمع الطالــــــبات المستجدات كليه العلوم بالاحساء
اسهل تخصص لا جدال فيه كيمياء >> ياحبي له بس:love080::love080::love080:
اناا عندي وحده من صديقاتي تدرس بكلية الزراعه بس ماتبغى تحول مجال ثاني بس اذا تبين تحولين لازم معدل محدد كأن >>مااقدر افيدك ف هالنقطه لاني مو متأكده وان شاء الله حد يجاوبك ويكون اكثر خبرة من عندي ومنهم نستفيد |
رد: هنــــــا تجمع الطالــــــبات المستجدات كليه العلوم بالاحساء
اقتباس:
الكيمياء مو كثير أحبه ... تدرين ليه ؟؟؟ لإني ما أفهم في الكيمياء العضوية عشان كذا أكرهه :Cry111: ... أما الباقي حلو وأنا أحب أكثر شيء الدروس اللي تكون فيها حسابات ومعادلات وخصوصاً اللي تتكلم عن المولات والوزن الجزيئي .... وأنا درست الكيمياء بالجامعة وعجبني المنهج والعملي كان أروع من النظري لأنو أحنا اللي نسوي التجارب فحسيت بالمتعة ...بس أتوقع التخصص أصعب من متطلب الجامعة ...:s3: وأختي تقولي أحسن شيء الكيمياء :064: .... بس أنا خايفه ومتردده .... ومو عارفة وش أسوي ... :017: وبالنسبة لشروط التحويل أنا ولله الحمد تنطبق علي الشروط بس باقي إني أقرر هل أضل بكليتي أو أحول ... :praying: وإنتي تدرسين كيمياء صح ؟؟؟ وصديقتك ليه ما تبي تحول ؟؟؟ بصراحة عندي فضول إني أعرف السبب .... :g2: |
رد: هنــــــا تجمع الطالــــــبات المستجدات كليه العلوم بالاحساء
اهاا
ربي يكون بعونك اذا احترتي كثير سوي خيرة وان شاء الله خير( صلاة الاستخارة ) >>استخيري واهم شي تدخلي الشي اللي انتي راغبته مثلا اناا صديقة اختي تنصحني ادخل احياء علشان الوظيفه بس انا ميولي كيمياء وراح اخذ هالشي بإذن الله لا اناا مو ادرس كيمياء انا رايحه اولى جامعه لان ضاعت علي سنة بتسجيل ماسجلت العام ف فيصل بس ف سعود وضيعوني وصار اللي صار بس الحمدلله هالسنة انقبلت ف فيصل الحمدلله اما صديقتي والله ماادري عنهاا تقول هي مرتاحه فيه وتعودت على هالقسم وماتبغى تغير والله مااعرف ليه بالضبط بس من قبل قالت لي هالشي ربي يسهل دربك ويفرجها عليك |
رد: هنــــــا تجمع الطالــــــبات المستجدات كليه العلوم بالاحساء
اقتباس:
مشكورة يا الغلا ... :g8: بيني وبينك التخصص اللي أنا أرغبه الإنجليزي << يا حبي له >> ... بس إذا حولت ماراح يعادلون لي إلا ثلاث مواد وثمان مواد ما أدري وش مصيرها وأتوقع أنهم راح يحذفونها لي ... فصراحة حرام يضيع علي تعب دراستهم ... :017: وأنا أهلي محافظين ومتشددين ويرفضون الأختلاط وكلام الناس ما يرحم لإني أكيد إذا كملت في الزراعة راح أتخصص غذاء وتغذية وراح يكون مجال عملي في المستشفى وفيه أختلاط وزي كذا ... فأختي طرحت علي فكرة إني احول لكلية العلوم وخصوصاً أن أغلب المواد اللي درستها موجوده بالخطة الدراسية حقتهم يعني ما في أي مشكلة .... :g2: وأنا إلى الآن أفكر بالكيمياء وأشوف وضعي إن شاء الله ... والرياضيات بعد حلو عشان أشتغل بالبنك << ما همتها إلا الوظيفة >> ...بس صعب ويبغى له وحده عبقريه ... :s3: والله يكتب اللي فيه الخير ومثل ما قلتي لازم أستخير ربي ...:praying: |
رد: هنــــــا تجمع الطالــــــبات المستجدات كليه العلوم بالاحساء
اقتباس:
اقتباس:
لاني ماجربت كل التخصصات بالنسبه ليي اني من دفعة 2008 واتوقع انتي من نفس الدفعه من اللي سمعته ان اصعب شي فيزياء ورياضيات لذالك اني حطيت الرغبه الأولى كيميا والرغبه الثانيه احياء وعلى سوء حظي صار زحمه بهالقسمين الكل يبغاهم وحطوني فيزيا:017: مع اني بيني وبين الفيزيا عداوه من ايام الثانويه:hahaha_2008: وكملت السمستر الثاني بمواد عامه على اساس احول لقسم الكيمياء لكن مامشى الحال لذالك ان شاء الله بكمل على تخصص الفيزياء انتي احتاري التخصص الأقرب لك واللي تشوفي نفسك راح تمشي فيه لكن اذا كلهم عندك نفس الشي انصحك تبتعدين عن الرياضيات اللي سمعته ان بنات الرياضيات يطولوا بالجامعه فوق 5 سنين :hahaha_2008: والله اعلم اقتباس:
اعرف بنت حولت من كلية الزراعه الى كلية التربيه (انجليزي) اي احد عنده اسئله مايردهـ الا لسانه:119: |
رد: هنــــــا تجمع الطالــــــبات المستجدات كليه العلوم بالاحساء
اقتباس:
اقتباس:
ليه هم على أي أساس يحطوني بالرغبة اللي أبيها ؟؟؟؟ لا يكون على نسبة الثانوية العامة !!! :017:وأصلاً كم رغبة أحط ثنتين وإلا ثلاث ؟؟؟ :000: يلا الله يوفقك في الفيزياء ويسهل عليك .... :praying: اقتباس:
لييييييييييييييييه خمس سنين ؟؟؟ أووووه يمكن لأنهم يحملون مواد عشان كذا يقعدون خمس سنين !!! :s3: لا أجل أنا أبغى أخلص بسرعة .... وأنا أميل للفيزياء بس أختي رافضه لإن تخصصها فيزياء ...:064: بس كرهته بسبب العملي << قهر >> أنا أحضر التجربة وأسويها أجل المعلمة مدري الدكتورة مدري وش يسمونها وش وظيفتها ... شاطره بس تسأل بالدرجات كأن احنا في المدرسة ولا والأدهى من كذا أنها تفتش دفاتر الرسم البياني أول ما ندخل المعمل تبي تشوف إذا أحنا كتبنا التجربة الجديدة وإلا لا ... :017: وإذا كان فيه حسابات وغلطت بالرقم أو نسيت أكتبه تنقص درجتين ثلاث ولا بعد في يوم الأختبار النهائي تجمع الدفاتر وتحتفظ فيها مدري وش بتسوي فيها ؟؟؟ :mh19: اقتباس:
ما شاء الله عليها :praying: ... والله أنا كنت بحول بس كله بسبب معادلة الساعات ولإني بتأخر عن بنات دفعتي فغيرت رأيي ... :bawling: |
رد: هنــــــا تجمع الطالــــــبات المستجدات كليه العلوم بالاحساء
هلا فيكم مشكورين على الموضوع الجميل
ابي مساعدتكم سمعت ان ملابس الكليه لها الوان محدده هي التنوره السوداء والقميص الابيض :no2: |
رد: هنــــــا تجمع الطالــــــبات المستجدات كليه العلوم بالاحساء
قصدك كلية التربيه ..اللي اعرفه بلوزى ابيض او سكري
والتنورة اسود وكحلي ماادري اذا صدق والا اما الجامعه عادي كل الالوان |
رد: هنــــــا تجمع الطالــــــبات المستجدات كليه العلوم بالاحساء
السلام عليكم
حبيت اسأل عن المواد الدراسيه ونظامها في اول سمستر هل الجداول توزع مثلا او احنا نختار المواد اللي بندرسها ؟؟؟؟؟ واذا احنا نختار مااعطونا الخطه الدراسيه ؟؟؟ وسمعت ان التخصص يكون في السمستر الثاني صح ولا لا ؟؟ |
| All times are GMT +3. الوقت الآن حسب توقيت السعودية: 04:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام